Нүүрсний экспорт аравдугаар сард 1.5 сая тоннд хүрч 46%-иар өсөв

2021-11-08

Манай улсын гадаад худалдааны нийт бараа эргэлт оны эхний арван сарын байдлаар 13.2 тэрбум ам.долларт хүрч өнгөрсөн оны мөн үеийнхээс 26.3%-иар өссөн тухай Гаалийн ерөнхий газар мэдээллээ. Үүнд экспорт 7.52 тэрбум ам.доллар, импорт 5.64 тэрбум ам.долларыг эзэллээ. Тодруулбал экспорт өмнөх оны мөн үеийнхээс 25.7%-иар, импорт 27.2%-иар тус тус өссөн байна. Гадаад худалдаа мөн хугацаанд 1.88 тэрбум ам.долларын ашигтай гарсан нь өнгөрсөн оны мөн үеийнхээс 21.3%-иар дээшилсэн дүнтэй гарлаа.

Зэс, нүүрс, төмрийн хүдэр, алт, газрын тосны экспорт улсын нийт экспортын 83.4%-ийг эзэлжээ.

Эрдсийн экспорт дундаа зэсийн баяжмалын худалдаа орлогоор тэргүүллээ. Оны эхний арван сарын байдлаар зэсийн баяжмалын экспорт 2.62 тэрбум ам.доллартай тэнцэж өмнөх оны мөн үеийнхээс 95%-иар өссөн байна. Харин биет жингээр зэсийн баяжмалын экспорт 1.16 сая тоннд хүрсэн нь 1.7%-ийн өсөлттэй дүн юм.

Нүүрсний экспортын тухайд өнгөрсөн аравдугаар сард худалдааны үзүүлэлт биет жингээр сэргэх хандлагатай болж ирсэн. Сарын дүнгээр өнгөрсөн аравдугаар сард 1.46 сая тонн нүүрс экспортолсон нь өмнөх оны мөн үетэй харьцуулахад 64%-иар буурсан дүн боловч өмнөх есдүгээр сарын дүнгээс 46%-иар өссөнийг илтгэнэ. Өөрөөр хэлбэл нүүрсний экспортын үзүүлэлт харьцангуй сайжирсан байна. Гэсэн хэдий ч оны эхний арван сарын нийт дүнгээр авч үзвэл нүүрсний экспортын биет хэмжээ 13.5 сая тонноор хэмжигдсэн нь өмнөх оны мөн үеийнхээс даруй 10.4 сая тонноор буюу 43.6%-иар буурсан гэсэн үг юм. Харин нүүрсний экспортын орлогын дүн оны эхний арван сард 1.97 тэрбум ам.доллартай тэнцэж өмнөх оны мөн үеийнхээс 11%-иар өссөн дүнтэй гарсан байна. Нүүрсний экспортын жингийн хэмжээ огцом буурсан ч зах зээлд ханш өндөр байгаа нь орлогын дүн өсөлттэй гарахад голлон нөлөөллөө.

Эх сурвалж: ГЕГ

Төмрийн хүдрийн экспорт мөн хугацаанд 6.6 сая тоннд хүрч 906 сая ам.доллартай тэнцлээ. Энэ нь жингээр 5.6%-иар буурсан ч орлогын дүн нь 70 гаруй хувиар өссөнийг илтгэнэ.

Газрын тосны экспорт он гарсаар 138%-иар өсч 250 сая ам.доллартай тэнцсэнээр хамгийн өсөлттэй түүхий эдээр нэрлэгдэж байна.

Алтны экспортын тухайд оны эхний арван сарын байдлаар нийт 11 тонныг экспортолж 600 гаруй сая ам.долларын орлого олсон дүнтэй байна. Тэр дундаа өнгөрсөн аравдугаар сард 3 тонн орчим алтыг 168 сая ам.доллараар экспортолжээ.

Бусад эрдсийн экспортын тухайд хар тугалганы хүдэр, баяжмалыг эс тооцвол бүгд орлогын дүнгээр өсөлттэй гарлаа.

Эх сурвалж: ГЕГ

 

Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 5 цаг 45 мин
    Швейцарын Давос хотноо болж буй Дэлхийн эдийн засгийн чуулга уулзалтад оролцож буй Гадаад харилцааны сайд Б.Батцэцэг цахимжилт, ногоон технологи дээр үндэслэсэн инновацийг нэвтрүүлж, шинэ төрлийн эдийн засгийг бий болгоход тулгарч буй сорилтуудыг даван туулах тухай “Хөрөнгө оруулалтын ирээдүйг бүрдүүлэх нь”, цар тахлын улмаас дэлхий даяар хямралд ороод буй “нийгмийн толь” гэгддэг соёлын салбарыг хурдан сэргээх арга замуудыг хэлэлцсэн“Соёлын хямрал” сэдэвт хуралдаануудад тавдугаар сарын 24-ний өдөр тус тус оролцов.
  • 5 цаг 58 мин
    Хятадын талын төв Засгийн газар болон орон нутгийн удирдлагатай хийсэн олон удаагийн уулзалт, хэлэлцээний дүнд Эрээн хотын цар тахлаас хамгаалах, урьдчилан сэргийлэх шуурхай удирдлагын төвөөс 2022 оны тавдугаар сарын 20-ны өдрийн №104, №105 тоот шийдвэр гаргаж, мөн өдрөөс Замын-Үүд-Эрээн төмөр замын боомтоор задгай вагоноор эрчим хүчний нүүрс, тонны савалгаатай үр тарианы импорт-экспортын тээвэрлэлтийг сэргээх болсон талаар дипломат шугамаар мэдэгдээд байна.
  • 6 цаг 6 мин
    БНХАУ-ын ӨМӨЗО-ны Алшаа аймгийн Эзнээ хошуунд коронавирусын анхны тохиолдол бүртгэгдсэний улмаас хятадын талын саналаар 2021 оны аравдугаар сарын 16-ны өдрөөс тус боомтын үйл ажиллагааг бүрэн зогсоосон. Шивээхүрэн-Сэхээ боомтын улсын хилийн дундын бүсэд чингэлэг солилцох талбай байгуулж, уул уурхайн бүтээгдэхүүн, ялангуяа нүүрсийг чингэлэг тээврийн горимоор улс хооронд тээвэрлэхээр дипломат шугамаар тохиролцсоны үндсэн дээр тус боомтын үйл ажиллагааг 25-ны өдрөөс эхлүүлээд байна.
  • 6 цаг 54 мин
    Өнөөдрөөс нүүрсний уртын тээвэр эхэлж, эхний ээлжид 100 машин өглөөний таван цагт ажилдаа гарчээ. "Цагаан хад" дахь халдвар хамгааллын дэглэм сайжруулах ажлыг шат дараалалтайгаар хийсэн нь өнөөгийн үр дүнг авчирсан гэхэд болно. Нөгөө талаас Ганц мод боомт дахь шинжилгээгээр богино тээврийн жолооч нараас сүүлийн хоёр долоо хоног ковидын эерэг тохиолдол илрээгүй байна. Иймд өнөөдрөөс нүүрсний уртын тээвэр эхлүүлж, тавдугаар сарын 31-нээс задгай нүүрсний тээврийг эхлүүлэхээр болжээ. Манай улс энэ жил 36.7 сая тонн нүүрс экспортлоно гэж төсөвтөө суулгасан.
  • Өчигдөр 13 цаг 53 мин
    Эдийн засгийн идэвхжил сулрав. 2022 оны эхний улирлын эдийн засгийн үзүүлэлтүүдээс харахад “V” хэлбэрийн сэргэлт мөрөөдөл болон хувирч, дор хаяж нэг жилээр хойшилжээ. Эдийн засгийн өсөлтийг энэ онд 2.6% байна гэсэн төсөөллийг Төв банк дэвшүүлсэн. Өнгөрсөн онд манай улсын эдийн засгийн өсөлт ердөө 1.4%-иар хэмжигдсэн бөгөөд энэ онд өсөлт 6-8% руу эрчимжинэ гэсэн найдвар өндөр байв. Гэвч сэргэлтийн үндэс суурийг цаг алдалгүй тавих үүрэг Засгийн газарт ногдсон хэвээр.  УИХ-ын дарга хэмнэлтийн горимд шилжихийг нэгэнтээ уриалав. Залгуулаад Ерөнхий сайд амаргүй цаг айсуйг илэрхийлж эхлэлээ. Засгийн газрын бодлого нүүрсний экспортыг нэмэгдүүлэхэд чиглэж байгаа ч бодит байдал дээр Хятадын импорт буурч байна. Яг одоо болж буй өрнөл нь ирээдүйд коксжих нүүрсний хэрэглээ буурах үед Монголын эдийн засагт хэрхэн нөлөөлөхийг бодитоор мэдрүүлж  байна.