Mining Journal сэтгүүлд байр сууриа илэрхийлж чадсан хүнийг би уул уурхайн салбарын хүн, энэ салбарын оролцогч гэж ойлгодог

2014-01-28 11:37
Төмөр замын инженерүүдийн холбооны Ерөнхийлөгч Л.Пүрэвбаатар:

Хэвлэл мэдээлэл нийгмийн санаа бодлыг бүрдүүлдэг гэж ярьдаг. Нийгмийн оюун санаа гэдэг маш хүчтэй зүйл. Медиа салбар нь өндөр хөгжөөд нийгмийн оюун санааг нэгтгээд, уул уурхай руугаа зөв хаях юм бол хөгжүүлээд л ирнэ. Хэвлэл мэдээллээр дамжуулан асар их ойлголт авчихсан хүмүүс хөгжлийн чиг хандлагатай холбоотой бодитой зүйл ярьж байгаа улстөрчдийн төлөө кноп дарж эхэлнэ. Энэ хүн уул уурхайн салбарыг илүү ойлгодог, илүү мэдээлэлтэй, зөв байр суурьтай юм байна. Харин энэ улстөрч уул уурхайд өөрийн амбицийг тулгаж байгаа юм байна гэдгийг нийгэм ойлгоод эхэлбэл кноп зөв эргэнэ. Нийгмийн санаа бодлыг, мэргэжлийн хүмүүсийн арга туршлагыг уул уурхайн салбар руу нь татан оруулаад өгөх юм бол хэвлэл мэдээллийн үүрэг роль, ач холбогдол нь түүнд байна гэж би ойлгодог. Мэргэжлийн сэтгүүлд гарч байгаа мэргэжлийн хүмүүсийн байр суурь, судалгаа шинжилгээний үр дүнд тэр салбарын хөгжлийн чиг хандлага зөв тогтдог. Хэвлэл мэдээлэл ийм том үүрэг, ач холбогдол, байр суурьтай юм. Тийм арга ухаан өндөр хөгжилтэй орнуудад ч байна. Майнинг журнаал шиг төрөлжсөн сэтгүүлээр дамжаад бодож сэтгэдэг, судалж тогтоодог зүйлийг нийгмээрээ хиймээр байна.

Би төмөр замын салбарт ямар шинэ стандарт, техник технологи гарав гэсэн мэдээллийг Майнинг журнаалаас авч чадахгүй. Гэхдээ төмөр замын холбогдоод байгаа салбар болох уул уурхайн тухай мэдээллийг авч чаддаг. Би хэвлэлийн аналитик хүн биш. Гэхдээ уншигчийн хувьд бодлоо хэлэхэд, мэргэжлийн хүмүүс, эсвэл энэ салбарын оролцогч хүмүүсийн байр суурь Майнинг журнаал сэтгүүлд маш сайн гардаг. Улстөрчид мэргэжлийн салбарт том дуугарч чадахгүй л дээ.Тиймээс танай сэтгүүлийг улстөрчид тойроод байх шиг санагддаг. Энэ сэтгүүлд яриа өгч, байр сууриа илэрхийлж чадсан хүнийг би уул уурхайн салбарын хүн, энэ салбарын оролцогч гэж ойлгодог. Тиймээс ч Майнинг журнаал сэтгүүлийг Монголын ард түмний хэрэгцээ болоосой гэж хүсдэг.

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 12 цаг 14 минутын өмнө
    Тавдугаар сарын 13-ны байдлаар, Нарийнсухайтын бүлэг орд дахь "Монголын Алт" компанийн уурхайгаас 747 ажилтан вакцинд хамрагдаж байна. Үүнээс I тунд 734 ажилтан хамрагдаж 98%-ийн гүйцэтгэлтэй бол II тунгийн хувьд 669 ажилтан хамрагдаж 90%-ийн гүйцэтгэлтэй байгаа аж. “Саусгоби Сэндс” компанийн нийт 230 ажилтан II тунд хамрагдаж мөн адил 98%-ийн гүйцэтгэлтэй байна. Түүнчлэн, вакцинжуулалтад бүрэн хамрагдаж дуусан хэд хэдэн уурхай бий. Тухайлбал, “Энержи ресурс” компанийн Ухаа худаг уурхайн үндсэн ба туслан гүйцэтгэгч нийт 2600 гаруй ажиллагсад вакцины II тунд бүрэн хамрагдаж дуусчээ.
  • 16 цаг 4 минутын өмнө
    Дэлхийн хэмжээнд нүүрстөрөгчгүй технологид шилжилтэд зэс, никель, кобальт, лити болон бусад металын нийлүүлэлтийг хангахын тулд ойрын 13 жилд  уул уурхайн компаниуд нийт 1.7 их наяд ам.долларын хөрөнгө оруулах шаардлагатай. Ийм тооцоолол Их Британийн “Wood Mackenzie” байгууллагын судалгаагаар гарчээ. Тус судалгааг удирдсан Жулиан Кеттл “2050-2060 он гэхэд олон орнууд нүүрстөрөгчийн ялгаруулалтаас бүрэн ангижрах зорилттой. Үүний тулд дотоод шаталтат хөдөлгүүртэй ердийн машиныг цахилгаан машинаар солих, сэргээгдэх эх үүсвэрт суурилсан эрчим хүчний системийг суурилуулах хэрэгтэй болно. Ногоон эрчим хүчийг “хуримтлуулахад” асар их хөрөнгө зарцуулна. Энэ бүгд металын эрэлтийг огцом нэмэгдүүлнэ” хэмээжээ.
  • 16 цаг 5 минутын өмнө
    Хятадын Үндэсний хөгжил, шинэтгэлийн хорооноос (NDRC) төмөрлөгийн үйлдвэр барих, хүчин чадлыг өргөтгөх төслүүдэд шинэ шалгуур тавих болжээ. Энэхүү өөрчлөлт нь тус улсын ган үйлдвэрлэлийн хүчин чадлыг танах, нүүрстөрөгчийн давхар ислийн ялгаруулалтыг бууруулах, аж үйлдвэрийн гол бүс нутгийн байгаль орчны нөхцөл байдлыг сайжруулах хүрээнд хийгдэж буй аж. Шинэ журмаар, тухайлбал Бээжин, Тянжин, Хэбэй, Янзцы болон Сувдан гол, Шанси мужийн Фэнвэйн тал зэрэг бүс нутгуудад шинэ үйлдвэр байгуулах тусгай зөвшөөрөл авахын тулд хуучирсан тоног төхөөрөмжтэй үйлдвэрлэлээ хаах шаардлага тавигдаж байна. Муж, автономит бүс нутаг, хотууд нь шинэ үйлдвэрийн хүчин чадал нэмэх тохиолдолд бусад бүс нутагтай харилцан тохиролцоно. Өөрөөр хэлбэл, шинэ хүчин чадлыг нэмэх бол заавал хуучин үйлдвэрлэлийг хааж Хятадын Засгийн газраас заасан тодорхой хязгаарлалтаас давахгүй гэсэн үг.
  • 16 цаг 52 минутын өмнө
    Байгалийн баялгаас оюуны баялагт уриан дор “Эрдэс баялаг-цахим шилжилт” хэлэлцүүлгийг УУХҮЯ энэ сарын 21-нд цахимаар зохион байгуулахаар төлөвлөжээ. Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод, хариуцлагатай болгоход тус хэлэлцүүлэг чиглэсэн байна. Хэлэлцүүлгийг нээлтэд  Монгол Улсын Ерөнхий сайд Л.Оюун-Эрдэнэ, УИХ-ын Инноваци, цахим бодлогын байнгын хорооны дарга Н.Учрал нар мэндчилгээ дэвшүүлж үг хэлэх аж. Мөн УУХҮ-ийн сайд Г.Ёндон “Эрдэс баялгийн салбарын цахим шилжилтийн бодлого”, тус яамны Цахим бодлого, мэдээллийн технологийн хэлтсийн дарга Т.Баасанпүрэв “Эрдэс баялгийн мэргэжлийн зөвлөлийн үйл ажиллагааны систем“ зэрэг сэдвээр илтгэл тавьж хэлэлцүүлэх юм.
  • Уржигдар 15 цаг 31 минутад
    Дорнод аймагт “Алтан цагаан овоо” алтны үндсэн ордын төсөл хэрэгжүүлж буй “Степ голд” компани Монголын хөрөнгийн биржид бүртгүүлэхээр ажиллаж байгаа юм. Тус компанийн Санхүү эрхэлсэн захирал Жереми Сауттай Монголын хөрөнгийн биржид бүртгүүлэхийн давуу тал, алтны зах зээл, Монголын хөрөнгө оруулалтын орчин болон бусад асуудлаар MMJ-ийн Б.Төгсбилэгт ярилцлаа.    Та алтны зах зээл цаашид хэрхэн өрнөнө гэж төсөөлж байна вэ? Зарим шинжээч алтны ханш цаашид өснө гэж харж байхад нөгөө хэсэг нь буурна гэж тооцоолж байх юм.  Зах зээл хэрхэхийг хэн ч таах боломжгүй ч нөхцөл байдлаас үзвэл төв банкууд сүүлийн нэг жилийн хугацаанд мөнгөний нийлүүлэлтийг их хэмжээгээр нэмэгдүүлсэн.