The Mongolian Mining Journal МСНЭ-ийн Ерөнхийлөгчийн нэрэмжит шагнал хүртэв

2016-12-12 11:03


Монголын сэтгүүлзүй, хэвлэл мэдээллийн салбарын нэгдсэн шинэ жил, оны шилдгүүдийг шалгаруулах ёслолын ажиллагаа 2016 оны арванхоёрдугаар сарын 9-ний өдөр болов.

The Mongolian Mining Journal сэтгүүл Монголын Сэтгүүлчдийн Нэгдсэн Эвлэлийн Ерөнхийлөгчийн нэрэмжит шагналын эзнээр тодорсон юм. Тус сэтгүүлийн Редакциас 2016 онд орон нутгийн сэтгүүлчдийг давтан сургах, чадавхжуулах зорилгоор “Орон нутгийн сэтгүүлчдийн сүлжээ” төсөл хэрэгжүүлсэн бөгөөд уг төслийг онцлон МСНЭ-ээс мэргэжлийн сэтгүүлзүйг төлөвшүүлэхийн төлөөх оны шилдэг үйл ажиллагаа хэмээн үнэлж ийн шагнасан байна.  

The Mongolian Mining Journal сэтгүүлийн Редакц нь эдийн засаг, уул уурхайн сэдвээр нийтлэл бэлтгэн олон нийтэд хүртээмжтэй түгээхээс гадна эдийн засаг, уул уурхайн сэдвээр бичих сонирхолтой сэтгүүлчдэд мэргэшин, суралцах хэрэгцээ шаардлага зайлшгүй байгааг харгалзан Эрхлэгч Л.Болормаагийн санаачилгаар “Хөгжлийн төлөө сэтгүүл зүй” төрийн бус байгууллагыг 2010 онд байгуулан ажиллуулж ирсэн билээ. Монголын сэтгүүлчид тодорхой сэдвээр мэргэшин, шинжээчийн түвшинд бичих, нэвтрүүлэх чадвартайг, бие даан мэдлэг боловсролоо дээшлүүлэх, бие биедээ харилцан тусалж, мэдлэг туршлагаа солилцох, орчин цагийн дэлхийн сэтгүүл зүйн өндөр стандартыг нутагшуулахын тулд өөрсдөө бие даан холбоо харилцаа тогтоон ажиллаж чадахыг The Mongolian Mining Journal сэтгүүлийн Редакц бүхий л үйл ажиллагаагаараа харуулахыг чармайн ажиллаж ирсний илрэл нь “Хөгжлийн төлөө сэтгүүлзүй” юм.      

Эдийн засгийн чиглэлээр бичдэг сэтгүүлчдийн өмнө санхүүгийн мэдээлэл, үзүүлэлт, шинжээчдийн анализийг ухаж ойлгон, дүгнэлт хийх чадвар зүй ёсоор шаардагддаг. Эдийн засгийн мэдээллийг бэлтгэхэд тулгардаг эдгээр асуудлын заримд хариулт өгөх зорилгоор “Хөгжлийн төлөө сэтгүүлзүй” 2010 оноос эхлэн сургалтууд зохион байгуулж, өдөр тутмын сонин, сэтгүүл, телевизүүдийн сэтгүүлчдийг хамруулж ирэв.  

Сэтгүүлчдийн туршлага, мэдлэг, боловсрол адилгүй ч сэтгүүл зүйн салбарын онцлог, хариуцлага, олон нийтийн өмнө хүлээсэн үүргийн талаарх байр суурь ижил байх ёстой. Тиймээс 2015 онд орон нутгийн сэтгүүлчдийн эдийн засаг, эрдэс баялгийн салбарын талаарх мэдлэг ойлголтыг дээшлүүлэхийн тулд тодорхой төсөл хэрэгжүүлэх зорилт тавьсан юм. Германы Олон улсын хамтын ажиллагааны нийгэмлэгийн (GIZ) “Эрдэс баялаг түүхий эдийн иж бүрэн санаачлага” хөтөлбөрийн дэмжлэгтэйгээр “Орон нутгийн сэтгүүлчдийн сүлжээ” төслийг 2015 онд амжилттай эхлүүлж, 2016 онд ахьсан түвшинд үргэлжлүүлэн нийт 6 удаагийн цуврал сургалт Сэлэнгэ, Баянхонгор, Өвөрхангай аймаг болон Улаанбаатар хотод зохион байгуулж, амжилттай хэрэгжүүлэв. Сургалтад хоёр жилийн хугацаанд 16 аймгийн 70 орчим сэтгүүлч хамрагдсанаас 35 нь тогтмол оролцсон байна.  

Орон нутгийн сэтгүүлчдийг давтан сургах энэхүү үйл ажиллагаа нь хэвлэл мэдээллийн байгууллага зөвхөн мэдээлэх, мэдээллийг түгээснээр ажил үүргээ хязгаарлах биш  мэргэжлийнхээ, салбарынхаа эрх ашиг, хөгжил, төлөвшлийн төлөө оруулж буй хувь нэмэр юм.

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 12 цаг 12 минутын өмнө
    Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод хариуцлагатай болгоход чиглэсэн “Эрдэс баялаг-цахим шилжилт” хэлэлцүүлгийг УУХҮЯ-наас  өнгөрсөн сард зохион байгуулахаар товлосон боловч хойшлогдсон билээ. Тэгвэл Байгалийн баялгаас оюуны баялагт уриан дор тус цахим  хэлэлцүүлгийг маргааш зохион байгуулахаар болжээ.
  • 12 цаг 59 минутын өмнө
    ОХУ-ын Холбооны гаалийн газрын мэдээллээр, дөрөвдүгээр сард тус улс 1.66 сая тонн коксжих нүүрс экспортолжээ. Энэ нь өнгөрсөн оны мөн үеэс 7.61%-иар, өмнөх гуравдугаар сараас 48.82% -иар тус тус буурсан үзүүлэлт аж. Оны эхний дөрвөн сарын байдлаар нийт 8.53 сая тонн коксжих нүүрс экспортолсон байна. Мөн хугацаанд тус улсын  нүүрсний нийт экспортын хэмжээ 85.25 тоннд хүрсэн юм. Тэгвэл тавдугаар сард 19.27 сая тонн нүүрс экспортолсон нь түүхэн дээд хэмжээгээр тооцогдож байна.
  • Уржигдар 14 цаг 20 минутад
    Хятадын “China Aluminum Corporation” (Chinalco) компани нь нүүрстөрөгчийн давхар ислийн ялгаруулалтаа 2025 оноос өмнө бууруулж эхлэн, 2035 он гэхэд 40%-иар багасгах зорилтоо мэдэгджээ. Тус компани өнгөрсөн онд 3.69 сая тонн хөнгөн цагааны анхдагч үйлдвэрлэлийн 50%-д усан цахилгаан станцын эрчим хүч ашигласан тул “ногоон” үйлдвэрлэлд хамаарна гэж “Chinalco” үзэж байна. Тиймээс цаашид үйлдвэрлэлдээ нар, салхи  зэрэг сэргээгдэх эрчим хүчний ашиглалтыг нэмэгдүүлэхээр төлөвлөж буй аж. Энэ зургадугаар сард “Chinalco” нь анх удаа 400 сая юанийн (63 сая ам.доллар) дүнтэй бонд гаргажээ. Энэхүү хөрөнгийг “ногоон” зорилт буюу салхин паркийн бүтээн байгуулалтын өрийг дахин санхүүжүүлэхэд зарцуулах юм байна.
  • Уржигдар 14 цаг 05 минутад
    Хятадын зах зээл дээр нүүрсний үнэ өндөр буй үед өмнөд бүс нутгийн эрчим хүчний хомсдлоос сэргийлж тус улсын төр засгаас түүхий эд нөөцлөх дэд бүтцийг байгуулах ажлыг эрчимжүүлэхээр төлөвлөжээ. Тодруулбал, нүүрсний салбарын нөөцийг нэмэгдүүлэхийн тулд хадгалалтын байгууламжуудыг өргөтгөн сайжруулах шаардлагатайг Хятадын Үндэсний хөгжил, шинэтгэлийн хорооноос мэдэгдсэн байна. Тус хорооны Төрийн төлөвлөлтийн агентлагийн дарга Сюй Вэнбин “Нүүрсний нөөц, хуримтлалыг нэмэгдүүлснээр үндэсний эрчим хүчний аюулгүй байдлыг баталгаажуулна” хэмээн онцолжээ.
  • Уржигдар 11 цаг 56 минутад
    Засгийн газар КОВИД-19-ийн нөлөөллийг төсөвт нялзаахгүйг эрмэлзэж байна. Дотоодын нийт бүтээгдэхүүнд (ДНБ) оногдох төсвийн алдагдал, өрийг өмнө нь төлөвлөсөн хэмжээнд байлгахаар Засгийн газар “хичээж” байгаа нь тавдугаар сарын 13-ны өдөр баталсан хуулиар тод харагдлаа. Энэ өдөр 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуулийн төслийг эцэслэн баталсан юм. Төсвийн хүрээний мэдэгдлийг хэтэрхий бэлгэдлийн шинж чанартай зүйл гэж  эдийн засагчид хэлдэг нь улстөрчдийн төсвийн орлого, зарлагыг санаагаараа өөрчилж баталдаг барьцгүй зангаас улбаатай. Гэхдээ   төсвийн хүрээний мэдэгдлээс Засгийн газрын хэзээ, хэрхэн “ам гарсан” болохыг харж, ядаж дурсаж болох давуу талыг бид олж авдаг.