“Башнефть”-ийг хувьчлах үнэ тодорхой боллоо

2016-10-10
“Башнефть” компани дахь төрийн хувийг 325-330 тэрбум рубль буюу 5.3 тэрбум ам.доллараар худалдахаар үнэлжээ. Энэ тухай ОХУ-ын Эдийн засгийн хөгжлийн сайд Алексей Улюкаев мэдэгдсэн байна. Тус улсын Эдийн засгийн хөгжлийн яамнаас “Башнефть” компанийн төрийн эзэмшлийн 50,08%-ийг хувьчлах төслийг бэлтгэсэн аж.

Одоогийн нэрлээд байгаа үнээс илүү үнээр худалдан авах санал “Роснефть” компани албан ёсоор тавьсан байна. Хэрэв Оросын Засгийн газраас зөвшөөрөх юм бол худалдан авалт аравдугаар сарын 15-наас хойш хийгдэнэ гэж Улюкаев мэдэгдэлдээ өгүүлсэн байна. 2015 оны жилийн эцсийн дүнгээр “Башнефть” компани 59.6 тэрбум рублийн цэвэр ашигтай ажиллажээ. Газрын тос, байгалийн хийн олборлолтоос гадна нефть-химийн үйлдвэрлэл эрхлэх тус компани 1946 онд үүсгэн байгуулагджээ. 

Дэлхийн зах зээл дэх газрын тосны үнэ буурч байгаа нь Орос улсын төсөвт хүндээр тусч байгаа билээ. Төсвийн орлогыг бүрдүүлэх зорилгоор тус улсын төрийн өмчит томоохон компаниудыг хувьчлах ажлыг эхлүүлээд буй. Энэ ажлын хүрээнд 2016 онд багтаан Оросын газрын тосны үйлдвэрлэлээр тэргүүлэгч “Роснефть” корпораци дахь төрийн мэдлийн 19,5%-ийг 665 тэрбум рубль буюу ойролцоогоор 11 тэрбум ам.доллар худалдахаар төлөвлөж байгаа юм. Энэхүү хувьчлалд Хятадын төрийн CNPC корпораци оролцох сонирхлоо илэрхийлсэн байдаг. 

Э.Од

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 13 цаг 33 мин
    Фитч агентлаг Монгол Улсын зээлжих зэрэглэлийн үнэлгээг “B”, төлөвийг “Тогтвортой” хэвээр үлдээснээ (2022.05.18) зарлалаа. Дунд хугацаандаа гадаад худалдааны тасалдал, Украйн дахь дайны улмаас үүссэн сөрөг нөлөө буурч, экспортын гол түүхий эдийг худалдан авах Хятадын эрэлт тогтвортой хэвээр байх тул Фитчээс Монгол Улсын ДНБ-ий өсөлтийг 2023 онд 6.3%, 2024 онд 6.8% хүртэл өснө гэж төсөөлж байна.
  • Уржигдар 18 цаг 25 мин
    ОҮИТБС-ын хүрээнд манай улсын эцсийн өмчлөгчийн мэдээлэл нэг үеэ бодвол ил гарч, бага багаар ахиж байгаа гэдэг нь ОҮТБИС-ын тайлан мэдээнээс харагдаж байна. 2013 онд 215 компани тайлан мэдээллээ ирүүлж байсан бол 2020 онд 687 компани мэдээллээ ирүүлжээ. Ялангуяа уул уурхай болон стратегийн салбарын эцсийн өмчлөгчийг ил тод болгон тайлагнах нь авлигыг багасган, олон нийт өгөөжийг тэгш хүртэх боломж бүрдүүлэх сайн талтай
  • Уржигдар 17 цаг 06 мин
    “Туркойз Хилл Ресурс” болон “Рио Тинто” компани Оюутолгой төслийн санхүүжилтийн төлөвлөгөөний гэрээний нөхцөлийг өөрчилсөн талаар (2022.05.18) мэдээллээ. Тус гэрээг талууд өнгөрсөн нэгдүгээр сарын 24-нд байгуулж байсан юм. Харин одоо санхүүжилтийн гэрээний нөхцөлийг өөрчилснөөр хувьцааны арилжаагаар хөрөнгө босгох хугацааны товыг хойшлуулахаар болжээ. Тодруулбал энэ оны наймдугаар сарын 31-н гэхэд “Туркойз Хилл” хамгийн багадаа 650 сая ам.доллар хүртэлх санхүүжилтийг хувьцааны арилжаагаар босгох байсныг энэ оны төгсгөл хүртэл сунгаж өгчээ.
  • 2022-05-18
    Засгийн газрын ээлжит хуралдаанаар газрын тосны бүтээгдэхүүн хуваах гэрээ, газрын тос олборлолт, газрын тос боловсруулах үйлдвэрийг түүхий эдээр хангах тухай салбарын сайд Г. Ёндон танилцуулсан байна. Цаашид Засгийн газрын зүгээс газрын тосны хайгуул, олборлолтыг эрчимжүүлэх чиглэлд Шадар сайдаар ахлуулсан Ажлын хэсэг гарч ажиллах юм байна. Энэ дагуу газрын тосны нөөц тогтоогдох боломж бүхий аймгуудын Засаг дарга нарт Ерөнхий сайдын захирамж, албан даалгаврыг хүргүүлэх ажээ.
  • 2022-05-18
    Салбарын яамны захиалгаар Европын Сэргээн Босголт, Хөгжлийн Банкны санхүүжилтээр Адам Смит Интернэйшнл байгууллага “Монгол Улсын Уул уурхайн салбарын хөрөнгө оруулалтын орчны жишиг судалгаа”-г боловсруулан гаргасан байна. Энэхүү судалгааны үр дүнг танилцуулах хэлэлцүүлэг, семинарыг (2022.05.17) зохион байгууллаа. Тус судалгаа нь Монгол Улсын уул уурхайн салбарын хөрөнгө оруулалтын өнөөгийн нөхцөл байдал, цаашид хэрэгжүүлэх арга хэмжээний талаарх саналуудыг тодорхойлох зорилготой юм.