Боомтын төмөр зам ирэх зун ашиглалтад орно

2014-06-23 17:47

Монголын төмөр зам”-ын дэргэд тусгай зориулалтын шинэ нэгж хэдхэн хоногийн өмнө байгуулагдав. “Гашуунсухайтын төмөр зам” консорциум нэртэй уг нэгжид Хятадын  Шенхуа, Монголын  “Эрдэнэс Тавантолгой”, “Энержи Ресурс”, “Тавантолгой” ХК тус тус нэгджээ.

Энэ тухай “Эрдэнэс Тавантолгой” ХХК-ийн Гүйцэтгэх захирал Я. Батсуурь Монголын Бизнесийн дээд хэмжээний уулзалт дээр танилцуулав. “Эрдэнэс Тавантолгой”-н нүүрсний зардлын 40 хувийг автотээвэр залгиж байгаа тухай тэр ярьсан юм.

“Гашуунсухайтын 267 км төмөр замыг яаралтай ашиглалтад оруулах ёстой. Одоогоор боомтын 18-20 км төмөр зам байгуулах тухай л яригдаж байна. Уг нь боомтын замыг энэ ондоо багтаагаад ашиглалтад оруулахаар шамдаж байсан. Гэтэл газар нутгийн онцлогоос болоод гүүрэн зам байгуулах шаардлага гарч зардал өсч, хугацаа ч сунжрахаар байна” хэмээн тэрбээр тэмдэглэв. Боомтын 20 орчим км уг төмөр замыг Хятадын “Шенхуа” групп барих юм. Төмөр замын үлдэх хэсгийг ямар компани байгуулах нь одоогоор тодорхойгүй байгаа бөгөөд өнгөрсөн 2 жилд хийсэн газар шорооны гэх ажилд Чингис бондын 200 сая ам. долларыг зарцуулж, монголчуудад өрийн шинэ дарамт үүсгээд байгаа юм. Гашуунсухайтын экспортын гол судсыг байгуулж дуусгаагүй байгаа ийм нөхцөлд ОХУ ба БНХАУ-ын Ерөнхийлөгч нарын дээд хэмжээний айлчлал ойрхон болж, Монголын экспортын гол төмөр замд хөршүүдийн сонирхол баттай шингэж авах нөхцөл үүсч болзошгүй.

“Эрдэнэс Тавантолгой” компанийн хувьд үйл ажиллагааны төлөвлөгөөгөө 2017 он хүртэл ба 2017 оноос хойшх үе хэмээн гаргажээ. Нүүрс баяжуулах үйлдвэрийнхээ ТЭЗҮ-ийг батлуулсан. Тиймээс 2017 он хүртэлх төлөвлөгөөндөө Угаах үйлдвэр байгуулах, Усан хангамжийн төслөө хэрэгжүүлнэ хэмээн тооцжээ. Гэхдээ усан хангамжийн төсөл нь ч мөн асуудалтай байгаа. Өмнөговь аймгийн Ханхонгор суманд байрлах Балгасын улаан нуураас 150 литр/сек ус ашиглах зөвшөөрлийг Засгийн газар өгсөн. 70 км урт хоолой тавихад 90 орчим сая ам. долларын зардал гарна хэмээн тооцоод байна. Харин Өмнөговь аймгийн Иргэдийн төлөөлөгчдийн хурлаас Балгасын улаан нуурыг тусгай хамгаалалтад бүртгэн авах шийдвэр гаргасан. Тэгэхээр ЭТТ-н хувьд усны асуудлаа шийдэх даваа байгаа. 2017 гэхэд мөн Гашуунсухайтын төмөр замын ажил дууссан байна гэж ЭТТ төлөвлөжээ.

Харин 2017 оноос хойш нүүрсний гүн боловсруулалтын ажлууд хийгдэнэ гэсэн төлөвлөгөөтэй байгааг Я. Батсуурь тэмдэглэв. Коксжих ордын метан хийг ашиглах төслийг БНСУ-ын компанитай хамтран хэрэгжүүлэх судалгаа хийгдэж эхэлсэн хэмээн ярилаа.



Л. Болормаа

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 12 цаг 49 минутын өмнө
    Тавдугаар сарын 13-ны байдлаар, Нарийнсухайтын бүлэг орд дахь "Монголын Алт" компанийн уурхайгаас 747 ажилтан вакцинд хамрагдаж байна. Үүнээс I тунд 734 ажилтан хамрагдаж 98%-ийн гүйцэтгэлтэй бол II тунгийн хувьд 669 ажилтан хамрагдаж 90%-ийн гүйцэтгэлтэй байгаа аж. “Саусгоби Сэндс” компанийн нийт 230 ажилтан II тунд хамрагдаж мөн адил 98%-ийн гүйцэтгэлтэй байна. Түүнчлэн, вакцинжуулалтад бүрэн хамрагдаж дуусан хэд хэдэн уурхай бий. Тухайлбал, “Энержи ресурс” компанийн Ухаа худаг уурхайн үндсэн ба туслан гүйцэтгэгч нийт 2600 гаруй ажиллагсад вакцины II тунд бүрэн хамрагдаж дуусчээ.
  • 16 цаг 39 минутын өмнө
    Дэлхийн хэмжээнд нүүрстөрөгчгүй технологид шилжилтэд зэс, никель, кобальт, лити болон бусад металын нийлүүлэлтийг хангахын тулд ойрын 13 жилд  уул уурхайн компаниуд нийт 1.7 их наяд ам.долларын хөрөнгө оруулах шаардлагатай. Ийм тооцоолол Их Британийн “Wood Mackenzie” байгууллагын судалгаагаар гарчээ. Тус судалгааг удирдсан Жулиан Кеттл “2050-2060 он гэхэд олон орнууд нүүрстөрөгчийн ялгаруулалтаас бүрэн ангижрах зорилттой. Үүний тулд дотоод шаталтат хөдөлгүүртэй ердийн машиныг цахилгаан машинаар солих, сэргээгдэх эх үүсвэрт суурилсан эрчим хүчний системийг суурилуулах хэрэгтэй болно. Ногоон эрчим хүчийг “хуримтлуулахад” асар их хөрөнгө зарцуулна. Энэ бүгд металын эрэлтийг огцом нэмэгдүүлнэ” хэмээжээ.
  • 16 цаг 40 минутын өмнө
    Хятадын Үндэсний хөгжил, шинэтгэлийн хорооноос (NDRC) төмөрлөгийн үйлдвэр барих, хүчин чадлыг өргөтгөх төслүүдэд шинэ шалгуур тавих болжээ. Энэхүү өөрчлөлт нь тус улсын ган үйлдвэрлэлийн хүчин чадлыг танах, нүүрстөрөгчийн давхар ислийн ялгаруулалтыг бууруулах, аж үйлдвэрийн гол бүс нутгийн байгаль орчны нөхцөл байдлыг сайжруулах хүрээнд хийгдэж буй аж. Шинэ журмаар, тухайлбал Бээжин, Тянжин, Хэбэй, Янзцы болон Сувдан гол, Шанси мужийн Фэнвэйн тал зэрэг бүс нутгуудад шинэ үйлдвэр байгуулах тусгай зөвшөөрөл авахын тулд хуучирсан тоног төхөөрөмжтэй үйлдвэрлэлээ хаах шаардлага тавигдаж байна. Муж, автономит бүс нутаг, хотууд нь шинэ үйлдвэрийн хүчин чадал нэмэх тохиолдолд бусад бүс нутагтай харилцан тохиролцоно. Өөрөөр хэлбэл, шинэ хүчин чадлыг нэмэх бол заавал хуучин үйлдвэрлэлийг хааж Хятадын Засгийн газраас заасан тодорхой хязгаарлалтаас давахгүй гэсэн үг.
  • 17 цаг 27 минутын өмнө
    Байгалийн баялгаас оюуны баялагт уриан дор “Эрдэс баялаг-цахим шилжилт” хэлэлцүүлгийг УУХҮЯ энэ сарын 21-нд цахимаар зохион байгуулахаар төлөвлөжээ. Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод, хариуцлагатай болгоход тус хэлэлцүүлэг чиглэсэн байна. Хэлэлцүүлгийг нээлтэд  Монгол Улсын Ерөнхий сайд Л.Оюун-Эрдэнэ, УИХ-ын Инноваци, цахим бодлогын байнгын хорооны дарга Н.Учрал нар мэндчилгээ дэвшүүлж үг хэлэх аж. Мөн УУХҮ-ийн сайд Г.Ёндон “Эрдэс баялгийн салбарын цахим шилжилтийн бодлого”, тус яамны Цахим бодлого, мэдээллийн технологийн хэлтсийн дарга Т.Баасанпүрэв “Эрдэс баялгийн мэргэжлийн зөвлөлийн үйл ажиллагааны систем“ зэрэг сэдвээр илтгэл тавьж хэлэлцүүлэх юм.
  • Уржигдар 15 цаг 31 минутад
    Дорнод аймагт “Алтан цагаан овоо” алтны үндсэн ордын төсөл хэрэгжүүлж буй “Степ голд” компани Монголын хөрөнгийн биржид бүртгүүлэхээр ажиллаж байгаа юм. Тус компанийн Санхүү эрхэлсэн захирал Жереми Сауттай Монголын хөрөнгийн биржид бүртгүүлэхийн давуу тал, алтны зах зээл, Монголын хөрөнгө оруулалтын орчин болон бусад асуудлаар MMJ-ийн Б.Төгсбилэгт ярилцлаа.    Та алтны зах зээл цаашид хэрхэн өрнөнө гэж төсөөлж байна вэ? Зарим шинжээч алтны ханш цаашид өснө гэж харж байхад нөгөө хэсэг нь буурна гэж тооцоолж байх юм.  Зах зээл хэрхэхийг хэн ч таах боломжгүй ч нөхцөл байдлаас үзвэл төв банкууд сүүлийн нэг жилийн хугацаанд мөнгөний нийлүүлэлтийг их хэмжээгээр нэмэгдүүлсэн.