“MINETECH 2013” үзэсгэлэн болно

2013-03-07 19:50
Монголын Уул Уурхайн Үндэсний Ассоциациас “Minetech 2013” уул уурхайн тоног төхөөрөмж үйлдвэрлэгч, нийлүүлэгч болон үйлчилгээ үзүүлэгчдийн үйл ажиллагааг сонирхогч аж ахуйн нэгж, байгууллага болон олон нийтэд сурталчлан таниулах үзэсгэлэнг зургаа дахь жилдээ зохион байгуулах гэж байна.

Энэ сарын 27-29-нд “Мишээл экспо” төвд болох уг үзэсгэлэнд уул уурхайн тоног төхөөрөмж үйлдвэрлэгч, нийлүүлэгч болон үйлчилгээ үзүүлэгч гадаад, дотоодын 70 гаруй аж ахуйн нэгж оролцож үйл ажиллагаагаа сурталчилна.Улс орноор нь ангилбал АНУ, ХБНГУ, БНХАУ, БНСУ, Австрали, ОХУ-ын компаниуд оролцож байна. 

Үзэсгэлэнгийн Ерөнхий ивээн тэтгэгчээр “Трансвест Монгол” ХХК, “Алтан” өргөмжлөлт ивээн тэтгэгчээр “Doosan” брендийн Монгол дахь албан ёсны дистрьюбитр “Эбердигм Монгол” ХХК, “Хүндэт” ивээн тэтгэгчээр “Вагнер Ази” ХХК, Ивээн тэтгэгчээр “Mongolian Mining Journal” сэтгүүл, “MMK” ХХК-иуд тус тус ажиллаж байгааг мэдээлэхэд таатай байна.

Үзэсгэлэнгийн үеэр ханган нийлүүлэгч, тоног төхөөрөмж үйлдвэрлэгчдийн семинар, компаниудын төрөл бүрийн промоушнууд, боулингийн тэмцээн, “Ассоциацийн өдөр” чөлөөт уулзалт зэрэг арга хэмжээнүүд зохион байгуулагдана.

 

Үзэсгэлэнгийн зорилго: 

Монгол Улсын нийгэм, эдийн засгийн хөгжилд эрдэс баялгийн салбарын үзүүлэх нөлөө, үр өгөөж улам нэмэгдсээр байна. Тэгвэл энэ салбарыг хүнд машин механизм, тоног төхөөрөмж үйлдвэрлэгч, нийлүүлэгч болон геофизик, өрөмдлөг, катеринг зэрэг шаардлагатай үйлчилгээ үзүүлэгчидгүйгээр төсөөлөхийн аргагүй.

Энэ цаг үед олборлогч компаниудад хамгийн орчин үеийн, байгаль орчинд хор хөнөөл багатай, чанар сайтай, боломжийн үнэ өртөгтэй техник технологи зайлшгүй чухал. Тэдгээрийг гадаадад захиалъя гэвэл хугацаа алдахаас гадна асар их зардал шаардагдана. Маш их мөнгө хөрөнгөө гарздан байж олсон техник хэрэгслийнх нь сэлбэг хэрэгсэл багаас гадна эзэмшиж ажиллуулах боловсон хүчин ч ховор. Тиймээс “Minetech” үзэсгэлэн нь хайгуул, олборлогчдыг манай улсад уул уурхайн тоног төхөөрөмж нийлүүлэгч, үйлчилгээ үзүүлэгчидтэй уулзуулах, тэдний үйл ажиллагааг сурталчлах зорилготой. Өөрөөр хэлбэл, энэхүү арга хэмжээ нь салбарын шилдэг мэргэжилтнүүд бие биетэйгээ нүүр тулан уулзаж, худалдаа арилжааны арга туршлагаасаа хуваалцан, үйлдвэрлэгч, үйлдвэрлэгчдийн төлөөлөгчид, гэрээт борлуулагчид хэрхэн шилдгийн шилдэг болох талаар харилцан нэгнээсээ суралцах хамгийн чухал талбар болно гэдэгт итгэлтэй байна. Хайгуул, олборлогчдын хувьд аливаа байгууллагын үйлчлүүлэгч болж томоохон хэмжээний худалдан  авалт хийхийн өмнө тухайн бараа бүтээгдэхүүний талаар тодорхой хэмжээний ойлголттой болж, сонгосон түншээ бусад ижил төстэй бизнес эрхлэгчидтэй харьцуулах боломжийг “Minetech” олгоно.

Түүнчлэн ард иргэд маань уул уурхайнхны хэрэглэдэг багаж хэрэгсэл, техник технологийг нүдээрээ үзэж, гараараа барих ховор боломжийг энэ үзэсгэлэн олгож байгаа юм. Мэдээж хэдэн арав, зуун тоннын даацтай хүнд машин механизм нийслэлийн замаар зорчиж, газрын гүнийг хэдэн зуун метрээр өрөмдөх өрөмдлөгийн техник хэрэгсэл байнга бидний дэргэд ажиллахгүй нь ойлгомжтой.  Ард иргэд маань тэр бүр уул уурхайн аварга том машин механизм, тусгай зориулалтын хувцас хэрэглэлийг нүдээрээ үзэж, гараараа барих завшаан олддоггүй. Тэдэнд энэ боломжийг олгож, улмаар уул уурхайн салбарын талаарх үнэн бодит мэдээллийг өгөхөд уг арга хэмжээ тун чухал ач холбогдолтой юм. 

 

Үзэсгэлэнгийн талаар илүү дэлгэрэнгүй мэдээлэл авахыг хүсвэл  99154593, 99109059, 314877 утсанд хандаж болно. 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 14 цаг 10 минутын өмнө
    Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод хариуцлагатай болгоход чиглэсэн “Эрдэс баялаг-цахим шилжилт” хэлэлцүүлгийг УУХҮЯ-наас  өнгөрсөн сард зохион байгуулахаар товлосон боловч хойшлогдсон билээ. Тэгвэл Байгалийн баялгаас оюуны баялагт уриан дор тус цахим  хэлэлцүүлгийг маргааш зохион байгуулахаар болжээ.
  • 14 цаг 57 минутын өмнө
    ОХУ-ын Холбооны гаалийн газрын мэдээллээр, дөрөвдүгээр сард тус улс 1.66 сая тонн коксжих нүүрс экспортолжээ. Энэ нь өнгөрсөн оны мөн үеэс 7.61%-иар, өмнөх гуравдугаар сараас 48.82% -иар тус тус буурсан үзүүлэлт аж. Оны эхний дөрвөн сарын байдлаар нийт 8.53 сая тонн коксжих нүүрс экспортолсон байна. Мөн хугацаанд тус улсын  нүүрсний нийт экспортын хэмжээ 85.25 тоннд хүрсэн юм. Тэгвэл тавдугаар сард 19.27 сая тонн нүүрс экспортолсон нь түүхэн дээд хэмжээгээр тооцогдож байна.
  • Уржигдар 14 цаг 20 минутад
    Хятадын “China Aluminum Corporation” (Chinalco) компани нь нүүрстөрөгчийн давхар ислийн ялгаруулалтаа 2025 оноос өмнө бууруулж эхлэн, 2035 он гэхэд 40%-иар багасгах зорилтоо мэдэгджээ. Тус компани өнгөрсөн онд 3.69 сая тонн хөнгөн цагааны анхдагч үйлдвэрлэлийн 50%-д усан цахилгаан станцын эрчим хүч ашигласан тул “ногоон” үйлдвэрлэлд хамаарна гэж “Chinalco” үзэж байна. Тиймээс цаашид үйлдвэрлэлдээ нар, салхи  зэрэг сэргээгдэх эрчим хүчний ашиглалтыг нэмэгдүүлэхээр төлөвлөж буй аж. Энэ зургадугаар сард “Chinalco” нь анх удаа 400 сая юанийн (63 сая ам.доллар) дүнтэй бонд гаргажээ. Энэхүү хөрөнгийг “ногоон” зорилт буюу салхин паркийн бүтээн байгуулалтын өрийг дахин санхүүжүүлэхэд зарцуулах юм байна.
  • Уржигдар 14 цаг 05 минутад
    Хятадын зах зээл дээр нүүрсний үнэ өндөр буй үед өмнөд бүс нутгийн эрчим хүчний хомсдлоос сэргийлж тус улсын төр засгаас түүхий эд нөөцлөх дэд бүтцийг байгуулах ажлыг эрчимжүүлэхээр төлөвлөжээ. Тодруулбал, нүүрсний салбарын нөөцийг нэмэгдүүлэхийн тулд хадгалалтын байгууламжуудыг өргөтгөн сайжруулах шаардлагатайг Хятадын Үндэсний хөгжил, шинэтгэлийн хорооноос мэдэгдсэн байна. Тус хорооны Төрийн төлөвлөлтийн агентлагийн дарга Сюй Вэнбин “Нүүрсний нөөц, хуримтлалыг нэмэгдүүлснээр үндэсний эрчим хүчний аюулгүй байдлыг баталгаажуулна” хэмээн онцолжээ.
  • Уржигдар 11 цаг 56 минутад
    Засгийн газар КОВИД-19-ийн нөлөөллийг төсөвт нялзаахгүйг эрмэлзэж байна. Дотоодын нийт бүтээгдэхүүнд (ДНБ) оногдох төсвийн алдагдал, өрийг өмнө нь төлөвлөсөн хэмжээнд байлгахаар Засгийн газар “хичээж” байгаа нь тавдугаар сарын 13-ны өдөр баталсан хуулиар тод харагдлаа. Энэ өдөр 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуулийн төслийг эцэслэн баталсан юм. Төсвийн хүрээний мэдэгдлийг хэтэрхий бэлгэдлийн шинж чанартай зүйл гэж  эдийн засагчид хэлдэг нь улстөрчдийн төсвийн орлого, зарлагыг санаагаараа өөрчилж баталдаг барьцгүй зангаас улбаатай. Гэхдээ   төсвийн хүрээний мэдэгдлээс Засгийн газрын хэзээ, хэрхэн “ам гарсан” болохыг харж, ядаж дурсаж болох давуу талыг бид олж авдаг.