“Орон нутгийн сэтгүүлчдийн сүлжээ-2019” нэгдсэн сургалт эхэллээ

2019-11-02 16:24

The Mongolian Mining Journal сэтгүүлийн дэргэдэх “Хөгжлийн төлөө сэтгүүл зүй” ТББ-аас  хэрэгжүүлж буй “Орон нутгийн сэтгүүлчдийн сүлжээ 2019" төслийн нэгдсэн сургалт өнөөдөр Улаанбаатар хотноо эхэллээ. Хагас өдөр үргэлжлэх энэ удаагийн сургалтын эхний илтгэл “Хариуцлагатай уул уурхайн жишиг шаардлага” сэдэвт сонсголыг “Эрдэнэс Монгол” компанийн Дотоод хяналт, мониторингийн албаны дарга Б.Мэндбаяр хийсэн юм. Тэрбээр Хариуцлагатай уул уурхай нь олон хүчин зүйлийг хамаарах ч, юун түрүүн байгаль орчны хамгаалал, хөдөлмөрийн аюулгүй ажиллагаа, компанийн засаглалаар илэрхийлэгддэг байна. Хамгийн сүүлд Монголын уул уурхайн төр болон хувийн хэвшлийн компаниуд “Хариуцлагатай уул уурхайн сайн дурын кодекс”-т нэгдсэн юм. Тэдгээр компанийн хувьд баримт бичигт зүгээр нэг гарын үсэг зураад өнгөрөхгүй, дор бүрнээ кодексийн хүрээнд тавигдах амлалтуудын биелэлтээр жил бүр үйл ажиллагаагаа тайлагнахаар болоод байгааг тэрбээр тэмдэглэлээ. Мөн хариуцлагатай уул уурхай гэх ойлголт нь дотроо эрсдлийн менежментийг багтаадаг бөгөөд энэ төрлийн менежментийг нэвтрүүлэх нь хэд хэдэн ач холбогдолтойг тэрбээр тайлбарлалаа.

Дараагийн илтгэлийг “Нээлттэй нийгэм форум”-ын Засаглалын хөтөлбөрийн менежер Д.Эрдэнэчимэг “Уул уурхайн хариуцлага ба орон нутаг” сэдвээр танилцуулж байна. Илтгэлдээ тэрбээр Монгол орны нутаг дэвсгэрт уул уурхайн үйл ажиллагаанаас үүдэн эвдэгдсэн болон нөхөн сэргээгдэлгүй орхигдсон талбайн мэдээллийг хуваалцлаа. Үүний зэрэгцээ нөхөн сэргээлтийн үйл ажиллагаанаас аль ч компани зайлсхийх ёсгүй ч энэ тал дээр хүлээлгэх хариуцлага, хяналт сул байдгийг онцоллоо. Тодруулбал нөхөн сэргээлтээ хийгээгүйн улмаас тусгай зөвшөөрлөө цуцлуулсан компаниуд бараг байхгүй байгаа ажээ. Иймд төр хяналтаа сайжруулах, үүний зэрэгцээ төрөөс нэхэх шаардлагын тухай ч яригдах ёстойг тэрбээр онцоллоо.

Сургалтын төгсгөлд “Уул уурхайн эдийн засагт үзүүлж буй нөлөөлөл” сэдэвт төслийн сургалт болон “Хөгжлийн төлөө сэтгүүл зүйн“ ТББ-ын бие даан хэрэгжүүлж буй “Орон нутаг ба уул уурхай” төслийн хэрэгжилт, үр дүн, онцлох ялгааг хэлэлцлээ.

Энэ жилийн сургалт “Уул уурхайн эдийн засагт үзүүлж буй нөлөөлөл” сэдвийн хүрээнд өнгөрсөн долдугаар сарын 2-3-нд эхэлсэн юм.

“Хөгжлийн төлөө сэтгүүл зүй” ТББ-аас "Орон нутгийн сэтгүүлчдийн сүлжээ" төслийн 2019 оны сургалтыг “Оюутолгой” ХХК-тай хамтран, МУИС-ийн Сэтгүүл зүйн тэнхмийн дэмжлэгтэй  зохион байгуулж байна. Сургалтын арга хэмжээнд 21 аймгийн 35 сэтгүүлч хамрагдаж буй.  

“Орон нутгийн сэтгүүлчдийн сүлжээ” төсөл тав дахь жилдээ хэрэгжиж байгааг тохиолдуулан орон нутгийн шилдэг сэтгүүлчдийг шалгаруулах ёслол буюу “Local Mining Journalists Awards-2019” арга хэмжээг анх удаа “Хөгжлийн төлөө сэтгүүл зүй” ТББ-аас зохион байгуулна.

Энэхүү арга хэмжээгээр “Оюутолгой” компани, МУИС-ийн Сэтгүүл зүйн тэнхимийн дэмжлэгтэй хэрэгжүүлсэн энэ жилийн “Уул уурхайн эдийн засагт үзүүлж буй нөлөөлөл” сэдэвт сургалтад хамрагдсан сэтгүүлчдийн бүтээлийн уралдааны шилдгүүдийг шалгаруулах юм. Мөн “Хөгжлийн төлөө сэтгүүл зүй” ТББ-аас бие даан хэрэгжүүлж буй “Орон нутаг ба уул уурхай” мэдээлийн сүлжээ төслийн 2019 оны шилдэг бүтээлийн эзэд тодорно.

Сэтгүүлчдийг эдийн засаг, уул уурхайн сэдэвт чадавхижуулах зорилготой “Хөгжлийн төлөө сэтгүүл зүй” ТББ нь үүсгэн байгуулагдсан цагаасаа хойш арван жилийн хугацаанд төвийн болон 21 аймгийн нийт 100 гаруй сэтгүүлчдийг хамруулсан эдийн засаг, уул уурхайн чиглэлээр сэтгүүл зүйн ур чадварыг нэмэгдүүлэх хосолмол сургалтуудыг цувралаар зохион байгуулахдаа хариуцлагатай уурхайн үйл ажиллагаатай бодитоор танилцах аяллыг дотоодод төдийгүй өндөр хөгжилтэй Австрали, Германы уурхайнуудад хийсэн юм.

 

 

 

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 15 цаг 35 минутын өмнө
    Энэ оны дөрөвдүгээр сард, Хятад улс 97.85 сая тонн ган үйлдвэрлэсэн нь түүхэн дээд үзүүлэлтээр тооцогдож байна. Өмнөх сарын үйлдвэрлэлийн хэмжээнээс 4.1%-иар өссөн болохыг тус улсын Статистикийн ерөнхий хорооноос мэдээлжээ. Өнгөрсөн сарын байдлаар, нэг өдрийн гангийн гарц 3.26 сая тонн буюу өмнөх сарынхаас 7.5%-иар нэмэгдсэн аж. Тэгвэл эхний дөрвөн сард Хятад улс нийт 374.56 сая тонн ган үйлдвэрлэжээ. Өмнөх оны мөн үеэс 16%-иар өссөн үзүүлэлттэй байна. Гангийн үйлдвэрлэлийн гол түүхий эдийн нэг төмрийн хүдрийн үнэ он гарснаас хойш 40%-иар нэмэгджээ. Тус улсын гангийн томоохон үйлдвэрлэлийн бүс нутаг Хэбэй мужийн үйлдвэрлэлийг хязгаарлах болсон нь түүхий эдийн үнэ өсөхөд нөлөөлж буйг шинжээчид тайлбарлаж байна.
  • Уржигдар 16 цаг 00 минутад
    Он гарсаар алтны ханш 9%-иар буураад байна. Энэ нь дэлхийн эдийн засаг хэвийн байдалд орох төлөв болон АНУ-ын Засгийн газрын бондын ханш өсч буйтай холбоотой.  Тийнхүү өнгөрсөн оны наймдугаар сард түүхэн дээд хэмжээнд хүрсэн  алтны ханш гуравдугаар сарын хоёрдугаар хагаст  бараг 20%-иар буурсан гэсэн үг. Гэхдээ алтны хөрөнгө оруулагчдын хувьд сэтгэлээр унах цаг болоогүйг шинжээчид санууллаа. Бондын өгөөж нэмэгдсэн ч инфляц өсөх болсон нь алтны ханшид эерэгээр нөлөөлнө. Мэдээж инфляцыг дагаад   алтны ханш шууд өснө гэж үзэх боломжгүй. Гэвч сүүлийн жилүүдэд инфляцийн өсөлт, алтны ханшийн чангаралт шууд хамааралтай байна. АНУ-д энэ онд инфляц 2.4%-д хүрэхээр байгаа нь Холбооны нөөцийн банкны зорилтот түвшин болох 2%-иас дээшлэх юм. Инфляц өндөр байх тусам бондын бодит өгөөж буурч,   алт руу хошуурах явцыг түргэсгэнэ. 
  • Уржигдар 13 цаг 40 минутад
    “Оюутолгой” компани, гүний уурхайн төслийн хэмжээнд нийт 13 мянган ажилтан, ажиллагсад ажиллаж байна. Эдгээрээс 9013 ажилтан I тун, 1517 ажилтан хоёр шатны тунг бүрэн хийлгэжээ. Ингэснээр уурхайн талбайд байрлаж буй ажиллагсдын 88% нь вакцинжуулалтад хамрагдсан бөгөөд вакцинжуулалтын ажил үргэлжилж байгаа аж. Оюутолгойн баяжмалын тээврийн жолооч нар болон баяжмалын тээвэрт оролцдог багуудыг хамгийн эхний ээлжинд вакцинжуулалтад хамруулсан байна.
  • 2021-05-14 14:15
    Улсын  тусгай хамгаалалттай газрын ангиллыг шинэчлэн тогтоох тухай УИХ-ын 1995 оны 26 дугаар тогтоолд нэмэлт, өөрчлөлт оруулах  хуулийн  төслийг УИХ-ын гишүүн Г.Тэмүүлэн өргөн барьж буйгаа (2021.05.14) онцоллоо. Улсын тусгай хамгаалалттай газрын ангиллыг шинэчлэн тогтоох зайлшгүй шаардлагатай байгааг тэрээр  тодотгоод  хуулийн төсөлд Архангай аймгийн Өндөр-Улаан, Тариат, Жаргалан сумдын Далтын нуруу, Шаргачин голын ай савыг тусгай хамгаалалтад авахаар тусгасан гэлээ.  Тус бүс нутагт байгалийн унаган төрхийг хадгалах, экологийн тэнцвэрт байдлыг хангахаас гадна хөдөө аж ахуйн чиглэлээр үйл ажиллагаа явуулах боломж бүрдэнэ гэж хуулийн төсөл боловсруулагчид үзжээ.  Эдгээр  нь ураны маргаантай бүс нутаг байж ирсэн юм.
  • 2021-05-14 13:15
    Оюутолгойн 66 хувийг эзэмшигч “Туркойз хилл ресурс” компани лхагва гарагт 2021 оны нэгдүгээр улирлын санхүү, үйл ажиллагааны тайлангаа танилцууллаа. Оюутолгойн уурхай оны эхний гурван сард 45.449 тонн зэс, 145.656 унц алт олборложээ. Энэ нь 2020 оны мөн үеийнхээс зэсийн олборлолт 29, алтны олборлолт 461.5 хувиар тус тус өссөн үзүүлэлт бөгөөд “Туркойз хилл ресурс” компани оны эхний улиралд 526.5 сая ам.долларын орлого олсон нь өмнөх оны нэгдүгээр улиралтай харьцуулахад 302.8 хувиар өссөн байна. Оюутолгойн олборлолт, үйл ажиллагаа сайн гүйцэтгэлтэй байж, дэлхийн зах зээл дээрх зэс, алтны ханш өссөн нь орлогын хэмжээ ийнхүү нэмэгдэхэд нөлөөлжээ.