Оюутолгойн асуудлаар УИХ-ын Ажлын хэсэг байгууллаа

2021-02-10 14:28

Оюутолгой ордын ашиглалтад Монгол улсын эрх ашгийг хангуулах тухай УИХ-ын 2019 оны 92 дугаар тогтоолын хэрэгжилтэд хяналт тавих Ажлын хэсгийг шинээр байгуулж өнөөдөр анхны хуралдаанаа хийсэн байна. Тус Ажлын хэсэг нь 92 дугаар тогтоолыг хэрэгжүүлэх Засгийн газарт хяналт тавьж ажиллах юм. Ажлын хэсгийг Т. Аюурсайхан гишүүн ахлахаар болжээ. Ажлын хэсгийн гишүүд байр сууриа илэрхийлж мэдээлэл хийлээ.

УИХ-ын гишүүн, Ажлын хэсгийн ахлагч Т.Аюурсайхан “Оюутолгойн гэрээнд олон нийт зөрүүтэй мэдээлэл авч байсан. Оюутолгойн гэрээ саяхныг хүртэл ашигтай гэдэг мэдээллийг цацаж байсан. Монгол улсын эрх ашгийг хангуулж чадахгүй байна гэдгийг нээлттэй мэдээлэх хэрэгтэй. Дубайн гэрээг өөрчилж сайжруулах ёстой. Оюутолгойн гэрээг сайжруулах, Монгол улсын эрх ашгийг хангуулах ажлыг хийнэ.”

Тэрбээр мөн “Манай Ажлын хэсэг Оюутолгойн үйл ажиллагааг шалгахгүй, гэрээг ашигтай эсэхийг нягтлахгүй. Үндсэн гэрээнүүдээ өөрчилж хуульд нийцүүлэн Монгол улсад ашигтай болгох, ашиг хүртэх зарчмаа эргэн харах, нөхцөлүүдээ дахин тохирох зэрэг тухай нэг жил гурван сарын өмнө УИХ шийдвэр гаргасан. УИХ баталсан тогтоолдоо хяналт тавьж хэрэгжилтийг нь хянах, эрхзүйн орчныг бүрдүүлэх зорилгоор 20 гишүүнээс бүрдсэн ажлын хэсэг байгуулсан” гэлээ.

УИХ-ын гишүүн, Ажлын хэсгийн гишүүн Ц.Даваасүрэн “Оюутолгойн төсөл хөрөнгө оруулалтын гэрээ биш зээлийн  луйвар. Бид жилдээ 600-700 сая ам.долларын хүү төлж байна. Баялгаа ашиглуулсаны төлөө бид өртэй үлдэхээр байна. Оюутолгойн гэрээг сайжруулж харилцан үр ашигтай болгох талаар ярьж байна. Ард түмэндээ үр шимийг нь хүртээх чиглэлээр байгуулагдсан.”

УИХ-ын гишүүн, Ажлын хэсгийн гишүүн Ж.Мөнхбат “Оюутолгой бол Эрдэнэтийн ордын нөөцөөс 6 дахин их зэсийн нөөцтэй, Бороо гоулд ордоос 50 дахин их алтны нөөцтэй, Асгатын ордоос 3 дахин их мөнгөний нөөцтэй орд. Гэрээ байгуулаад ашиглалтад оруулаад 12 жил өнгөрчээ. Монголын үр ашиг 2022 оноос эхлэх байсан. Дубайн гэрээг хийснээр 2037 он хүртэл хойшлогдсон. Одоо 2051 болсон гэж ярьж эхэллээ. Мэдээж татвар төлж ажлын байр бий болгож байгаа нь сайн. Дагаад үндэсний хэмжээний компаниуд ажиллаж байгаа. Үүнийг үгүйсгээгүй. Ийм том орд газраас үүнээс илүү ашиг хүртэх боломж байгаа. Энэ боломжийг алдсаар ирсэн. Засгийн газрын 40 дүгээр тогтоол болон 57 дугаар тогтоолын “эрх зүйн орчныг бүрдүүлэх замаар анхны хөрөнгө оруулалтыг нөхсөний дараа төрийн эзэмшлийн хувь хэмжээг 50-аас доошгүй хувьд хүргүүлэх” тухай 3 дугаар заалт хүчин төгөлдөр байгаа. Эдгээр тогтоолууд хэрэгжихгүй байна. Харилцан ашигтай ажиллах шаардлага тавина” гэв.

 

Л. Номин

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 4 цаг 9 минутын өмнө
    Ерөнхий сайд Л.Оюун-Эрдэнэ Засгийн газар “Тавантолгой нүүрс баяжуулах үйлдвэр” байгуулах шийдвэр гаргасныг уурхайчдад танилцууллаа. Тус үйлдвэр 2023 онд ашиглалтад орох бөгөөд жилд 30 сая тн нүүрс баяжуулж, нэмүү өртөг шингээн экспортод гаргах юм. Ингэснээр Монгол Улсын уул уурхайн салбар олборлолтоос боловсруулалт руу шилжиж байна гэдгийг Ерөнхий сайд онцлон тэмдэглэв.
  • Өчигдөр 18 цаг 55 минутад
    Монгол Улсын Ерөнхий сайд Л.Оюун-Эрдэнэ  өнөөдөр (05.06)  хилийн боомтуудын нөхцөл байдалтай танилцаж байна. Тэрээр Гашуунсухайтын боомтоос гадна Тавантолгой-Гашуунсухайт, Тавантолгой-Зүүнбаян чиглэлийн төмөр замын бүтээн байгуулалт, халдвар хамгааллын явц байдалтай биечлэн  танилцахаар төлөвлөжээ. Өчигдрийн байдлаар Гашуунсухайт боомтоор 76 жолооч экспорт, импорт хийхээр Хятадын талд шинжилгээ өгсөн байна. Жолооч нарын хариу сөрөг гарвал тус хилийн боомтын үйл ажиллагааг хэвийн үргэлжлүүлэх нөхцөл бүрдэнэ гэдгийг холбогдох албаны хүмүүс мэдэгдэж байсан. Тэгвэл Ерөнхий сайд хилийн боомттой танилцахдаа дараах мэдээллийг  өглөө.   
  • Өчигдөр 12 цаг 21 минутад
    Бразилийн уул уурхайн “Vale” компани нь Мозамбик улс дахь нүүрсний төслүүдээ худалдахаар энэ жил төлөвлөжээ. Цаашдаа ч нүүрсний бизнесийг орхихоор зорьж буйгаа тус компанийн Санхүү эрхэлсэн захирал Лучиано Сиани мэдэгдсэн байна. Нүүрсний төслүүдийг нь худалдаж авах 20 гаруй хүсэлт ирснийг мэдээлэлд дурджээ. Энэ талаар зургадугаар сард багтаан албан ёсоор мэдэгдэж, худалдах гэрээ хэлэлцээрийг оны дөрөвдүгээр улиралд хийх аж. “Vale” компанийн мэдэлд, 2011 оноос эрчим хүч, коксжих нүүрсний олборлолт явуулж буй Мозамбик улсад орших “Moatize” уурхай бий. Тус уурхай жилд 22 сая тонн нүүрс олборлох хүчин чадалтай ч одоогоор 15 сая тонн олборлож буй.
  • Өчигдөр 12 цаг 06 минутад
    Канадын “Айвенхоу Майнз” компани БНАКонго улс дахь зэсийн “Камоа-Какула” төслийн уурхайг ашиглалтад оруулахад бэлэн болжээ. Тодруулбал, энэ тавдугаар сарын эцэс, эсвэл зургадугаар сарын эхээр буюу төлөвлөсөн хугацаанаас өмнө ашиглалт орно хэмээн тус компани мэдээлсэн байна. Уг мэдээллээр, уурхайн Баяжуулах үйлдвэрийн барилга, угсралтын ажил дуусч, туршилтын үйлдвэрлэл явагдаж буй аж. Уурхайгаас ойролцоогоор 140 мянган тонн зэс агуулсан 3 сая тонн хүдэр олборлон бэлтгэжээ. Эхний ээлжинд, 3.8 сая тонн хүдэр боловсруулж, үйлдвэрлэлийг аажим нэмэгдүүлснээр жилд 200 мянган тонн зэс үйлдвэрлэх хүчин чадалд хүргэхээр төлөвлөжээ.
  • Уржигдар 17 цаг 58 минутад
    Засгийн газрын ээлжит хуралдаанаар (2021.05.05) “Эрдэнэт үйлдвэр” ТӨҮГ-ыг түшиглэн уул уурхай-металлурги-химийн үйлдвэрийн цогцолбор байгуулахаар шийдвэрлэв. Энэхүү цогцолборыг Орхон аймгийн Баян-Өндөр сумын нутагт байгуулах аж.  Үйлдвэрлэл, технологийн паркийн үйл ажиллагаа эрхлэх тусгай зөвшөөрлийг “Эрдэнэт үйлдвэр”-т олгож байна. Тус үйлдвэр нь 1.8 их наяд төгрөгөөр зэсийн баяжмал хайлах, боловсруулах, Засвар механикийн, исэлдсэн хүдэр боловсруулах, хүхрийн хүчлийн болон эмулсийн тэсрэх бодисын үйлдвэр барина. Төсөл хэрэгжсэнээр эхний 20 жилд 46 их наяд төгрөгийн орлого олж, 3.9 их наяд төгрөгийн татварын өмнөх ашигтай ажиллан төсөвт 1.4 их наяд төгрөгийн татвар төлнө гэж тооцжээ.