Европын холбоо байгалийн хий, цөмийн эрчим хүчийг “ногоон” ангилалд оруулна

2022-01-03

Европын холбоо байгалийн хий, цөмийн эрчим хүчний эх үүсвэрийг тодорхой нөхцөл хангасан тохиолдолд "ногоон" ангилалд оруулах тухай саналыг урьдчилсан байдлаар (2021.12.31) танилцууллаа. Европын холбоо ногоон хөрөнгө оруулалтын жагсаалтыг боловсруулж гаргасан байдаг ч эдгээр хоёр эх үүсвэрийг нэмж оруулах асуудал эцэслэгдээгүй байгаа юм. Байгалийн хий, цөмийн эрчим хүчний эх үүсвэр нь бүрэн "ногоон" ангилалд ордоггүй ч нүүрсний станцыг халах шилжилтийн хувилбар байх болно гэсэн санааг Европын Комисс дэвшүүлжээ. Тус саналыг боловсруулан энэ сарын сүүлээр эцсийн хувилбарыг танилцуулахаар зэхэж байна. Хэрэв саналыг Европын дийлэнх улс орон дэмжин баталбал 2023 оноос эхлэн хүчин төгөлдөр мөрдөгдөх юм.  

Европын холбоо нь хүлэмжийн хийн ялгаруулалтгүй ногоон эдийн засгийг 2050 он гэхэд бүтээхийн тулд ногоон ангиллын хөрөнгө оруулалтын жагсаалтад дээрх эрчим хүчний эх үүсвэрийг багтааж магадгүй болж байна. Ингэснээр цаашид хувийн хөрөнгө оруулалтын сангуудыг энэ чиглэлд түлхүү санхүүжилт хийх орчин нөхцөлийг бүрдүүлэх, бас компаниудад ногоон шилжилт хийхэд нь илүү тодорхой байдлыг үүсгэх юм.

Байгалийн хийн хувьд нүүрсний станцтай харьцуулахад хавьгүй бага (50%-иар бага) хэмжээний хүлэмжийн хийн ялгаруулалттай. Харин цөмийн цахилгаан станц нь хийн ялгаруулалт маш багатай боловч цацраг идэвхит хаягдлыг хэрхэх тухай асуудал тулгардаг. Иймд цөмийн цахилгаан станцуудын хувьд цацраг идэвхит хаягдлыг аюулгүй хадгалах/булшлах тухай төлөвлөгөө, талбай, зарцуулах төсвийг нарийвчлан гаргасан байх шаардлагатай ажээ. Цөмийн цахилгаан станцын тухайд барилгын зөвшөөрлөө 2045 оноос өмнө авах ёстой. Одоо ашиглагдаж буй цөмийн станцууд үйл ажиллагааны хугацаагаа сунгуулах болбол 2040 онд багтааж хийх тухай хугацааны товыг мөн тусгажээ.

Байгалийн хийн цахилгаан станцын тухайд нэг КВт.цаг цахилгаан үйлдвэрлэлд оногдох нүүрсхүчлийн хийн ялгаруулалтын хэмжээ 270 гр-аас доош байвал ногоон ангилалд оруулах боломжтой гэж төлөвлөгөөнд тусгажээ. Түүнчлэн 2030 оноос өмнө барилгын зөвшөөрлөө авсан байх учиртай ажээ. Мөн 2035 оноос хүлэмжийн хийн ялгаруулалт багатай хийн түлшүүд руу шилжих нөхцөлийг биелүүлэх шаардлагыг давхар тавих юм байна.

Европын Комиссийн хувьд сэргээгдэх эрчим хүч рүү бүрэн шилжих хүртэл чулуужмал түлшний нэг төрөл болох байгалийн хий, үүний хамт цөмийн реакторыг түших нь шилжилтийн нөөц хувилбар гэж саналд тусгажээ. Энэ бодит байдлыг хүлээн зөвшөөрөхөөс өөр аргагүй гэж Европын Комисс тайлбарлаж байна. Ингэхдээ эдгээр хоёр эх үүсвэрийг бүрэн ногоон ангилалд оруулахгүй гагцхүү шилжилтийн арга хэрэгсэл гэсэн агуулгаар ногоон санхүүжилтийн ангилалд оруулах ажээ.

Энэ сарын сүүлээр өргөн барих төлөвтэй байгаа тус саналыг Европын улс орнууд дэмжихгүй байх магадлал бас өндөр. Учир нь Европын холбооны зарим мэргэжилтнүүд байгалийн хийн станцын нүүрсхүчлийн хийн ялгаруулалт КВт.цаг тутамд 100 гр-аас доош байх шаардлагад нийцсэн нөхцөлд ногоон эх үүсвэрт тооцох боломжтойг анхааруулдаг. Цөмийн эрчим хүчний тухайд Германаас гадна Австри, Люксембург зэрэг улс хүчтэй эсэргүүцэж байна. Ялангуяа Герман улс энэхүү саналыг “туйлын буруу зүйл” гэж тодотгоод гагцхүү сэргээгдэх салбар л жинхэнэ ногоон ангилалд орох ёстой гэж шүүмжилжээ. Харин Франц, Польш, Чех зэрэг орны хувьд цөмийн эрчим хүчийг шилжилтийн хувилбараар ашиглах нь зүйтэй гэсэн байр сууринд зогсдог. Нар, салхи зэрэг сэргээгдэх эрчим хүч нь цэвэр/ногоон шийдэл талаасаа төгс хувилбар боловч эрчим хүчний тогтвортой үйлдвэрлэл болон хэрэглэгчдэд хямд эх үүсвэр болж чадах эсэх үүднээсээ асуудалтай хэвээр гэдгийг байгалийн хий, цөмийн эрчим хүчийг дэмжигч талууд сануулж байна.

 

Б. Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 5 цаг 56 мин
    Швейцарын Давос хотноо болж буй Дэлхийн эдийн засгийн чуулга уулзалтад оролцож буй Гадаад харилцааны сайд Б.Батцэцэг цахимжилт, ногоон технологи дээр үндэслэсэн инновацийг нэвтрүүлж, шинэ төрлийн эдийн засгийг бий болгоход тулгарч буй сорилтуудыг даван туулах тухай “Хөрөнгө оруулалтын ирээдүйг бүрдүүлэх нь”, цар тахлын улмаас дэлхий даяар хямралд ороод буй “нийгмийн толь” гэгддэг соёлын салбарыг хурдан сэргээх арга замуудыг хэлэлцсэн“Соёлын хямрал” сэдэвт хуралдаануудад тавдугаар сарын 24-ний өдөр тус тус оролцов.
  • 6 цаг 9 мин
    Хятадын талын төв Засгийн газар болон орон нутгийн удирдлагатай хийсэн олон удаагийн уулзалт, хэлэлцээний дүнд Эрээн хотын цар тахлаас хамгаалах, урьдчилан сэргийлэх шуурхай удирдлагын төвөөс 2022 оны тавдугаар сарын 20-ны өдрийн №104, №105 тоот шийдвэр гаргаж, мөн өдрөөс Замын-Үүд-Эрээн төмөр замын боомтоор задгай вагоноор эрчим хүчний нүүрс, тонны савалгаатай үр тарианы импорт-экспортын тээвэрлэлтийг сэргээх болсон талаар дипломат шугамаар мэдэгдээд байна.
  • 6 цаг 17 мин
    БНХАУ-ын ӨМӨЗО-ны Алшаа аймгийн Эзнээ хошуунд коронавирусын анхны тохиолдол бүртгэгдсэний улмаас хятадын талын саналаар 2021 оны аравдугаар сарын 16-ны өдрөөс тус боомтын үйл ажиллагааг бүрэн зогсоосон. Шивээхүрэн-Сэхээ боомтын улсын хилийн дундын бүсэд чингэлэг солилцох талбай байгуулж, уул уурхайн бүтээгдэхүүн, ялангуяа нүүрсийг чингэлэг тээврийн горимоор улс хооронд тээвэрлэхээр дипломат шугамаар тохиролцсоны үндсэн дээр тус боомтын үйл ажиллагааг 25-ны өдрөөс эхлүүлээд байна.
  • 7 цаг 4 мин
    Өнөөдрөөс нүүрсний уртын тээвэр эхэлж, эхний ээлжид 100 машин өглөөний таван цагт ажилдаа гарчээ. "Цагаан хад" дахь халдвар хамгааллын дэглэм сайжруулах ажлыг шат дараалалтайгаар хийсэн нь өнөөгийн үр дүнг авчирсан гэхэд болно. Нөгөө талаас Ганц мод боомт дахь шинжилгээгээр богино тээврийн жолооч нараас сүүлийн хоёр долоо хоног ковидын эерэг тохиолдол илрээгүй байна. Иймд өнөөдрөөс нүүрсний уртын тээвэр эхлүүлж, тавдугаар сарын 31-нээс задгай нүүрсний тээврийг эхлүүлэхээр болжээ. Манай улс энэ жил 36.7 сая тонн нүүрс экспортлоно гэж төсөвтөө суулгасан.
  • Өчигдөр 13 цаг 53 мин
    Эдийн засгийн идэвхжил сулрав. 2022 оны эхний улирлын эдийн засгийн үзүүлэлтүүдээс харахад “V” хэлбэрийн сэргэлт мөрөөдөл болон хувирч, дор хаяж нэг жилээр хойшилжээ. Эдийн засгийн өсөлтийг энэ онд 2.6% байна гэсэн төсөөллийг Төв банк дэвшүүлсэн. Өнгөрсөн онд манай улсын эдийн засгийн өсөлт ердөө 1.4%-иар хэмжигдсэн бөгөөд энэ онд өсөлт 6-8% руу эрчимжинэ гэсэн найдвар өндөр байв. Гэвч сэргэлтийн үндэс суурийг цаг алдалгүй тавих үүрэг Засгийн газарт ногдсон хэвээр.  УИХ-ын дарга хэмнэлтийн горимд шилжихийг нэгэнтээ уриалав. Залгуулаад Ерөнхий сайд амаргүй цаг айсуйг илэрхийлж эхлэлээ. Засгийн газрын бодлого нүүрсний экспортыг нэмэгдүүлэхэд чиглэж байгаа ч бодит байдал дээр Хятадын импорт буурч байна. Яг одоо болж буй өрнөл нь ирээдүйд коксжих нүүрсний хэрэглээ буурах үед Монголын эдийн засагт хэрхэн нөлөөлөхийг бодитоор мэдрүүлж  байна.