Нарны эрчим хүч: Энэтхэгийн цахилгааны хамгийн том шинэ эх үүсвэрээр тодров

2017-11-24 13:50

Дэлхийн долоо дахь том эдийн засагтай улс болох Энэтхэг орны шинээр суурилуулж буй цахилгааны эх үүсвэрт нарны эрчим хүч нүүрснийхийг давсан тухай өчигдөр олон улсын хэвлэлүүд мэдээллээ. Ингэснээр шинээр суурилуулсан эрчим хүчний эх үүсвэрийн 39%-ийг нарны станцаас бүрдүүлж байна. Зөвхөн энэ оны байдлаар нийт 7.1ГВт хэмжээний нарны хавтангуудыг тус улсад суурилуулаад байна. Өнгөрсөн онд уг үзүүлэлт 4.3ГВт байсантай харьцуулахад энэ оны дүн хавьгүй өсөлттэй гараад байгаа тухай АНУ-д төвтэй Mercom Capital судалгаа, зөвлөгөөний компани мэдэгджээ.   

Энэтхэг улсын хувьд сэргээгдэх эрчим хүчний хүчин чадлыг эрчимтэй нэмэгдүүлэх бодлого баримтлан ажиллаж байгаа бөгөөд 2022 он гэхэд ногоон эрчим хүчний суурилагдсан хүчин чадлыг 175ГВт-д хүргэхээр зорьж буй ажээ. Үүний 100ГВт нь нарных байна гэж төлөвлөөд байна. Гэхдээ энэ зуур нүүрсний станцын хүчин чадлын хэмжээ ч бас адилхан нэмэгдэх төдийгүй 2027 онд Энэтхэгийн нүүрсний хэрэглээ оргилдоо хүрээд буурах замдаа орох тухай IEEFA байгууллагын мягмар гаригт дэлгэсэн тайланд өгүүлжээ.

Өнгөрсөн оны хувьд Энэтхэгийн эрчим хүчний салбарт эргэлт гарсан жил байсан гэж хэлж болно. Учир нь тус улсын сэргээгдэх эрчим хүчний суурилагдсан хүчин чадлын өргөтгөл анх удаагаа уламжлалт эрчим хүчнийхийг давжээ. Энэ жил ч энэ байдал үргэлжлэхээр байгааг PwC судалгааны байгууллагын ажилтан Амит Кумар тэмдэглэжээ.

2016 оны аравдугаар сарын байдлаар Энэтхэг улсын нийт эрчим хүчний 61 орчим хувийг нүүрс, 15.1%-ийг сэргээгдэх эрчим хүч, 14%-ийг ус, 8.1%-ийг хий, 1.9%-ийг цөмийн эрчим хүч, 0.3%-ийг дизель станц эзэлж байжээ.

Нарны станцын хувьд энэ онд үлэмж амжилт тогтоогоод байгаа ч дамжуулах сүлжээнд холбох ажилд тус улсын Засгийн газар хөшүүн хандаж байгаагаас гадна суурилуулалт энэ оны зорилтот хэмжээнээс даруй 3ГВт-аар доогуур байгаа ажээ.   

Энэтхэгийн зах зээлд сэргээгдэх эрчим хүчний эзлэх орон зай эрчимтэй тэлж буйн шалтгааныг шинжээчид энэ төрлийн цахилгааны эх үүсвэрийн үнэ тариф буурч буйн зэрэгцээ үр ашиг нь дээшилж байгаатай холбон тайлбарлаж байна.



Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 16 минутын өмнө
    Энэ оны дөрөвдүгээр сард, Хятад улс 97.85 сая тонн ган үйлдвэрлэсэн нь түүхэн дээд үзүүлэлтээр тооцогдож байна. Өмнөх сарын үйлдвэрлэлийн хэмжээнээс 4.1%-иар өссөн болохыг тус улсын Статистикийн ерөнхий хорооноос мэдээлжээ. Өнгөрсөн сарын байдлаар, нэг өдрийн гангийн гарц 3.26 сая тонн буюу өмнөх сарынхаас 7.5%-иар нэмэгдсэн аж. Тэгвэл эхний дөрвөн сард Хятад улс нийт 374.56 сая тонн ган үйлдвэрлэжээ. Өмнөх оны мөн үеэс 16%-иар өссөн үзүүлэлттэй байна. Гангийн үйлдвэрлэлийн гол түүхий эдийн нэг төмрийн хүдрийн үнэ он гарснаас хойш 40%-иар нэмэгджээ. Тус улсын гангийн томоохон үйлдвэрлэлийн бүс нутаг Хэбэй мужийн үйлдвэрлэлийг хязгаарлах болсон нь түүхий эдийн үнэ өсөхөд нөлөөлж буйг шинжээчид тайлбарлаж байна.
  • Уржигдар 16 цаг 00 минутад
    Он гарсаар алтны ханш 9%-иар буураад байна. Энэ нь дэлхийн эдийн засаг хэвийн байдалд орох төлөв болон АНУ-ын Засгийн газрын бондын ханш өсч буйтай холбоотой.  Тийнхүү өнгөрсөн оны наймдугаар сард түүхэн дээд хэмжээнд хүрсэн  алтны ханш гуравдугаар сарын хоёрдугаар хагаст  бараг 20%-иар буурсан гэсэн үг. Гэхдээ алтны хөрөнгө оруулагчдын хувьд сэтгэлээр унах цаг болоогүйг шинжээчид санууллаа. Бондын өгөөж нэмэгдсэн ч инфляц өсөх болсон нь алтны ханшид эерэгээр нөлөөлнө. Мэдээж инфляцыг дагаад   алтны ханш шууд өснө гэж үзэх боломжгүй. Гэвч сүүлийн жилүүдэд инфляцийн өсөлт, алтны ханшийн чангаралт шууд хамааралтай байна. АНУ-д энэ онд инфляц 2.4%-д хүрэхээр байгаа нь Холбооны нөөцийн банкны зорилтот түвшин болох 2%-иас дээшлэх юм. Инфляц өндөр байх тусам бондын бодит өгөөж буурч,   алт руу хошуурах явцыг түргэсгэнэ. 
  • Уржигдар 13 цаг 40 минутад
    “Оюутолгой” компани, гүний уурхайн төслийн хэмжээнд нийт 13 мянган ажилтан, ажиллагсад ажиллаж байна. Эдгээрээс 9013 ажилтан I тун, 1517 ажилтан хоёр шатны тунг бүрэн хийлгэжээ. Ингэснээр уурхайн талбайд байрлаж буй ажиллагсдын 88% нь вакцинжуулалтад хамрагдсан бөгөөд вакцинжуулалтын ажил үргэлжилж байгаа аж. Оюутолгойн баяжмалын тээврийн жолооч нар болон баяжмалын тээвэрт оролцдог багуудыг хамгийн эхний ээлжинд вакцинжуулалтад хамруулсан байна.
  • 2021-05-14 14:15
    Улсын  тусгай хамгаалалттай газрын ангиллыг шинэчлэн тогтоох тухай УИХ-ын 1995 оны 26 дугаар тогтоолд нэмэлт, өөрчлөлт оруулах  хуулийн  төслийг УИХ-ын гишүүн Г.Тэмүүлэн өргөн барьж буйгаа (2021.05.14) онцоллоо. Улсын тусгай хамгаалалттай газрын ангиллыг шинэчлэн тогтоох зайлшгүй шаардлагатай байгааг тэрээр  тодотгоод  хуулийн төсөлд Архангай аймгийн Өндөр-Улаан, Тариат, Жаргалан сумдын Далтын нуруу, Шаргачин голын ай савыг тусгай хамгаалалтад авахаар тусгасан гэлээ.  Тус бүс нутагт байгалийн унаган төрхийг хадгалах, экологийн тэнцвэрт байдлыг хангахаас гадна хөдөө аж ахуйн чиглэлээр үйл ажиллагаа явуулах боломж бүрдэнэ гэж хуулийн төсөл боловсруулагчид үзжээ.  Эдгээр  нь ураны маргаантай бүс нутаг байж ирсэн юм.
  • 2021-05-14 13:15
    Оюутолгойн 66 хувийг эзэмшигч “Туркойз хилл ресурс” компани лхагва гарагт 2021 оны нэгдүгээр улирлын санхүү, үйл ажиллагааны тайлангаа танилцууллаа. Оюутолгойн уурхай оны эхний гурван сард 45.449 тонн зэс, 145.656 унц алт олборложээ. Энэ нь 2020 оны мөн үеийнхээс зэсийн олборлолт 29, алтны олборлолт 461.5 хувиар тус тус өссөн үзүүлэлт бөгөөд “Туркойз хилл ресурс” компани оны эхний улиралд 526.5 сая ам.долларын орлого олсон нь өмнөх оны нэгдүгээр улиралтай харьцуулахад 302.8 хувиар өссөн байна. Оюутолгойн олборлолт, үйл ажиллагаа сайн гүйцэтгэлтэй байж, дэлхийн зах зээл дээрх зэс, алтны ханш өссөн нь орлогын хэмжээ ийнхүү нэмэгдэхэд нөлөөлжээ.