“Орон нутгийн сэтгүүлчдийн сүлжээ” төслийн сургалт 4 дэх жилдээ хэрэгжиж байна

2018-05-31 18:58
Монголын уул уурхай, эдийн засгийн мэргэшсэн The Mongolian Mining Journal сэтгүүлийн дэргэд дэх “Хөгжлийн төлөө сэтгүүл зүй” ТББ-аас ОРОН НУТГИЙН СЭТГҮҮЛЧДИЙН СҮЛЖЭЭ төслийг 4 дэх жилдээ хэрэгжүүлж байна. Сэтгүүлийн редакцын санаачилгатай анх 2015 онд эхлүүлсэн “Орон нутгийн сэтгүүлчдийн сүлжээ” төслийг Германы хамтын ажиллагааны нийгэмлэгийн (GIZ) Эрдэс баялаг түүхий эдийн иж бүрэн санаачилгын (ЭТИС) дэмжлэгтэйгээр өнгөрсөн 3 жилийн турш тасралтгүй, амжилттай хэрэгжүүллээ. Мөн хугацаанд 8 удаагийн цуврал семинарт 21 аймгийн нийт 100 гаруй сэтгүүлч хамрагджээ. Энэхүү төслийг 2018 онд үргэлжлүүлэн “Оюутолгой” компани болоод МУИС-ийн Сэтгүүл зүйн тэнхим, Германы хамтын ажиллагааны нийгэмлэгийн ЭТИС хөтөлбөрийн дэмжлэгтэйгээр 4 дэх жилдээ зохион байгуулж байна. 2018 онд нийт гурван удаагийн цуврал семинар болох юм. Дараагийн буюу 10 дахь цуврал семинараар Өмнөговь аймаг дахь Оюутолгой төслийн далд уурхайн бүтээн байгуулалттай танилцахаар төлөвлөж байна. 

2018 оны эхний семинарын арга хэмжээ тавдугаар сарын 28-29-ны өдрүүдэд Төв аймаг дахь Монгол Кувейтийн байгаль хамгаалах төвд боллоо. 

Семинарын нэг дэх өдөр уул уурхай, эдийн засаг, төсвийн талаарх сэдвүүдэд чиглэсэн юм. “Уул уурхайн салбарын эдийн засагт үзүүлэх нөлөө” сэдвээр МУИС-ийн ШУС-ийн Эдийн засгийн тэнхимийн эрхлэгч, дэд профессор, Эдийн засгийн судалгаа, эрдэм шинжилгээний хүрээлэнгийн захирал Б.Түвшинтөгс илтгэл тавьсан. Тэрээр эдийн засаг дахь уул уурхайн салбарын дам нөлөө, эрдсийн түүхий эдийн ханшийн тандалт, таамгийг улсын төсөв болоод судалгаануудад тусгах талаарх ойлголтыг өгсөн. Улсын төсвийн тухайн жилийн онцлог, уул уурхайн салбарын орлого, үнэ ханшийн таамаглал, тооцоололд дүн шинжилгээ хийн уншигчдад хэрхэн ойлгомжтойгоор мэдээлэх, нийтлэл бичих талаар MMJ-ийн сэтгүүлч Б.Төгсбилэгт “Төсөв бичих нь” сэдвээр илтгэж, өөрийн туршлагаас хуваалцав. Тавантолгой ордыг эдийн засгийн эргэлтэд оруулах, дэлхийн хөрөнгийн бирж дээр IPO гаргах, Монгол улсын бүх иргэддээ хувьцаа хуваарилах асуудал ид яригдаж байгаа билээ. Үүнтэй уялдуулан хувьцаа, хөрөнгийн бирж, хувьцааны ногдол ашгийн талаар МICC компанийн Ерөнхийлөгч Д.Ачит-Эрдэнэ “Хөрөнгийн зах зээл ба хувьцааны тухай анхан шатны ойлголтууд” сэдвээр илтгэл тавьж, сэтгүүлчдийн сонирхсон асуултад хариуллаа. Уул уурхайн салбарын тухай мэдвэл зохистой ерөнхий цогц ойлголтыг QMC компанийн Ерөнхий захирал М.Дагва “Уул уурхай гэж юу вэ?” илтгэлээрээ сонирхолтой хичээл заалаа.

Семинарын хүрээнд “Орон нутгийн сэтгүүлчдийн сүлжээ” төслийн энэ жилийн дэмжигчээр ажиллаж байгаа “Оюутолгой” компанийн Олон нийттэй харилцах мэргэжилтэн Ц.Ганзориг “Оюутолгой компанийн орон нутагтай харилцах туршлагаас” сонирхуулсан юм.

Цэвэр мэргэжлийн, сэтгүүл зүйн хүрээнд салбарын хөгжил, чиг хандлагын сэдэв дор зохион байгуулагдсан хоёр дахь өдрийн семинараар МУИС-ийн ШУС-ийн Нийгмийн ухааны салбар хариуцсан дэд захирал, доктор, дэд профессор Б.Болд-Эрдэнэ “Интернет орчин, сэтгүүл зүй, боломж”,  МУИС-ийн Сэтгүүл зүй, олон нийтийн харилцааны тэнхимийн багш, докторант Д.Идэржаргал  “Сошиал медиа ба цахим мэдээллийн боловсрол”, МУИС-ийн Сэтгүүл зүй, олон нийтийн харилцааны тэнхимийн багш, доктор, дэд профессор Б.Наранбаатар “Хэвлэл мэдээллийн эрх зүйн орчин ба сэтгүүлч” гэсэн илтгэлүүдийг тавьсан юм.

2018 оны ес дэх удаагийн семинарт 21 аймгийн хэвлэл мэдээллийн салбарт идэвхтэй үйл ажиллагаа явуулж буй байгууллагын нийт 35 сэтгүүлч оролцов.
 
 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 13 цаг 32 минутын өмнө
    Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод хариуцлагатай болгоход чиглэсэн “Эрдэс баялаг-цахим шилжилт” хэлэлцүүлгийг УУХҮЯ-наас  өнгөрсөн сард зохион байгуулахаар товлосон боловч хойшлогдсон билээ. Тэгвэл Байгалийн баялгаас оюуны баялагт уриан дор тус цахим  хэлэлцүүлгийг маргааш зохион байгуулахаар болжээ.
  • 14 цаг 18 минутын өмнө
    ОХУ-ын Холбооны гаалийн газрын мэдээллээр, дөрөвдүгээр сард тус улс 1.66 сая тонн коксжих нүүрс экспортолжээ. Энэ нь өнгөрсөн оны мөн үеэс 7.61%-иар, өмнөх гуравдугаар сараас 48.82% -иар тус тус буурсан үзүүлэлт аж. Оны эхний дөрвөн сарын байдлаар нийт 8.53 сая тонн коксжих нүүрс экспортолсон байна. Мөн хугацаанд тус улсын  нүүрсний нийт экспортын хэмжээ 85.25 тоннд хүрсэн юм. Тэгвэл тавдугаар сард 19.27 сая тонн нүүрс экспортолсон нь түүхэн дээд хэмжээгээр тооцогдож байна.
  • Уржигдар 14 цаг 20 минутад
    Хятадын “China Aluminum Corporation” (Chinalco) компани нь нүүрстөрөгчийн давхар ислийн ялгаруулалтаа 2025 оноос өмнө бууруулж эхлэн, 2035 он гэхэд 40%-иар багасгах зорилтоо мэдэгджээ. Тус компани өнгөрсөн онд 3.69 сая тонн хөнгөн цагааны анхдагч үйлдвэрлэлийн 50%-д усан цахилгаан станцын эрчим хүч ашигласан тул “ногоон” үйлдвэрлэлд хамаарна гэж “Chinalco” үзэж байна. Тиймээс цаашид үйлдвэрлэлдээ нар, салхи  зэрэг сэргээгдэх эрчим хүчний ашиглалтыг нэмэгдүүлэхээр төлөвлөж буй аж. Энэ зургадугаар сард “Chinalco” нь анх удаа 400 сая юанийн (63 сая ам.доллар) дүнтэй бонд гаргажээ. Энэхүү хөрөнгийг “ногоон” зорилт буюу салхин паркийн бүтээн байгуулалтын өрийг дахин санхүүжүүлэхэд зарцуулах юм байна.
  • Уржигдар 14 цаг 05 минутад
    Хятадын зах зээл дээр нүүрсний үнэ өндөр буй үед өмнөд бүс нутгийн эрчим хүчний хомсдлоос сэргийлж тус улсын төр засгаас түүхий эд нөөцлөх дэд бүтцийг байгуулах ажлыг эрчимжүүлэхээр төлөвлөжээ. Тодруулбал, нүүрсний салбарын нөөцийг нэмэгдүүлэхийн тулд хадгалалтын байгууламжуудыг өргөтгөн сайжруулах шаардлагатайг Хятадын Үндэсний хөгжил, шинэтгэлийн хорооноос мэдэгдсэн байна. Тус хорооны Төрийн төлөвлөлтийн агентлагийн дарга Сюй Вэнбин “Нүүрсний нөөц, хуримтлалыг нэмэгдүүлснээр үндэсний эрчим хүчний аюулгүй байдлыг баталгаажуулна” хэмээн онцолжээ.
  • Уржигдар 11 цаг 56 минутад
    Засгийн газар КОВИД-19-ийн нөлөөллийг төсөвт нялзаахгүйг эрмэлзэж байна. Дотоодын нийт бүтээгдэхүүнд (ДНБ) оногдох төсвийн алдагдал, өрийг өмнө нь төлөвлөсөн хэмжээнд байлгахаар Засгийн газар “хичээж” байгаа нь тавдугаар сарын 13-ны өдөр баталсан хуулиар тод харагдлаа. Энэ өдөр 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуулийн төслийг эцэслэн баталсан юм. Төсвийн хүрээний мэдэгдлийг хэтэрхий бэлгэдлийн шинж чанартай зүйл гэж  эдийн засагчид хэлдэг нь улстөрчдийн төсвийн орлого, зарлагыг санаагаараа өөрчилж баталдаг барьцгүй зангаас улбаатай. Гэхдээ   төсвийн хүрээний мэдэгдлээс Засгийн газрын хэзээ, хэрхэн “ам гарсан” болохыг харж, ядаж дурсаж болох давуу талыг бид олж авдаг.