Хөрөнгө оруулалтын хурлууд

2018-08-29 11:01
Н.Ариунтуяа

Монголын уул уурхайн талаарх олон улсын мэдээллийн эрэлт хэрэгцээ “Оюутолгой” асуудал зөрчилтэй үед үүсч, шийдвэрлэгдмэгц намждаг тухай Германы сэтгүүлч, доктор Дирк Асэндорпф MMJ-д өгсөн ярилцлагадаа нэгэнтээ өгүүлж байв. Өдгөө Монголын уул уурхайн талаарх олон улсын мэдээллийн хэрэгцээ яг тийм эрэлттэй нөхцөлд байгаа ба харамсалтай нь таагүй, сөрөг мэдээлэл давамгайлан байна.

Монголын Засгийн газар хамгийн том хөрөнгө оруулагч “Рио Тинто”-той Олон улсын арбитрын шүүх дээр уулзаж болзошгүй ээдрээтэй нөхцөл байдал үүсээд байна. Английн Дээд шүүхээс Монголын хоёр дахь том зэсийн төсөл “Эрдэнэт үйлдвэр”-ийг Стандарт банкинд 98 сая ам.доллар төлөх, эд хөрөнгийг нь битүүмжлэх шийдвэр өнгөрсөн сард гаргасан. 36 удаа хойшилсон Гацуурт төсөлтэй холбоотой шүүх хурал 37 дахь дээрээ шийдвэрээ гарган, Канадын хөрөнгө оруулалттай “Сентерра гоулд Монголия” компанид хамаарах дөрвөн лицензийг цуцлахыг АМГТГ-т даалгасан ба лицензүүд цуцлагдах тохиолдолд асуудал арбитр дээр шийдэгдэж болзошгүй.

Иймэрхүү мэдээлэл, нөхцөл байдлууд манай улсын уул уурхайн салбарын хөрөнгө оруулалтын ирээдүйг бүрхэг, итгэлгүй харагдуулан байна.

Зэрэгцээд УИХ-аас “Тавантолгойн ордыг эдийн засгийн эргэлтэд оруулах ажлыг эрчимжүүлэх тухай” 73 дугаар тогтоолыг баталж, “Эрдэнэс Тавантолгой” компанийн 30%-ийг дотоодын болон гадаадын хөрөнгийн бирж дээр арилжаалах, төмөр зам, автозам, эрчим хүч зэрэг дэд бүтцийн асуудлыг яаралтай шийдвэрлэх шийдэл гарсан билээ.

Тавантолгойн коксжих нүүрсний ордод үйл ажиллагаа явуулж буй төрийн өмчийн  “Эрдэнэс Тавантолгой” компанийн IPO-г гадаадын бирж дээр хийх ойрын ирээдүйн ажлын бэлтгэл энэ өдрүүдэд эхэлсэн төдийгүй Тавантолгой-Гашуунсухайт чиглэлийн төмөр замын төслийн компанийн 49%-ийг гадаадын хөрөнгө оруулагчид санал болгох яриа хэлэлцээр эхлүүлээд байгаа. Тавантолгойн тогтоолыг УИХ-аар батлуулахдаа ЭТТ-н IPO-г 180 хоногт багтаан хийнэ гэж андгай тангараг өргөх нь холгүй амласан Уул уурхай, хүнд үйлдвэрийн сайд Д.Сумъяабазар эдүгээ уулзсан хүн, очсон газар бүхэндээ энэ IPO-гийн талаар дуулгаж явна. Хонконг руу гарах уу, Шанхайн бирж зүгээр үү, Нью-Йорк ямар бол гэсэн бодолд автсан тэрээр удахгүй дэлхийн санхүүгийн төвүүд рүү хүмүүсээ илгээн Тавантолгойн IPO-гийн роудшоуг эхлүүлэх төлөвтэй.  

Яг ийм нөхцөлд Монголын уул уурхайн салбарын байдал, чиг хандлагыг тольдож болдгийн хувьд гадаад, дотоодын хөрөнгө оруулагчдын анхаарлын төвд зохиогддог томоохон хоёр хурал Улаанбаатарт зэрэг шахам болох гэж байна. Намрын хурлуудын ууган арга хэмжээний салхийг найм дахь “Coal Mongolia” хагалж, залгуулаад арван зургаа дахь “Дисковер Монголиа” чуулга уулзалт буухиаг үргэлжлүүлнэ.   

Хөрөнгө оруулалтын орчин савлагаатай, зөрчил маргаантай асуудлууд давамгайлж, Монголыг өөдрөг бишээр харж байгаа хэдий ч Монгол Улс гадаадын хөрөнгө оруулагчидтай учраа ололцох, тэдний анхаарлыг татахаас аргагүй нөхцөл байдалд байна. Ийм тохиолдолд уул уурхайн хөрөнгө оруулагчдын хамгийн том цугларалт болдог, хөрөнгө оруулалт, бизнесийн шинэ боломжуудын талаар төвлөрч ярилцдаг, бодлого шийдлийг танилцуулдаг, мэдээлэл солилцдог эдгээр чуулга уулзалтуудад төрийн яамд, тэр тусмаа уул уурхай, дэд бүтэц хариуцсан Салбарын яамд, төрийн агентлагууд хариуцлагатай танилцуулга хийх ёстой билээ.

Хөрөнгө оруулагчдын хувьд ч Монгол  Улсын Засгийн газар ямар итгэл өгөх бол, өнөө маргаашдаа ямар шийдвэр гаргах бол гэсэн хүлээлтээр эдгээр хурлыг зорин ирэх нь дамжиггүй.    
“Дисковер Монголиа”, “Coal Mongolia” чуулга уулзалтууд хөрөнгө оруулагчдад бодлого шийдлээ ярих, задалж тайлбарлаж, ойлгуулах чухал нэгэн талбар юм. Нэг ёсондоо хөрөнгө оруулагчдад боломж бололцоогоо таниулах өдрүүд хаяанд ирлээ.         
Хөрөнгө оруулагчдын хувьд ч Монгол  Улсын Засгийн газар ямар итгэл өгөх бол, өнөө маргаашдаа ямар шийдвэр гаргах бол гэсэн хүлээлтээр эдгээр хурлыг зорин ирэх нь дамжиггүй.   

Нүүрсний бүх төрлийн нөөцтэй Монгол Улсын хувьд нүүрс нь бизнесийн компаниуд   төдийгүй улсын эдийн засагт томоохон байр суурь эзлэх болсон тул коксжих нүүрсний зах зээлд гарч буй өөрчлөлт, чиг хандлага, стратеги нь анхаарлаас гадуур өнгөрөөх аргагүй сэдэв юм. Тиймээс Coal Mongolia хурлыг угтан The Mongolian Mining Journal нь нүүрсний салбарт төвлөрсөн мэдээллийг сэтгүүлийн шинэ дугаартаа цогцоор нь хүргэж байна. Тавантолгойн ордын ТЭЗҮ-г боловсруулсан, тус ордын ашиглалтын талаар Монгол Улсын Засгийн газарт зөвлөж байсан Оросын эрдэмтэн А.А.Белинкинийг энэ дугаартаа урьж ярилцлаа. Түүнчлэн, Тавантолгойн IPO, Тавантолгой-Гашуунсухайтын төмөр зам тойрсон шинэ мэдээллүүд, коксжих нүүрсний зах зээлд гарч буй өөрчлөлт, чиг хандлага, Монголын нүүрсний компаниудын олборлолт, экспортын талаарх хамгийн сүүлийн үеийн мэдээллийг багтаалаа.  Тухлан уншина уу.  
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 20 цаг 0 минутын өмнө
    Монголбанкны Мөнгөний бодлогын хорооны (2021.06.23) ээлжит хурлаар эдийн засаг, банк, санхүүгийн зах зээлийн өнөөгийн байдал гадаад, дотоод орчны төлөв, эдгээрийн ирээдүйн хандлага, эрсдэлийг харгалзан үзэж дараах шийдвэрийг гаргалаа. Үүнд, бодлогын хүүг 6%-д хэвээр хадгалах, мөн төв банкны репо санхүүжилтийн гуравдугаар улиралд олгох хэмжээг 250 хүртэлх тэрбум төгрөгөөр нэмэгдүүлэхээр шийдвэрлэжээ. Гэхдээ КОВИД-19 цар тахлын дотоод тархалттай холбоотойгоор эдийн засгийн салбаруудын өсөлт харилцан ялгаатай, цаашдын төлөв жигд бус байгаагийн дээр тодорхой бус байдал буурахгүй байна.
  • 20 цаг 45 минутын өмнө
    Гаалийн хяналтын бүс Цагаан хаданд тэг зогсолт хийж, ирэх долдугаар сарын эхэн хүртэл Гашуунсухайт боомтоор нүүрс нэвтрүүлэхгүй болсныг "Баянзам тээвэрчдийн холбоо" мэдээллээ. УОК-ын орлогч дарга, Батлан хамгаалахын сайд Г.Сайханбаяр ахалсан Ажлын хэсэг Цагаан хаданд ажиллаж “Баянзам тээвэрчдийн холбоо", тээвэрчдийн төлөөлөлтэй хамтарсан уулзалт хийж дараах шийдвэрийг гаргасан байна. Тодруулбал, нөхцөл байдалтай Ажлын хэсэг танилцсанаар Цагаан хаданд байгаа тээвэрчдийг нэгдсэн журмаар буцаахаар болжээ. Үүний зэрэгцээ тухайн бүсэд тэг зогсолт хийж байна.
  • 2021-06-21 12:04
    “Том орлого, том зардал” гэж товчхоноор “Эрдэнэс Тавантолгой” компанийг тодорхойлж болно. Бүр тодруулбал орлогоос нь давсан хөрөнгө оруулалтын үүрэг хариуцлага тус компанид оноогджээ. “Эрдэнэс Тавантолгой” нь Монголын хамгийн том нүүрс олборлогч, экспортлогч болон урагшлан хөгжиж байгаагийн хувьд мэдээж орлогын үзүүлэлт асар том байдаг. Энэ нь ч улсын төсөв, хөрөнгө оруулалт талаасаа сайхан зүйл. Гэхдээ бүх зүйл үргэлж сайхан байгаагүйг салбарынхан мартаагүй. Хятадын “Чалко” компанид тавьсан их өрийг барагдуулах ажил 2016 оны нүүрсний ханшийн өсөлтийн ачаар нэлээд урагшлах болж, 2017 оны эхний улиралд нийтдээ зургаан жилийн турш төлөлт нь сунжирсан их өрийг бүрэн барагдуулж чадсан юм.
  • 2021-06-21 10:24
    Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод, хариуцлагатай болгох зорилгоор УУХҮЯ-наас  “Эрдэс баялаг-цахим шилжилт”  цахим хэлэлцүүлгийг (06.18) анх удаа зохион байгууллаа. “Байгалийн баялгаас Оюуны баялагт” уриатай тус хэлэлцүүлгийг нээж Монгол Улсын Ерөнхий сайд Л.Оюун-Эрдэнэ мэндчилгээ ирүүлсэн юм. Тэрээр мэндчилгээндээ, Монгол Улс дижитал шилжилтийн бодлогоо тодорхойлон эхний ээлжид төрийн үйлчилгээний E-Mongolia цахим үйлчилгээний нэгдсэн порталыг байгуулсан бөгөөд төрийн 50 орчим байгууллагын 500 гаруй үйлчилгээг олон нийтэд үзүүлж байна. Цаашид төрийн ажил, үйлчилгээг бүрэн цахимжуулах, ашиглалтыг нь сайжруулах, иргэдийн цахим боловсролыг дээшлүүлэн мэдээллийн технологид суурилсан бүтээгдэхүүн үйлчилгээг хөгжүүлж, мэдээллийн аюулгүй байдлыг хангах зорилгоор “Цахим үндэстэн” цогц ажлыг эхлүүлээд байна хэмээн онцлон дурдав. 
  • 2021-06-18 16:26
    Дэлхийн зэсийн импортын зах зээлийн тал хувийг дангаараа бүрдүүлдэг Хятад улс стратегийн нөөцөөсөө зарим түүхий эдийг дотоодын үйлдвэрлэгчдэд нийлүүлэхээр болсон тухай зарлаж (2021.06.16) байна. Энэ нь зах зээл дэх нийлүүлэлтийг нэмэгдүүлж, ханшийг бууруулах зорилготой. Үүнд зэс, цайр, хөнгөн цагаан багтана. 2010 оноос хойш Хятадын Засгийн газрын хийж буй анхны алхам гэж шинжээчид үзэж байна. Ингэснээр зэсийн ханш сүүлийн хоёр сарын хугацаан дахь хамгийн доод түвшинд хүрч, нэг тонн нь 9427 ам.долларт хүрлээ. Тодруулбал зургадугаар сар гарсаар зэсийн ханш Лондоны металын бирж дээр 7.7%-иар буурчээ.