Fortescue Metals: 2030 онд хүлэмжийн хийн ялгаруулалтгүй болно

2021-03-17 16:23

Австралийн төмрийн хүдрийн томоохон тоглогчдын нэг Fortescue Metals Group компани үйл ажиллагаагаа чулуужмал түлшнээс ангид буюу “ногоон горим”-д шилжүүлэх хугацааг 2030 он гэж товлосноо (2021.03.15) зарлалаа. Fortescue Metals” нь хүлэмжийн хийн ялгаруулалтгүй үйл ажиллагаатай болох 2040 оны зорилтоо ийнхүү арван жилээр наашлуулжээ. Харин уул уурхайн бусад томоохон компани болох Рио Тинто, BHP”-ийн тухайд ийм зорилтоо 2050 он, “Англо Американ” 2040 он гэдгээ зарласан юм. Ингэснээр “Fortescue Metals” хүлэмжийн хийн ялгаруулалтыг бууруулах чиглэлд салбартаа хамгийн зоримог амлалтыг өгч буй компани боллоо. 

Охин компани Fortescue Future Industries-ийн туршиж хөгжүүлж буй ногоон эрчим хүч, ногоон шийдлээр үйлдвэрлэсэн устөрөгч, аммонийн үйлдвэрлэлээр энэхүү томоохон амлалтыг бодитоор биелүүлэх юм байна.Fortescue Future Industries”-ийн тухайд автосамосволуудыг цахилгаан болгох, түүхий эд тээвэрлэгч хөлөг онгоцнуудыг ногоон аммонийн түлшээр ажилладаг хөдөлгүүртэй болгох, өрмийн машинуудыг ногоон устөрөгчөөр ажиллуулах, галт тэрэгний зүтгүүрүүдийг аммонийн түлшээр ажиллуулах зэрэг шийдлийг туршиж хөгжүүлж байгаа ажээ. Тус компанийн төлөвлөгөөнд мөн ногоон шийдлээр ган үйлдвэрлэх технологи ч багтаж байна. Төмрийн хүдрийн томоохон экспортлогчийн хувьд ган үйлдвэрлэлийг хүлэмжийн хийн ялгаруулалтгүй болгохоор ажиллах нь үндсэн чухал алхам юм. Энэ онд багтаж ногоон шийдлээр ган үйлдвэрлэх туршилтын үйлдвэрээ байгуулахаар төлөвлөжээ. Уг үйлдвэр нь нүүрс шаардахгүйгээр устөрөгч ашиглан ган үйлдвэрлэх технологид суурилах бөгөөд арилжаанд зориулсан технологийн хувилбарыг ойрын жилүүдэд гаргах төлөвтэйг “Fortescue онцоллоо.

Fortescue Metals нь ногоон шилжилт хийх явцдаа чулуужмал түлш хэрэглэгч бус харин ногоон эрчим хүчний экспортлогч болох төлөв харагдаж байна.

Хэрэв ямар нэг арга хэмжээ авахгүй тохиолдолд тус компанийн уурхайнууд жилд нэг сая тонноос илүү хэмжээний дизель түлш хэрэглэхээр байгаа ажээ. Одоогоор компанийн үйлдвэрлэл жилд 2 сая тонн гаруй хүлэмжийн хий ялгаруулдаг байна.

Fortescue Metals”-ын хүлэмжийн хийн ялгаруулалтыг бууруулах шинэ зорилтын хэмжүүрт компанийн үйл ажиллагаатай холбоотой шууд болон шууд бус ялгаруулалтыг авч үзжээ. Харин компанийн үйлдвэрлэсэн түүхий эд, бүтээгдэхүүнийг худалдан авагч тал цаашид боловсруулж, түгээснээс үүдэх хүлэмжийн хийн ялгаруулалт хамаарахгүй гэнэ.  

Эдгээр санаачлагаас гадна тус компани нар, хийн станц, цахилгаан хураагуурын байгууламж бүхий цогц төслийн бүтээн байгуулалтыг “Alinta Energy компанитай хамтран эрхэлж буй юм. Уг төслөөр тус компани Австралийн Пилбара дахь зарим үйл ажиллагаагаа эрчим хүчээр хангахаар төлөвлөж байна.

Б.Төгс

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 15 цаг 54 минутын өмнө
    Энэ оны дөрөвдүгээр сард, Хятад улс 97.85 сая тонн ган үйлдвэрлэсэн нь түүхэн дээд үзүүлэлтээр тооцогдож байна. Өмнөх сарын үйлдвэрлэлийн хэмжээнээс 4.1%-иар өссөн болохыг тус улсын Статистикийн ерөнхий хорооноос мэдээлжээ. Өнгөрсөн сарын байдлаар, нэг өдрийн гангийн гарц 3.26 сая тонн буюу өмнөх сарынхаас 7.5%-иар нэмэгдсэн аж. Тэгвэл эхний дөрвөн сард Хятад улс нийт 374.56 сая тонн ган үйлдвэрлэжээ. Өмнөх оны мөн үеэс 16%-иар өссөн үзүүлэлттэй байна. Гангийн үйлдвэрлэлийн гол түүхий эдийн нэг төмрийн хүдрийн үнэ он гарснаас хойш 40%-иар нэмэгджээ. Тус улсын гангийн томоохон үйлдвэрлэлийн бүс нутаг Хэбэй мужийн үйлдвэрлэлийг хязгаарлах болсон нь түүхий эдийн үнэ өсөхөд нөлөөлж буйг шинжээчид тайлбарлаж байна.
  • Уржигдар 16 цаг 00 минутад
    Он гарсаар алтны ханш 9%-иар буураад байна. Энэ нь дэлхийн эдийн засаг хэвийн байдалд орох төлөв болон АНУ-ын Засгийн газрын бондын ханш өсч буйтай холбоотой.  Тийнхүү өнгөрсөн оны наймдугаар сард түүхэн дээд хэмжээнд хүрсэн  алтны ханш гуравдугаар сарын хоёрдугаар хагаст  бараг 20%-иар буурсан гэсэн үг. Гэхдээ алтны хөрөнгө оруулагчдын хувьд сэтгэлээр унах цаг болоогүйг шинжээчид санууллаа. Бондын өгөөж нэмэгдсэн ч инфляц өсөх болсон нь алтны ханшид эерэгээр нөлөөлнө. Мэдээж инфляцыг дагаад   алтны ханш шууд өснө гэж үзэх боломжгүй. Гэвч сүүлийн жилүүдэд инфляцийн өсөлт, алтны ханшийн чангаралт шууд хамааралтай байна. АНУ-д энэ онд инфляц 2.4%-д хүрэхээр байгаа нь Холбооны нөөцийн банкны зорилтот түвшин болох 2%-иас дээшлэх юм. Инфляц өндөр байх тусам бондын бодит өгөөж буурч,   алт руу хошуурах явцыг түргэсгэнэ. 
  • Уржигдар 13 цаг 40 минутад
    “Оюутолгой” компани, гүний уурхайн төслийн хэмжээнд нийт 13 мянган ажилтан, ажиллагсад ажиллаж байна. Эдгээрээс 9013 ажилтан I тун, 1517 ажилтан хоёр шатны тунг бүрэн хийлгэжээ. Ингэснээр уурхайн талбайд байрлаж буй ажиллагсдын 88% нь вакцинжуулалтад хамрагдсан бөгөөд вакцинжуулалтын ажил үргэлжилж байгаа аж. Оюутолгойн баяжмалын тээврийн жолооч нар болон баяжмалын тээвэрт оролцдог багуудыг хамгийн эхний ээлжинд вакцинжуулалтад хамруулсан байна.
  • 2021-05-14 14:15
    Улсын  тусгай хамгаалалттай газрын ангиллыг шинэчлэн тогтоох тухай УИХ-ын 1995 оны 26 дугаар тогтоолд нэмэлт, өөрчлөлт оруулах  хуулийн  төслийг УИХ-ын гишүүн Г.Тэмүүлэн өргөн барьж буйгаа (2021.05.14) онцоллоо. Улсын тусгай хамгаалалттай газрын ангиллыг шинэчлэн тогтоох зайлшгүй шаардлагатай байгааг тэрээр  тодотгоод  хуулийн төсөлд Архангай аймгийн Өндөр-Улаан, Тариат, Жаргалан сумдын Далтын нуруу, Шаргачин голын ай савыг тусгай хамгаалалтад авахаар тусгасан гэлээ.  Тус бүс нутагт байгалийн унаган төрхийг хадгалах, экологийн тэнцвэрт байдлыг хангахаас гадна хөдөө аж ахуйн чиглэлээр үйл ажиллагаа явуулах боломж бүрдэнэ гэж хуулийн төсөл боловсруулагчид үзжээ.  Эдгээр  нь ураны маргаантай бүс нутаг байж ирсэн юм.
  • 2021-05-14 13:15
    Оюутолгойн 66 хувийг эзэмшигч “Туркойз хилл ресурс” компани лхагва гарагт 2021 оны нэгдүгээр улирлын санхүү, үйл ажиллагааны тайлангаа танилцууллаа. Оюутолгойн уурхай оны эхний гурван сард 45.449 тонн зэс, 145.656 унц алт олборложээ. Энэ нь 2020 оны мөн үеийнхээс зэсийн олборлолт 29, алтны олборлолт 461.5 хувиар тус тус өссөн үзүүлэлт бөгөөд “Туркойз хилл ресурс” компани оны эхний улиралд 526.5 сая ам.долларын орлого олсон нь өмнөх оны нэгдүгээр улиралтай харьцуулахад 302.8 хувиар өссөн байна. Оюутолгойн олборлолт, үйл ажиллагаа сайн гүйцэтгэлтэй байж, дэлхийн зах зээл дээрх зэс, алтны ханш өссөн нь орлогын хэмжээ ийнхүү нэмэгдэхэд нөлөөлжээ.