“Эрдэнэ Ресурс” Баян хөндий төслийн байгаль орчны зөвшөөрлөө авлаа

2021-12-08

Баянхонгор аймагт хэрэгжүүлж буй Баян хөндий алтны үндсэн ордын төслийн Байгаль орчинд нөлөөлөх байдлын нарийвчилсан үнэлгээг БОАЖЯам баталсан тухай "Эрдэнэ Ресурс Девелопмент" компани (2021.12.07) мэдээллээ. Уг үнэлгээг Eco Trade ХХК дотоодын болон олон улсын стандартын дагуу боловсруулсан байна.

Компанийн хувьд одоо бүтээн байгуулалтын бэлтгэл ажилдаа орох боломжтой боллоо.

Тус компанийн Гүйцэтгэх захирал Петер Акерли "Баян хөндий төслийн байгаль орчны үнэлгээг батлуулсан нь төслийн гүйцэтгэлд урагш ахисан бас нэгэн томоохон алхам боллоо. Үнэлгээний дагуу, Баян хөндий төслийн орд ашиглалтад хариуцлагатай уул уурхайг хэрэгжүүлж, хувьцаа эзэмшигчдэд ихээхэн үр өгөөж хүртээнэ" гэдгийг тодотголоо.

“Эрдэнэ Ресурс барилгын ажилд шаардлагатай холбогдох зөвшөөрлөө авах ажил хүлээгдэж байна. Одоогоор агуулах, кемп, удирдлагын оффис болон үйлдвэрлэлийн бус зориулалт бүхий дэд бүтцийн байгууламжид шаардлагатай барилгын зөвшөөрлөө авахаар хүсэлт гаргаад байна. Харин ирэх оны эхний улиралд үйлдвэрлэлийн зориулалт бүхий байгууламжуудын барилгын ажилд холбогдох зөвшөөрлийг авах ажилдаа орж, улмаар дараагийн улиралд барилгын ажлыг эрчимжүүлэхээр төлөвлөжээ.

Компани энэ оны долдугаар сард аймгийн удирдлагатай Орон нутгийн хамтын ажиллагааны гэрээ байгуулсан бөгөөд төсөл хөгжүүлэлтийн шат бүрээр хөрөнгө оруулалт хийхээр тохиролцсон байна. Үүнд сургалт, орон нутгаас ажилтан авах, орон нутагт үйлдвэрлэсэн бараа бүтээгдэхүүнийг худалдан авах зэрэг чиглэлүүд багтана.

“Эрдэнэ Ресурс” нь 400 гаруй мянган унц алтны үр ашигтай нөөц бүхий Баян хөндий алтны төслийн талбайн зэргэлдээ Хар морь, Улаан зэрэг хэсэгт хийсэн өрөмдлөгийн ажлаар алтны өндөр илэрцүүдийг тогтоосон. Эдгээр хэсэгт хийж буй хайгуулын ажил энэ сарын сүүл хүртэл үргэлжлэх бөгөөд ирэх оны эхээр хайгуулын ажлын үр дүнг танилцуулах юм.  

 

Б. Төгс

Сэтгэгдэл (2)

  • зочин (66.181.161.101)
    төсөл нэрээр нутаг усийг минь дээрэмдэж байгаа та нартай амь насаараа дэнчин тавьж алалцах болно өөрийнхөө газар нутаг шиг дураараа юм бичих юм байгалын алуурчингуудаа та нар сонс амь насаараа нутаг усаа хамгаалах болноо
    2022 оны 05 сарын 03 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 7 цаг 33 мин
    Швейцарын Давос хотноо болж буй Дэлхийн эдийн засгийн чуулга уулзалтад оролцож буй Гадаад харилцааны сайд Б.Батцэцэг цахимжилт, ногоон технологи дээр үндэслэсэн инновацийг нэвтрүүлж, шинэ төрлийн эдийн засгийг бий болгоход тулгарч буй сорилтуудыг даван туулах тухай “Хөрөнгө оруулалтын ирээдүйг бүрдүүлэх нь”, цар тахлын улмаас дэлхий даяар хямралд ороод буй “нийгмийн толь” гэгддэг соёлын салбарыг хурдан сэргээх арга замуудыг хэлэлцсэн“Соёлын хямрал” сэдэвт хуралдаануудад тавдугаар сарын 24-ний өдөр тус тус оролцов.
  • 7 цаг 46 мин
    Хятадын талын төв Засгийн газар болон орон нутгийн удирдлагатай хийсэн олон удаагийн уулзалт, хэлэлцээний дүнд Эрээн хотын цар тахлаас хамгаалах, урьдчилан сэргийлэх шуурхай удирдлагын төвөөс 2022 оны тавдугаар сарын 20-ны өдрийн №104, №105 тоот шийдвэр гаргаж, мөн өдрөөс Замын-Үүд-Эрээн төмөр замын боомтоор задгай вагоноор эрчим хүчний нүүрс, тонны савалгаатай үр тарианы импорт-экспортын тээвэрлэлтийг сэргээх болсон талаар дипломат шугамаар мэдэгдээд байна.
  • 7 цаг 54 мин
    БНХАУ-ын ӨМӨЗО-ны Алшаа аймгийн Эзнээ хошуунд коронавирусын анхны тохиолдол бүртгэгдсэний улмаас хятадын талын саналаар 2021 оны аравдугаар сарын 16-ны өдрөөс тус боомтын үйл ажиллагааг бүрэн зогсоосон. Шивээхүрэн-Сэхээ боомтын улсын хилийн дундын бүсэд чингэлэг солилцох талбай байгуулж, уул уурхайн бүтээгдэхүүн, ялангуяа нүүрсийг чингэлэг тээврийн горимоор улс хооронд тээвэрлэхээр дипломат шугамаар тохиролцсоны үндсэн дээр тус боомтын үйл ажиллагааг 25-ны өдрөөс эхлүүлээд байна.
  • 8 цаг 42 мин
    Өнөөдрөөс нүүрсний уртын тээвэр эхэлж, эхний ээлжид 100 машин өглөөний таван цагт ажилдаа гарчээ. "Цагаан хад" дахь халдвар хамгааллын дэглэм сайжруулах ажлыг шат дараалалтайгаар хийсэн нь өнөөгийн үр дүнг авчирсан гэхэд болно. Нөгөө талаас Ганц мод боомт дахь шинжилгээгээр богино тээврийн жолооч нараас сүүлийн хоёр долоо хоног ковидын эерэг тохиолдол илрээгүй байна. Иймд өнөөдрөөс нүүрсний уртын тээвэр эхлүүлж, тавдугаар сарын 31-нээс задгай нүүрсний тээврийг эхлүүлэхээр болжээ. Манай улс энэ жил 36.7 сая тонн нүүрс экспортлоно гэж төсөвтөө суулгасан.
  • Өчигдөр 13 цаг 53 мин
    Эдийн засгийн идэвхжил сулрав. 2022 оны эхний улирлын эдийн засгийн үзүүлэлтүүдээс харахад “V” хэлбэрийн сэргэлт мөрөөдөл болон хувирч, дор хаяж нэг жилээр хойшилжээ. Эдийн засгийн өсөлтийг энэ онд 2.6% байна гэсэн төсөөллийг Төв банк дэвшүүлсэн. Өнгөрсөн онд манай улсын эдийн засгийн өсөлт ердөө 1.4%-иар хэмжигдсэн бөгөөд энэ онд өсөлт 6-8% руу эрчимжинэ гэсэн найдвар өндөр байв. Гэвч сэргэлтийн үндэс суурийг цаг алдалгүй тавих үүрэг Засгийн газарт ногдсон хэвээр.  УИХ-ын дарга хэмнэлтийн горимд шилжихийг нэгэнтээ уриалав. Залгуулаад Ерөнхий сайд амаргүй цаг айсуйг илэрхийлж эхлэлээ. Засгийн газрын бодлого нүүрсний экспортыг нэмэгдүүлэхэд чиглэж байгаа ч бодит байдал дээр Хятадын импорт буурч байна. Яг одоо болж буй өрнөл нь ирээдүйд коксжих нүүрсний хэрэглээ буурах үед Монголын эдийн засагт хэрхэн нөлөөлөхийг бодитоор мэдрүүлж  байна.