20 жилийн ойн мэндчилгээ

2016-09-29 06:06



Вагнер Ази Групп Компани





Брюс Вагнер /Вагнер тоног төхөөрөмж ХХК-ийн Ерөнхийлөгч бөгөөд Гүйцэтгэх захирал/

Миний бие анх өөрийн эцэгтэй хамт Монгол улсад зочлон ирээд Катерпилларын дилер компанийг Монголд үүсгэн байгуулахаар шийдсэнээс хойш эдүгээ 20 жил өнгөрөөд байна. Энэ хугацаанд их зүйл өөрчлөгдсөн ч бас огт өөрчлөгдөөгүй зүйл ч байгаа нь сонирхолтой. 1996 онд явагдсан Улсын Их Хурлын сонгуульд “Ардчилсан холбоо” эвсэл 76 суудлын 50-ыг авч үнэмлэхүй ялалт байгуулсан. Тэр үед Цахиагийн Элбэгдорж Ардчилсан намын дарга байсан. Харин энэ жил 6 сарын 29-нд болсон Улсын Их Хурлын сонгуулиар Монгол Ардын Нам ялалт байгуулж 76 суудлын 65-ыг авч Цахиагийн Элбэгдорж Монгол улсын Ерөнхийлөгчөөр ажиллаж байна.  

Монгол улс өнгөрсөн хорин жилийн турш ардчилал, зах зээлийн чөлөөт эдийн засгийн системийг бий болгохоор шаргуу ажилласаар ирсэн. Энэ хугацаанд Монгол улс эдийн засгийн хүндрэл сорилтууд болон хурдацтай өндөр өсөлтийн аль алийг туулсан. Ийм эдийн засаг нийгмийн огцом өөрчлөлтүүд нь Монгол улсад хийх бизнесийг сонирхолтой бас хүнд хэцүү болгож байв. Сүүлийн гурван жилийн хугацаанд эдийн засгийн нөхцөл байдал илүү дордож хүндэрсэн ч шинээр байгуулагдсан Засгийн газар Монгол улсын эдийн засгийг тогтворжуулж гадаадын хөрөнгө оруулалтыг буцаан татаж, эдийн засгийн хөгжлийг сэргээхэд хамгийн түрүүнд анхааран ажиллахаар шийдсэн нь сайшаалтай.

Бидний эрхэлж буй бизнес уул уурхай, ашигт малтмалын экспорт, барилга, дэд бүтэц, эрчим хүч болон хөдөө аж ахуйн салбарын хөгжилтэй нягт уялдаа холбоотойгоор явагддаг. Тиймээс Монголын шинэ Засгийн газар дээрх салбаруудын хөгжлийг шинэ шатанд гаргаж чадна гэдэгт бид чин сэтгэлээс итгэж байна.

1996 онд үйл ажиллагаагаа даруухан эхлүүлж байсан манай компани өнөөдөр эрч хүчтэй, мэргэжлийн өндөр ур чадвартай монгол залуучуудаас бүрдсэн групп компани болтлоо өргөжин тэлж өсч хөгжсөн байна. Манай нийт ажиллагсдын 2 ч хүрэхгүй хувь нь гадаад улс орнуудаас ирсэн тодорхой салбар чиглэлийн мэргэжилтнүүд бөгөөд тэд өөрсдийн мэргэжлийн ур чадвар, ажлын туршлагаа монголчуудад зааж сурган өвлүүлэн ажиллаж байна.

Бид Монголын хамгийн чадварлаг залуусыг олж ажиллуулан тэдний сургалт хөгжилд их хэмжээний хөрөнгө оруулалт хийсний үр дүнд энэхүү амжилтад хүрсэн юм. Манай компанийн техникийн засварчин бэлтгэх болон менежер, удирдлагын түвшний сургалт нь  Монгол улсын хэмжээнд хүлээн зөвшөөрөгдсөн шилдэгт тооцогдох сургалтын иж бүрэн хөтөлбөр болжээ. Бид  үйл ажиллагаандаа 6 Сигмаг (6 Sigma) бүрэн нэвтрүүлсэн компани болсон бөгөөд нийт 8 хар бүс зэрэгтэй, 200 ногоон бүс зэрэгтэй ажилтантай. Мөн бид “ОюуТолгой”, “Голомт”, “Петровис” зэрэг бусад томоохон компаниудад 6 Сигма сургалтыг явуулж байна.

Манай хамгийн сүүлийн үеийн тоног төхөөрөмжөөр тоноглогдсон засварын цех, лаборатори нь харилцагч нартаа хамгийн шилдэг үйлчилгээг үзүүлж байна. Хамгийн сүүлд Өмнөговь аймагт  бидний ашиглалтад оруулсан 5000 м2 талбай бүхий говийн бүсийн Сэлбэг түгээлтийн төв нь Монгол улсын эдийн засгийн хөдөлгүүр болох говийн уул уурхайн томоохон компаниудыг сэлбэг, засвар үйлчилгээгээр ханган ажиллаж байна.     

Өнгөрсөн хугацаанд бид Монгол улсын нийгмийн хөгжилд өөрсдийн хувь нэмрийг оруулсаар ирсэндээ бахархдаг бөгөөд манай компанийн нийгмийн хариуцлагын хөтөлбөрүүд нь Монгол улсдаа төдийгүй олон улсад шилдэгт тооцогддог. Үүний нэг илрэл нь манай компани өндөр нэр хүндтэй шагнал болох АНУ-ын Secretary of State’s award for Corporate Excellence шагналыг хүртсэн явдал юм.

Өнөөдөр бид 20 жилийн өмнө анх Монголд байгуулагдаж байсантайгаа адил ирээдүйдээ итгэлтэй  байгаа бөгөөд шинээр байгуулагдсан Засгийн газар Монгол улсын эдийн засгийг сэргээж хүндрэлийг богино хугацаанд таван туулж чадна гэдэгт итгэл төгс байна. Бизнесийн салбарт шударга өрсөлдөөн өрнөх хууль эрх зүйн орчныг бүрдүүлснээр бид хамгийн чанартай бүтээгдэхүүн үйлчилгээг харилцагч нартаа хүргэж илүү их үнэ цэнийг Монголд бий болгох боломжтой болно. 

Бид бүх харилцагч нартаа Вагнер Ази Групп компанийн 20 жилийн ойн баярын мэндийг хүргэхийн ялдамд ирэх 20 жилд ирээдүйгээ хамтдаа цогцлоон бүтээхийн өлзийтэй ерөөлийг дэвшүүлж байна.

АНУ, Денвер хот.





Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 17 цаг 24 минутын өмнө
    Энэ оны дөрөвдүгээр сард, Хятад улс 97.85 сая тонн ган үйлдвэрлэсэн нь түүхэн дээд үзүүлэлтээр тооцогдож байна. Өмнөх сарын үйлдвэрлэлийн хэмжээнээс 4.1%-иар өссөн болохыг тус улсын Статистикийн ерөнхий хорооноос мэдээлжээ. Өнгөрсөн сарын байдлаар, нэг өдрийн гангийн гарц 3.26 сая тонн буюу өмнөх сарынхаас 7.5%-иар нэмэгдсэн аж. Тэгвэл эхний дөрвөн сард Хятад улс нийт 374.56 сая тонн ган үйлдвэрлэжээ. Өмнөх оны мөн үеэс 16%-иар өссөн үзүүлэлттэй байна. Гангийн үйлдвэрлэлийн гол түүхий эдийн нэг төмрийн хүдрийн үнэ он гарснаас хойш 40%-иар нэмэгджээ. Тус улсын гангийн томоохон үйлдвэрлэлийн бүс нутаг Хэбэй мужийн үйлдвэрлэлийг хязгаарлах болсон нь түүхий эдийн үнэ өсөхөд нөлөөлж буйг шинжээчид тайлбарлаж байна.
  • Уржигдар 16 цаг 00 минутад
    Он гарсаар алтны ханш 9%-иар буураад байна. Энэ нь дэлхийн эдийн засаг хэвийн байдалд орох төлөв болон АНУ-ын Засгийн газрын бондын ханш өсч буйтай холбоотой.  Тийнхүү өнгөрсөн оны наймдугаар сард түүхэн дээд хэмжээнд хүрсэн  алтны ханш гуравдугаар сарын хоёрдугаар хагаст  бараг 20%-иар буурсан гэсэн үг. Гэхдээ алтны хөрөнгө оруулагчдын хувьд сэтгэлээр унах цаг болоогүйг шинжээчид санууллаа. Бондын өгөөж нэмэгдсэн ч инфляц өсөх болсон нь алтны ханшид эерэгээр нөлөөлнө. Мэдээж инфляцыг дагаад   алтны ханш шууд өснө гэж үзэх боломжгүй. Гэвч сүүлийн жилүүдэд инфляцийн өсөлт, алтны ханшийн чангаралт шууд хамааралтай байна. АНУ-д энэ онд инфляц 2.4%-д хүрэхээр байгаа нь Холбооны нөөцийн банкны зорилтот түвшин болох 2%-иас дээшлэх юм. Инфляц өндөр байх тусам бондын бодит өгөөж буурч,   алт руу хошуурах явцыг түргэсгэнэ. 
  • Уржигдар 13 цаг 40 минутад
    “Оюутолгой” компани, гүний уурхайн төслийн хэмжээнд нийт 13 мянган ажилтан, ажиллагсад ажиллаж байна. Эдгээрээс 9013 ажилтан I тун, 1517 ажилтан хоёр шатны тунг бүрэн хийлгэжээ. Ингэснээр уурхайн талбайд байрлаж буй ажиллагсдын 88% нь вакцинжуулалтад хамрагдсан бөгөөд вакцинжуулалтын ажил үргэлжилж байгаа аж. Оюутолгойн баяжмалын тээврийн жолооч нар болон баяжмалын тээвэрт оролцдог багуудыг хамгийн эхний ээлжинд вакцинжуулалтад хамруулсан байна.
  • 2021-05-14 14:15
    Улсын  тусгай хамгаалалттай газрын ангиллыг шинэчлэн тогтоох тухай УИХ-ын 1995 оны 26 дугаар тогтоолд нэмэлт, өөрчлөлт оруулах  хуулийн  төслийг УИХ-ын гишүүн Г.Тэмүүлэн өргөн барьж буйгаа (2021.05.14) онцоллоо. Улсын тусгай хамгаалалттай газрын ангиллыг шинэчлэн тогтоох зайлшгүй шаардлагатай байгааг тэрээр  тодотгоод  хуулийн төсөлд Архангай аймгийн Өндөр-Улаан, Тариат, Жаргалан сумдын Далтын нуруу, Шаргачин голын ай савыг тусгай хамгаалалтад авахаар тусгасан гэлээ.  Тус бүс нутагт байгалийн унаган төрхийг хадгалах, экологийн тэнцвэрт байдлыг хангахаас гадна хөдөө аж ахуйн чиглэлээр үйл ажиллагаа явуулах боломж бүрдэнэ гэж хуулийн төсөл боловсруулагчид үзжээ.  Эдгээр  нь ураны маргаантай бүс нутаг байж ирсэн юм.
  • 2021-05-14 13:15
    Оюутолгойн 66 хувийг эзэмшигч “Туркойз хилл ресурс” компани лхагва гарагт 2021 оны нэгдүгээр улирлын санхүү, үйл ажиллагааны тайлангаа танилцууллаа. Оюутолгойн уурхай оны эхний гурван сард 45.449 тонн зэс, 145.656 унц алт олборложээ. Энэ нь 2020 оны мөн үеийнхээс зэсийн олборлолт 29, алтны олборлолт 461.5 хувиар тус тус өссөн үзүүлэлт бөгөөд “Туркойз хилл ресурс” компани оны эхний улиралд 526.5 сая ам.долларын орлого олсон нь өмнөх оны нэгдүгээр улиралтай харьцуулахад 302.8 хувиар өссөн байна. Оюутолгойн олборлолт, үйл ажиллагаа сайн гүйцэтгэлтэй байж, дэлхийн зах зээл дээрх зэс, алтны ханш өссөн нь орлогын хэмжээ ийнхүү нэмэгдэхэд нөлөөлжээ.