TRQ: Оюутолгой үйлдвэрлэлийн төлөвлөгөөгөө давуулан биелүүлэв

2019-01-18 18:14

Оюутолгой төслийн 66%-ийг эзэмшдэг “Туркойз Хилл Ресурс” (TRQ) компани 2018 оны дөрөвдүгээр улирлын үйл ажиллагааны тайлангаа танилцууллаа. Тус компанийн мэдээлж буйгаар өнгөрсөн оны хэмжээнд Оюутолгой уурхайн зэс үйлдвэрлэл төлөвлөсөн зорилтоос 2.6%, алтных 1.8%-иар тус тус давж биелжээ. Тодруулбал баяжмал дахь цэвэр металын агуулгаар авч үзвэл Оюутолгойн зэсийн үйлдвэрлэл өмнөх онд 159.1 мянган тонн, алтных 285 мянган унц гэж гарчээ.

Өнгөрсөн оны сүүл улиралд алтны үйлдвэрлэл ялангуяа онцгой өсөлттэй буюу өмнөх 2017 оны дөрөвдүгээр улирлынхаас 234.3%-иар нэмэгдэж 117 мянган унцид хүрсэн байна. Ийнхүү алтны үйлдвэрлэл нэмэгдэхэд хүдрийн агуулга болон баяжуулах үйлдвэрийн метал авалт өссөн нь голлон нөлөөлжээ.

Гэхдээ өнгөрсөн улиралд компанийн тооцоолсончлон баяжуулах үйлдвэрт боловсруулагдах хүдрийн хэмжээ 2017 оны сүүл улирлынхаас 13.6%-иар буурсан байна. Энэ нь уурхайн дөрөвдүгээр үе шатны хүдэр хатуулаг өндөртэй байгаатай холбоотой байсныг компанийн мэдээнд онцоллоо.

TRQ 2019 онд Оюутолгой уурхайгаас баяжмал дахь цэвэр металын агуулгаар 125-155 мянган тонн зэс, 180-220 мянган унц алт үйлдвэрлэхээр төлөвлөсөн байна. Мөн баяжуулах үйлдвэрт орох хүдрийн нийт хэмжээ 40 сая тонн байхаар тооцсон бөгөөд өнгөрсөн онд уг үзүүлэлт 38.7 сая тоннд хүрчээ.

“Оюутолгой” компанийн 2018 оны үйлдвэрлэлийн төлөвлөгөө нь /баяжмал дахь цэвэр металын агуулгаар/ 125-155 мянган тонн зэс, 240-280 мянган унц алтаар хэмжигдэж байснаас үзэхэд энэ онд алтны үйлдвэрлэлийн хэмжээ 2018 оныхоос багагүй хэмжээгээр буурахаар байна. Гэхдээ энэ оны төлөвлөгөө нь 2017 онд Оюутолгойн алтны нийт үйлдвэрлэл 114 мянган унц байсантай харьцуулахад хавьгүй өндөр дүн юм.

TRQ-ийн мэдээлж буйгаар энэ онд далд уурхайн хөндлөн нэвтрэлтийг 15-16 км-ээр урагшлуулахаар төлөвлөсөн бөгөөд уурхайн энэ оны санхүүжилтийн удирдамжийг тодорхой хугацааны дараа танилцуулах юм.   

“Оюутолгой” компани өнгөрсөн оны сүүлээр уурхайн эрчим хүчний хангамжтай холбоотой “Эрчим хүчний эх үүсвэрийн зохицуулалтын тухай” гэрээг Засгийн газартай байгуулсан билээ. Энэ хүрээнд одоо холбогдох судалгааны ажлыг эцэслэн боловсруулах ажил хамгийн чухлаар тавигдаж байна. Гэрээний хүрээнд уурхайг эрчим хүчээр хангах станцыг Тавантолгойд байгуулж, бүтээн байгуулалтыг 2020 оны гуравдугаар сард эхлүүлж, 2023 оны дундуур ашиглалтад оруулахаар тогтсон юм.  


Оюутолгойн үйлдвэрлэлийн статистик

 

2018 У1

2018 У2

2018 У3

2018 У4

2018

оны хэмжээнд

 

Олборлосон материал (мян.тн)

 

23,131

 

22,792

 

22,523

 

22,863

 

91,310

Боловсруулсан хүдэр (мян.тн)

9,561

10,164

9,652

9,361

38,738

Баяжуулах үйлдвэрт орсон хүдрийн дундаж агуулга:

 

 

 

 

 

Зэс (%)

0.51

0.48

0.51

0.55

0.51

Алт (гр/тн)

0.25

0.26

0.38

0.56

0.36

Мөнгө (гр/тн)

1.32

1.17

1.19

1.22

1.22

Үйлдвэрлэсэн баяжмал (мян.тн)

177.3

178.8

179.8

189.0

724.9

Баяжмалын дундаж агуулга

(% Cu)

21.9

22.0

21.9

21.9

21.9

Үйлдвэрлэсэн бүтээгдэхүүн /баяжмал дахь цэвэр металын агуулгаар/:

 

 

 

 

 

Зэс (мян.тн)

38.8

39.4

39.4

41.5

159.1

Алт (мян.унц)

42

50

77

117

285

Мөнгө (мян.унц)

221

225

230

238

914

Борлуулсан баяжмал (мян.тн)

163.1

220.0

171.9

191.4

746.4

Борлуулсан бүтээгдэхүүн /баяжмал дахь цэвэр металын агуулгаар/:

 

 

 

 

 

Зэс (мян.тн)

34.3

46.1

36.0

40.2

156.7

Алт (мян.унц)

31

51

55

111

248

Мөнгө (мян.унц)

206

250

201

216

873

Метал авалт (%)

 

 

 

 

 

Зэс

79.5

79.7

80.9

84.8

81.4

Алт

55.0

59.8

64.7

71.7

65.2

Мөнгө

54.6

58.4

62.8

67.1

60.9

 

 

 

 

 

 


Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 21 цаг 3 минутын өмнө
    Монголбанкны Мөнгөний бодлогын хорооны (2021.06.23) ээлжит хурлаар эдийн засаг, банк, санхүүгийн зах зээлийн өнөөгийн байдал гадаад, дотоод орчны төлөв, эдгээрийн ирээдүйн хандлага, эрсдэлийг харгалзан үзэж дараах шийдвэрийг гаргалаа. Үүнд, бодлогын хүүг 6%-д хэвээр хадгалах, мөн төв банкны репо санхүүжилтийн гуравдугаар улиралд олгох хэмжээг 250 хүртэлх тэрбум төгрөгөөр нэмэгдүүлэхээр шийдвэрлэжээ. Гэхдээ КОВИД-19 цар тахлын дотоод тархалттай холбоотойгоор эдийн засгийн салбаруудын өсөлт харилцан ялгаатай, цаашдын төлөв жигд бус байгаагийн дээр тодорхой бус байдал буурахгүй байна.
  • 21 цаг 48 минутын өмнө
    Гаалийн хяналтын бүс Цагаан хаданд тэг зогсолт хийж, ирэх долдугаар сарын эхэн хүртэл Гашуунсухайт боомтоор нүүрс нэвтрүүлэхгүй болсныг "Баянзам тээвэрчдийн холбоо" мэдээллээ. УОК-ын орлогч дарга, Батлан хамгаалахын сайд Г.Сайханбаяр ахалсан Ажлын хэсэг Цагаан хаданд ажиллаж “Баянзам тээвэрчдийн холбоо", тээвэрчдийн төлөөлөлтэй хамтарсан уулзалт хийж дараах шийдвэрийг гаргасан байна. Тодруулбал, нөхцөл байдалтай Ажлын хэсэг танилцсанаар Цагаан хаданд байгаа тээвэрчдийг нэгдсэн журмаар буцаахаар болжээ. Үүний зэрэгцээ тухайн бүсэд тэг зогсолт хийж байна.
  • 2021-06-21 12:04
    “Том орлого, том зардал” гэж товчхоноор “Эрдэнэс Тавантолгой” компанийг тодорхойлж болно. Бүр тодруулбал орлогоос нь давсан хөрөнгө оруулалтын үүрэг хариуцлага тус компанид оноогджээ. “Эрдэнэс Тавантолгой” нь Монголын хамгийн том нүүрс олборлогч, экспортлогч болон урагшлан хөгжиж байгаагийн хувьд мэдээж орлогын үзүүлэлт асар том байдаг. Энэ нь ч улсын төсөв, хөрөнгө оруулалт талаасаа сайхан зүйл. Гэхдээ бүх зүйл үргэлж сайхан байгаагүйг салбарынхан мартаагүй. Хятадын “Чалко” компанид тавьсан их өрийг барагдуулах ажил 2016 оны нүүрсний ханшийн өсөлтийн ачаар нэлээд урагшлах болж, 2017 оны эхний улиралд нийтдээ зургаан жилийн турш төлөлт нь сунжирсан их өрийг бүрэн барагдуулж чадсан юм.
  • 2021-06-21 10:24
    Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод, хариуцлагатай болгох зорилгоор УУХҮЯ-наас  “Эрдэс баялаг-цахим шилжилт”  цахим хэлэлцүүлгийг (06.18) анх удаа зохион байгууллаа. “Байгалийн баялгаас Оюуны баялагт” уриатай тус хэлэлцүүлгийг нээж Монгол Улсын Ерөнхий сайд Л.Оюун-Эрдэнэ мэндчилгээ ирүүлсэн юм. Тэрээр мэндчилгээндээ, Монгол Улс дижитал шилжилтийн бодлогоо тодорхойлон эхний ээлжид төрийн үйлчилгээний E-Mongolia цахим үйлчилгээний нэгдсэн порталыг байгуулсан бөгөөд төрийн 50 орчим байгууллагын 500 гаруй үйлчилгээг олон нийтэд үзүүлж байна. Цаашид төрийн ажил, үйлчилгээг бүрэн цахимжуулах, ашиглалтыг нь сайжруулах, иргэдийн цахим боловсролыг дээшлүүлэн мэдээллийн технологид суурилсан бүтээгдэхүүн үйлчилгээг хөгжүүлж, мэдээллийн аюулгүй байдлыг хангах зорилгоор “Цахим үндэстэн” цогц ажлыг эхлүүлээд байна хэмээн онцлон дурдав. 
  • 2021-06-18 16:26
    Дэлхийн зэсийн импортын зах зээлийн тал хувийг дангаараа бүрдүүлдэг Хятад улс стратегийн нөөцөөсөө зарим түүхий эдийг дотоодын үйлдвэрлэгчдэд нийлүүлэхээр болсон тухай зарлаж (2021.06.16) байна. Энэ нь зах зээл дэх нийлүүлэлтийг нэмэгдүүлж, ханшийг бууруулах зорилготой. Үүнд зэс, цайр, хөнгөн цагаан багтана. 2010 оноос хойш Хятадын Засгийн газрын хийж буй анхны алхам гэж шинжээчид үзэж байна. Ингэснээр зэсийн ханш сүүлийн хоёр сарын хугацаан дахь хамгийн доод түвшинд хүрч, нэг тонн нь 9427 ам.долларт хүрлээ. Тодруулбал зургадугаар сар гарсаар зэсийн ханш Лондоны металын бирж дээр 7.7%-иар буурчээ.