Нүүрс экспортлогч уурхайнуудын үйл ажиллагаа

2014-02-27 16:01


2014.01.21

1. “Эрдэнэс Тавантолгой” ХК

2013 онд
        
        Баруун Цанхийн хэсгээс  2736.2  мян.тн нүүрс  олборлон  898.9  мян.тн-ыг,
        Зүүн Цанхийн хэсгээс  2564.5  мян.тн-ыг  олборлон,  1187.7  мян.тн-ыг экспортод тус тус гаргажээ.


“Эрдэнэс Тавантолгой” ХК нь нийт 5300.7 мян.тн олборлосноос 2086.6 мян.тн-ыг экспортод гаргасан бөгөөд 3214.1 мян.тн нүүрс нь Баруун, Зүүн Цанхийн хэсгүүдэд үлдэгдэлтэй байна.
Зүүн Цанхийн хэсгээс Хятад улсын хилийн Ганц модны боомт хүртэл 1 тонн коксжих түүхий нүүрсийг 60 ам.доллар, Баруун Цанхиас уурхайн ам нөхцөлөөр 40 ам.доллараар борлуулж байна.

“Эрдэнэс Тавантолгойн” уурхайд одоогийн байдлаар 2013 оны тендерт шалгарсан тээврийн компаниуд ажлаа үргэлжлүүлэн гүйцэтгэж байгаа бөгөөд нүүрсний тээврийг нэмэгдүүлэхийн тулд 2014 онд нэмж тендер зарлажээ.  Тус тендерт оролцох аж ахуйн нэгжийг өргөнөөр оролцуулахын тулд 50 автомашинтай компаниудыг оруулдаг байсан бол 5 машинаас дээш автомашинтай компанийг оролцуулахаар болсон байна.

Тус уурхайн Баруун Цанхийн хэсгийн гадаад борлуулалт нэгдүгээр сарын 13-наас түр хугацаагаар зогсоод байгаа ба Зүүн Цанхийн хэсгээс хоногт 40 орчим машин буюу 3.3-4.0 мянган тонн нүүрс борлуулж байна. Борлуулалт буурч байгаа шалтгаан нь Хятад улсад нүүрсний үнэ унасан, мөн Сар шинийн баяр болохтой холбоотой байна. Нэгдүгээр сарын 28, 29-нөөс 5 хоног Сар шинийн баяртай холбогдуулан амарна. Хоёрдугаар сарын 3-наас улсын хил онгойх хэдий ч Хятадын жолооч нар хоёрдугаар сарын 15-наас ажиллах мэдээлэлтэй байна. Уурхайн борлуулалтын үйл ажиллагаа хоёрдугаар сарын 15-наас жигд ажиллаж эхлэх төлөвтэй байна.

2. “Тавантолгой” ХК

2013 онд

3123.8  мян.тн нүүрс олборлон  101.1  мян.тн-ыг айл өрхөд,  3022.7 мян.тн-ыг экспортод борлуулжээ.



Тус уурхайн экспортын түүхий коксжих нүүрсний нэг тоннын бор­луулалтын үнэ уурхайн аман дээрээс 37.4 ам.доллар байна.
Одоогийн байдлаар гэрээтэй 2-3 компанид хоногт 6.0-7.0 мян.тн нүүрс борлуулж байгаа бөгөөд Хятадын Цагаан сарын баяртай холбогдуулан нэгдүгээр сарын 20-ноос хоёрдугаар сарын 15 хүртэл зогсохоор болсон байна. Тус хугацаанд уурхайн хөрс хуулалтын ажил явагдах юм байна.
Уурхайн олборлолт, борлуу¬лалтын үйл ажиллагаа хоёрдугаар сарын 15-наас жигд ажиллаж эхэлнэ.

3. “Энержи ресурс” ХХК

2013 онд


        Ухаахудагийн уурхай нь 2013 онд  9177.5  мян.тн  нүүрс олборлон  5860.3  мян.тн-ыг борлуулснаас  5759.6  мян.
        тн коксжих баяжуулсан болон эрчим  хүчний нүүрсийг  экспортод  борлуулжээ.


Коксжих баяжуулсан нүүрсээ 90 ам.доллараар борлуулж байгаа нь өнгөрсөн оны мөн үеийн борлуулалтын үнээс 10 хувиар бага байгаа юм.  Тус уурхайн борлуулагдаагүй үлдсэн 3.3 сая.тн нүүрс нь Гашуунсухайтын хилийн боомтын Цагаанхадны гаалийн агуулахад 1.0 сая.тн гаруй, Ухаахудагийн Баяжуулах үйлдвэрийн гадна 2 сая гаруй тонн нь хуримтлагдсан байна. 2012 оноос эхлэн нүүрсний зах зээл илт муудаж, олон компани “үүдээ барихад” хүрсэн боловч тус уурхайн хувьд үйл ажиллагаагаа өнөө хэр үргэлжлүүлэн, ажиллагсдынхаа ажлын байрыг хадгалж, нөөц бололцоогоо шавхан, үйл ажиллагаагаа аль болох тогтвортой үргэлжлүүлэх бүхий л зохицуулалтуудыг хийж ажилласаар ирсэн байна.  2013 оны сүүлчийн байдлаар тус компанийн Цагаанхадны агуулахад борлогдоогүй бүтээгдэхүүний их хэмжээний хуримтлал үүссэнээс үүдэн компанийн болон ханган нийлүүлэгч, туслан гүйцэтгэгч компаниудын эргэлтийн хөрөнгийн санхүүжилт нөхцөл байдал хүндэрчээ.

Иймд уурхайн олборлолт, баяжуулалт, тээвэрлэлтийн үйл ажиллагааг нэгдүгээр сарын 20-доос эхлэн зогсоох шийдвэр гаргасан байна. Энэ хугацаанд уурхай болон үйлдвэрийн тоног төхөөрөмж, дэд бүтцийн байгууламжуудын засвар, үйлчилгээний ажлуудыг хийж гүйцэтгэх юм. Ажиллагсдын тухайд хуулийн дагуу цалинтай амралт олгох буюу сул зогсолтын олговрыг зохих журмын дагуу тооцон олгохоор зохицуулж ажиллах юм байна. Санхүүгийн хүнд байдал нь алдагдалтай үнээр нүүрсээ борлуулсан болон Сангийн яамнаас гаргасан нүүрс борлуулах жишиг үнээр татвар төлдөг, төрөөс авах авлагаа аваагүйгээс бэлэн мөнгөгүй болсон зэргээс шалтгаалжээ. Энэ хугацаанд Баяжуулах үйлдвэр гаднах нүүрсээ угаан баяжуулах бөгөөд гаалийн агуулахад хуримтлагдсан нүүрсний борлуулалт явагдах болно.

4. “Монголын Алт МАК-Нарийнсухайт” ХХК

2013 онд

Тус компанийн Нарийн­сухайтын уурхай нь 2013 онд 3210.9   мян.тн олборлон, борлуулсан бөгөөд үйл ажиллагаа нь хэвийн явагдаж байнa.

Одоогийн байдлаар 1 тонн нүүрсээ уурхайн аман дээрээс 40 орчим ам.доллараар, хоногт дунджаар 50-60 хүнд даацын автосамосвал нүүрс тээвэрлэн борлуулж байна. Хөрс хуулалтын ажил хэвийн явагдаж байна. Сар шинийн баяртай холбогдуулан бусад уурхайнууд амрах хэдий ч тус уурхай амралтгүйгээр ажиллахаар төлөвлөн ажиллаж байна.

5. “Саусгоби сэндс” ХХК

2013 онд


Овооттолгойн уурхай нь 2013 онд 3057.2 мян.тн нүүрс олборлон, 2715.7 мян.тн нүүрсийг экспортод борлуулсан.

Тус уурхайн уулын ажил хэвийн явагдаж байгаа бөгөөд сайн болон дунд зэргийн чанарын нүүрсээ 13-38 ам.доллараар борлуулж байна. Одоогийн байдлаар хоногт дунджаар 200-гаад машин нүүрс тээвэрлэж байгаа ба нэгдүгээр сарын 29-нөөс хоёрдугаар сарын 15 хүртэл Хятадын Сар шинийн баяр болж байгаатай холбогдуулан зогсох юм байна. Хоёрдугаар сарын 15-наас уурхайн үйл ажиллагааг үргэлжлүүлэн хэвийн явуулахаар төлөвлөн ажиллаж байна.

6. “Чинхуа МАК-Нарийнсухайт” ХХК

2013 онд


Тус уурхай 2013 онд 674.4 мян.тн нүүрс олбор­лон, 673.4 мян.тн-ыг экспортод гаргасан бөгөөд 1 тонн нүүрсээ 40 ам.доллараар борлуулсан байна.

Олборлолт, борлуулалтын жил 2014 оны нэгдүгээр сарын 10-наас хоёрдугаар сарын 10 хүртэл зогссон. Уурхайд нийт 350 хүнд даацын автосамосволын жолооч ажилладаг ба үүний 90 гаруй нь монгол жолооч, үлдсэн 250 нь гадаадын харьяат жолооч байдаг байна. Иймд гадаадын иргэдийн квотын асуудал нэлээд яригдаж байгаа ба энэ асуудлыг хуулийн дагуу шийдвэрлэсний дараа уурхайн үйл ажиллагаа хэвийн явагдах юм байна.

7. “Си Өү Эй Эл” ХХК

2013 онд



Тус компанийн Айлбаян­гийн уурхай 2013 онд 240.3 мян.тн нүүр­сийг экспортод гар­гаж, 1 тн-ыг 72 ам.доллараар борлуул­сан байна.

Уурхайн олборлолт, борлуулалт худалдан авч  буй талын нүүрсний үнэ их гэдэг асуудлаас болж 10 сараас зогсонги байдалд орсон. Гэвч уурхайн үйл ажиллагааг нэгдүгээр сарын 17-ноос эхлүүлсэн бөгөөд 72 ам.доллараар борлуулахаар төлөвлөн ажиллаж эхлээд байна. Мөн Сар шинийн баяртай холбогдуулан тодорхой хугацаагаар амарна.



Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 41 минутын өмнө
    Энэ оны дөрөвдүгээр сард, Хятад улс 97.85 сая тонн ган үйлдвэрлэсэн нь түүхэн дээд үзүүлэлтээр тооцогдож байна. Өмнөх сарын үйлдвэрлэлийн хэмжээнээс 4.1%-иар өссөн болохыг тус улсын Статистикийн ерөнхий хорооноос мэдээлжээ. Өнгөрсөн сарын байдлаар, нэг өдрийн гангийн гарц 3.26 сая тонн буюу өмнөх сарынхаас 7.5%-иар нэмэгдсэн аж. Тэгвэл эхний дөрвөн сард Хятад улс нийт 374.56 сая тонн ган үйлдвэрлэжээ. Өмнөх оны мөн үеэс 16%-иар өссөн үзүүлэлттэй байна. Гангийн үйлдвэрлэлийн гол түүхий эдийн нэг төмрийн хүдрийн үнэ он гарснаас хойш 40%-иар нэмэгджээ. Тус улсын гангийн томоохон үйлдвэрлэлийн бүс нутаг Хэбэй мужийн үйлдвэрлэлийг хязгаарлах болсон нь түүхий эдийн үнэ өсөхөд нөлөөлж буйг шинжээчид тайлбарлаж байна.
  • Уржигдар 16 цаг 00 минутад
    Он гарсаар алтны ханш 9%-иар буураад байна. Энэ нь дэлхийн эдийн засаг хэвийн байдалд орох төлөв болон АНУ-ын Засгийн газрын бондын ханш өсч буйтай холбоотой.  Тийнхүү өнгөрсөн оны наймдугаар сард түүхэн дээд хэмжээнд хүрсэн  алтны ханш гуравдугаар сарын хоёрдугаар хагаст  бараг 20%-иар буурсан гэсэн үг. Гэхдээ алтны хөрөнгө оруулагчдын хувьд сэтгэлээр унах цаг болоогүйг шинжээчид санууллаа. Бондын өгөөж нэмэгдсэн ч инфляц өсөх болсон нь алтны ханшид эерэгээр нөлөөлнө. Мэдээж инфляцыг дагаад   алтны ханш шууд өснө гэж үзэх боломжгүй. Гэвч сүүлийн жилүүдэд инфляцийн өсөлт, алтны ханшийн чангаралт шууд хамааралтай байна. АНУ-д энэ онд инфляц 2.4%-д хүрэхээр байгаа нь Холбооны нөөцийн банкны зорилтот түвшин болох 2%-иас дээшлэх юм. Инфляц өндөр байх тусам бондын бодит өгөөж буурч,   алт руу хошуурах явцыг түргэсгэнэ. 
  • Уржигдар 13 цаг 40 минутад
    “Оюутолгой” компани, гүний уурхайн төслийн хэмжээнд нийт 13 мянган ажилтан, ажиллагсад ажиллаж байна. Эдгээрээс 9013 ажилтан I тун, 1517 ажилтан хоёр шатны тунг бүрэн хийлгэжээ. Ингэснээр уурхайн талбайд байрлаж буй ажиллагсдын 88% нь вакцинжуулалтад хамрагдсан бөгөөд вакцинжуулалтын ажил үргэлжилж байгаа аж. Оюутолгойн баяжмалын тээврийн жолооч нар болон баяжмалын тээвэрт оролцдог багуудыг хамгийн эхний ээлжинд вакцинжуулалтад хамруулсан байна.
  • 2021-05-14 14:15
    Улсын  тусгай хамгаалалттай газрын ангиллыг шинэчлэн тогтоох тухай УИХ-ын 1995 оны 26 дугаар тогтоолд нэмэлт, өөрчлөлт оруулах  хуулийн  төслийг УИХ-ын гишүүн Г.Тэмүүлэн өргөн барьж буйгаа (2021.05.14) онцоллоо. Улсын тусгай хамгаалалттай газрын ангиллыг шинэчлэн тогтоох зайлшгүй шаардлагатай байгааг тэрээр  тодотгоод  хуулийн төсөлд Архангай аймгийн Өндөр-Улаан, Тариат, Жаргалан сумдын Далтын нуруу, Шаргачин голын ай савыг тусгай хамгаалалтад авахаар тусгасан гэлээ.  Тус бүс нутагт байгалийн унаган төрхийг хадгалах, экологийн тэнцвэрт байдлыг хангахаас гадна хөдөө аж ахуйн чиглэлээр үйл ажиллагаа явуулах боломж бүрдэнэ гэж хуулийн төсөл боловсруулагчид үзжээ.  Эдгээр  нь ураны маргаантай бүс нутаг байж ирсэн юм.
  • 2021-05-14 13:15
    Оюутолгойн 66 хувийг эзэмшигч “Туркойз хилл ресурс” компани лхагва гарагт 2021 оны нэгдүгээр улирлын санхүү, үйл ажиллагааны тайлангаа танилцууллаа. Оюутолгойн уурхай оны эхний гурван сард 45.449 тонн зэс, 145.656 унц алт олборложээ. Энэ нь 2020 оны мөн үеийнхээс зэсийн олборлолт 29, алтны олборлолт 461.5 хувиар тус тус өссөн үзүүлэлт бөгөөд “Туркойз хилл ресурс” компани оны эхний улиралд 526.5 сая ам.долларын орлого олсон нь өмнөх оны нэгдүгээр улиралтай харьцуулахад 302.8 хувиар өссөн байна. Оюутолгойн олборлолт, үйл ажиллагаа сайн гүйцэтгэлтэй байж, дэлхийн зах зээл дээрх зэс, алтны ханш өссөн нь орлогын хэмжээ ийнхүү нэмэгдэхэд нөлөөлжээ.