Алтны ханшийн бууралт өсөлтөөр солигдох төлөвтэй

2021-05-17 16:00

Б.Төгс

Он гарсаар алтны ханш 9%-иар буураад байна. Энэ нь дэлхийн эдийн засаг хэвийн байдалд орох төлөв болон АНУ-ын Засгийн газрын бондын ханш өсч буйтай холбоотой.  Тийнхүү өнгөрсөн оны наймдугаар сард түүхэн дээд хэмжээнд хүрсэн  алтны ханш гуравдугаар сарын хоёрдугаар хагаст  бараг 20%-иар буурсан гэсэн үг. Гэхдээ алтны хөрөнгө оруулагчдын хувьд сэтгэлээр унах цаг болоогүйг шинжээчид санууллаа. Бондын өгөөж нэмэгдсэн ч инфляц өсөх болсон нь алтны ханшид эерэгээр нөлөөлнө. Мэдээж инфляцыг дагаад   алтны ханш шууд өснө гэж үзэх боломжгүй. Гэвч сүүлийн жилүүдэд инфляцийн өсөлт, алтны ханшийн чангаралт шууд хамааралтай байна. АНУ-д энэ онд инфляц 2.4%-д хүрэхээр байгаа нь Холбооны нөөцийн банкны зорилтот түвшин болох 2%-иас дээшлэх юм. Инфляц өндөр байх тусам бондын бодит өгөөж буурч,   алт руу хошуурах явцыг түргэсгэнэ. 

Түүнээс гадна Засгийн газрын өрийн хэмжээ өсч буй нь алтны ханш өсөх дараагийн шалтгаан болно. АНУ-ын Засгийн газрын эдийн засгийг эрчимжүүлэх санхүүжилтийн багц аль хүрч зогсох нь тодорхойгүй байна. Энэ нь дэлхийн тэргүүлэгч эдийн засагтай тус улсын төсвийн алдагдлыг улам бүр тэлж, өрийн хэмжээг нэмэгдүүлэх нь гарцаагүй. Тодруулбал CBO буюу АНУ-ын Конгрессын төсвийн шинжилгээний албаны тооцоолж буйгаар төсвийн алдагдал энэ онд 2.3 их наяд ам.доллараар хэмжигдэх төлөвтэй ч   үүнд саяхан баталсан 1.9 их наяд ам.долларын тусламжийн багц ороогүй. Тиймээс АНУ-ын төсвийн алдагдал цаашид нэмэгдэх нь гарцаагүй. Төсвийн алдагдал нэмэгдэх нь өрийг тасралтгүй зузаатгах нөхцөл болно.

Түүнчлэн АНУ-ын Холбооны нөөцийн банк бодлогын хүүгээ (0-0.25%) дор хаяж 2024 он хүртэл нэмэгдүүлэхгүй байх тухай мэдэгдсэн. Хэдийгээр тус улсын эдийн засаг энэ онд 1984 оноос хойших хамгийн огцом тэлэлт буюу 6.5%-ийн өсөлттэй гарах төлөвтэй   ч бодит сэргэлтийн тухай ярихад эрт  байна. Бодлогын хүү доогуур хэмжээнд хадгалагдах нь цаашид алтны ханшид эерэг нөлөө үзүүлэх нь тодорхой байна. 

Нөгөөтэйгүүр, цар тахлын дараах сэргэлтийн хүрээнд АНУ-ын ажилгүйдлийн хэмжээ буурч байгаа ч байдал тийм ч амархан сэргэхгүй байж болзошгүй. Тус улсын Ерөнхийлөгч Жо Байден дөрөвдүгээр сард багтаж хүн ардадаа 200 сая тун вакцин хийх зорилт дэвшүүлсэн ч   өвчлөлийн тохиолдол эргээд нэмэгдэх болсон. Европын холбооны хэд хэдэн орон хөл хорио тогтоогоод байна. Эрдэмтдийн зарим төлөөлөл өвчлөл нэмэгдэж буй шалтгааныг вирусын шинэ төрлийн тархалт болон халдварыг тогтоох хязгаарлалтын арга хэмжээг сулруулсантай холбоотой байж болохыг тайлбарлалаа. 

Шинжээчдийн зүгээс урт хугацаандаа алтны ханш өсөх таамаглал  дэвшүүлж байна. Улс орнуудын төв банк  бүгд асар их мөнгө зах зээлд нийлүүлж байгаа нь эргээд инфляцид хүргэх нь тодорхой. Гэхдээ алтны ханш цаашид хэрхэн өсч,  буурахыг хэн ч яг таг бодитой таах аргагүй. Дийлэнх судалгааны байгууллагууд алтны ханш 2000 ам.доллар/унц-ын түвшнээс дээгүүр байх төлөвтэй гэж төсөөлж байна. 

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 16 цаг 26 минутад
    Дэлхийн зэсийн импортын зах зээлийн тал хувийг дангаараа бүрдүүлдэг Хятад улс стратегийн нөөцөөсөө зарим түүхий эдийг дотоодын үйлдвэрлэгчдэд нийлүүлэхээр болсон тухай зарлаж (2021.06.16) байна. Энэ нь зах зээл дэх нийлүүлэлтийг нэмэгдүүлж, ханшийг бууруулах зорилготой. Үүнд зэс, цайр, хөнгөн цагаан багтана. 2010 оноос хойш Хятадын Засгийн газрын хийж буй анхны алхам гэж шинжээчид үзэж байна. Ингэснээр зэсийн ханш сүүлийн хоёр сарын хугацаан дахь хамгийн доод түвшинд хүрч, нэг тонн нь 9427 ам.долларт хүрлээ. Тодруулбал зургадугаар сар гарсаар зэсийн ханш Лондоны металын бирж дээр 7.7%-иар буурчээ.
  • Уржигдар 11 цаг 49 минутад
    “Эрдэс баялгийн бирж ”  гэсэн нэршлийг “Уул уурхайн бүтээгдэхүүний  бирж”   нэрлэх  нь илүү оновчтой. Олон улсад Лондоны металын бирж, Лондоны алт,мөнгөний бирж, Шанхайн металын бирж, Беларусын барааны бирж, Тянжины уул уурхайн бүтээгдэхүүний  бирж зэрэг олон улсын, бүс нутгийн  болон орон нутгийн чанартай. Дэлхий дахинд 200 гаруй бирж үйл ажиллагаа явуулж байна. Эдгээр бирж нь биет бүтээгдэхүүн болон ирээдүйд үйлдвэрлэх бүтээгдэхүүнийг тогтоосон хугацаанд тодорхой байршлаар нийлүүлэн арилжаалдаг. Монгол Улсад уул уурхайн бүтээгдэхүүний  бирж байгуулах боломж, хууль эрх зүйн орчны судалгааг 2013 онд Монголын Экспортлогчдын холбоо хийсэн.
  • 2021-06-17 12:27
    Эрдэс баялгийн салбарын үр ашиг, өгөөж, бүтээмжийг нэмэгдүүлэх, төрийн байгууллагын үйлчилгээг нээлттэй, хүнд сурталгүй, ил тод хариуцлагатай болгоход чиглэсэн “Эрдэс баялаг-цахим шилжилт” хэлэлцүүлгийг УУХҮЯ-наас  өнгөрсөн сард зохион байгуулахаар товлосон боловч хойшлогдсон билээ. Тэгвэл Байгалийн баялгаас оюуны баялагт уриан дор тус цахим  хэлэлцүүлгийг маргааш зохион байгуулахаар болжээ.
  • 2021-06-17 11:40
    ОХУ-ын Холбооны гаалийн газрын мэдээллээр, дөрөвдүгээр сард тус улс 1.66 сая тонн коксжих нүүрс экспортолжээ. Энэ нь өнгөрсөн оны мөн үеэс 7.61%-иар, өмнөх гуравдугаар сараас 48.82% -иар тус тус буурсан үзүүлэлт аж. Оны эхний дөрвөн сарын байдлаар нийт 8.53 сая тонн коксжих нүүрс экспортолсон байна. Мөн хугацаанд тус улсын  нүүрсний нийт экспортын хэмжээ 85.25 тоннд хүрсэн юм. Тэгвэл тавдугаар сард 19.27 сая тонн нүүрс экспортолсон нь түүхэн дээд хэмжээгээр тооцогдож байна.
  • 2021-06-16 14:20
    Хятадын “China Aluminum Corporation” (Chinalco) компани нь нүүрстөрөгчийн давхар ислийн ялгаруулалтаа 2025 оноос өмнө бууруулж эхлэн, 2035 он гэхэд 40%-иар багасгах зорилтоо мэдэгджээ. Тус компани өнгөрсөн онд 3.69 сая тонн хөнгөн цагааны анхдагч үйлдвэрлэлийн 50%-д усан цахилгаан станцын эрчим хүч ашигласан тул “ногоон” үйлдвэрлэлд хамаарна гэж “Chinalco” үзэж байна. Тиймээс цаашид үйлдвэрлэлдээ нар, салхи  зэрэг сэргээгдэх эрчим хүчний ашиглалтыг нэмэгдүүлэхээр төлөвлөж буй аж. Энэ зургадугаар сард “Chinalco” нь анх удаа 400 сая юанийн (63 сая ам.доллар) дүнтэй бонд гаргажээ. Энэхүү хөрөнгийг “ногоон” зорилт буюу салхин паркийн бүтээн байгуулалтын өрийг дахин санхүүжүүлэхэд зарцуулах юм байна.