“Чалко” болон TTJVСо-ийн өрийг дарснаа мэдэгдэв

2017-03-30 13:15

“Эрдэнэс Тавантолгой” компани “Чалко” компанитай байгуулсан гэрээний дагуу өр төлбөрөө бүрэн барагдуулж дууссан гэдгээ өнөөдөр мэдэгдлээ. Мөн Зүүн Цанхийн уурхайд гэрээт олборлолт хийж байгаа TTJVСо компанийн 64 сая долларын өрийг энэ сард барагдуулж байгаа аж. “Чалко”-гийн өр төлбөрийг барагдуулсан ч гэрээний хугацаа дуусах болоогүй байгаа юм. Урьдчилгаа төлбөр 350 сая долларыг барагдуулснаас хойш 5 жил Зүүн Цанхийн уурхайгаас олборлосон нүүрсний 80 хувийг “Чалко”-д борлуулах гэрээтэй байдаг. Гэхдээ үнийн индескийг шинээр тохирох боломжтой бөгөөд энэ талаарх хэлэлцээрийг хийж байгаа хэмээн Гүйцэтгэх захирал Б.Ариунболд мэдэгдэв.

2011 оны 7 дугаар сард Засгийн газрын шийдвэрийн дагуу “Эрдэнэс Тавантолгой” компани “Чалко” компанитай нүүрс нийлүүлэх гэрээ байгуулж, 350 сая ам.долларын урьдчилгаа авч байсан билээ. Энэхүү мөнгөний дийлэнх хэсгийг Хүний хөгжил сангийн санхүүжилтэд зарцуулж, иргэн бүрт 21 мянган төгрөг болгон тарааж байсан юм. “Эрдэнэс Тавантолгой” компанийн анхны Гүйцэтгэх захирал, “Чалко”-гийн гэрээг байгуулж байсан Б.Энэбиш 3 жилийн өмнө сонинд өгсөн ярилцлагадаа, “Ингэж их хэмжээний урьдчилгаа мөнгө авах үндсэн шалтгаан нь Улсын Их Хурлаар батлагдсан Төсвийн хууль, Засгийн газрын тогтоолоор өгсөн үүрэг, Сангийн Яамны байнгын шахалтаар Хүний хөгжлийн санд компанийн зүгээс 338 тэрбум төгрөг 2011 онд багтааж төвлөрүүлэх хатуу даалгавартай байсантай холбоотой” хэмээн тайлбарлаж байсан юм.

Өрөө барагдуулахад гол нөлөө үзүүлсэн хүчин зүйл нь нүүрс борлуулалтыг нээлттэй үнийн сонгон шалгаруулалтаар борлуулж, Цанхийн баруун уурхайгаас олборлолт хийсэн нь нөлөөлөсөн гэв. Мөн нүүрс борлуулалтын үнээ 27 ам.доллараас 33,  50,  59.3, 72.5 ам.доллар болгон үе шаттай нэмэгдүүлж чаджээ. Өнгөрсөн онд 7.5 сая тонн нүүрс олборложээ.

Өр төлбөрөө барагдуулсанаар цаашид Зүүн болон Баруун Цанхийн уурхайн нүүрсний орлого төсөвт орох боломжтой болж байгаа аж. Энэ жил тус компани 11.5 сая тонн нүүрс олборлохоор төлөвлөснөөс 2.8 сая тонныг олборлож, 2.2 сая тонныг экспортлоод байна. Зах зээлийн үнэ боломжийн байвал энэ жил 550 сая долларын борлуулалтын орлого олох боломж бүрдэж байгаа хэмээн “Эрдэнэс Тавантолгой” компанийн удирдлагууд мэдэгдэв.

Түүнчлэн Баруун Цанхийн уурхайн гэрээт олборлогчийн тендерт “Монгол уурхайчид” нэгдэл ялж, олборлолтын ажлаа эхлүүлжээ. Ингэснээр жилийн олборлолтын зардал 200 тэрбум төгрөг Монголдоо үлдэх боломжтой. Баруун цанхийн олборлолтын өртөг Зүүнээс 2 дахин хямдхан байна.


С.Болд-Эрдэнэ

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 15 цаг 43 минутын өмнө
    Энэ оны дөрөвдүгээр сард, Хятад улс 97.85 сая тонн ган үйлдвэрлэсэн нь түүхэн дээд үзүүлэлтээр тооцогдож байна. Өмнөх сарын үйлдвэрлэлийн хэмжээнээс 4.1%-иар өссөн болохыг тус улсын Статистикийн ерөнхий хорооноос мэдээлжээ. Өнгөрсөн сарын байдлаар, нэг өдрийн гангийн гарц 3.26 сая тонн буюу өмнөх сарынхаас 7.5%-иар нэмэгдсэн аж. Тэгвэл эхний дөрвөн сард Хятад улс нийт 374.56 сая тонн ган үйлдвэрлэжээ. Өмнөх оны мөн үеэс 16%-иар өссөн үзүүлэлттэй байна. Гангийн үйлдвэрлэлийн гол түүхий эдийн нэг төмрийн хүдрийн үнэ он гарснаас хойш 40%-иар нэмэгджээ. Тус улсын гангийн томоохон үйлдвэрлэлийн бүс нутаг Хэбэй мужийн үйлдвэрлэлийг хязгаарлах болсон нь түүхий эдийн үнэ өсөхөд нөлөөлж буйг шинжээчид тайлбарлаж байна.
  • Уржигдар 16 цаг 00 минутад
    Он гарсаар алтны ханш 9%-иар буураад байна. Энэ нь дэлхийн эдийн засаг хэвийн байдалд орох төлөв болон АНУ-ын Засгийн газрын бондын ханш өсч буйтай холбоотой.  Тийнхүү өнгөрсөн оны наймдугаар сард түүхэн дээд хэмжээнд хүрсэн  алтны ханш гуравдугаар сарын хоёрдугаар хагаст  бараг 20%-иар буурсан гэсэн үг. Гэхдээ алтны хөрөнгө оруулагчдын хувьд сэтгэлээр унах цаг болоогүйг шинжээчид санууллаа. Бондын өгөөж нэмэгдсэн ч инфляц өсөх болсон нь алтны ханшид эерэгээр нөлөөлнө. Мэдээж инфляцыг дагаад   алтны ханш шууд өснө гэж үзэх боломжгүй. Гэвч сүүлийн жилүүдэд инфляцийн өсөлт, алтны ханшийн чангаралт шууд хамааралтай байна. АНУ-д энэ онд инфляц 2.4%-д хүрэхээр байгаа нь Холбооны нөөцийн банкны зорилтот түвшин болох 2%-иас дээшлэх юм. Инфляц өндөр байх тусам бондын бодит өгөөж буурч,   алт руу хошуурах явцыг түргэсгэнэ. 
  • Уржигдар 13 цаг 40 минутад
    “Оюутолгой” компани, гүний уурхайн төслийн хэмжээнд нийт 13 мянган ажилтан, ажиллагсад ажиллаж байна. Эдгээрээс 9013 ажилтан I тун, 1517 ажилтан хоёр шатны тунг бүрэн хийлгэжээ. Ингэснээр уурхайн талбайд байрлаж буй ажиллагсдын 88% нь вакцинжуулалтад хамрагдсан бөгөөд вакцинжуулалтын ажил үргэлжилж байгаа аж. Оюутолгойн баяжмалын тээврийн жолооч нар болон баяжмалын тээвэрт оролцдог багуудыг хамгийн эхний ээлжинд вакцинжуулалтад хамруулсан байна.
  • 2021-05-14 14:15
    Улсын  тусгай хамгаалалттай газрын ангиллыг шинэчлэн тогтоох тухай УИХ-ын 1995 оны 26 дугаар тогтоолд нэмэлт, өөрчлөлт оруулах  хуулийн  төслийг УИХ-ын гишүүн Г.Тэмүүлэн өргөн барьж буйгаа (2021.05.14) онцоллоо. Улсын тусгай хамгаалалттай газрын ангиллыг шинэчлэн тогтоох зайлшгүй шаардлагатай байгааг тэрээр  тодотгоод  хуулийн төсөлд Архангай аймгийн Өндөр-Улаан, Тариат, Жаргалан сумдын Далтын нуруу, Шаргачин голын ай савыг тусгай хамгаалалтад авахаар тусгасан гэлээ.  Тус бүс нутагт байгалийн унаган төрхийг хадгалах, экологийн тэнцвэрт байдлыг хангахаас гадна хөдөө аж ахуйн чиглэлээр үйл ажиллагаа явуулах боломж бүрдэнэ гэж хуулийн төсөл боловсруулагчид үзжээ.  Эдгээр  нь ураны маргаантай бүс нутаг байж ирсэн юм.
  • 2021-05-14 13:15
    Оюутолгойн 66 хувийг эзэмшигч “Туркойз хилл ресурс” компани лхагва гарагт 2021 оны нэгдүгээр улирлын санхүү, үйл ажиллагааны тайлангаа танилцууллаа. Оюутолгойн уурхай оны эхний гурван сард 45.449 тонн зэс, 145.656 унц алт олборложээ. Энэ нь 2020 оны мөн үеийнхээс зэсийн олборлолт 29, алтны олборлолт 461.5 хувиар тус тус өссөн үзүүлэлт бөгөөд “Туркойз хилл ресурс” компани оны эхний улиралд 526.5 сая ам.долларын орлого олсон нь өмнөх оны нэгдүгээр улиралтай харьцуулахад 302.8 хувиар өссөн байна. Оюутолгойн олборлолт, үйл ажиллагаа сайн гүйцэтгэлтэй байж, дэлхийн зах зээл дээрх зэс, алтны ханш өссөн нь орлогын хэмжээ ийнхүү нэмэгдэхэд нөлөөлжээ.