Оюутолгой: Сүүлийн 10 жилд 914 мянган модны суулгац бэлтгэж, нөхөн сэргээлтэд ашиглажээ

2021-12-01

“Оюутолгой” ХХК 2021 онд байгаль орчны чиглэлд хийж бүтээсэн ажлаа өнөөдөр /2021.12.01/ танилцууллаа

Тус компанийн Байгаль орчны асуудал хариуцсан менежер Н.Эрдэнэбаяр “Байгаль орчинд ээлтэй байх нь манай компанийн үндсэн зорилгын нэг. Энэ хүрээнд олон улсын стандарт дүрэм журмыг мөрдөж байгаа. Оюутолгой төслийн талбайгаас гадна үндсэн дөрвөн дэд бүтцийн байгууламж байдаг. Гүний хоолойгоос ус татах шугам хоолой, “Ханбумбат” онгоцны буудал, хил хүртэлх засмал зам болон цахилгаан өндөр хүчдэлийн шугам үүнд багтаж байгаа. Уурхай нь 8500 га талбайг хамарч байгаа. Үүнд ил уурхай, хаягдлын сан, баяжуулах үйлдвэр зэрэг олборлолтод шаардлагатай барилга байгууламжийг барьсан байдаг юм. Энэ хүрээнд байгаль орчны манай нөлөөлөл тодорхойлогдоно. Нөлөөллийг хөндлөнгийн шинжээч судлаачид гаргадаг. Одоогоор манай компанид байгаль орчны нөлөөллийн нарийвчилсан 43 үнэлгээ хийгдсэн байна. Байгаль орчны үнэлгээ, гүйцэтгэлийн талаарх мэдээлэл манай компанийн сайт дээр тавигдсан байгаа. Бид нөхөн сэргээлтийг эрчимтэй явуулж байгаа. Одоогоор 1700 га орчим га газарт техникийн нөхөн сэргээлт хийсэн байна. Бэлчээрийг сэргэтэл нь нөхөн сэргээлт явуулдаг. Ургамалжилтыг бий болгохын тулд мод үржүүлгийн газрыг ажиллуулж байгаа. Эндээ нутгийн унаган ургамлын тарьцыг бэлтгэж, эдгээр тарьцыг нөхөн сэргээлтдээ ашиглаж байна. Өнгөрсөн 10 жилийн хугацаанд 914 мянга орчим тарьц, суулгац бэлтгэж, нөхөн сэргээлт, орчны тохижилтод ашиглалаа. Мөн 200 мянга орчим мод, ургамлыг орчны тохижилтод ашигласан. Мөн хоолны хог хаягдлыг 2021 оноос бордоонд ашиглаж эхэлсэн. Өмнийн говийн хуурай сэрүүн нөхцөлд бордоо үйлдвэрлэхэд амаргүй байсан ч олон судалгаа шинжилгээний үр дүнд амжилттай болсон. Мөн арваннэгдүгээр сард “Говийн гайхамшигт-6“ эрдэм шинжилгээний ажлыг зохион байгуулсан” гэсэн юм.

Хоол болон бусад био хаягдлаар компост бордоог хөрсний үржил шимийг нэмэгдүүлэхэд ашиглах боломжтой бөгөөд нөхөн сэргээлтийг нэмэгдүүлнэ гэж үзэж байгаа юм байна. Мөн бордоог ашиглах болсноор 4-6 ажлын байр бий болж, цаашид бордоо ялзмаг худалдан авах зардлыг хэмнэнэ гэж үзэж байгаа аж.  

-Оюутолгой нь өндөр эрдэсжилттэй, газрын 150-400 метрийн гүнд орших усыг үйлдвэрлэлд ашиглаж байгаа юм.

-2021 оны аравдугаар сарын 31-ны байдлаар ус ашигласны төлбөрт 124.9 тэрбум төгрөг төлжээ.

-Үйлдвэрлэлд ашиглаж байгаа усны 88% гаруйг нь дахин ашигладаг.

-Нэг тонн хүдэр боловсруулахад сард дунджаар 0.46-0.52 шоо метр ус хэрэглэдэг нь бусад баяжуулах үйлдвэрээс 3 дахин бага ус аж.

-2021 оны III улирлын байдлаар 9.770м3 усыг нөхөн сэргээлт болон ургамал үржүүлгийн газарт ашигласан. Харин уурхайн талбар дахь усан хангамж болон ажилчдын унд ахуйн хэрэглээнд 275.374м3 ус хэрэглэжээ.

 

Р. Ренчин

 

 

 

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 6 цаг 34 мин
    Швейцарын Давос хотноо болж буй Дэлхийн эдийн засгийн чуулга уулзалтад оролцож буй Гадаад харилцааны сайд Б.Батцэцэг цахимжилт, ногоон технологи дээр үндэслэсэн инновацийг нэвтрүүлж, шинэ төрлийн эдийн засгийг бий болгоход тулгарч буй сорилтуудыг даван туулах тухай “Хөрөнгө оруулалтын ирээдүйг бүрдүүлэх нь”, цар тахлын улмаас дэлхий даяар хямралд ороод буй “нийгмийн толь” гэгддэг соёлын салбарыг хурдан сэргээх арга замуудыг хэлэлцсэн“Соёлын хямрал” сэдэвт хуралдаануудад тавдугаар сарын 24-ний өдөр тус тус оролцов.
  • 6 цаг 47 мин
    Хятадын талын төв Засгийн газар болон орон нутгийн удирдлагатай хийсэн олон удаагийн уулзалт, хэлэлцээний дүнд Эрээн хотын цар тахлаас хамгаалах, урьдчилан сэргийлэх шуурхай удирдлагын төвөөс 2022 оны тавдугаар сарын 20-ны өдрийн №104, №105 тоот шийдвэр гаргаж, мөн өдрөөс Замын-Үүд-Эрээн төмөр замын боомтоор задгай вагоноор эрчим хүчний нүүрс, тонны савалгаатай үр тарианы импорт-экспортын тээвэрлэлтийг сэргээх болсон талаар дипломат шугамаар мэдэгдээд байна.
  • 6 цаг 55 мин
    БНХАУ-ын ӨМӨЗО-ны Алшаа аймгийн Эзнээ хошуунд коронавирусын анхны тохиолдол бүртгэгдсэний улмаас хятадын талын саналаар 2021 оны аравдугаар сарын 16-ны өдрөөс тус боомтын үйл ажиллагааг бүрэн зогсоосон. Шивээхүрэн-Сэхээ боомтын улсын хилийн дундын бүсэд чингэлэг солилцох талбай байгуулж, уул уурхайн бүтээгдэхүүн, ялангуяа нүүрсийг чингэлэг тээврийн горимоор улс хооронд тээвэрлэхээр дипломат шугамаар тохиролцсоны үндсэн дээр тус боомтын үйл ажиллагааг 25-ны өдрөөс эхлүүлээд байна.
  • 7 цаг 42 мин
    Өнөөдрөөс нүүрсний уртын тээвэр эхэлж, эхний ээлжид 100 машин өглөөний таван цагт ажилдаа гарчээ. "Цагаан хад" дахь халдвар хамгааллын дэглэм сайжруулах ажлыг шат дараалалтайгаар хийсэн нь өнөөгийн үр дүнг авчирсан гэхэд болно. Нөгөө талаас Ганц мод боомт дахь шинжилгээгээр богино тээврийн жолооч нараас сүүлийн хоёр долоо хоног ковидын эерэг тохиолдол илрээгүй байна. Иймд өнөөдрөөс нүүрсний уртын тээвэр эхлүүлж, тавдугаар сарын 31-нээс задгай нүүрсний тээврийг эхлүүлэхээр болжээ. Манай улс энэ жил 36.7 сая тонн нүүрс экспортлоно гэж төсөвтөө суулгасан.
  • Өчигдөр 13 цаг 53 мин
    Эдийн засгийн идэвхжил сулрав. 2022 оны эхний улирлын эдийн засгийн үзүүлэлтүүдээс харахад “V” хэлбэрийн сэргэлт мөрөөдөл болон хувирч, дор хаяж нэг жилээр хойшилжээ. Эдийн засгийн өсөлтийг энэ онд 2.6% байна гэсэн төсөөллийг Төв банк дэвшүүлсэн. Өнгөрсөн онд манай улсын эдийн засгийн өсөлт ердөө 1.4%-иар хэмжигдсэн бөгөөд энэ онд өсөлт 6-8% руу эрчимжинэ гэсэн найдвар өндөр байв. Гэвч сэргэлтийн үндэс суурийг цаг алдалгүй тавих үүрэг Засгийн газарт ногдсон хэвээр.  УИХ-ын дарга хэмнэлтийн горимд шилжихийг нэгэнтээ уриалав. Залгуулаад Ерөнхий сайд амаргүй цаг айсуйг илэрхийлж эхлэлээ. Засгийн газрын бодлого нүүрсний экспортыг нэмэгдүүлэхэд чиглэж байгаа ч бодит байдал дээр Хятадын импорт буурч байна. Яг одоо болж буй өрнөл нь ирээдүйд коксжих нүүрсний хэрэглээ буурах үед Монголын эдийн засагт хэрхэн нөлөөлөхийг бодитоор мэдрүүлж  байна.