Хятад Австралиас нүүрс импортлохгүй

2020-10-13 15:36

Дэлхийн нүүрсний хамгийн том хэрэглэгч Хятад улс нь Австралиас нүүрс импортлохгүй байх мэдэгдлийг дотоодын цахилгаан станц, гангийн үйлдвэрүүдэд хүргүүлсэн тухай олон улсын хэвлэлүүд мэдээлж байна. Уг шийдвэр нь албан ёсоор нийтэд зарлагдаагүй ч өнгөрсөн есдүгээр сарын сүүлээр станц, үйлдвэрүүддээ бичгээр бус амаар дуулгасан гэж хэвлэлүүдэд өгүүлжээ. Ингэхдээ аравдугаар сарын 1-нээс эхлэн Австралиас эрчим хүчний болон коксжих нүүрс импортлохгүй байх зааварчилгаа өгсөн аж. Энэ үйлдэл нь Австрали улсад шинэ зүйл биш юм. Тодруулбал, 2019 оноос эхлэн Хятад нь худалдааны түнш орноос нүүрсний импортыг хязгаарлах, гаалиар нэвтрэх хугацааг нь уртасгах зэрэг арга хэмжээ авах болсон юм.

Хэдийгээр энэ оны эхний найман сарын байдлаар Австралиас 31.6 сая тонн коксжих нүүрс Хятад импортолсон нь өнгөрсөн оны мөн үеийнхээс 8.5 сая тонноор их ч наймдугаар сараас эхлэн импорт эрчимтэй буурчээ. Мөн хугацаанд нийт 38.6 сая тонн эрчим хүчний нүүрс импортолсон нь өнгөрсөн оны мөн үеийнхээс 4.6 сая тонноор өссөн байна.

Хятад-Австралийн улс төрийн харилцаа таагүй болж эхэлснээр хөдөө аж ахуйн зарим бүтээгдэхүүний импортод хязгаарлалт хийж эхлээд байгаа юм. Шинэ коронавирусын халдварын эх үүсвэрийг шалгах хэрэгтэй гэсэн уриалга Австрали улсын Ерөнхий сайд Скотт Мориссон өнгөрсөн дөрөвдүгээр сард дэвшүүлсэн нь хоёр улсын улс төрийн харилцаа улам бүр таагүй болоход нөлөөлсөн. Ийнхүү Хятад нь Австралиас нүүрсний импортоо зогсоож буй нь улс төрийн хориг арга хэмжээ гэж зарим шинжээч тайлбарлаж байна. Харин Австралийн Засгийн газар Хятадын уг шийдвэртэй холбоотой мэдээлэлд тодорхой хариулт авахаар ажиллаж буйгаа илэрхийлжээ.   

Австралийн нүүрсний худалдаа эрхэлдэг компаниудын төлөөлөл Хятадын нүүрсний импортын тухай мэдээлэл нь үнэн бодит болохыг баталсан тухай “Australian Financial Review” хэвлэлд өгүүлсэн байна.  Хятадын нүүрсний импортын хоригтой холбоотой мэдээлэл анх аравдугаар сарын 9-нд “S&P Global Platts”-аар цацагдсан юм.

Гэвч одоогийн байдлаар “аман” хэлбэрийн уг мэдэгдлийг Австралийн нүүрсэнд тавьсан албан ёсны хориг гэж үзэх боломжгүй юм. Учир нь албан бичгээр үйлдээгүй тохиолдолд аливаа шийдвэр хүчин төгөлдөр бус бөгөөд үүний үр нөлөөг нарийн тооцоолох аргагүй.  Нөгөөтэйгүүр, Хятадын худалдаачид зарим тохиолдолд Австралийн нүүрсийг гаалиар нэвтрүүлэх боломжтой хэвээр болохыг өгүүлж буйгаас үзэхэд уг шийдвэр албажсан эсэх нь эргэлзээтэй байна. Хамгийн гол нь Австралиас эрчим хүчний нүүрс авахгүй байж болох ч тус улсын өндөр чанартай коксжих нүүрсийг өөр эх үүсвэрээс хангана гэдэг Хятадад хүндхэн байх болно.

Австралийн нүүрсний импортын хориг хэдий хүртэл үргэлжлэх нь тодорхойгүй ч, хамгийн багадаа он дуустал үргэлжилнэ гэж шинжээчид харж байна.

Б.Төгс

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 3 цаг 41 минутын өмнө
    Ерөнхий сайд Л.Оюун-Эрдэнэ Засгийн газар “Тавантолгой нүүрс баяжуулах үйлдвэр” байгуулах шийдвэр гаргасныг уурхайчдад танилцууллаа. Тус үйлдвэр 2023 онд ашиглалтад орох бөгөөд жилд 30 сая тн нүүрс баяжуулж, нэмүү өртөг шингээн экспортод гаргах юм. Ингэснээр Монгол Улсын уул уурхайн салбар олборлолтоос боловсруулалт руу шилжиж байна гэдгийг Ерөнхий сайд онцлон тэмдэглэв.
  • Өчигдөр 18 цаг 55 минутад
    Монгол Улсын Ерөнхий сайд Л.Оюун-Эрдэнэ  өнөөдөр (05.06)  хилийн боомтуудын нөхцөл байдалтай танилцаж байна. Тэрээр Гашуунсухайтын боомтоос гадна Тавантолгой-Гашуунсухайт, Тавантолгой-Зүүнбаян чиглэлийн төмөр замын бүтээн байгуулалт, халдвар хамгааллын явц байдалтай биечлэн  танилцахаар төлөвлөжээ. Өчигдрийн байдлаар Гашуунсухайт боомтоор 76 жолооч экспорт, импорт хийхээр Хятадын талд шинжилгээ өгсөн байна. Жолооч нарын хариу сөрөг гарвал тус хилийн боомтын үйл ажиллагааг хэвийн үргэлжлүүлэх нөхцөл бүрдэнэ гэдгийг холбогдох албаны хүмүүс мэдэгдэж байсан. Тэгвэл Ерөнхий сайд хилийн боомттой танилцахдаа дараах мэдээллийг  өглөө.   
  • Өчигдөр 12 цаг 21 минутад
    Бразилийн уул уурхайн “Vale” компани нь Мозамбик улс дахь нүүрсний төслүүдээ худалдахаар энэ жил төлөвлөжээ. Цаашдаа ч нүүрсний бизнесийг орхихоор зорьж буйгаа тус компанийн Санхүү эрхэлсэн захирал Лучиано Сиани мэдэгдсэн байна. Нүүрсний төслүүдийг нь худалдаж авах 20 гаруй хүсэлт ирснийг мэдээлэлд дурджээ. Энэ талаар зургадугаар сард багтаан албан ёсоор мэдэгдэж, худалдах гэрээ хэлэлцээрийг оны дөрөвдүгээр улиралд хийх аж. “Vale” компанийн мэдэлд, 2011 оноос эрчим хүч, коксжих нүүрсний олборлолт явуулж буй Мозамбик улсад орших “Moatize” уурхай бий. Тус уурхай жилд 22 сая тонн нүүрс олборлох хүчин чадалтай ч одоогоор 15 сая тонн олборлож буй.
  • Өчигдөр 12 цаг 06 минутад
    Канадын “Айвенхоу Майнз” компани БНАКонго улс дахь зэсийн “Камоа-Какула” төслийн уурхайг ашиглалтад оруулахад бэлэн болжээ. Тодруулбал, энэ тавдугаар сарын эцэс, эсвэл зургадугаар сарын эхээр буюу төлөвлөсөн хугацаанаас өмнө ашиглалт орно хэмээн тус компани мэдээлсэн байна. Уг мэдээллээр, уурхайн Баяжуулах үйлдвэрийн барилга, угсралтын ажил дуусч, туршилтын үйлдвэрлэл явагдаж буй аж. Уурхайгаас ойролцоогоор 140 мянган тонн зэс агуулсан 3 сая тонн хүдэр олборлон бэлтгэжээ. Эхний ээлжинд, 3.8 сая тонн хүдэр боловсруулж, үйлдвэрлэлийг аажим нэмэгдүүлснээр жилд 200 мянган тонн зэс үйлдвэрлэх хүчин чадалд хүргэхээр төлөвлөжээ.
  • Уржигдар 17 цаг 58 минутад
    Засгийн газрын ээлжит хуралдаанаар (2021.05.05) “Эрдэнэт үйлдвэр” ТӨҮГ-ыг түшиглэн уул уурхай-металлурги-химийн үйлдвэрийн цогцолбор байгуулахаар шийдвэрлэв. Энэхүү цогцолборыг Орхон аймгийн Баян-Өндөр сумын нутагт байгуулах аж.  Үйлдвэрлэл, технологийн паркийн үйл ажиллагаа эрхлэх тусгай зөвшөөрлийг “Эрдэнэт үйлдвэр”-т олгож байна. Тус үйлдвэр нь 1.8 их наяд төгрөгөөр зэсийн баяжмал хайлах, боловсруулах, Засвар механикийн, исэлдсэн хүдэр боловсруулах, хүхрийн хүчлийн болон эмулсийн тэсрэх бодисын үйлдвэр барина. Төсөл хэрэгжсэнээр эхний 20 жилд 46 их наяд төгрөгийн орлого олж, 3.9 их наяд төгрөгийн татварын өмнөх ашигтай ажиллан төсөвт 1.4 их наяд төгрөгийн татвар төлнө гэж тооцжээ.