Шинэ дугаарт

2015-12-23 11:04

The Mongolian Mining Journal уншигч Танаа улиран одож буй оны сүүлийн дугаараа зул сарын баяр, шинэ жилийн гэрэл гэгээт өдрүүдээр хүргэж байна. MMJ-ийг сонгож, долоон оны турш хамт байсан, цаашид ч олон оныг угтах Уншигч, Захиалагч, Харилцагч та бүхэндээ Зул сарын гэгээн мэндийг хүргэж, хөдөлмөрлөж бүтээх их үйлст тань тод, саруул зам мөрийг хүсье. Бэрхшээл сорилтыг туулж, хүч хөдөлмөрөөрөө бүтээж босгож буй хүн болгонд хүндэтгэл өргөе. Довтолгон ирэх он жил бүр өөдрөг байж, хөдөлмөрлөж бүтээх цаг үе юм.   

Арвантаван он уул уурхайн бүтээгдэхүүний үнийн хувьд алгуурхан уруудсаар ёроолдоо унасан жил болов. Улирч буй онтой хамт үнийн хамгийн доод мөчлөгийг үдэх итгэл найдвараар арванзургаан оныг дэлхийн уул уурхайн салбар тэг чигээрээ цэгнэсэн харцаар болгоомжлонгуй угтан харж байна. Эрдсийн зах зээлд өсөлт, уналтын аль нь ирэхийг хэн ч яг таг хэлж чадахгүй. Ерөнхий төлөв байдлаар амаргүй цаг үе үргэлжлэх хандлагатайг MMJ-ийн сэтгүүлч Б.Төгсбилэгт 2016 оны эрдсийн түүхий эдийн зах зээлийн анализдаа онцолжээ. Гэвч урд хөрш болон АНУ, Европ, Азийн эдийн засаг харьцангуй сайн байх төлөв хэтдээ итгэл найдварын очийг хадгалж байна. Харин тэр болтол Монголын уурхайчид тэсч үлдэх бүхий л арга чарга, ур ухаанаа шавхах шаардлагатай амаргүй цаг хугацааг дахин туулах хэрэгтэй болжээ.  

Том төсөл тойрсон бодлогод орж буй өөрчлөлт, хандлага бүрийн талаар MMJ сэтгүүл цаг алдалгүй байр сууриа илэрхийлж ирсэн билээ. Монголчууд тэр аяараа талцан, нэмэх хасах хоёр туйлын хооронд савлуулан буй Оуютолгой төслийг “мөрөөдлөөс” газарт буулгаж, ажил хэрэг болгон өрнүүлэх хариуцлагатай цаг ирлээ. Монгол улс бизнесийн зарчмаар тогтвортой явж чадвал олон улсын хөрөнгө оруулагчид нээлттэй байгааг, мөнгө олдохоор байгааг, түүний хувь хэмжээ, жишгийг харуулж Оюутолгой төсөл санхүүжилт татаж чадав. Харин одоо энэ санхүүжилт Монгол улсыг бүхэлд нь хариуцлагатай болгох ёстой юм. Уг сэдвээр MMJ сэтгүүлийн байр суурийг сэтгүүлч С.Болд-Эрдэнэ уншигчдадаа хүргэж байна.

“Талын таван зам” буюу Орос-Хятад-Монгол гурван улсыг транзит шугамаар холбох таван төрлийн төслийн нэг бол 10-12 тэрбум ам.долларын өртөгтэй автозамын аварга том төсөл. Энэ чухал бүтээн байгуулалтын талаар ОХУ-аас Монгол Улсад суугаа Онц бөгөөд Бүрэн эрхт Элчин сайдын Эдийн засгийн зөвлөх Б.Б.Дагбаин The Mongolian Mining Journal-д өгсөн ярилцлагадаа, “Чингис  Лэнд Девелопмент” группын хэрэгжүүлэх гэж буй “Чингисийн автозам” төслийн талаар Монгол улсын эрх бүхий байгууллагууд болох Гадаад хэргийн яам болон Зам тээврийн яамнаас Оросын талд албан ёсоор мэдээлээгүй. Тиймээс Оросын Засгийн газарт Монголын төлөвлөгөөний талаар бүрэн гүйцэд мэдээлэл байхгүй” гэснийг Уншигч та санаж буй бизээ. ОХУ-аас Монголд суугаа Элчин сайд, ноён И.К.Азизов сар гаруйн дараа MMJ-ийн сэтгүүлч Э.Оджаргалтай ярилцахдаа төслийг хэрэгжүүлэх явцад Монголын компанитай холбоотой ноцтой хэд хэдэн асуудал үүссэн гээд эл асуудлаар Элчин сайдын яамны байр суурь ММJ-д 10 дугаар сард нийтлэгдсэнийг давтан сануулав.       

Энэхүү ярилцлагын дараа төслийн явцыг оролцогч талуудаас тодруулахаар Ерөнхий гүйцэтгэгч “Чингис лэнд девелопмент” группын захирал Ц.Гантулгад MMJ хүсэлт тавьсан ч тодорхой хариу авч чадсангүй. Харин аварга том төсөл дээр хоёр улсын Чингис лэнд девелопмент” групп, ЗСТИСИЗ  компани хооронд үүссэн маргаан цаашид олон улсын эдийн засгийн маргаан болж улам ужгирч болзошгүй нөхцөл байдлыг ЗСТИСИЗ  компанийн Ерөнхий захирал Н.Г.Робулец MMJ-д дэлгэрэнгүй ярьсан юм.

Уул уурхайн яам “Алт 2025” хөтөлбөрийг хоёр жил дуншин байж боловсруулж байгаа. Уг хөтөлбөрийн ерөнхий концепци, зарчим, тодорхой заалтууд, Монголын алтны салбарын ирээдүйн хандлагын төсөөллийг сэтгүүлч Г.Идэрхангай тоймлов. Хятадын эдийн засгийн үсрэнгүй хөгжил алтны салбарын олборлолттой салшгүй холбоотой. Өмнөд хөршийн алт олборлолтын түүх бол гадныхныг үзэн яддаг дотогш чиглэсэн бодлоготой, техник технологийн хувьд хоцрогдсон орноос асар их алт үйлдвэрлэгч болсон Хятадын төрийн бодлогын түүх юм. Энэ түүхийг MMJ онцлохыг хүсэв.   

Парис нүүрсний ирээдүйг хэрхэн шийдсэн бол? Хоосон маргаж, хий цэцэрхэлгүй нөхцөл байдлыг тунгааж үзье. Парисын хуралд оролцсон улс орнууд голчлон эртний технологитой нүүрсний цахилгаан станцуудаа хааснаа сүр бадруулан мэдээлчихээд түүнээс хэд дахин олон шинэ станц барих төлөвлөгөөгөө дотроо хадгалж үлдэв. Энэ нь нүүрс моодноос гарах болоогүйн дохио юм гэж MMJ-ийн сэтгүүлч О.Хосцэцэг дүгнэжээ. Ялангуяа өмнөд хөрш хязгаар нутгууддаа, манай улсын хилд хамгийн ойр мужуудад нүүрс боловсруулж хий гаргах үйлдвэрүүд босгох ухаан сийлж буйгаас харахад зөвхөн коксжих бус эрчим хүчний нүүрсний зах зээл ч ойртон иржээ.

MMJ эдгээрийг, өөр бусад цогц мэдээлэл, тодруулгуудыг агуулсан шинэ дугаараа Уншигч таны алган дээр тавилаа. Тухлан уншина уу. Арванзургаан онд ертөнцийн уул уурхайн хөгжлийг эх орны эрдсийн салбартай холбох гүүр болон дахин уулзъя.



Орлогч эрхлэгч Н.Ариунтуяа

 

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 14 цаг 2 минутын өмнө
    Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод хариуцлагатай болгоход чиглэсэн “Эрдэс баялаг-цахим шилжилт” хэлэлцүүлгийг УУХҮЯ-наас  өнгөрсөн сард зохион байгуулахаар товлосон боловч хойшлогдсон билээ. Тэгвэл Байгалийн баялгаас оюуны баялагт уриан дор тус цахим  хэлэлцүүлгийг маргааш зохион байгуулахаар болжээ.
  • 14 цаг 49 минутын өмнө
    ОХУ-ын Холбооны гаалийн газрын мэдээллээр, дөрөвдүгээр сард тус улс 1.66 сая тонн коксжих нүүрс экспортолжээ. Энэ нь өнгөрсөн оны мөн үеэс 7.61%-иар, өмнөх гуравдугаар сараас 48.82% -иар тус тус буурсан үзүүлэлт аж. Оны эхний дөрвөн сарын байдлаар нийт 8.53 сая тонн коксжих нүүрс экспортолсон байна. Мөн хугацаанд тус улсын  нүүрсний нийт экспортын хэмжээ 85.25 тоннд хүрсэн юм. Тэгвэл тавдугаар сард 19.27 сая тонн нүүрс экспортолсон нь түүхэн дээд хэмжээгээр тооцогдож байна.
  • Уржигдар 14 цаг 20 минутад
    Хятадын “China Aluminum Corporation” (Chinalco) компани нь нүүрстөрөгчийн давхар ислийн ялгаруулалтаа 2025 оноос өмнө бууруулж эхлэн, 2035 он гэхэд 40%-иар багасгах зорилтоо мэдэгджээ. Тус компани өнгөрсөн онд 3.69 сая тонн хөнгөн цагааны анхдагч үйлдвэрлэлийн 50%-д усан цахилгаан станцын эрчим хүч ашигласан тул “ногоон” үйлдвэрлэлд хамаарна гэж “Chinalco” үзэж байна. Тиймээс цаашид үйлдвэрлэлдээ нар, салхи  зэрэг сэргээгдэх эрчим хүчний ашиглалтыг нэмэгдүүлэхээр төлөвлөж буй аж. Энэ зургадугаар сард “Chinalco” нь анх удаа 400 сая юанийн (63 сая ам.доллар) дүнтэй бонд гаргажээ. Энэхүү хөрөнгийг “ногоон” зорилт буюу салхин паркийн бүтээн байгуулалтын өрийг дахин санхүүжүүлэхэд зарцуулах юм байна.
  • Уржигдар 14 цаг 05 минутад
    Хятадын зах зээл дээр нүүрсний үнэ өндөр буй үед өмнөд бүс нутгийн эрчим хүчний хомсдлоос сэргийлж тус улсын төр засгаас түүхий эд нөөцлөх дэд бүтцийг байгуулах ажлыг эрчимжүүлэхээр төлөвлөжээ. Тодруулбал, нүүрсний салбарын нөөцийг нэмэгдүүлэхийн тулд хадгалалтын байгууламжуудыг өргөтгөн сайжруулах шаардлагатайг Хятадын Үндэсний хөгжил, шинэтгэлийн хорооноос мэдэгдсэн байна. Тус хорооны Төрийн төлөвлөлтийн агентлагийн дарга Сюй Вэнбин “Нүүрсний нөөц, хуримтлалыг нэмэгдүүлснээр үндэсний эрчим хүчний аюулгүй байдлыг баталгаажуулна” хэмээн онцолжээ.
  • Уржигдар 11 цаг 56 минутад
    Засгийн газар КОВИД-19-ийн нөлөөллийг төсөвт нялзаахгүйг эрмэлзэж байна. Дотоодын нийт бүтээгдэхүүнд (ДНБ) оногдох төсвийн алдагдал, өрийг өмнө нь төлөвлөсөн хэмжээнд байлгахаар Засгийн газар “хичээж” байгаа нь тавдугаар сарын 13-ны өдөр баталсан хуулиар тод харагдлаа. Энэ өдөр 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуулийн төслийг эцэслэн баталсан юм. Төсвийн хүрээний мэдэгдлийг хэтэрхий бэлгэдлийн шинж чанартай зүйл гэж  эдийн засагчид хэлдэг нь улстөрчдийн төсвийн орлого, зарлагыг санаагаараа өөрчилж баталдаг барьцгүй зангаас улбаатай. Гэхдээ   төсвийн хүрээний мэдэгдлээс Засгийн газрын хэзээ, хэрхэн “ам гарсан” болохыг харж, ядаж дурсаж болох давуу талыг бид олж авдаг.