2043 он хүртлэх төмөр замын дэд бүтцийн мастер төлөвлөгөөг танилцууллаа

2015-10-29 11:45
БНСУ-ын  Олон улсын хамтын ажиллагааны байгууллага /КОICA/ -ын “КОТI” судалгааны баг  Монгол улсын Гадаад хэргийн яамтай хамтарч Монголын төмөр замын дэд бүтцийн мастер төлөвлөгөөг боловсруулжээ. Энэ судалгааны дүнг “Монголын төмөр зам”  төрийн өмчит компанийн удирдлагуудад танилцуулсан аж.

“Мастер төлөвлөгөө” нь 2013-2043 он хүртлэх 30 жилийн хугацааг хамрах бөгөөд төмөр замын дэд бүтцийг хэрхэн хөгжүүлэх талаар богино, дунд, урт хугацааны гэсэн 3 үе шатаар судлан ач холбогдлын дэс дарааллаар нарийвчлан төлөвлөсөн гэж  судалгааны багийнхан танилцуулжээ.

Уг төлөвлөгөөг хийхийн тулд Монгол улсын нутаг дэвсгэрийг 21 аймаг, нийслэл хотод хамруулан нийт 22 бүсэд хувааж, 61 цэгт нарийвчилсан судалгаа хийн, төмөр замын зорчигч тээвэр болон ачаа тээврийн хэмжээг судалсан байна. Нийтдээ 10 чиглэлийн төмөр замыг хамруулж үзжээ. Хамгийн эхний ээлжинд тэргүүлэх ач холбогдлын зэрэглэлээр нь эрэмбэлж, тээврийн  эрэлт хэрэгцээний шинжилгээг хийжээ. “Эрэлт хамгийн их байгаа бүсэд эхний ээлжинд төмөр зам барьж ашиглалтад оруулах шаардлагатай. Хөрөнгө оруулалт зардлын шинжилгээ зэргийг эрэлттэй харьцуулсны үндсэн дээр энэхүүү судалгааг гаргасан” хэмээн судалгааны багийн ахлагч И Хун Ги танилцуулав.

Тэрээр “Ачаа тээврийн хувьд 2013 оны байдлаар Айраг-Бор-Өндөр чиглэлийн богино зайд ачаа тээвэрлэлтийн байдал дутагдахуйц байгаа бол 2043 он гэхэд Эрдэнэт-Замын-Үүд хүртэл гол замын хүчин чадал хүрэлцэхгүй байдалд хүрэхээр байгаа тул нэн тэргүүнд энэ чиглэлийн төмөр замд хос зам тавих шаардлагатай” хэмээн ярьлаа.

Тус судалгааны байгууллагын танилцуулсан мастер төлөвлөгөө нь ирээдүйд үүсэх зорчигч тээвэр болон ачаа тээврийн судалгааг улс орны эдийн засаг ДНБ-ийг харьцуулан 2043 он хүртэл судалснаараа ач холбогдолтой ажээ. 

“Одоогийн төмөр замын сүлжээг энэ хэвээр нь ашиглахад 30 жилийн дараа төмөр замын ачаалал хэд дахин нэмэгдэнэ. Тиймээс 2043 онд зорчигч болон ачаа тээврийг нэвтрүүлэх ачаалал хүрэлцэхгүй” хэмээн судалгааны баг дүгнэжээ.
 
Г.Идэр

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 13 цаг 21 минутын өмнө
    Тавдугаар сарын 13-ны байдлаар, Нарийнсухайтын бүлэг орд дахь "Монголын Алт" компанийн уурхайгаас 747 ажилтан вакцинд хамрагдаж байна. Үүнээс I тунд 734 ажилтан хамрагдаж 98%-ийн гүйцэтгэлтэй бол II тунгийн хувьд 669 ажилтан хамрагдаж 90%-ийн гүйцэтгэлтэй байгаа аж. “Саусгоби Сэндс” компанийн нийт 230 ажилтан II тунд хамрагдаж мөн адил 98%-ийн гүйцэтгэлтэй байна. Түүнчлэн, вакцинжуулалтад бүрэн хамрагдаж дуусан хэд хэдэн уурхай бий. Тухайлбал, “Энержи ресурс” компанийн Ухаа худаг уурхайн үндсэн ба туслан гүйцэтгэгч нийт 2600 гаруй ажиллагсад вакцины II тунд бүрэн хамрагдаж дуусчээ.
  • 17 цаг 11 минутын өмнө
    Дэлхийн хэмжээнд нүүрстөрөгчгүй технологид шилжилтэд зэс, никель, кобальт, лити болон бусад металын нийлүүлэлтийг хангахын тулд ойрын 13 жилд  уул уурхайн компаниуд нийт 1.7 их наяд ам.долларын хөрөнгө оруулах шаардлагатай. Ийм тооцоолол Их Британийн “Wood Mackenzie” байгууллагын судалгаагаар гарчээ. Тус судалгааг удирдсан Жулиан Кеттл “2050-2060 он гэхэд олон орнууд нүүрстөрөгчийн ялгаруулалтаас бүрэн ангижрах зорилттой. Үүний тулд дотоод шаталтат хөдөлгүүртэй ердийн машиныг цахилгаан машинаар солих, сэргээгдэх эх үүсвэрт суурилсан эрчим хүчний системийг суурилуулах хэрэгтэй болно. Ногоон эрчим хүчийг “хуримтлуулахад” асар их хөрөнгө зарцуулна. Энэ бүгд металын эрэлтийг огцом нэмэгдүүлнэ” хэмээжээ.
  • 17 цаг 12 минутын өмнө
    Хятадын Үндэсний хөгжил, шинэтгэлийн хорооноос (NDRC) төмөрлөгийн үйлдвэр барих, хүчин чадлыг өргөтгөх төслүүдэд шинэ шалгуур тавих болжээ. Энэхүү өөрчлөлт нь тус улсын ган үйлдвэрлэлийн хүчин чадлыг танах, нүүрстөрөгчийн давхар ислийн ялгаруулалтыг бууруулах, аж үйлдвэрийн гол бүс нутгийн байгаль орчны нөхцөл байдлыг сайжруулах хүрээнд хийгдэж буй аж. Шинэ журмаар, тухайлбал Бээжин, Тянжин, Хэбэй, Янзцы болон Сувдан гол, Шанси мужийн Фэнвэйн тал зэрэг бүс нутгуудад шинэ үйлдвэр байгуулах тусгай зөвшөөрөл авахын тулд хуучирсан тоног төхөөрөмжтэй үйлдвэрлэлээ хаах шаардлага тавигдаж байна. Муж, автономит бүс нутаг, хотууд нь шинэ үйлдвэрийн хүчин чадал нэмэх тохиолдолд бусад бүс нутагтай харилцан тохиролцоно. Өөрөөр хэлбэл, шинэ хүчин чадлыг нэмэх бол заавал хуучин үйлдвэрлэлийг хааж Хятадын Засгийн газраас заасан тодорхой хязгаарлалтаас давахгүй гэсэн үг.
  • 17 цаг 59 минутын өмнө
    Байгалийн баялгаас оюуны баялагт уриан дор “Эрдэс баялаг-цахим шилжилт” хэлэлцүүлгийг УУХҮЯ энэ сарын 21-нд цахимаар зохион байгуулахаар төлөвлөжээ. Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод, хариуцлагатай болгоход тус хэлэлцүүлэг чиглэсэн байна. Хэлэлцүүлгийг нээлтэд  Монгол Улсын Ерөнхий сайд Л.Оюун-Эрдэнэ, УИХ-ын Инноваци, цахим бодлогын байнгын хорооны дарга Н.Учрал нар мэндчилгээ дэвшүүлж үг хэлэх аж. Мөн УУХҮ-ийн сайд Г.Ёндон “Эрдэс баялгийн салбарын цахим шилжилтийн бодлого”, тус яамны Цахим бодлого, мэдээллийн технологийн хэлтсийн дарга Т.Баасанпүрэв “Эрдэс баялгийн мэргэжлийн зөвлөлийн үйл ажиллагааны систем“ зэрэг сэдвээр илтгэл тавьж хэлэлцүүлэх юм.
  • Уржигдар 15 цаг 31 минутад
    Дорнод аймагт “Алтан цагаан овоо” алтны үндсэн ордын төсөл хэрэгжүүлж буй “Степ голд” компани Монголын хөрөнгийн биржид бүртгүүлэхээр ажиллаж байгаа юм. Тус компанийн Санхүү эрхэлсэн захирал Жереми Сауттай Монголын хөрөнгийн биржид бүртгүүлэхийн давуу тал, алтны зах зээл, Монголын хөрөнгө оруулалтын орчин болон бусад асуудлаар MMJ-ийн Б.Төгсбилэгт ярилцлаа.    Та алтны зах зээл цаашид хэрхэн өрнөнө гэж төсөөлж байна вэ? Зарим шинжээч алтны ханш цаашид өснө гэж харж байхад нөгөө хэсэг нь буурна гэж тооцоолж байх юм.  Зах зээл хэрхэхийг хэн ч таах боломжгүй ч нөхцөл байдлаас үзвэл төв банкууд сүүлийн нэг жилийн хугацаанд мөнгөний нийлүүлэлтийг их хэмжээгээр нэмэгдүүлсэн.