Хятадын коксжих нүүрсний нийлүүлэлт эрэлтээ гүйцэхгүй байна

2021-11-01

Хятадын коксжих нүүрсний эрэлт энэ оны дөрөвдүгээр улиралд нийлүүлэлтээс давсан хэвээр байх төлөвтэй байгааг "S&P Global" мэдээллээ. Тодруулбал Хятадын нүүрсний эрэлт дөрөвдүгээр улиралд сард дунджаар 46 сая тоннд хүрч эрэлт 1 сая тонноор давах тооцооллыг Baosteel-ийн судалгааны нэгж Hwabao Securities гаргажээ.

Тус улсын Засгийн газраас коксжих нүүрсний олборлолтыг хязгаарлах бодлогыг өнгөрсөн гуравдугаар сараас эхлэн хэрэгжүүлэх болсон байна. Тус судалгааны нэгж оны сүүлийн улиралд Хятад улс сард дунджаар 4 сая тонн коксжих нүүрс импортлох бол дотоодын коксжих нүүрсний олборлолт сард 41 сая тонн байна гэж таамаглажээ.

Хятадын коксжих нүүрсний олборлолтыг тогтсон хэмжээнд барих бодлого нь оны эхний найман сарын байдлаар дотоодын олборлолтыг 3.63%-иар бууруулж 352.4 сая тоннд хүргэхэд нөлөөлсөн байна.

Зөвхөн олборлолтыг хязгаарлах арга хэмжээ төдийгүй байгаль орчны хяналт, нүүрс борлуулах зөвшөөрөл зэрэг нь нүүрсний уурхайнуудын гарц буурах шалтгаан болжээ.

Өнгөрсөн зургадугаар сарын сүүлийн хагасаас эхлэн дотоодын уурхайнуудад аюулгүй ажиллагааны хяналт шалгалт явуулж эхэлсэн нь ч гарц буурах хүчин зүйл болсныг тэмдэглэх хэрэгтэй.

Эрэлт, нийлүүлэлтийн нөхцөл байдлыг ерөнхийд нь авч үзвэл өнгөрсөн арваннэгдүгээр сараас эхлэн нүүрсний нийлүүлэлт хумигдаж эрэлтээ гүйцэхгүйд хүрсэн байна. Ингэснээр энэ оны наймдугаар сарын эцэс хүртэлх хугацаанд ойролцоогоор 20 сая тонн орчим коксжих нүүрсний нийлүүлэлтийн алдагдал Хятадын зах зээлд үүсчээ. Ойрын хугацаанд коксжих нүүрсний нийлүүлэлийг нэмэгдүүлэхэд багагүй хүндрэл үүсэхийг Хятадын Нүүрс тээвэр, түгээлтийн холбоо мэдэгджээ. Учир нь коксжих нүүрсний нийлүүлэлт дэлхий дахинд төдийлөн их биш байгаагийн сацуу улс орнуудын гангийн нүүрсний эрэлт зэрэгцээд нэмэгдэж байгаа ажээ.

Энэ оны дөрөвдүгээр улиралд Хятад улсын гангийн гарц 261 сая тонноор хэмжигдэх тооцоололд үндэслэвэл төмрийн хүдэр, коксжих нүүрсний эрэлт өндөр байх төлөвийг Hwabao Securities онцолжээ.

Энэ жилийн хувьд Хятад улс Австралиас хоёр улсын худалдааны маргаантай холбоотойгоор нүүрс огт авахгүй байгаа учир өөр эх үүсвэрээс татан авалтаа нэмэгдүүлэхэд анхаарч байна. Энэ оны эхний найман сарын байдлаар Хятад улсын ОХУ-аас импортлох нүүрсний хэмжээ 75%-иар нэмэгдэж 6.9 сая тоннд хүрчээ. Индонезээс импортлох хэмжээ гурав дахин өсч 1.54 сая тоннд очсон төдийгүй АНУ, Канадаас авах коксжих нүүрсний хэмжээ нь ч нэмэгджээ.

Харин манай улсын хувьд нүүрсний экспортын боломжоо бүрэн ашиглаж чадаагүй ч ханшийн өсөлтөөр нүүрсний худалдаа орлогын үзүүлэлтээр өнгөрсөн оны түвшинд байгаа юм.

 

Б. Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 58 мин
    ОҮИТБС-ын хүрээнд манай улсын эцсийн өмчлөгчийн мэдээлэл нэг үеэ бодвол ил гарч, бага багаар ахиж байгаа гэдэг нь ОҮТБИС-ын тайлан мэдээнээс харагдаж байна. 2013 онд 215 компани тайлан мэдээллээ ирүүлж байсан бол 2020 онд 687 компани мэдээллээ ирүүлжээ. Ялангуяа уул уурхай болон стратегийн салбарын эцсийн өмчлөгчийг ил тод болгон тайлагнах нь авлигыг багасган, олон нийт өгөөжийг тэгш хүртэх боломж бүрдүүлэх сайн талтай
  • 18 цаг 18 мин
    “Туркойз Хилл Ресурс” болон “Рио Тинто” компани Оюутолгой төслийн санхүүжилтийн төлөвлөгөөний гэрээний нөхцөлийг өөрчилсөн талаар (2022.05.18) мэдээллээ. Тус гэрээг талууд өнгөрсөн нэгдүгээр сарын 24-нд байгуулж байсан юм. Харин одоо санхүүжилтийн гэрээний нөхцөлийг өөрчилснөөр хувьцааны арилжаагаар хөрөнгө босгох хугацааны товыг хойшлуулахаар болжээ. Тодруулбал энэ оны наймдугаар сарын 31-н гэхэд “Туркойз Хилл” хамгийн багадаа 650 сая ам.доллар хүртэлх санхүүжилтийг хувьцааны арилжаагаар босгох байсныг энэ оны төгсгөл хүртэл сунгаж өгчээ.
  • Уржигдар 15 цаг 50 мин
    Засгийн газрын ээлжит хуралдаанаар газрын тосны бүтээгдэхүүн хуваах гэрээ, газрын тос олборлолт, газрын тос боловсруулах үйлдвэрийг түүхий эдээр хангах тухай салбарын сайд Г. Ёндон танилцуулсан байна. Цаашид Засгийн газрын зүгээс газрын тосны хайгуул, олборлолтыг эрчимжүүлэх чиглэлд Шадар сайдаар ахлуулсан Ажлын хэсэг гарч ажиллах юм байна. Энэ дагуу газрын тосны нөөц тогтоогдох боломж бүхий аймгуудын Засаг дарга нарт Ерөнхий сайдын захирамж, албан даалгаврыг хүргүүлэх ажээ.
  • Уржигдар 13 цаг 52 мин
    Салбарын яамны захиалгаар Европын Сэргээн Босголт, Хөгжлийн Банкны санхүүжилтээр Адам Смит Интернэйшнл байгууллага “Монгол Улсын Уул уурхайн салбарын хөрөнгө оруулалтын орчны жишиг судалгаа”-г боловсруулан гаргасан байна. Энэхүү судалгааны үр дүнг танилцуулах хэлэлцүүлэг, семинарыг (2022.05.17) зохион байгууллаа. Тус судалгаа нь Монгол Улсын уул уурхайн салбарын хөрөнгө оруулалтын өнөөгийн нөхцөл байдал, цаашид хэрэгжүүлэх арга хэмжээний талаарх саналуудыг тодорхойлох зорилготой юм.
  • 2022-05-17
    Монгол Улсын эдийн засгийн үзүүлэлт оны эхний улиралд буурсан дүнтэй гарсныг Үндэсний статистикийн хороо мэдээллээ. Тодруулбал дотоодын нийт бүтээгдэхүүн 2022 оны эхний улиралд (2015 оны үнээр) 5.2 их наяд төгрөг болж, өмнөх оны мөн үеэс 208.1 тэрбум төгрөг буюу 3.8%-иар буурчээ.