“Эрдэнэ Ресурс” нэмэлт хувьцааны арилжаагаар 14.2 тэрбум төгрөг босгоно

2021-10-01

Баянхонгор аймагт Баян Хөндий алтны үндсэн ордын төсөл хэрэгжүүлж буй Канадын хөрөнгө оруулалттай “Эрдэнэ Ресурс Девелопмент” компани нэмэлт хувьцаа гаргахаар ажиллаж байна. Тодруулбал нэмэлт хувьцааны арилжаагаар нийт 14.25 тэрбум төгрөг (5 сая ам.доллар)-ийн санхүүжилтийг Монголын хөрөнгийн захаас бүрдүүлэхээр төлөвлөжээ.

Нэмэлт хувьцааны арилжаагаар босгох санхүүжилтийг Баян Хөндий алтны төслийн бүтээн байгуулалт, хайгуул болон бусад үйл ажиллагаанд зарцуулахаар төлөвлөсөн байна.

Тус компани нь 2018 оны зургадугаар сард МХБ-д үнэт цаасаа давхар бүртгүүлснээр Монгол улсын давхар бүртгэлтэй анхны компани болсон билээ.

Нэмэлт хувьцааны захиалга аравдугаар сарын 4-8-ны хооронд явагдана. Ингэхдээ нийт 17.48 сая ширхэг хувьцаа нэгж бүрийг нь 815 төгрөгөөр санал болгоно. Энэ нь Монголын хөрөнгийн бирж дээрх тус компанийн хувьцааны сүүлийн арав хоногийн жигнэсэн дундаж ханшаас 10%-ийн хөнгөлөлттэй үнэ юм байна. Тус компанийн зах зээлд гаргасан нийт энгийн хувьцааны тоо нь 268.5 сая ширхэгээр (2021.06.30-ны байдлаар) илэрхийлэгдэнэ. Иймд шинээр гаргах хувьцаа нь нийт хувьцааны 6%-тай тэнцэнэ. Компанийн нийт зах зээлийн үнэлгээ нь Торонтогийн хөрөнгийн бирж дээрх алтны ил уурхайн олборлолтын үйл ажиллагаа эрхэлдэг компаниудтай харьцуулахад 2-3 дахин бага байгаа юм. Иймд компани цаашид олборлолтоо эхлүүлэх үед хувьцааны үнэлгээ өсөх бүрэн боломжтой гэж “Эрдэнэ Ресурс”-ийн зүгээс тооцоолж байна.

“Монголын хөрөнгийн бирж” ТӨХК-ийн Гүйцэтгэх захирлын энэ оны наймдугаар сарын 27-ны А/70 тоот тушаалаар бүртэсэн “Эрдэнэ Ресурс Девелопмент Корпорэйшн”-ийн 14.25 тэрбум төгрөгийн үнийн дүн бүхий нэмэлт хувьцааг Санхүүгийн зохицуулах хорооны есдүгээр сарын 22-ны өдрийн А/80 тоот тогтоолоор бүртгэж олон нийтэд санал болгон арилжаалахыг зөвшөөрсөн байна.

Баян Хөндий алтны үндсэн ордын хувьд нийт 12.7 тонн алтны үйлдвэрлэлийн нөөцтэй бөгөөд жилд 63.5 - 79 мянган унц алт үйлдвэрлэх төлөвлөгөөтэй байгаа юм. Ордын онцлог гэвэл хүдэр дэх алтны дундаж агуулгын хэмжээ 3.7 гр/тн байгаа нь дэлхийн дундаж болох 1.3 гр/тн-той харьцуулахад нэлээд өндөр дүн юм. Иймд олборлолтын зардал унц тутамд харьцангуй бага буюу 733 ам.доллар байна гэж тооцоолжээ. Олборлолтын жилүүдэд алтны өнөөгийн ханшаар жилд дунджаар 40-50 сая ам.долларын цэвэр мөнгөн гүйлгээтэй ажиллана гэж тооцоолсон байна.

Хувьцаа эзэмшлийн тухайд, одоогийн байдлаар Монголын хувьцаа эзэмшигчид компанийн нийт хувьцааны 5%, удирдлага/ТУЗ 8%, ЕСБХБанк 11%, алтны чиглэлээр дагнан хөрөнгө оруулалт хийдэг Эрик Спротт 12%, үлдсэнийг хөрөнгө оруулалтын сангууд болон олон нийт /Торонтогийн бирж дэх/ эзэмшиж байна.

Эх сурвалж: Investing.com

Эх сурвалж: Монголын хөрөнгийн бирж

“Эрдэнэ Ресурс Девелопмент” компанийн тухайд 2000 онд байгуулагдаж 2005 онд Торонтогийн хөрөнгийн биржийн үндсэн самбарт бүртгүүлж хувьцаагаа арилжаалж эхэлсэн. Улмаар Монгол иргэд эрдэс баялгийн салбараас өгөөжийг хүртэх, уул уурхайн компаниуд ил тод, нээлттэй үйл ажиллагаа эрхлэх зэрэг хүчин зүйлсийг харгалзан 2018 оны зургадугаар сард Монголын хөрөнгийн биржид давхар бүртгүүлж хувьцаагаа дотоодын хөрөнгийн захад худалдаалах болсон.

Тус компани нь зөвхөн Баян Хөндий алтны үндсэн ордын төсөл төдийгүй Хөндий алтны дүүрэгт алт, алт-полиметалл болон молибден-зэсийн төслүүдийг хөгжүүлж байна. Үүнд Алтан Нар, Зуун Мод, Хар Морь болон бусад хайгуулын төслүүд багтана.

“Эрдэнэ Ресурс Девелопмент” компанийн Баян Хөндий алтны төслийн бүтээн байгуулалтын ажил ирэх оны сүүл гэхэд дуусч, хүдэр боловсруулалт 2023 оны эхний хагас жилд эхлэх төлөвтэй байна.

Б. Төгс

Сэтгэгдэл (3)

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 6 цаг 24 мин
    Швейцарын Давос хотноо болж буй Дэлхийн эдийн засгийн чуулга уулзалтад оролцож буй Гадаад харилцааны сайд Б.Батцэцэг цахимжилт, ногоон технологи дээр үндэслэсэн инновацийг нэвтрүүлж, шинэ төрлийн эдийн засгийг бий болгоход тулгарч буй сорилтуудыг даван туулах тухай “Хөрөнгө оруулалтын ирээдүйг бүрдүүлэх нь”, цар тахлын улмаас дэлхий даяар хямралд ороод буй “нийгмийн толь” гэгддэг соёлын салбарыг хурдан сэргээх арга замуудыг хэлэлцсэн“Соёлын хямрал” сэдэвт хуралдаануудад тавдугаар сарын 24-ний өдөр тус тус оролцов.
  • 6 цаг 37 мин
    Хятадын талын төв Засгийн газар болон орон нутгийн удирдлагатай хийсэн олон удаагийн уулзалт, хэлэлцээний дүнд Эрээн хотын цар тахлаас хамгаалах, урьдчилан сэргийлэх шуурхай удирдлагын төвөөс 2022 оны тавдугаар сарын 20-ны өдрийн №104, №105 тоот шийдвэр гаргаж, мөн өдрөөс Замын-Үүд-Эрээн төмөр замын боомтоор задгай вагоноор эрчим хүчний нүүрс, тонны савалгаатай үр тарианы импорт-экспортын тээвэрлэлтийг сэргээх болсон талаар дипломат шугамаар мэдэгдээд байна.
  • 6 цаг 46 мин
    БНХАУ-ын ӨМӨЗО-ны Алшаа аймгийн Эзнээ хошуунд коронавирусын анхны тохиолдол бүртгэгдсэний улмаас хятадын талын саналаар 2021 оны аравдугаар сарын 16-ны өдрөөс тус боомтын үйл ажиллагааг бүрэн зогсоосон. Шивээхүрэн-Сэхээ боомтын улсын хилийн дундын бүсэд чингэлэг солилцох талбай байгуулж, уул уурхайн бүтээгдэхүүн, ялангуяа нүүрсийг чингэлэг тээврийн горимоор улс хооронд тээвэрлэхээр дипломат шугамаар тохиролцсоны үндсэн дээр тус боомтын үйл ажиллагааг 25-ны өдрөөс эхлүүлээд байна.
  • 7 цаг 33 мин
    Өнөөдрөөс нүүрсний уртын тээвэр эхэлж, эхний ээлжид 100 машин өглөөний таван цагт ажилдаа гарчээ. "Цагаан хад" дахь халдвар хамгааллын дэглэм сайжруулах ажлыг шат дараалалтайгаар хийсэн нь өнөөгийн үр дүнг авчирсан гэхэд болно. Нөгөө талаас Ганц мод боомт дахь шинжилгээгээр богино тээврийн жолооч нараас сүүлийн хоёр долоо хоног ковидын эерэг тохиолдол илрээгүй байна. Иймд өнөөдрөөс нүүрсний уртын тээвэр эхлүүлж, тавдугаар сарын 31-нээс задгай нүүрсний тээврийг эхлүүлэхээр болжээ. Манай улс энэ жил 36.7 сая тонн нүүрс экспортлоно гэж төсөвтөө суулгасан.
  • Өчигдөр 13 цаг 53 мин
    Эдийн засгийн идэвхжил сулрав. 2022 оны эхний улирлын эдийн засгийн үзүүлэлтүүдээс харахад “V” хэлбэрийн сэргэлт мөрөөдөл болон хувирч, дор хаяж нэг жилээр хойшилжээ. Эдийн засгийн өсөлтийг энэ онд 2.6% байна гэсэн төсөөллийг Төв банк дэвшүүлсэн. Өнгөрсөн онд манай улсын эдийн засгийн өсөлт ердөө 1.4%-иар хэмжигдсэн бөгөөд энэ онд өсөлт 6-8% руу эрчимжинэ гэсэн найдвар өндөр байв. Гэвч сэргэлтийн үндэс суурийг цаг алдалгүй тавих үүрэг Засгийн газарт ногдсон хэвээр.  УИХ-ын дарга хэмнэлтийн горимд шилжихийг нэгэнтээ уриалав. Залгуулаад Ерөнхий сайд амаргүй цаг айсуйг илэрхийлж эхлэлээ. Засгийн газрын бодлого нүүрсний экспортыг нэмэгдүүлэхэд чиглэж байгаа ч бодит байдал дээр Хятадын импорт буурч байна. Яг одоо болж буй өрнөл нь ирээдүйд коксжих нүүрсний хэрэглээ буурах үед Монголын эдийн засагт хэрхэн нөлөөлөхийг бодитоор мэдрүүлж  байна.