“Трансвест Монголиа” компани Монголын нөхцөлд зориулан нэмэлт тоноглол суурилуулсан PC1250-8 экскаваторыг танилцууллаа

2018-12-19


Уул уурхайн компаниуд экскаватор сонгож авахдаа манай эрс тэс уур амьсгалд хэрхэн зохицож ажиллахыг нэн түрүүнд анхаардаг. Үүнээс гадна тухайн компанийн  хосолж ажиллах автосамосвалд экскаваторын шанаганы хэмжээ болон бусад техникийн үзүүлэлтүүд тохирох учиртай. Эдгээр шалгуур үзүүлэлтүүдийг сайн хангаж, Монголын нөхцөлд шалгараад байгаа экскаватораар Комацу брэндийн PC1250-8 загварыг нэрлэж болох бөгөөд  сүүлийн 1.5 жилд тус загварын нэлээд хэдэн экскаватор Өмнөговь аймаг Оюутолгой, Тавантолгой, Гурвантэс төдийгүй Төв аймаг Заамар, Сэлэнгэ аймаг дахь төмрийн хүдэр, нүүрс, жонш, алтны олон уурхайд нийлүүлэгдэн үүргээ гүйцэтгэж байна.

Комацу  брэндийн тоног төхөө­рөмжүүд төрөл ангилалаас хамаа­ран ойролцоо­гоор 5-10 жил тутамд шинэчлэгддэг бөгөөд PC1250-8 загвар нь хамгийн сүүлийн дэвшилтэт загвар юм. Өмнөх загвартай харьцуулахад “супер хүч” хэмээх үзүүлэлт нэмж, хөдөлгүүрийн хүчийг сайжруулжээ.




МОНГОЛЫН НӨХЦӨЛД ЗОРИУЛСАН НЭМЭЛТ ТОНОГЛОЛ

Тус брэндийг Монголын хэрэг­лэгч­­дэд хүргэдэг “Трансвест Монголиа” компани нь үйлдвэрт бэлэн байгаа экскаваторыг шууд захиалж авчирдаггүй бөгөөд Монгол орны эрс тэс хүйтэн, халуун цаг агаарт тохирсон эд анги, түлшний чанарт тохирсон нэмэлт шүүр бүхий систем, шороо тоосны илүү нарийн шүүр зэргийг тусгайлан нэмж үйлдвэрт захиалга өгдөг. Техникийн тохиргоог ингэж бүрдүүлэх нь уг төхөөрөмжөө илүү удаан ашиглах, эвдрэл багатай зардал багасах зэрэг эерэг нөлөөтэй юм.

Уул уурхайн тоног төхөөрөмжид гал гарч, шатах эрсдэлтэй байдаг тул худалдан авагчтай зөвшилцсөний дагуу автомат галын систем FSI суурилуулж өгдөг. Энэ галын систем 180 хэмийн халууныг мэдэрч  автоматаар ажиллах ба шин­гэн төрлийн хөөсөн галын систем юм. 


ХӨДӨЛГҮҮРИЙН ХҮЧИН ЧАДАЛ

PC1250-8  экскаваторын хөдөлгүүрийн хүчин чадлыг ямар нөхцөлд ямар материалтай ажиллаж байгаагаас шалтгаалан тохируулж болдог. Хүчтэй, хэмнэлтийн гэсэн хоёр горимтой хэмнэлтийн горим нь дотроо дөрвөн түвшинтэй. Өнгөн хөрс хуулах, ажлын хөнгөн нөхцөлд ажиллах бол дэлгэцэн дээрх тохиргоон дээрээс хөдөлгүүрийн  хүчийг багасгаж тохируулна. Харин хад чулуу ихтэй, тэсэлгээтэй, хүч шаардсан ажил хийх үедээ хөдөлгүүрийн хүчийг бүрэн ашиглах гэх мэтээр ялгагдана. Ажлын горимыг ингэж тохируулах нь түлш хэмнэхэд тустай юм. 




ХЭРЭГЛЭЭ 

6.7м3 шанаганы баг­таамж нь бусад ойролцоо төрлийн экскаватортой  харь­цуу­лахад том, 110 тн ашиглалтын жинтэй, сүүлийн үед ашиглагдаж байгаа бусад брендийн 50-60 тоннын даацтай машинуудтай маш сайн хоршиж ажиллаж байна. 
PC1250-8 экскаватор нь том болон жижиг экскаватортай харьцуулбал ажиллах хүрээ илүү уян хатан ямар ч төрлийн уурхайд ажиллах бололцоотой тоног төхөөрөмж юм.

PC1250-8 загварын экска­ваторыг бүх төрлийн уурхайд ашиглаж, ажлын бүтээлийг нь нотолсон байна.


ЗАСВАР ҮЙЛЧИЛГЭЭ 

“Нэгэнт манайд ажил­лаж танигдсан машин, тоног төхөөрөмжийг дагаад засвар үйлчилгээ ч илүү сайн байдаг.PC1250-8 загварын экскаваторуудаар өнгөрсөн хугацаанд уурхайнууд төлөв­лөсөн ажлаа хуваа­рийн дагуу хийж, эвдрэл гэмтэл гараагүй” гэдгийг Трансвест Монголиа-ынхан онцоллоо.Учир нь тус компани Монголын зах зээлд ний­лүүлсэн машиныхаа сэл­бэ­гийн нөөцийг үүс­гэж эхэлдэг байна. Уг  экска­ваторыг авахад тус компанийн инженер, техникийн ажилт­нууд хэдэн мот.цагт ямар хэмжээний засвар хийх хуваарийг уурхай тус бүрийн ажиллах нөхцлийг тооцоолон гаргаж өгдөг. Үүнээс хэдийд ямар зардал гарах төдийгүй өдөрт /цагт/ хэдэн төгрөгийн зар­дал гарахыг мэдэж болох юм.




Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 15 цаг 37 мин
     Канад Улсын Гадаад хэргийн яамны санхүүжилттэй “Монгол Улс: Институцийн өөрчлөлт хийх замаар эрдэс баялгийн менежментийг сайжруулах” MERIT төсөл,  төрийн өмчит “Эрдэнэс Монгол” группийн охин компани “Эрдэнэс Силвер Ресурс” ХХК  Салхитын мөнгө, алтны ордын Хаалтын менежментийн төлөвлөгөөг жишиг байдлаар боловсруулж байгаа билээ. Салхитын уурхайн хаалтын менежментийн төлөвлөгөө боловсруулах жишиг төслийн хоёрдугаар улирал 2022 оны арванхоёрдугаар сарын 15-нд дуусч, төслийн гуравдугаар улирал эхэлсэн юм. Төслийн Үндэсний зөвлөхүүд өөрсдийн хариуцсан хаалтын төлөвлөгөөний бүх бүлгийг энэ улиралд багтааж бүрэн боловсруулж дуусгахаар ажиллаж байна.
  • Уржигдар 15 цаг 20 мин
    “Оюу толгой” компани 2022 оны IV улирлын үйл ажиллагааны голлох үзүүлэлт, гүний уурхайн төслийн явцаа өнөөдөр танилцууллаа.  2022 онд Оюу толгой үйлдвэрлэлээ амжилттай өрнүүлж, нэгдүгээр сард хийсэн гүний уурхайн огтлох малтлагаас хойш бүтээн байгуулалтаа ахиулан ажиллаж, Монгол Улсын эдийн засагт томоохон хувь нэмэр оруулжээ.  “Оюу толгой” компанийн 2010-2022 оны хооронд дотоодод зарцуулсан мөнгөн хөрөнгө 15 тэрбум ам.доллар буюу 34 их наяд төгрөгийг давсан ба тус дүнгийн 75 хувийг дотоодын худалдан авалтад зарцуулжээ. “Оюу толгой” компанийн Гүйцэтгэх захирлын үүрэг гүйцэтгэгч Жак ван Тондер “Өмнийн говьдоо урьдчилан тооцоолоогүй нөхцөл байдалд дэлхийн жишигт нийцсэн уурхайг бүтээн байгуулж буй уурхайчдаараа би бахархаж байна. Бид өнөөг хүртэл нийт 19 хүдэр буулгуурыг тэсэлсэн байна” гэв.
  • Уржигдар 14 цаг 21 мин
    Монгол Улс Рио Тинтогоос уурхайн өргөтгөлийн ажлын зардал болох 7.06 тэрбум ам.долларын төсвөө цаашид нэмэгдүүлэхгүй байхыг хүслээ. Гүний уурхайн бүтээн байгуулалтын өргөтгөлийн асуудлаар хоёр талын маргаан дөнгөж саяхан дууссан. Рио өнгөрсөн онд Монгол Улсын эзэмшлийн 34%-д ногдох 2.4 тэрбум ам.долларын өрийг тэглэж, нэмэлт зээлийн санхүүжилт нэмэхгүй байхаар тохиролцсон.   Уурхайн төслийг өргөтгөх зардал 2016 онд 5.3 тэрбум ам.доллараар хэмжигдэж байснаас өсөж, маргаан үүссэн. Уул уурхай, хүнд үйлдвэрийн сайд Ж.Ганбаатар өнгөрсөн нэгдүгээр сарын 16-нд Ройтерс агентлагт видео ярилцлага өгөхдөө “Засгийн газар Рио Тинтогоос төсвөө нэмэхгүй байхыг хүссэн” гэж хэлэв. Харин Рио Тинто энэ талаар мэдээлэл өгөхөөс татгалзсан байна.
  • Уржигдар 12 цаг 25 мин
    Дэлхий даяар эрчим хүч, харилцаа холбоо, цахилгаан бараа, барилгын салбар, аж үйлдвэрийн машин механизм, тоног төхөөрөмж, тээврийн хэрэгсэл, өргөн хэрэглээний болон бусад ахуйн хэрэглээний салбаруудад эрэлт хэрэгцээ сүүлийн 50 жилд дунджаар 3 дахин өсжээ. Олон улсын зэс судлалын группийн судалгаанаас үзэхэд тоног төхөөрөмж үйлдвэрлэлийн салбар хамгийн том эцсийн хэрэглэгч салбар бөгөөд дараа нь барилга ба дэд бүтцийн салбарууд зэсийг их хэрэглэдэг.
  • Уржигдар 11 цаг 49 мин
    Төрийн өмчит уул уурхайн үйлдвэрийн газруудын нэгдсэн бодлого, удирдлага менежментээр ханган ажиллах, хөгжлийн бодлогыг хэрэгжүүлэх  үүрэг бүхий “Эрдэнэс Монгол” ХХК байгуулагдаад 15 жил болсон ч үндсэн үүргээ бүрэн дүүрэн хэрэгжүүлж чадаагүй гэсэн дүгнэлтийг Засгийн газар хийсэн.  Тиймээс бүтэц, зохион байгуулалтын өөрчлөлт хийж, менежментийн баг байгуулан олон улсад болон дотооддоо хөрөнгө босгох чиглэлүүдэд анхаарал хандуулж, Монгол Улсын баялгийн санг бүрдүүлэх, хөгжүүлэхэд үнэтэй хувь нэмэр оруулах томоохон компани болгох зорилтоо ЗГХЭГ-ын дарга Д.Амарбаясгалан танилцуулсан. Үүний тулд  “Эрдэнэс Монгол”-д өндөр ур чадвартай мэргэжилтэн ажиллаж, цалин хангамжийн хувьд ч Монголдоо толгой цохих хэмжээний компани байх учиртай гэж мэдэгдээд, тус компанийн Гүйцэтгэх захирлаас бусад 88 ажлын байранд нээлттэй сонгон шалгаруулалт зарласан билээ.