“Нэн түрүүнд ХАБ”:  Аюулгүй ажиллагааны олон чухал зүйлсийн  нэг нь манлайлал 

2019-10-01 13:31

Жил бүр уламжлал ёсоор зохион байгуулагддаг “Нэн түрүүнд ХАБ” бага хурлын энэ удаагийн чуулган өнөөдөр “Корпорэйт Конвеншн центр”-т эхэлж байна.  “Аюулгүй байдалд манлайлах нь” уриатай тус чуулганыг нээж    мэргэшсэн ХАБЭА-н мэргэжилтнүүдийн холбооны  (МОШПА) Ерөнхийлөгч Ц.Нацагдорж үг хэллээ. Тэрээр,  8 дахь удаагаа зохион байгуулагдаж байгаа энэ хурлыг уул уурхайн салбарт тэргүүлэгч, ХАБ-ын асуудлыг дэлхийн түвшинд хэрэгжүүлэгч “Оюутолгой”, “Эрдэнэт” үйлдвэрийн хамт олонд талархлаа илэрхийлье. Өнөөдөр  хөдөлмөрийн аюулгүй ажиллагаа улс орны хэмжээнд хүнд хэвээр байна. Хөдөлмөр эрхэлж байгаа хүн болгон аюулгүй ажиллагааны соёлыг эзэмших ёстой. ХАБ-ын бусад норматив бичиг баримтуудыг боловсронгуй болгож, амьдралд нэвтрүүлэх, хэрэгжүүлэх, зөв тогтолцоог бий болгох нь тулгамдсан асуудал болж байна” хэмээн тодотгон хэллээ. 
 
2018 оны бага хурлыг “Ослыг харах алсын хараа” хөдөлгөөнд нэгдэх уриатайгаар зохион байгуулсан билээ. Хэдийгээр олон байгууллага уг хөдөлгөөнд нэгдсэн ч энэхүү хөдөлгөөний мөн чанарыг ойлгох, нэвтрүүлэх, хэрэгжүүлэхэд онцгой анхаарч ажиллах шаардлагатай аж. Ялангуяа энэ хөдөлгөөний алтан 7 зарчмын тэргүүн зорилт болох манлайлагч байхад илүү ач холбогдол өгөх ёстой гэдгийг  МОШПА-ын Ерөнхийлөгч Ц.Нацагдорж   хэлж байна. 

Бага хурлын нээлтийн үйл ажиллагаанд оролцсон УИХ-ын гишүүн А.Ундраа “Аюулгүй байдал, хөдөлмөр хамгаалал гэдэг бол зөвхөн хүний амь нас, эрүүл мэндийг авран хамгаалахаас гадна өдөр тутмын соёл юм” хэмээн тодотгосон. Монгол Улсын Засгийн газрын 2016-2020 оны үйл ажиллагааны хөтөлбөрт үйлдвэрлэлийн осол, мэргэжлээс шалтгаалах өвчнөөс урьдчилан сэргийлэх тодорхой зорилтыг дэвшүүлэн ажиллаж байгаа юм. Энэхүү зорилтын хүрээнд Хөдөлмөр, нийгмийн хамгааллын яамны зүгээс хэд хэдэн томоохон ажлыг зохион байгуулж байна. Тухайлбал, ХАБЭА-ын үндэсний 5 дахь хөтөлбөрийг 2017 онд баталсанаас  хойш салбарын хэмжээнд багагүй зүйлүүд хийгдсэн юм.
 Монгол Улсын хувьд нийт аж ахуйн нэгж, байгууллагуудын 86% нь 1-9 хүний бүрэлдэхүүнтэй буюу  жижиг, дунд үйлдвэрлэлийн хэлбэртэй. Гэвч  эдгээр жижиг, дунд үйлдвэрлэл, тэр дундаа боловсруулах үйлдвэрүүдэд гарсан осол аваарын тоо сүүлийн жилүүдэд буурахгүй байна. Тиймээс салбарын яам болон бодлого боловсруулагч, хэрэгжүүлэгчдийн зүгээс аль болох жижиг, дунд үйлдвэрлэгч рүү хандсан ХАБ-ын үйл ажиллагааг идэвхижүүлэх шаардлага зүй ёсоор тулгарчээ. Мөн мэргэжлээс шалтгаалах өвчлөлийн хяналтанд 2018 оны байдлаар 3143 хүн хамрагджээ. Хяналтад байгаа хүмүүсийн 71% нь уул уурхайн салбарт ажиллагсад аж. 

Бага хурлын зочдын нэг “Оюутолгой” ХХК-ийн Гүйцэтгэх захирал Армандо Торрес мэндчилгээндээ “Аюулгүйн ажиллагаанд олон зүйл чухал байдгийн нэг нь манлайлал юм. Манлайлагчид тухайн байгууллагын дотоод соёлыг тодорхойлоход маш өндөр  үүрэг гүйцэтгэдэг. Улмаар байгууллагын дотоод соёл нь аюулгүй ажиллагааны орчин нөхцлийг тодорхойлдог билээ. Хүмүүсийнхээ төлөө санаа тавьдаг удирдагч л аюулгүй ажиллагааг нэн түрүүнд тавьж ажилладаг. Үүний ач холбогдлыг эд эсээрээ мэдэрсэн байх нь чухал юм” хэмээн  дурдлаа.

Бага хурал нь эхний өдрөө   “Хөдөлмөрийн эрүүл мэнд, аюулгүй байдлын бодлого, зорилт”, “Аюулгүй байдалд манлайлах нь” гэсэн үндсэн сэдвүүдийн хүрээнд хуралдаж, харин хоёр дахь өдөр нь  аж ахуйн нэгжүүдийн ХЭМАБ-ын сайн туршлагаас хуваалцсан хэлэлцүүлэг өрнөх юм.  

 
Г.Идэр  

    
 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 3 цаг 56 минутын өмнө
    Ерөнхий сайд Л.Оюун-Эрдэнэ Засгийн газар “Тавантолгой нүүрс баяжуулах үйлдвэр” байгуулах шийдвэр гаргасныг уурхайчдад танилцууллаа. Тус үйлдвэр 2023 онд ашиглалтад орох бөгөөд жилд 30 сая тн нүүрс баяжуулж, нэмүү өртөг шингээн экспортод гаргах юм. Ингэснээр Монгол Улсын уул уурхайн салбар олборлолтоос боловсруулалт руу шилжиж байна гэдгийг Ерөнхий сайд онцлон тэмдэглэв.
  • Өчигдөр 18 цаг 55 минутад
    Монгол Улсын Ерөнхий сайд Л.Оюун-Эрдэнэ  өнөөдөр (05.06)  хилийн боомтуудын нөхцөл байдалтай танилцаж байна. Тэрээр Гашуунсухайтын боомтоос гадна Тавантолгой-Гашуунсухайт, Тавантолгой-Зүүнбаян чиглэлийн төмөр замын бүтээн байгуулалт, халдвар хамгааллын явц байдалтай биечлэн  танилцахаар төлөвлөжээ. Өчигдрийн байдлаар Гашуунсухайт боомтоор 76 жолооч экспорт, импорт хийхээр Хятадын талд шинжилгээ өгсөн байна. Жолооч нарын хариу сөрөг гарвал тус хилийн боомтын үйл ажиллагааг хэвийн үргэлжлүүлэх нөхцөл бүрдэнэ гэдгийг холбогдох албаны хүмүүс мэдэгдэж байсан. Тэгвэл Ерөнхий сайд хилийн боомттой танилцахдаа дараах мэдээллийг  өглөө.   
  • Өчигдөр 12 цаг 21 минутад
    Бразилийн уул уурхайн “Vale” компани нь Мозамбик улс дахь нүүрсний төслүүдээ худалдахаар энэ жил төлөвлөжээ. Цаашдаа ч нүүрсний бизнесийг орхихоор зорьж буйгаа тус компанийн Санхүү эрхэлсэн захирал Лучиано Сиани мэдэгдсэн байна. Нүүрсний төслүүдийг нь худалдаж авах 20 гаруй хүсэлт ирснийг мэдээлэлд дурджээ. Энэ талаар зургадугаар сард багтаан албан ёсоор мэдэгдэж, худалдах гэрээ хэлэлцээрийг оны дөрөвдүгээр улиралд хийх аж. “Vale” компанийн мэдэлд, 2011 оноос эрчим хүч, коксжих нүүрсний олборлолт явуулж буй Мозамбик улсад орших “Moatize” уурхай бий. Тус уурхай жилд 22 сая тонн нүүрс олборлох хүчин чадалтай ч одоогоор 15 сая тонн олборлож буй.
  • Өчигдөр 12 цаг 06 минутад
    Канадын “Айвенхоу Майнз” компани БНАКонго улс дахь зэсийн “Камоа-Какула” төслийн уурхайг ашиглалтад оруулахад бэлэн болжээ. Тодруулбал, энэ тавдугаар сарын эцэс, эсвэл зургадугаар сарын эхээр буюу төлөвлөсөн хугацаанаас өмнө ашиглалт орно хэмээн тус компани мэдээлсэн байна. Уг мэдээллээр, уурхайн Баяжуулах үйлдвэрийн барилга, угсралтын ажил дуусч, туршилтын үйлдвэрлэл явагдаж буй аж. Уурхайгаас ойролцоогоор 140 мянган тонн зэс агуулсан 3 сая тонн хүдэр олборлон бэлтгэжээ. Эхний ээлжинд, 3.8 сая тонн хүдэр боловсруулж, үйлдвэрлэлийг аажим нэмэгдүүлснээр жилд 200 мянган тонн зэс үйлдвэрлэх хүчин чадалд хүргэхээр төлөвлөжээ.
  • Уржигдар 17 цаг 58 минутад
    Засгийн газрын ээлжит хуралдаанаар (2021.05.05) “Эрдэнэт үйлдвэр” ТӨҮГ-ыг түшиглэн уул уурхай-металлурги-химийн үйлдвэрийн цогцолбор байгуулахаар шийдвэрлэв. Энэхүү цогцолборыг Орхон аймгийн Баян-Өндөр сумын нутагт байгуулах аж.  Үйлдвэрлэл, технологийн паркийн үйл ажиллагаа эрхлэх тусгай зөвшөөрлийг “Эрдэнэт үйлдвэр”-т олгож байна. Тус үйлдвэр нь 1.8 их наяд төгрөгөөр зэсийн баяжмал хайлах, боловсруулах, Засвар механикийн, исэлдсэн хүдэр боловсруулах, хүхрийн хүчлийн болон эмулсийн тэсрэх бодисын үйлдвэр барина. Төсөл хэрэгжсэнээр эхний 20 жилд 46 их наяд төгрөгийн орлого олж, 3.9 их наяд төгрөгийн татварын өмнөх ашигтай ажиллан төсөвт 1.4 их наяд төгрөгийн татвар төлнө гэж тооцжээ.