Казахстаны үймээнээс шалтгаалан ураны үнэ 8% өслөө

2022-01-06

Казахстанд сүүлийн өдрүүдэд болж буй үймээнээс шалтгаалан ураны дэлхийн зах зээлийн үнэ 8% өслөө хэмээн Bloomberg мэдээллээ.

Ураны зах зээлийн үнийн өөрчлөлтийг мэдээлдэг UxC платформын мэдээг Bloomberg эх сурвалж болгосон бөгөөд нэг фунт ураны үнэ $45,25 болсон байна. Нэгдүгээр сарын 4-ны Мягмар гаригт ураны үнэ $42 байжээ. Ийнхүү нэг өдрийн дотор 8% өслөө.

Казахстан нь дэлхийн ураны нийлүүлэлтийн 40%-ийг хангадаг. Шингэрүүлсэн хийн үнийг нэмснээс үүдэн иргэдийн үймээн эхэлсэн өдөр Казахстаны уран олборлогч "Казатомпром" компанийн хувьцааны ханш Лондоны бирж дээр 8,8% унасан юм.

Шингэрүүлсэн хийн үнийг нэмсэнтэй холбоотойгоор Казахстаны Мангистау мужид нэгдүгээр  сарын 2-ны Ням гарагт эсэргүүцлийн жагсаал эхэлсэн бөгөөд төдөлгүй бусад томоохон хотод жагсаал үргэлжилсэн. Тус улсын Ерөнхийлөгч Касым-Жомарт Токаев нэгдүгээр сарын 5-19-ний хооронд онц байдал тогтоож байгааг зарласан ч нөхцөл байдал өчигдөр /2022.01.05/ эсэргүүцэгчдийн үйл хөдлөл бүрэн хяналтаас гарчээ. Ерөнхийлөгч Касым-Жомарт Токаев Засгийн газрыг огцруулах зарлиг гаргасан ч байдлыг намжаасангүй. Казахстан улс ОХУ-аас цэргийн тусламж хүссэн бөгөөд Хамтын Аюулгүй байдлын гэрээний байгууллагын энхийг сахиулагч цэргүүдийг оролцуулна хэмээн тус байгууллагын зөвлөлийг тэргүүлж буй Армянийн Ерөнхий сайд Никол Пашинян өнөөдөр /2022.01.06/ Оросын ТАСС агентлагт мэдээлсэн байна.

Хамтын Аюулгүй байдлын гэрээний байгууллагад ОХУ, Беларус, Казахстан, Киргиз, Армян, Тажикистан багтдаг.

А.Чандмань

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 55 мин
    ОҮИТБС-ын хүрээнд манай улсын эцсийн өмчлөгчийн мэдээлэл нэг үеэ бодвол ил гарч, бага багаар ахиж байгаа гэдэг нь ОҮТБИС-ын тайлан мэдээнээс харагдаж байна. 2013 онд 215 компани тайлан мэдээллээ ирүүлж байсан бол 2020 онд 687 компани мэдээллээ ирүүлжээ. Ялангуяа уул уурхай болон стратегийн салбарын эцсийн өмчлөгчийг ил тод болгон тайлагнах нь авлигыг багасган, олон нийт өгөөжийг тэгш хүртэх боломж бүрдүүлэх сайн талтай
  • 18 цаг 15 мин
    “Туркойз Хилл Ресурс” болон “Рио Тинто” компани Оюутолгой төслийн санхүүжилтийн төлөвлөгөөний гэрээний нөхцөлийг өөрчилсөн талаар (2022.05.18) мэдээллээ. Тус гэрээг талууд өнгөрсөн нэгдүгээр сарын 24-нд байгуулж байсан юм. Харин одоо санхүүжилтийн гэрээний нөхцөлийг өөрчилснөөр хувьцааны арилжаагаар хөрөнгө босгох хугацааны товыг хойшлуулахаар болжээ. Тодруулбал энэ оны наймдугаар сарын 31-н гэхэд “Туркойз Хилл” хамгийн багадаа 650 сая ам.доллар хүртэлх санхүүжилтийг хувьцааны арилжаагаар босгох байсныг энэ оны төгсгөл хүртэл сунгаж өгчээ.
  • Уржигдар 15 цаг 50 мин
    Засгийн газрын ээлжит хуралдаанаар газрын тосны бүтээгдэхүүн хуваах гэрээ, газрын тос олборлолт, газрын тос боловсруулах үйлдвэрийг түүхий эдээр хангах тухай салбарын сайд Г. Ёндон танилцуулсан байна. Цаашид Засгийн газрын зүгээс газрын тосны хайгуул, олборлолтыг эрчимжүүлэх чиглэлд Шадар сайдаар ахлуулсан Ажлын хэсэг гарч ажиллах юм байна. Энэ дагуу газрын тосны нөөц тогтоогдох боломж бүхий аймгуудын Засаг дарга нарт Ерөнхий сайдын захирамж, албан даалгаврыг хүргүүлэх ажээ.
  • Уржигдар 13 цаг 52 мин
    Салбарын яамны захиалгаар Европын Сэргээн Босголт, Хөгжлийн Банкны санхүүжилтээр Адам Смит Интернэйшнл байгууллага “Монгол Улсын Уул уурхайн салбарын хөрөнгө оруулалтын орчны жишиг судалгаа”-г боловсруулан гаргасан байна. Энэхүү судалгааны үр дүнг танилцуулах хэлэлцүүлэг, семинарыг (2022.05.17) зохион байгууллаа. Тус судалгаа нь Монгол Улсын уул уурхайн салбарын хөрөнгө оруулалтын өнөөгийн нөхцөл байдал, цаашид хэрэгжүүлэх арга хэмжээний талаарх саналуудыг тодорхойлох зорилготой юм.
  • 2022-05-17
    Монгол Улсын эдийн засгийн үзүүлэлт оны эхний улиралд буурсан дүнтэй гарсныг Үндэсний статистикийн хороо мэдээллээ. Тодруулбал дотоодын нийт бүтээгдэхүүн 2022 оны эхний улиралд (2015 оны үнээр) 5.2 их наяд төгрөг болж, өмнөх оны мөн үеэс 208.1 тэрбум төгрөг буюу 3.8%-иар буурчээ.