Монголын геологчид чуулж байна

2014-03-20 15:34

“Монголын геологи, хайгуул” мэргэжлийн чуулга уулзалт 6 дахь жилдээ зохион байгуулагдаж байна. Арга хэмжээ өнөөдөр эхэлж буй бөгөөд эхний өдөр Геологи, ашигт малтмал, судалгаа гэсэн үндсэн 4 хэсэгт геологи хайгуулын салбарын бүтэц, зохион байгуулалт, бодлого, эрх зүй, зорилт, байгаль орчны сэдвээр 20 орчим илтгэл тавигдах юм. Үүнд “Цацраг идэвхт ашигт малтмалын салбарын өнөөгийн байдал, цаашид авч хэрэгжүүлэх арга хэмжээ”, “Багануурын нүүрсний орд дээр хийсэн усны хайгуулын геофизикийн цогцолбор аргын үр дүн”, “Монгол орны шатах ашигт малтмалын геологийн асуудал”, “Нүүрсний ордын ашиглалтын геологийн асуудал”, “Ураны түүхий эд, эрдсийн судалгааны стртеги-ОХУ-ын Төрийн өмчит “Росатом” компани” зэрэг сонирхолтой илтгэлүүд багтаж байна.

Чуулга уулзалтын хоёр дахь өдөр “Ашигт малтмалын ордууд” сэдвийн дор зохион байгуулагдах үндсэн 4 хуралдаанаар вольфрам, газрын ховор элемент, алт, зэс, газрын тосны ордуудын эрсдийн судалгаа болон “Хайгуулын ажлын үр дүн, ашигт малтмалын нөөц, баялгийг нээлттэй тайлагнах Монгол улсын заавар” гэсэн илтгэлүүд тавигдана.

Арга хэмжээний үеэр палеонтологийн олдвор, тулгуур зүсэлт, ордын дээж, сонин төрх тогтоц бүхий чулуу, эрдэс хүдрийн дээжсийн үзэсгэлэнд ШУА-ийн палеонтологийн төв, Геологи, эрдэс баялгийн хүрээлэн, ШУТИС-ийн Геологи, газрын тосны сургууль, хувь хүмүүс бүтээлээ дэлгэжээ. Үзэсгэлэнд тавьсан бүтээлээс Палеонтологийн олдвор”, “Ховор сонин дээж”, “Хүдэр чулуулаг болон геологийн тулгуур зүсэлт гэсэн шилдэг 3 дээжийг шалгаруулах юм. Мөн байгалийн сонин үзэгдэл, тогтоцыг буулгасан фото зургуудаас Ховор агшин”, “Байгалийн өвөрмөц тогтоцгэсэн төрлөөр шилдгүүдийг тодруулах юм. “Монголын геологи, хайгуул 2014” чуулга уулзалтад үе үеийн геологчид хуран цуглахаас гадна геологийн мэргэжил эзэмшиж буй оюутнууд оролцож байна. Чуулга уулзалт Оросын Соёл Шинжлэх Ухааны төвд энэ сарын 20-21-ний өдрүүдэд үргэлжилнэ.

Монголын Геологийн Холбооны гүйцэтгэх захирал Б.Болд-Эрдэнэ

“Монголын геологи, хайгуул 2013” чуулганыг амжилттай болсон гэж бид өнөөдөр дүгнэж байна. Өнгөрсөн жилийн чуулганы дараагаар Ашигт малтмалын хуульд тодорхой хэмжээний өөрчлөлт ороход дуу хоолойгоо өргөж, Төрөөс эрдэс баялгийн салбарт геологийн судалгааны чиглэлд баримтлах бодлогод өөрсдийн саналыг тусгаж чадсан. Үүнд Үндэсний геологийн алба байх ёстой бөгөөд бүх газар нутгаа бүртгэж авч, суурь судалгааны ажлыг зайлшгүй хийх хэрэгтэй гэсэн асуудлыг бид тусгасан нь үр дүнтэй боллоо гэж үзэж байгаа юм.  Ер нь аливаа газар нутгийн эрдэс, газар зүйн бүтэц тогтоцыг мэдэхгүйгээр ашигт малтмалын болоод бусад чиглэлд судалгааг “харанхуйгаар” хориглох нь буруу үйл ажиллагаа гэж үзэж байна.  

Энэ жилийн чуулганаас хүлээж буй үр дүн гэвэл Төрөөс баримтлах бодлогыг хэрэгжүүлэхтэй холбоотой хөтөлбөр, ажлын төлөвлөгөөнүүдэд оролцож, ажиллах зүг чигээ тодорхойлно. Шинээр байгуулах Үндэсний геологийн алба нь ямар чиг үүрэгтэй байх, Монголын геологичдыг олон улсын хэмжээнд хэрхэн гаргах зэрэг асуудлаар санал солилцох юм.” 

Э.Од     

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 13 цаг 4 минутын өмнө
    Тавдугаар сарын 13-ны байдлаар, Нарийнсухайтын бүлэг орд дахь "Монголын Алт" компанийн уурхайгаас 747 ажилтан вакцинд хамрагдаж байна. Үүнээс I тунд 734 ажилтан хамрагдаж 98%-ийн гүйцэтгэлтэй бол II тунгийн хувьд 669 ажилтан хамрагдаж 90%-ийн гүйцэтгэлтэй байгаа аж. “Саусгоби Сэндс” компанийн нийт 230 ажилтан II тунд хамрагдаж мөн адил 98%-ийн гүйцэтгэлтэй байна. Түүнчлэн, вакцинжуулалтад бүрэн хамрагдаж дуусан хэд хэдэн уурхай бий. Тухайлбал, “Энержи ресурс” компанийн Ухаа худаг уурхайн үндсэн ба туслан гүйцэтгэгч нийт 2600 гаруй ажиллагсад вакцины II тунд бүрэн хамрагдаж дуусчээ.
  • 16 цаг 54 минутын өмнө
    Дэлхийн хэмжээнд нүүрстөрөгчгүй технологид шилжилтэд зэс, никель, кобальт, лити болон бусад металын нийлүүлэлтийг хангахын тулд ойрын 13 жилд  уул уурхайн компаниуд нийт 1.7 их наяд ам.долларын хөрөнгө оруулах шаардлагатай. Ийм тооцоолол Их Британийн “Wood Mackenzie” байгууллагын судалгаагаар гарчээ. Тус судалгааг удирдсан Жулиан Кеттл “2050-2060 он гэхэд олон орнууд нүүрстөрөгчийн ялгаруулалтаас бүрэн ангижрах зорилттой. Үүний тулд дотоод шаталтат хөдөлгүүртэй ердийн машиныг цахилгаан машинаар солих, сэргээгдэх эх үүсвэрт суурилсан эрчим хүчний системийг суурилуулах хэрэгтэй болно. Ногоон эрчим хүчийг “хуримтлуулахад” асар их хөрөнгө зарцуулна. Энэ бүгд металын эрэлтийг огцом нэмэгдүүлнэ” хэмээжээ.
  • 16 цаг 55 минутын өмнө
    Хятадын Үндэсний хөгжил, шинэтгэлийн хорооноос (NDRC) төмөрлөгийн үйлдвэр барих, хүчин чадлыг өргөтгөх төслүүдэд шинэ шалгуур тавих болжээ. Энэхүү өөрчлөлт нь тус улсын ган үйлдвэрлэлийн хүчин чадлыг танах, нүүрстөрөгчийн давхар ислийн ялгаруулалтыг бууруулах, аж үйлдвэрийн гол бүс нутгийн байгаль орчны нөхцөл байдлыг сайжруулах хүрээнд хийгдэж буй аж. Шинэ журмаар, тухайлбал Бээжин, Тянжин, Хэбэй, Янзцы болон Сувдан гол, Шанси мужийн Фэнвэйн тал зэрэг бүс нутгуудад шинэ үйлдвэр байгуулах тусгай зөвшөөрөл авахын тулд хуучирсан тоног төхөөрөмжтэй үйлдвэрлэлээ хаах шаардлага тавигдаж байна. Муж, автономит бүс нутаг, хотууд нь шинэ үйлдвэрийн хүчин чадал нэмэх тохиолдолд бусад бүс нутагтай харилцан тохиролцоно. Өөрөөр хэлбэл, шинэ хүчин чадлыг нэмэх бол заавал хуучин үйлдвэрлэлийг хааж Хятадын Засгийн газраас заасан тодорхой хязгаарлалтаас давахгүй гэсэн үг.
  • 17 цаг 42 минутын өмнө
    Байгалийн баялгаас оюуны баялагт уриан дор “Эрдэс баялаг-цахим шилжилт” хэлэлцүүлгийг УУХҮЯ энэ сарын 21-нд цахимаар зохион байгуулахаар төлөвлөжээ. Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод, хариуцлагатай болгоход тус хэлэлцүүлэг чиглэсэн байна. Хэлэлцүүлгийг нээлтэд  Монгол Улсын Ерөнхий сайд Л.Оюун-Эрдэнэ, УИХ-ын Инноваци, цахим бодлогын байнгын хорооны дарга Н.Учрал нар мэндчилгээ дэвшүүлж үг хэлэх аж. Мөн УУХҮ-ийн сайд Г.Ёндон “Эрдэс баялгийн салбарын цахим шилжилтийн бодлого”, тус яамны Цахим бодлого, мэдээллийн технологийн хэлтсийн дарга Т.Баасанпүрэв “Эрдэс баялгийн мэргэжлийн зөвлөлийн үйл ажиллагааны систем“ зэрэг сэдвээр илтгэл тавьж хэлэлцүүлэх юм.
  • Уржигдар 15 цаг 31 минутад
    Дорнод аймагт “Алтан цагаан овоо” алтны үндсэн ордын төсөл хэрэгжүүлж буй “Степ голд” компани Монголын хөрөнгийн биржид бүртгүүлэхээр ажиллаж байгаа юм. Тус компанийн Санхүү эрхэлсэн захирал Жереми Сауттай Монголын хөрөнгийн биржид бүртгүүлэхийн давуу тал, алтны зах зээл, Монголын хөрөнгө оруулалтын орчин болон бусад асуудлаар MMJ-ийн Б.Төгсбилэгт ярилцлаа.    Та алтны зах зээл цаашид хэрхэн өрнөнө гэж төсөөлж байна вэ? Зарим шинжээч алтны ханш цаашид өснө гэж харж байхад нөгөө хэсэг нь буурна гэж тооцоолж байх юм.  Зах зээл хэрхэхийг хэн ч таах боломжгүй ч нөхцөл байдлаас үзвэл төв банкууд сүүлийн нэг жилийн хугацаанд мөнгөний нийлүүлэлтийг их хэмжээгээр нэмэгдүүлсэн.