Д.Мэргэн: Бид дэлхийд салбартаа тэргүүлэгч брэнд үйлдвэрлэгчдийг  Монголд төлөөлж ажилладаг  

2020-04-14 11:16

“Юнитра” ХХК-ийн Гүйцэтгэх захирал Д.Мэргэнтэй ярилцлаа. 

“Юнитра” компани бол уул уурхайн салбарын нэр хүндтэй компаниудын нэг.  Хэзээ байгуулагдсан бэ?  
Манай компани 1999 онд дотоодын 100%-ийн хөрөнгө оруулалттайгаар үүсгэн байгуулагдсан. Уул  уурхай, зам барил­га, орон сууц, нийтийн аж ахуй, эрчим хүч, дэд бүтэц, хөдөө аж ахуй, үйлдвэрлэл үйлчилгээний салбарт түгээмэл хэрэглэгддэг төрөл бүрийн бага, дунд оврын тоног төхөөрөмж, багаж хэрэгслийг дэлхийд танигдсан томоохон үйлдвэрлэгчдээс эх орныхоо хэрэглэгчдэд баталгаат чанар, өргөн сонголттойгоор нийлүүлж ирлээ. Бид дэлхийд салбартаа тэргүүлэгч 50 гаруй брэндийн Монгол дахь албан ёсны цорын ганц борлуулагчаар ажиллаж байна. Тухайлбал, хэрэглэгчдийн сайн мэддэг агуулахын сэрээт ачигч үйлдвэрлэгч “Toyota”, цахилгаан багаж үйлдвэрлэлээр дэлхийд тэргүүлэгч “Макita”, бага оврын тоног төхөөрөмж үйлдвэрлэгч “Honda” зэргийг нэрлэж болно.

Танай Техникийн их дэлгүүрийн бараа бүтээг­дэхүүнтэй танилцлаа. Бүх салбарын тоног төхөөрөмж өргөн сонголттойгоор, бэл­нээр худалдаалагддаг юм байна. Бараа, бүтээгдэхүүнийхээ давуу талыг сонирхуулна уу? 
Бид 3500 гаруй нэр төрлийн багаж, тоног төхөөрөмжийг    Улаанбаатар хот дахь өөрийн таван салбар дэлгүүрээр  худалдаалдаг. Мөн Улаанбаатар хот болон орон нутагт манай бараа, бүтээгдэхүүнийг борлуулдаг 10 гаруй гэрээт борлуулагч бий. Харилцагч бүрт тухайн брэнд, салбарыг хариуцсан худалдааны зөвлөхүүд үйлчилж байна. Түүнчлэн манай албан ёсны веб сайт www.unitra.mn-ээр дамжуулан хэрэглэгчид хүссэн багаж, тоног төхөөрөмжөө сонгох, үнийн саналаа хүлээн авах, бараагаа хүргүүлэх зэргээр манай компанитай шууд харилцан ажиллах боломжууд байдаг. 

 

Давуу тал гэвэл, нэгдүгээрт бид харилцагч, хэрэглэгчдэдээ бүхий л хэрэгцээт, чанартай бараа үйлчилгээг нэг дороос санал болгодог. Хоёрдугаарт,  бусад худалдааны компаниуд  үйлдвэрлэгчээс захиалгаар тоног төхөөрөмжүүдийг авчирч нийлүүлдэг  бол  бид салбар дэлгүүрүүддээ бэл­нээр  худал­даалдаг. Хэрэглэгчид манайд тухайн багаж, тоног төхөөрөмжүүдийг ажиллуулж үзээд, ажлын нөхцөл байдал­даа тохируулан туршиж болдог. Хамгийн гол нь бараа, бүтээгдэхүүнээ богино хугацаанд сонгож авах боломжтой. Гуравдугаарт, брэнд үйлдвэрлэгчдээ Монголд шууд төлөөлөн ажилладаг. Засвар үйлчилгээ, сэлбэг хэрэгслийг ч мөн бүрэн хангах зорилгоор нөөцөлдөг юм. Манай компаниас худалдан авна гэдэг нь “Toyota”, “Honda” зэрэг манай нийлүүлэгч 50 гаруй компаниас шууд худалдан авалт хийж байна гэсэн үг.  Оруулж ирсэн техник, тоног төхөөрөмж дээрээ тулгуурлан суурилуулалт, угсралтын ажлыг бид өөрсдөө чанарын өндөр түвшинд хийж гүйцэтгэдэг. Бид зам барилгын бага оврын тоног төхөөрөмжийг дотооддоо угсралт хийн эцсийн бүтээгдэхүүн болгон зах зээлд нийлүүлж, хэрэглэгчдэдээ чанартай бараа бүтээгдэхүүнийг өрсөлдөхүйц үнээр санал болгож байна.

 

Дэлхийд нэр хүндтэй брэндүүдийн багаж, тоног төхөөрөмжийг Монголд борлуулдаг компанийн хувьд мэдээж цаашдын зорилгоо тодорхойлсон байгаа байх.  Энэ талаар юу хэлэх вэ?
Компанийн үйл ажиллагаанаас хэд хэдэн зүйлийг жишээ болгон дурдаж болно. Нэгдүгээрт, бидний хувьд зөвхөн зарж борлуулахаас илүүтэй хэрэглэгчийн хэрэгцээ бүрэн дүүрэн хангагдах, сэтгэл ханамжтай байх тал дээр анхаарлаа илүү их хандуулж ажилладаг. Тухайлбал, өнгөрсөн онд Засвар үйлчилгээний төвөө өргөтгөн байгууллаа. “Макita”  корпорацитай хамтран Засвар үйлчилгээний төвдөө 48 цагийн үйлчилгээний стандартыг нэвтрүүлсэн. Энэ стандартыг цахилгаан багаж засварын хэсгээсээ эхэлж байна. Засвар үйлчилгээний төвд ирсэн багажийг бид 48 цагийн дотор бэлэн болгож хүлээлгэн өгөх үүрэгтэй гэж ойлгож болно. Үүнтэй холбогдуулан багажны сэлбэгийн нөөцийг 5 дахин нэмэгдүүллээ.  

 

Хоёрдугаарт, сүүлийн үед бид хэрэглэгчдээ сургалтад хамруулах талаар нэлээд ажиллаж байна. Хэрэглэгчид маань хэрэгцээгээ зөв тооцож байна уу, сонголтоо зөв хийж чадаж байна уу, сонголтоо зөв хийсний дараа ажлын талбар дээр хүмүүс зөв ашиглаж чадаж байна уу гэх мэтчилэн.  Жишээ нь, байнгын харилцагч компанийн засварт ирүүлж байгаа багаж, тоног төхөөрөмжийн эвдрэл гэмтлийг судлаад гол зүйлийг нь тодруулан, яг тухайн асуудлаар сургалт явуулдаг. Өнгөрсөн жил бид хэд хэдэн байгууллагад сургалт явуулснаас гадна сүүлийн хэдэн жил манайхаас  цахилгаан үүсгүүр худалдаж авсан компаниуддаа зориулж, энэ чиглэлээр сургалт явууллаа.  
 

Гуравдугаарт, дэлхийн салбартаа тэргүүлэгч томоохон үйлдвэрлэгчдийг төлөөлдгийн хувьд технологийн дэвшлийг харилцагчдадаа танилцуулж байна. Тиймээс бид брэнд үйлдвэрлэгчидтэйгээ хамтран жил бүр шинээр нэвтэрч байгаа технологи, худалдаанд гарч буй загваруудыг танилцуулах, харилцагчдынхаа хэрэгцээ шаардлагыг сонсох зэргээр өдөрлөгүүдийг зохион байгуулж байна. 

Хэрэглэгч дэлхийд танигдсан, сайн чанарын багаж сонгож, хэрэглэхийн ач холбогдол  юу вэ?  
Дэлхийд салбартаа тэргүүлэгч байна гэдэг бол тухайн багаж, тоног төхөөрөмж олон улсын шаардлагад нийцсэн, хамгийн сайн чанартай, олон улсад үнэлэгдсэн байхыг хэлнэ. Уул уурхайн тоног төхөөрөмжийн хувьд аюулгүй ажиллагааг хангасан, бага зардлаар өндөр бүтээмжийг дэмждэг багаж тоног төхөөрөмжийг хэлнэ. 
 Зардал бага гэдэг нь эхний худалдан авалтаар хамгийн хямд тоног төхөөрөмжийг сонгох бус хэрэглээний хугацаа, багажаар хийж буй ажлын чанар нь өндөр, ур чадвартай засвар үйлчилгээ, сэлбэг хэрэгслийн бэлэн байдал  зэргийг хамруулан ойлгож болно.  

Сүүлийн үед компаниуд аюулгүй ажиллагааны стандартад нийцсэн тоног төхөөрөмжүүдийг үйл ажиллагаандаа нэвтрүүлдэг болж байна. Танай компанийн хувьд ямар стандарт, техникийн дэвшлийг нэвтрүүлж байна вэ? 
Уул уурхай, барилгын салбарт аюулгүй ажиллагаа бол маш чухлаар тавигддаг. Сүүлийн хэдэн жилийн үйлдвэрлэлийн ослын талаарх үзүүлэлтийг харвал уул уурхай, барилгын салбар хамгийн эрсдэлтэй гэдэг нь  харагдана. Барилгын талбай дээр гэхэд утсанд орооцолдож унасан гэмтэл маш их байдгийг бид анзаарсан. Энэ бол цэвэр шийдэж болох асуудал. Батарейт багажны эрин үе ирж байна. Манайд батарейт  “Макita” багаж гэхэд 500 гаруй төрлийн сонголттой. Мөн “Макita” брэндийн багажинд гэхэд аюулгүй ажиллагааны 20 гаруй функцийг суулгасан байдаг. Тухайлбал, “BL” щётка-гүй мотор нь батарейт багажийг цахилгаан багажаас дутахгүй хүчтэй, илүү хөнгөн, ашиглахад хялбар, бүтээмж өндөртэй.
SJS, AFT  нь  ир гацах болон багаж гацах эрсдэлээс хамгаалсан мотор салгах систем юм. Ажлын явцад ир гацах үед ир бутарч үсрэх, багаж гараас алдагдах гэх мэтээр ажиллуулж буй хүнд гэмтэл учрах эрсдэлүүд маш өндөр. 


Үүнээс сэргийлэн багаж гацалтаа мэдрээд шууд мотороо салгадаг гэсэн үг. 
Мөн AVT (Anti Vibration Technology)буюу чичирхийлэл бууруулагч гэж бий. Бетон зүсэгч, таслагч, дрилл зэрэг чичирхийлэл өндөртэй багажуудыг өдөр тутам хэрэглэх нь эрүүл мэндэд сөргөөр нөлөөлдөг. Тэгвэл чичирхийлэл бууруулагч систем дээрх эрсдэлээс сэргийлэх зорилготой. 

Багаж, тоног төхөөрөмж сонголт дээр өөр юуг анхаарах хэрэгтэй вэ? 
Зарим компаниуд мэдээлэл дутмаг байдлаас ч юмуу үйлдвэрлэгчийг болон бараагаа төлөөлж чадахгүй дундын борлуулагч нараас тоног төхөөрөмжүүдээ нэмэгдэл үнэтэйгээр авсанаас болж  эргээд тоног төхөөрөмжүүдийн сургалт, засвар үйлчилгээ, сэлбэг хэрэгслийн дутагдал гэх мэт олон асуудалтай  нүүр тулдаг. Эсвэл гадны орнуудын аль нэг захаас багаж, тоног төхөөрөмж худалдаж авлаа гэхэд эвдрэл гэмтлийн хариуцлагыг нь хэн ч хүлээдэггүй. Засвар үйлчилгээнээс гадна ашиглалтын үеийн сервис бол маш чухал. Засвар үйлчилгээ зөв цагтаа хийгдэж байж тоног төхөөрөмж олон жил асуудалгүй ажиллана.

 

Манай компанийн хувьд зөвхөн борлуулалт гэхээс илүүтэй үндсэн бараагаа зөв сонгох, хэрэгцээ шаардлагыг нь мэргэжлийн хүмүүс зөв тодорхойлох, хэрэглэгч бараагаа авсан тохиолдолд хэрхэн зөв хэрэглэхийг инженер техникийн ажилтнуудын зүгээс зөвлөгөө үзүүлэх зэргээр илүү анхаарч ажиллаж байна. Ер нь манай компани харилцагчдадаа нийцэх бараа сонгоход нь туслах, таарч тохирохгүй барааг борлуулахгүй байх гэх мэтээр харилцагчдаа бодсон үйл ажиллагаа явуулдаг. Монголд дэлхийн брэндүүдийг төвлөрүүлж борлуулдаг газрын хувьд манай засварын төвд мэргэжлийн 20 гаруй засварчин ажиллаж байна. Үйлдвэрлэгчид Монголын зах зээлийг эхэлж судлаад түүнийхээ үндсэн дээр бараа бүтээгдэхүүний тохирсон загварыг нийлүүлдэг. Зөвхөн борлуулалт бус, зах зээлийн тэргүүлэгч компанийн хувьд зах зээлээ удирдан чиглүүлэх хариуцлага ч манай компанид ногддог бөгөөд түүнийгээ бид ухамсарлан үйл ажиллагаандаа нэвтрүүлэн ажилладаг.

Мэргэжлийн, чадварлаг хүний нөөц бүрдүүлж ажиллах тал дээр ямар бодлого, чиглэлтэй ажиллаж байна вэ?
Манай  компанийн  ажилчдын 50-иас дээш хувь нь техник, инженерийн чиглэлээр гадаад, дотоодод их дээд сургууль төгссөн   бөгөөд  худалдааны ажилчид маань ч  техникийн өндөр мэдлэг, ур чадвартай хүмүүс байдаг. Үйлдвэрлэгчдийн сургалтанд хамрагдах, үйлдвэрлэгчдийг Монголдоо урьж авчран  хамтарсан сургалт зохион байгуулах гэх мэтээр ажилчдаа сургах тал дээр бид их анхаардаг.  Борлуулж буй багаж, тоног төхөөрөмжөө бүрэн дүүрэн мэддэг, Монгол дахь нөхцөл байдал, салбарын үйл ажиллагаа,  тулгарч байгаа асуудлаа ойлгодог байх нь чухал юм.

Ярилцсан Танд баярлалаа.
 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 12 цаг 44 минутын өмнө
    Тавдугаар сарын 13-ны байдлаар, Нарийнсухайтын бүлэг орд дахь "Монголын Алт" компанийн уурхайгаас 747 ажилтан вакцинд хамрагдаж байна. Үүнээс I тунд 734 ажилтан хамрагдаж 98%-ийн гүйцэтгэлтэй бол II тунгийн хувьд 669 ажилтан хамрагдаж 90%-ийн гүйцэтгэлтэй байгаа аж. “Саусгоби Сэндс” компанийн нийт 230 ажилтан II тунд хамрагдаж мөн адил 98%-ийн гүйцэтгэлтэй байна. Түүнчлэн, вакцинжуулалтад бүрэн хамрагдаж дуусан хэд хэдэн уурхай бий. Тухайлбал, “Энержи ресурс” компанийн Ухаа худаг уурхайн үндсэн ба туслан гүйцэтгэгч нийт 2600 гаруй ажиллагсад вакцины II тунд бүрэн хамрагдаж дуусчээ.
  • 16 цаг 34 минутын өмнө
    Дэлхийн хэмжээнд нүүрстөрөгчгүй технологид шилжилтэд зэс, никель, кобальт, лити болон бусад металын нийлүүлэлтийг хангахын тулд ойрын 13 жилд  уул уурхайн компаниуд нийт 1.7 их наяд ам.долларын хөрөнгө оруулах шаардлагатай. Ийм тооцоолол Их Британийн “Wood Mackenzie” байгууллагын судалгаагаар гарчээ. Тус судалгааг удирдсан Жулиан Кеттл “2050-2060 он гэхэд олон орнууд нүүрстөрөгчийн ялгаруулалтаас бүрэн ангижрах зорилттой. Үүний тулд дотоод шаталтат хөдөлгүүртэй ердийн машиныг цахилгаан машинаар солих, сэргээгдэх эх үүсвэрт суурилсан эрчим хүчний системийг суурилуулах хэрэгтэй болно. Ногоон эрчим хүчийг “хуримтлуулахад” асар их хөрөнгө зарцуулна. Энэ бүгд металын эрэлтийг огцом нэмэгдүүлнэ” хэмээжээ.
  • 16 цаг 35 минутын өмнө
    Хятадын Үндэсний хөгжил, шинэтгэлийн хорооноос (NDRC) төмөрлөгийн үйлдвэр барих, хүчин чадлыг өргөтгөх төслүүдэд шинэ шалгуур тавих болжээ. Энэхүү өөрчлөлт нь тус улсын ган үйлдвэрлэлийн хүчин чадлыг танах, нүүрстөрөгчийн давхар ислийн ялгаруулалтыг бууруулах, аж үйлдвэрийн гол бүс нутгийн байгаль орчны нөхцөл байдлыг сайжруулах хүрээнд хийгдэж буй аж. Шинэ журмаар, тухайлбал Бээжин, Тянжин, Хэбэй, Янзцы болон Сувдан гол, Шанси мужийн Фэнвэйн тал зэрэг бүс нутгуудад шинэ үйлдвэр байгуулах тусгай зөвшөөрөл авахын тулд хуучирсан тоног төхөөрөмжтэй үйлдвэрлэлээ хаах шаардлага тавигдаж байна. Муж, автономит бүс нутаг, хотууд нь шинэ үйлдвэрийн хүчин чадал нэмэх тохиолдолд бусад бүс нутагтай харилцан тохиролцоно. Өөрөөр хэлбэл, шинэ хүчин чадлыг нэмэх бол заавал хуучин үйлдвэрлэлийг хааж Хятадын Засгийн газраас заасан тодорхой хязгаарлалтаас давахгүй гэсэн үг.
  • 17 цаг 22 минутын өмнө
    Байгалийн баялгаас оюуны баялагт уриан дор “Эрдэс баялаг-цахим шилжилт” хэлэлцүүлгийг УУХҮЯ энэ сарын 21-нд цахимаар зохион байгуулахаар төлөвлөжээ. Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод, хариуцлагатай болгоход тус хэлэлцүүлэг чиглэсэн байна. Хэлэлцүүлгийг нээлтэд  Монгол Улсын Ерөнхий сайд Л.Оюун-Эрдэнэ, УИХ-ын Инноваци, цахим бодлогын байнгын хорооны дарга Н.Учрал нар мэндчилгээ дэвшүүлж үг хэлэх аж. Мөн УУХҮ-ийн сайд Г.Ёндон “Эрдэс баялгийн салбарын цахим шилжилтийн бодлого”, тус яамны Цахим бодлого, мэдээллийн технологийн хэлтсийн дарга Т.Баасанпүрэв “Эрдэс баялгийн мэргэжлийн зөвлөлийн үйл ажиллагааны систем“ зэрэг сэдвээр илтгэл тавьж хэлэлцүүлэх юм.
  • Уржигдар 15 цаг 31 минутад
    Дорнод аймагт “Алтан цагаан овоо” алтны үндсэн ордын төсөл хэрэгжүүлж буй “Степ голд” компани Монголын хөрөнгийн биржид бүртгүүлэхээр ажиллаж байгаа юм. Тус компанийн Санхүү эрхэлсэн захирал Жереми Сауттай Монголын хөрөнгийн биржид бүртгүүлэхийн давуу тал, алтны зах зээл, Монголын хөрөнгө оруулалтын орчин болон бусад асуудлаар MMJ-ийн Б.Төгсбилэгт ярилцлаа.    Та алтны зах зээл цаашид хэрхэн өрнөнө гэж төсөөлж байна вэ? Зарим шинжээч алтны ханш цаашид өснө гэж харж байхад нөгөө хэсэг нь буурна гэж тооцоолж байх юм.  Зах зээл хэрхэхийг хэн ч таах боломжгүй ч нөхцөл байдлаас үзвэл төв банкууд сүүлийн нэг жилийн хугацаанд мөнгөний нийлүүлэлтийг их хэмжээгээр нэмэгдүүлсэн.