Х.Нямбаатар: Монголын талын 34%-д ногдох 2.3 тэрбум ам.долларын өрийг бууруулах саналыг “Рио Тинто” илэрхийлсэн

2021-08-31

Монгол Улсын Засгийн газрын ээлжит хуралдаан өнөөдөр болж, хэд хэдэн  асуудлыг хэлэлцэн шийдвэрлэсэн. Уг хуралдаанд “Рио Тинто” компаниас Монгол Улсын Ерөнхий сайдад ирүүлсэн албан захидлыг Оюу толгой төслийн гаднын хөрөнгө оруулагч талтай хэлэлцээ хийх, төслийг тохирох, эцэслэсэн хувилбарыг танилцуулах үүрэг бүхий Ажлын хэсгээс Засгийн газрын ээлжит хуралдаанд танилцуулжээ. Энэ талаар Оюутолгойн асуудлаар хэлэлцээр хийх Ажлын хэсгийн ахлагч, Хууль зүй, дотоод хэргийн сайд Х.Нямбаатар мэдээлэл хийлээ.  

“Туркойз Хилл Ресурс” болон “Рио Тинто” компанийн  удирдлагууд Монгол Улсын Ерөнхий сайдын нэр дээр албан захидал ирүүлсэн. Нэгдүгээрт, Оюутолгой төслийн менежментийн багийг удирдаж байгаа “Рио Тинто”-гийн зүгээс “Ковид-19” цар тахлын халдвар дэгдсэн,   эдийн засгийн хүнд цаг үед   гүний  уурхайн бүтээн байгуулалтыг хойшлуулсандаа  уучлал хүссэн. Үүнтэй холбогдуулж Монгол Улсын Засгийн газарт  төлж буй  АМНАТ, суутган тооцох бусад татвараас гадна  3 жилийн хугацаанд 1 их наяд төгрөгийн татварын орлогыг төвлөрүүлж, төсөвт нэмэлт орлого оруулах саналаа уг захидлаар илэрхийлсэн.

Хоёрдугаарт, Монгол Улсын Засгийн газарт ирэх үр өгөөжийг хурдасгахын тулд “Оюутолгой” компаниас “Эрдэнэс Оюутолгой” ХХК-д төлөх ногдол ашгийн хугацааг наашлуулан хөрөнгө оруулалтад ногдох өрийн хэмжээг бууруулах  хүсэлтэй байна. Энэ чиглэлд хоёр талаас байгуулагдсан Ажлын хэсэг хэлэлцээр хийхэд бэлэн гэдгээ илэрхийлсэн. Өөрөөр хэлбэл, Монголын Засгийн газар Оюутолгой төсөлд эзэмшиж буй 34%-даа ногдох өрийн бичилтийг  “Рио Тинто” хийх юм. Одоогоор  нийлмэл хүү, нийлбэр  дүнгээрээ 2.3 орчим тэрбум ам.долларын өр бичигдсэн байна. Үүнийг бууруулах тал дээр хэлэлцээр хийхэд бэлэн байгаагаа “Рио Тинто”-гийн талаас албан ёсоор илэрхийлсэн гэж хэлж болно.  Үүнтэй холбогдуулан хэлэхэд УИХ-ын 2019 оны 92 дугаар тогтоолын хавсралтад дурдсанчлан цаашид “Эрдэнэс Оюутолгой”-той холбогдох хувь ногдлын асуудлыг “Рио Тинто”-той ярьж болно шүү гэсэн давхар утга харагдаж байгаа юм. Тодруулбал, нэг талдаа 34%-д ногдох 2.3 тэрбум ам.долларын өрийг бууруулах чиглэлээр хэлэлцэхэд бэлэн, нөгөө талдаа 34%-иа хэрхэн шийдвэрлэхийг ярилцаж болно гэж бид ойлгосон.  Хэлэлцээрийг бүх талаар үргэлжлүүлэхэд бэлэн байна.  Амжилттай үргэлжлэх ёстой. Лондонгийн Арбитрын шүүхэд Монголын талаас гаргасан сөрөг нэхэмжлэхийг түр хойшлуулж маргааны асуудлаа царцаах  саналыг “Рио Тинто”-гийн зүгээс мөн  илэрхийлсэн байна.

Гүний уурхайн бүтээн байгуулалтыг цаашид үргэлжлүүлж, дуусгахын тулд нөөцийн тодотгосон тайланг Эрдэс баялгийн мэргэжлийн зөвлөлөөр батлуулах хэрэгтэй,  гүний уурхайн ТЭЗҮ-ийг  эргэн хянуулах хүсэлтээ бидэнд илэрхийлсэн гэдгийг энд дурдая.  Монгол Улсын Засгийн газраас байгуулсан Ажлын хэсэг энэ долоо хоногт хуралдаж  уг  асуудлыг  том Ажлын хэсэгт танилцуулна.  “Рио Тинто”-гийн Зэсийн группийн Гүйцэтгэх захирал Б.Болд тэргүүтэй төлөөллүүд Монголд ирсэн. Тэдэнтэй ойрын үед уулзах товоо зарлаж, хэлэлцээрээ үргэлжлүүлнэ.

Г.Идэрээ  
 

Сэтгэгдэл (1)

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 6 цаг 48 мин
    Швейцарын Давос хотноо болж буй Дэлхийн эдийн засгийн чуулга уулзалтад оролцож буй Гадаад харилцааны сайд Б.Батцэцэг цахимжилт, ногоон технологи дээр үндэслэсэн инновацийг нэвтрүүлж, шинэ төрлийн эдийн засгийг бий болгоход тулгарч буй сорилтуудыг даван туулах тухай “Хөрөнгө оруулалтын ирээдүйг бүрдүүлэх нь”, цар тахлын улмаас дэлхий даяар хямралд ороод буй “нийгмийн толь” гэгддэг соёлын салбарыг хурдан сэргээх арга замуудыг хэлэлцсэн“Соёлын хямрал” сэдэвт хуралдаануудад тавдугаар сарын 24-ний өдөр тус тус оролцов.
  • 7 цаг 1 мин
    Хятадын талын төв Засгийн газар болон орон нутгийн удирдлагатай хийсэн олон удаагийн уулзалт, хэлэлцээний дүнд Эрээн хотын цар тахлаас хамгаалах, урьдчилан сэргийлэх шуурхай удирдлагын төвөөс 2022 оны тавдугаар сарын 20-ны өдрийн №104, №105 тоот шийдвэр гаргаж, мөн өдрөөс Замын-Үүд-Эрээн төмөр замын боомтоор задгай вагоноор эрчим хүчний нүүрс, тонны савалгаатай үр тарианы импорт-экспортын тээвэрлэлтийг сэргээх болсон талаар дипломат шугамаар мэдэгдээд байна.
  • 7 цаг 9 мин
    БНХАУ-ын ӨМӨЗО-ны Алшаа аймгийн Эзнээ хошуунд коронавирусын анхны тохиолдол бүртгэгдсэний улмаас хятадын талын саналаар 2021 оны аравдугаар сарын 16-ны өдрөөс тус боомтын үйл ажиллагааг бүрэн зогсоосон. Шивээхүрэн-Сэхээ боомтын улсын хилийн дундын бүсэд чингэлэг солилцох талбай байгуулж, уул уурхайн бүтээгдэхүүн, ялангуяа нүүрсийг чингэлэг тээврийн горимоор улс хооронд тээвэрлэхээр дипломат шугамаар тохиролцсоны үндсэн дээр тус боомтын үйл ажиллагааг 25-ны өдрөөс эхлүүлээд байна.
  • 7 цаг 56 мин
    Өнөөдрөөс нүүрсний уртын тээвэр эхэлж, эхний ээлжид 100 машин өглөөний таван цагт ажилдаа гарчээ. "Цагаан хад" дахь халдвар хамгааллын дэглэм сайжруулах ажлыг шат дараалалтайгаар хийсэн нь өнөөгийн үр дүнг авчирсан гэхэд болно. Нөгөө талаас Ганц мод боомт дахь шинжилгээгээр богино тээврийн жолооч нараас сүүлийн хоёр долоо хоног ковидын эерэг тохиолдол илрээгүй байна. Иймд өнөөдрөөс нүүрсний уртын тээвэр эхлүүлж, тавдугаар сарын 31-нээс задгай нүүрсний тээврийг эхлүүлэхээр болжээ. Манай улс энэ жил 36.7 сая тонн нүүрс экспортлоно гэж төсөвтөө суулгасан.
  • Өчигдөр 13 цаг 53 мин
    Эдийн засгийн идэвхжил сулрав. 2022 оны эхний улирлын эдийн засгийн үзүүлэлтүүдээс харахад “V” хэлбэрийн сэргэлт мөрөөдөл болон хувирч, дор хаяж нэг жилээр хойшилжээ. Эдийн засгийн өсөлтийг энэ онд 2.6% байна гэсэн төсөөллийг Төв банк дэвшүүлсэн. Өнгөрсөн онд манай улсын эдийн засгийн өсөлт ердөө 1.4%-иар хэмжигдсэн бөгөөд энэ онд өсөлт 6-8% руу эрчимжинэ гэсэн найдвар өндөр байв. Гэвч сэргэлтийн үндэс суурийг цаг алдалгүй тавих үүрэг Засгийн газарт ногдсон хэвээр.  УИХ-ын дарга хэмнэлтийн горимд шилжихийг нэгэнтээ уриалав. Залгуулаад Ерөнхий сайд амаргүй цаг айсуйг илэрхийлж эхлэлээ. Засгийн газрын бодлого нүүрсний экспортыг нэмэгдүүлэхэд чиглэж байгаа ч бодит байдал дээр Хятадын импорт буурч байна. Яг одоо болж буй өрнөл нь ирээдүйд коксжих нүүрсний хэрэглээ буурах үед Монголын эдийн засагт хэрхэн нөлөөлөхийг бодитоор мэдрүүлж  байна.