Mining Journal Awards шагналыг гардуулна

2014-01-14
Эрдэс баялгийн салбарынхан амсхийх завгүй хөдөлмөрлөсөн нэгэн оныг ардаа үдэж,   хөдөлмөр бүтээлд урин дуудсан нэгэн жилийг угтаж байна. Шинэ хуучин оны зааг торгон мөчид уул уурхайн салбарын Оны шилдгийг шалгаруулж, зарлан хүндэтгэх ёслол болдог билээ. Mining Journal Awards нэрээрээ танигдсан энэхүү нэр хүндтэй арга хэмжээ дөрөв дэх жилийн шалгаруулалтаа хийж, тэргүүлэгчдийг тодруулах гэж байна.

Шагнал гардуулах ажиллагаа “Эрдэс баялаг 2025” хурлын үеэр болно. Уул уурхайн яамнаас салбарын өрсөлдөх чадвар, хариуцлага, үр ашгийг нэмэгдүүлэх зорилгоор анхны жилдээ зохион байгуулах гэж буй Хэлэлцүүлэг хурал маргааш буюу нэгдүгээр сарын 15-ны өдөр Best Western Premier-Туушин зочид буудлын Соёмбо танхимд бүтэн өдөр үргэлжлэх юм. Хэлэлцүүлэг хурлын үеэр Mining Journal Awards-ын шилдгүүдийн шагналыг гардуулна.

Mongolian Mining Journal сэтгүүлийн газраас зохион байгуулдаг хараат бус энэхүү шалгаруулалтад Монгол улсын тэргүүлэгч компаниуд нэр дэвшин өрсөлддөг бөгөөд нэг талаар өнгөрсөн жилийн ажлынхаа үр дүнг дүгнэсэн салбарынхны амжилт, нөгөө талаар Монгол улсын эдийн засаг, техник технологийн дэвшил ямар түвшинд хүрснийг дүгнэн цэгнэх шалгуур болдог билээ.

Арван гурван он эрдэс баялгийн салбарынхны хувьд хямралын хүндхэн цаг үе байсан. Гэвч салбарынхан бэрхшээлийн өмнө гар хумхин суугаагүй. Тэдгээр хөдөлмөрч хамт олны төлөөлөл нь Mining Journal Awards-т нэр дэвшигчид байв. Өмнөх жилийн ахьсан түвшний үзүүлэлтээр өрсөлдөх шалгуурын улмаас хямралын онд Awards-т оролцогчдын тоо харьцангуй цөөрчээ. Гэвч салбарын нэгэн жилийн алдаа оноо, амжилт бүтээлийн шалгуур болдог арга хэмжээнд хямралын жилд бэрхшээлийг сөрж хөдөлмөрлөсөн цөөнгүй бүтээлч хамт олон дэвшсэн юм.

Mining Journal Awards 2013 “Шилдэг уурхай”, “Уул уурхайн хариуцлагатай үйл ажиллагаа”, “Шилдэг эко уурхай”, “Шилдэг технологи”, “Хайгуулын шилдэг компани”, “Тогтвортой үйл ажиллагааны үзүүлэлт” гэсэн зургаан номинациар шилдгүүдийг шалгаруулахаа арван гурван оны дунд үеэр зарласан юм.

“Шилдэг уурхай” номинацид Оюутолгой зэс-алтны уурхай, Ухаахудагийн коксжих нүүрсний уурхай, Шивээ-Овоо, Багануурын нүүрсний уурхай нэрээ дэвшүүлсэн бол “Уул уурхайн хариуцлагатай үйл ажиллагаа” номинацид “Энержи ресурс” компани ганцаараа нэр дэвшжээ. “Эко уурхай” номинацид “Монполимет” групп Тосонгийн алтны шороон ордын уурхайгаа, “Шивээ-Овоо” ХК нүүрсний уурхайгаа, “Дарханы төмөрлөгийн үйлдвэр” ТӨХК Төмөртолгойн төмрийн хүдрийн ил уурхайгаа, ”Оюутолгой” ХХК Оюутолгой зэс-алтны уурхайгаа, “Энержи ресурс” ХХК Ухаахудаг уурхайн цогцолбороо, “Уул уурхайн үндэсний олборлогч” ХХК Баянголын алтны шороон ордын уурхайгаа нэр дэвшүүлжээ.

“Шилдэг технологи” номинацид “Эйч Эс И Системс” ХХК хөдөлмөрийн аюулгүй байдал, эрүүл ахуйн менежментийг удирдах программ хангамжаараа, “Вагнер Ази технологи” ХХК S-O-S Шингэний шинжилгээний лабораториороо, “Энержи ресурс” ХХК Ухаахудаг уурхайн цогцолборт нэвтрүүлсэн тэргүүний технологиудаараа, Австрийн “Антриц сэпэрэйшн” ХХК Ухаахудаг уурхайн нүүрс баяжуулах үйлдвэрт нэвтрүүлсэн хаягдлыг усгүйжүүлэн, шүүгдсэн усыг үйлдвэрт дахин ашиглах технологио нэр дэвшүүлэн өрсөлдлөө.

Хямралын жилд үйл ажиллагааны хүрсэн түвшингээ бууруулахгүй, эрсдэлийн менежментийг хамгийн сайн хэрэгжүүлсэн компанийг тодруулах “Тогтвортой ажиллагааны үзүүлэлт” номинацид “Вагнер Ази”, “Энержи ресурс” ХХК, “Шивээ-Овоо” ХК, “Багануур” ХК өрсөлдсөн юм. 

Харин 2013 онд “Хайгуулын шилдэг компани” номинацид хайгуулын компаниуд нэрээ дэвшүүлсэнгүй.

Эдгээр нэр дэвшигчдээс хэн нь тэргүүлж, шилдэг хэмээн зарлагдахыг Mining Journal Awards-ын шагнал гардуулах мөчид сонирхоорой. Мөн нэр дэвшигчид, тэдгээрийг тэргүүлсэн Шилдгүүдийн үйл ажиллагааны талаарх дэлгэрэнгүй сурвалжлагыг Mongolian Mining Journal сэтгүүлийн шинэ оны анхны дугаараас унших боломжтой.

Энэ жилийн нэр дэвшигч бүхэн ирэх жилийн шилдэг болох болтугай.     

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 7 цаг 35 мин
    Швейцарын Давос хотноо болж буй Дэлхийн эдийн засгийн чуулга уулзалтад оролцож буй Гадаад харилцааны сайд Б.Батцэцэг цахимжилт, ногоон технологи дээр үндэслэсэн инновацийг нэвтрүүлж, шинэ төрлийн эдийн засгийг бий болгоход тулгарч буй сорилтуудыг даван туулах тухай “Хөрөнгө оруулалтын ирээдүйг бүрдүүлэх нь”, цар тахлын улмаас дэлхий даяар хямралд ороод буй “нийгмийн толь” гэгддэг соёлын салбарыг хурдан сэргээх арга замуудыг хэлэлцсэн“Соёлын хямрал” сэдэвт хуралдаануудад тавдугаар сарын 24-ний өдөр тус тус оролцов.
  • 7 цаг 48 мин
    Хятадын талын төв Засгийн газар болон орон нутгийн удирдлагатай хийсэн олон удаагийн уулзалт, хэлэлцээний дүнд Эрээн хотын цар тахлаас хамгаалах, урьдчилан сэргийлэх шуурхай удирдлагын төвөөс 2022 оны тавдугаар сарын 20-ны өдрийн №104, №105 тоот шийдвэр гаргаж, мөн өдрөөс Замын-Үүд-Эрээн төмөр замын боомтоор задгай вагоноор эрчим хүчний нүүрс, тонны савалгаатай үр тарианы импорт-экспортын тээвэрлэлтийг сэргээх болсон талаар дипломат шугамаар мэдэгдээд байна.
  • 7 цаг 56 мин
    БНХАУ-ын ӨМӨЗО-ны Алшаа аймгийн Эзнээ хошуунд коронавирусын анхны тохиолдол бүртгэгдсэний улмаас хятадын талын саналаар 2021 оны аравдугаар сарын 16-ны өдрөөс тус боомтын үйл ажиллагааг бүрэн зогсоосон. Шивээхүрэн-Сэхээ боомтын улсын хилийн дундын бүсэд чингэлэг солилцох талбай байгуулж, уул уурхайн бүтээгдэхүүн, ялангуяа нүүрсийг чингэлэг тээврийн горимоор улс хооронд тээвэрлэхээр дипломат шугамаар тохиролцсоны үндсэн дээр тус боомтын үйл ажиллагааг 25-ны өдрөөс эхлүүлээд байна.
  • 8 цаг 44 мин
    Өнөөдрөөс нүүрсний уртын тээвэр эхэлж, эхний ээлжид 100 машин өглөөний таван цагт ажилдаа гарчээ. "Цагаан хад" дахь халдвар хамгааллын дэглэм сайжруулах ажлыг шат дараалалтайгаар хийсэн нь өнөөгийн үр дүнг авчирсан гэхэд болно. Нөгөө талаас Ганц мод боомт дахь шинжилгээгээр богино тээврийн жолооч нараас сүүлийн хоёр долоо хоног ковидын эерэг тохиолдол илрээгүй байна. Иймд өнөөдрөөс нүүрсний уртын тээвэр эхлүүлж, тавдугаар сарын 31-нээс задгай нүүрсний тээврийг эхлүүлэхээр болжээ. Манай улс энэ жил 36.7 сая тонн нүүрс экспортлоно гэж төсөвтөө суулгасан.
  • Өчигдөр 13 цаг 53 мин
    Эдийн засгийн идэвхжил сулрав. 2022 оны эхний улирлын эдийн засгийн үзүүлэлтүүдээс харахад “V” хэлбэрийн сэргэлт мөрөөдөл болон хувирч, дор хаяж нэг жилээр хойшилжээ. Эдийн засгийн өсөлтийг энэ онд 2.6% байна гэсэн төсөөллийг Төв банк дэвшүүлсэн. Өнгөрсөн онд манай улсын эдийн засгийн өсөлт ердөө 1.4%-иар хэмжигдсэн бөгөөд энэ онд өсөлт 6-8% руу эрчимжинэ гэсэн найдвар өндөр байв. Гэвч сэргэлтийн үндэс суурийг цаг алдалгүй тавих үүрэг Засгийн газарт ногдсон хэвээр.  УИХ-ын дарга хэмнэлтийн горимд шилжихийг нэгэнтээ уриалав. Залгуулаад Ерөнхий сайд амаргүй цаг айсуйг илэрхийлж эхлэлээ. Засгийн газрын бодлого нүүрсний экспортыг нэмэгдүүлэхэд чиглэж байгаа ч бодит байдал дээр Хятадын импорт буурч байна. Яг одоо болж буй өрнөл нь ирээдүйд коксжих нүүрсний хэрэглээ буурах үед Монголын эдийн засагт хэрхэн нөлөөлөхийг бодитоор мэдрүүлж  байна.