“Эрдэс баялаг-эмэгтэйчүүд” үндэсний III чуулган эхэллээ

2021-03-16 11:58

“Эмэгтэйчүүд хариуцлагатай уул уурхайг манлайлах нь”  уриатай “Эрдэс баялаг-эмэгтэйчүүд” үндэсний III чуулганыг “Эрдэс баялаг эмэгтэйчүүд” НҮТББ өнөөдөр цахимаар зохион байгуулж байна.  Энэ удаагийн чуулган  нь цар тахлын нөхцөл байдалд байгаа хэдий ч цахим боломжийг ашиглан ажлын байрандаа ажиллаж буй салбарын эмэгтэйчүүдийн оролцоог хангаж, тэдэнд жендэрийн болон хариуцлагатай уул уурхайн ойлголт, мэдлэгийг өгөх, идэвхжүүлэх, урам зориг өгөх, чиглүүлэхийг зорьж байгаа хэмээн чуулганыг зохион байгуулагчид онцоллоо. УУХҮЯ, Ашигт малтмал, газрын тосны газар, Үндэсний геологийн алба, Канадын МЕРИТ төсөл, “Эрдэнэт үйлдвэр” ТӨҮГ, “Эрдэнэс Тавантолгой” ХК  энэхүү чуулганыг хамтран зохион байгуулж байгаа юм.

Чуулганыг  УУХҮ-ийн сайд Г.Ёндон, МЕРИТ төслийн захирал Женнифер Адамс нар нээж  үг хэлсний дараа үндсэн гурван хэсэгт хэлэлцүүлэг өрнөж байна.   “Хариуцлагатай уул уурхай” хэлэлцүүлэгт УИХ-ын гишүүн асан А.Ундраа “УИХ дахь Хариуцлагатай уул уурхайн лобби бүлгийн туршлага, ололт, сургамж”, Байгалийн баялгийн засаглалын хүрээлэнгийн менежер Н.Дорждарь “Байгалийн баялгийн засаглалын олон улсын туршлага”, УУХҮ-ийн дэд сайд  О.Батнайрамдал “Хариуцлагатай ил тод уул уурхайг хөгжүүлэх талаарх Засгийн газрын үйл ажиллагааны хөтөлбөр 2020-2024” сэдвээр илтгэл тавьж хэлэлцүүллээ.  Мөн салбарын жендэрийн талаар баримтлах бодлого, эрдэс баялгийн салбарт эмэгтэй эрдэмтдийн оролцоо зэрэг олон талт мэдээллийг илтгэгчид тавьж, хэлэлцүүлж байна.  Эрдэс баялгийн салбарт монгол эмэгтэй хүн өөртөө итгэлтэй байдлаар ажиллах нөхцөлийг бүрдүүлж хэн нэгнээс хамааралгүйгээр өөрийн ур чадвараараа амжилтад хүрэх боломжийг бүрдүүлэх нь чухлаар тавигдаж байна хэмээн “Эрдэс баялаг-эмэгтэйчүүд” НҮТББ-ын ТУЗ-ын дарга О.Туяа онцлов.  Эрдэс баялгийн салбарт эмэгтэйчүүдийн төлөө ажилладаг хэд хэдэн төрийн бус байгууллага бий. Тухайлбал, Монголын Геологийн эмэгтэйчүүдийн холбоо ТББ нь  Монголын геологийн салбарын эмэгтэйчүүдэд тулгарч буй  асуудлыг  шийдэхийн төлөө ажилладаг бол Монголын уул уурхай, ашигт малтмалын салбарын эмэгтэйчүүдийн холбоо ТББ уул уурхайн салбарын эмэгтэйчүүдийг чадавхижуулах, мэргэжлийн болон хувь хүний хөгжлийг дэмжин ажиллаж байна. Харин “Монголын уул уурхай дахь эмэгтэйчүүд” ТББ-ын хувьд эмэгтэйчүүдийн оролцоог хангасан шийдвэр гаргах үйл ажиллагааг дэмжин, цар хүрээг нэмэгдүүлэх үйл ажиллагааг явуулж байгаа юм.

Өмнөх чуулган нь зууны манлай бүтээн байгуулалт “Эрдэнэт үйлдвэр”-ийн 40 жилийн ойн хүрээнд “Уурхайчин эмэгтэйчүүд хөгжлийн төлөө” уриан дор зохион байгуулагдаж, эмэгтэйчүүд анх удаа дуу хоолойгоо нэгтгэж байсан юм. Үүний дараа хоёрдугаар чуулган  нь 2019 онд УУХҮЯ-ны санаачлагаар “Хамтын хүч хөгжлийн гарц”  уриан дор Улаанбаатар хотноо болж байв. Тэгвэл энэ удаагийн чуулганаар салбарын эмэгтэйчүүд жендэрийн тэгш байдлын талаар ойлголтоо нэгтгэх, хариуцлагатай уул уурхайн сайн туршлагыг бий болгох эрмэлзэл, зорилгын талаар  ойлголт өгөх, жендэрийн ойлголтыг анхлан манлайлсан хүмүүс  болон суралцахуйн сайн туршлагыг түгээх, өөрийн зорилго тэмүүлэлтэй бусдын сайн туршлагаас суралцах зэрэг үр дүн гарна гэсэн хүлээлттэй байна.

                                                                                                                                              Г.Идэр

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 18 цаг 20 минутын өмнө
    Төсөл санаачлагчийг төлөөлж, “Эрдэнэс-тавантолгой” ХК төслийн нийт санхүүжилтийн 30 хүртэлх хувийг санхүүжүүлэх, тендерт оролцогч үлдэгдэл санхүүжилтийг Засгийн газрын баталгааг үндэслэн өөрөө санхүүжүүлэх (EPC+F) хувилбар санал ирүүлэх олон улсын нээлттэй тендер сонгон шалгаруулалтыг энэ оны аравдугаар сарын 21-ний өдөр зарлаж, 90 хоногийн хугацаанд гүйцэтгэгчийг сонгон шалгаруулна.
  • 20 цаг 34 минутын өмнө
    “Баян зам” тээвэрчдийн холбооноос өнөөдөр /2021.10.20/ мэдээлэл хийж, Зам тээврийн хөгжлийн сайд Л.Халтарыг иргэдэд буруу мэдээлэл өгсөн гэх үндэслэлээр шүүхэд өгч байгаагаа мэдэгдлээ. Төрийн тогтворгүй үйл ажиллагаанаас үүдэн нүүрс тээврийн үйл ажиллагаа зогссон гэж үзээд тус холбооны 2000 тээвэрчдийг  шланзтай нь хотод авчирна гэлээ. “Баян зам” тээвэрчдийн холбооны Удирдах зөвлөлийн дарга П.Баярхүү: -Зам тээврийн хөгжлийн сайд Л.Халтар мэдээлэл хийхдээ хэд хэдэн баримтаар тээвэрчдийг, тээвэрчдийн холбоог гүжирдлээ. Тодруулбал, “Баянзүрх” тээвэрчдийн холбоо нь тээвэрчдийн эрх ашгийг хамгаалах ёстой атлаа бизнес хийж байна гэж ярьсан. Мөн энэ холбоонд 100 гаруй компани байдаг байтал 31 компани гэсэн. Холбоог замын хураамжаа өг, үгүй бол тээвэрт явуулахгүй гэж дарамталдаг гэлээ. Ийм буруу мэдээлэл хийж, нэр төрд халдсан гэх үндэслэлээр өнөөдөр /2021.10.20/ түүнийг шүүхэд өгч байна.
  • 20 цаг 51 минутын өмнө
    Лондоны металын бирж дээр өчигдөр (2021.10.19) нэг тонн зэсийн шууд худалдааны үнэ 7.2%-иар өсч 11299.5 ам.долларт хүрснээр шинэ дээд амжилт тогтоосон байна. Мөн Нью-Йоркийн түүхий эдийн бирж дээр 10572 ам.доллар/тонн-д хүрсэн нь тус биржийн түүхэн дэх хамгийн өндөр ханшаар тэмдэглэгдлээ. Хаалтын ханшийн тухайд Лондоны металын бирж дээр өчигдөр зэсийн шууд худалдааны үнэ 10652 ам.доллар/тонн, гурван сарын гэрээт үнэ 10270 ам.доллар/тонн-оор тогтжээ. Ханш өсөхөд зэсийн нийлүүлэлт буурч буй мэдээлэл нөлөөлсөн байна.
  • 22 цаг 44 минутын өмнө
    Уул уурхайн салбарын төрийн зохицуулалтын нэгэн хэлбэр болгон Уул уурхайн бүтээгдэхүүний биржийг байгуулахаар зэхэж байна. Холбогдох хуулийн төслийг УУХҮЯ цахим хуудастаа нийтлэн танилцуулжээ. Эрдэс баялгийн бирж хэмээн өмнөх хэлэлцүүлгүүдийн үеэр нэрлэж байсан боловч хуулийн танилцуулгад Уул уурхайн бүтээгдэхүүний бирж хэмээн нэрийг нь өөрчлөв. Уул уурхайн салбар нь Монгол Улсын эдийн засгийн зонхилох салбар болоод удаж байна. Сүүлийн 15 жилд уул уурхайн салбарын улсын төсөвт төвлөрүүлэх орлого тогтвортой нэмэгдсээр ирсэн. 2021 оны эхний долоон сарын гүйцэтгэлээр Монгол Улсын нэгдсэн төсвийн орлогын 32.5%-ийг бүрдүүлж байна. Уул уурхайн бүтээгдэхүүний биржийг байгуулах шаардлага, үндсэн зорилгыг улсын эдийн засагт үзүүлж байгаа салбарын үр өгөөжийг улам нэмэгдүүлэх, салбарын орлогыг ил тод болгох, уул уурхайн экспортын бүтээгдэхүүний стандартыг хангах юм.
  • Уржигдар 10 цаг 48 минутад
    Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэх, хүний аюулгүй байдлын соёлыг нэмэгдүүлэхэд тодорхой хувь нэмэр оруулж буй “Нэн түрүүнд ХАБ” (Хөдөлмөрийн аюулгүй байдал) бага хурал нь “Аюулгүй байдал ба Ковид-19” уриан дор 2021 оны 10-р сарын 21, 22-ны өдрүүдэд цахимаар зохион байгуулагдах гэж байна.