Төмөр зам тавьснаар асуудлыг бүрэн шийдэхгүй

2016-05-02 13:03


“Уул уурхайн салбарын дунд болон урт хугацааны хөгжлийн төлөв байдал болон Монгол улсын эдийн засагт гүйцэтгэх гол үүрэг” сэдэвт уулзалтыг Америкийн худалдааны танхим зохион байгууллаа. Уулзалтад “Энержи Ресурс” компанийн Гүйцэтгэх захирал Г.Батцэнгэл, Монголын шатдаг занарын холбооны Гүйцэтгэх захирал Ч.Хашчулуун, “Эрдэнэс Монгол” компанийн Ерөнхий эдийн засагч бөгөөд “Оюутолгой” компанийн ТУЗ-ийн гишүүн Ч.Отгочулуу нар оролцов.

Уулзалтын үеэр эдийн засагч Ч.Хашчулуун, Монгол улсын хувьд ашигт малтмалын бүтээгдэхүүний үнэ унасантай холбоотойгоор Засгийн газар уул уурхайг илүү нухацтай бодож хөгжүүлэх ёстойг ойлгож эхэлж буй нь сайн хэрэг гэсэн юм. Тухайлбал, томоохон төсөлд шууд хувьцаа эзэмших хувилбарыг үргэлж дэмжихээ азнаж эхэлснийг онцлоод, ирэх 15 жилийн хугацаанд Монгол улсын Засгийн газар уул уурхайн салбарт гадаадын хөрөнгө оруулалтыг дэмжих тогтвортой орчинтой байна гэдэгт итгэлтэй байгаагаа хуралд оролцогчдод дуулгасан юм. Мөн Монголын эрдсийн гол худалдан авагч Хятадын эдийн засгийн үзүүлэлт оны эхний улиралд таамаглаж байснаас сайн үзүүлэлттэй гарсныг тэмдэглэсэн юм. Хятадын төлөвөөс үзэхэд тус улсын өсч буй зах зээлд Монголын орон зай байсаар байх болно. Ирэх жилүүдэд Монголд Тавантолгой төсөл хөдөлж, эрчим хүч, дэд бүтцийн олон төсөл хэрэгжих болно гэдгийг мөн дурдлаа. 

Харин төрийн өмчит компанийн төлөөлөл Ч.Отгочулуу “Эрдэнэс Монгол” компанийн үйл ажиллагаа Компанийн тухай хуулиар явах боломж нээгдсэнийг дуулгаад тус компани цаашид охин компани “Шивээ-Овоо”, “Багануур” болон бусад компанийнхаа үйл ажиллагаанд төвлөрч буйг мэдэгдсэн юм. “Эрдэнэс Монгол” компанийн хувьд одоогийн зах зээлийн үнэ ханшаар нийт 300 тэрбум долларын үнэ бүхий ордууд эзэмшдэг ч яг компанийн үнэлгээ нь 1 тэрбум доллартай тэнцэж буйг тэрбээр дуулгасан. Өөрөөр хэлбэл, тус компани цаашид засаглалаа дэлхийн стандартаар сайжруулж чадвал өсч өргөжих бүрэн боломжтойг Ч.Отгочулуу ярилаа. Тийм ч учраас Азийн хөгжлийн банктай хамтран компанийнхаа менежментийг сайжруулахаар ажиллаж байгаа аж.

Г.Батцэнгэл захирлаас Америкийн худалдааны танхимын Монгол дахь салбарын ТУЗ-ийн дарга Жэймс Лиотта, сүүлийн үед ММС компанийн хувьцаа бараг үнэгүй болсон тул цаашид хэрхэхээр төлөвлөж буйг нь асуусан юм. Г.Батцэнгэл захирал, сүүлийн гурав, дөрвөн жилийн хугацааны өрнөлөөс харахад уул уурхайн магнатууд болох BHP, “Рио Тинто”, “Гленкор”-ын хувьцаа ч 50-иас дээш хувиар доошилсныг дурдаад, нүүрсний “Пибоди” компанийн үнэлгээ бүр 98%-иар буурч, зах зээлийн үнэлгээ нь MMC-ээс ч бага болчихсон байгааг хэлсэн юм. Өөрөөр хэлбэл, хувьцааны үнэлгээ нь тухайн компанийн бодит хөрөнгийн үнэ цэнийг бус, нүүрсний салбарыг хөрөнгө оруулагчид хэрхэн харж буйг илтгэж буй хэрэг гэж тэрбээр тайлбарлалаа. “Бид урт хугацаандаа бүсийн хэмжээний уул уурхайн компани байгуулахаар ажиллаж байна” гэж хуралд оролцогчдод тэрбээр үйл ажиллагааны чиглэлээ тодорхойлон хэлсэн. 

Монголын хувьд 250 км төмөр зам тавиад л эрдсийн бүтээгдэхүүний өрсөлдөх чадварыг дээшлүүлчихгүй, харин бүтээгдэхүүн гаргаж буй боомтуудыг олон улсын статустай болгож, улмаар транзит тээврийг шийдэж, гуравдагч зах зээлд гарч чадвал бид Австралитай ч өрсөлдөх боломжтой гэж Г.Батцэнгэл онцолсон юм. Хэдийгээр Монгол төмөр замгүйн улмаас тээврийн зардалд ихийг алдаж буй ч түүний үзэж буйгаар, төмөр зам байгуулж дуустал хугацаа орох бөгөөд одоо эхэллээ гэхэд ойролцоогоор гурав, дөрвөн жилийн дараа л төмөр зам ашиглалтад орно гэж таамаглаж буйгаа дуулгасан юм.

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 12 цаг 55 минутын өмнө
    Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод хариуцлагатай болгоход чиглэсэн “Эрдэс баялаг-цахим шилжилт” хэлэлцүүлгийг УУХҮЯ-наас  өнгөрсөн сард зохион байгуулахаар товлосон боловч хойшлогдсон билээ. Тэгвэл Байгалийн баялгаас оюуны баялагт уриан дор тус цахим  хэлэлцүүлгийг маргааш зохион байгуулахаар болжээ.
  • 13 цаг 42 минутын өмнө
    ОХУ-ын Холбооны гаалийн газрын мэдээллээр, дөрөвдүгээр сард тус улс 1.66 сая тонн коксжих нүүрс экспортолжээ. Энэ нь өнгөрсөн оны мөн үеэс 7.61%-иар, өмнөх гуравдугаар сараас 48.82% -иар тус тус буурсан үзүүлэлт аж. Оны эхний дөрвөн сарын байдлаар нийт 8.53 сая тонн коксжих нүүрс экспортолсон байна. Мөн хугацаанд тус улсын  нүүрсний нийт экспортын хэмжээ 85.25 тоннд хүрсэн юм. Тэгвэл тавдугаар сард 19.27 сая тонн нүүрс экспортолсон нь түүхэн дээд хэмжээгээр тооцогдож байна.
  • Уржигдар 14 цаг 20 минутад
    Хятадын “China Aluminum Corporation” (Chinalco) компани нь нүүрстөрөгчийн давхар ислийн ялгаруулалтаа 2025 оноос өмнө бууруулж эхлэн, 2035 он гэхэд 40%-иар багасгах зорилтоо мэдэгджээ. Тус компани өнгөрсөн онд 3.69 сая тонн хөнгөн цагааны анхдагч үйлдвэрлэлийн 50%-д усан цахилгаан станцын эрчим хүч ашигласан тул “ногоон” үйлдвэрлэлд хамаарна гэж “Chinalco” үзэж байна. Тиймээс цаашид үйлдвэрлэлдээ нар, салхи  зэрэг сэргээгдэх эрчим хүчний ашиглалтыг нэмэгдүүлэхээр төлөвлөж буй аж. Энэ зургадугаар сард “Chinalco” нь анх удаа 400 сая юанийн (63 сая ам.доллар) дүнтэй бонд гаргажээ. Энэхүү хөрөнгийг “ногоон” зорилт буюу салхин паркийн бүтээн байгуулалтын өрийг дахин санхүүжүүлэхэд зарцуулах юм байна.
  • Уржигдар 14 цаг 05 минутад
    Хятадын зах зээл дээр нүүрсний үнэ өндөр буй үед өмнөд бүс нутгийн эрчим хүчний хомсдлоос сэргийлж тус улсын төр засгаас түүхий эд нөөцлөх дэд бүтцийг байгуулах ажлыг эрчимжүүлэхээр төлөвлөжээ. Тодруулбал, нүүрсний салбарын нөөцийг нэмэгдүүлэхийн тулд хадгалалтын байгууламжуудыг өргөтгөн сайжруулах шаардлагатайг Хятадын Үндэсний хөгжил, шинэтгэлийн хорооноос мэдэгдсэн байна. Тус хорооны Төрийн төлөвлөлтийн агентлагийн дарга Сюй Вэнбин “Нүүрсний нөөц, хуримтлалыг нэмэгдүүлснээр үндэсний эрчим хүчний аюулгүй байдлыг баталгаажуулна” хэмээн онцолжээ.
  • Уржигдар 11 цаг 56 минутад
    Засгийн газар КОВИД-19-ийн нөлөөллийг төсөвт нялзаахгүйг эрмэлзэж байна. Дотоодын нийт бүтээгдэхүүнд (ДНБ) оногдох төсвийн алдагдал, өрийг өмнө нь төлөвлөсөн хэмжээнд байлгахаар Засгийн газар “хичээж” байгаа нь тавдугаар сарын 13-ны өдөр баталсан хуулиар тод харагдлаа. Энэ өдөр 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуулийн төслийг эцэслэн баталсан юм. Төсвийн хүрээний мэдэгдлийг хэтэрхий бэлгэдлийн шинж чанартай зүйл гэж  эдийн засагчид хэлдэг нь улстөрчдийн төсвийн орлого, зарлагыг санаагаараа өөрчилж баталдаг барьцгүй зангаас улбаатай. Гэхдээ   төсвийн хүрээний мэдэгдлээс Засгийн газрын хэзээ, хэрхэн “ам гарсан” болохыг харж, ядаж дурсаж болох давуу талыг бид олж авдаг.