Зэсийн ханш АНУ-ын төв банк бодлогын хүүгээ өсгөх сургаар буурч эхэллээ

2022-01-07

АНУ-ын төв банк бодлогын хүүгээ тооцоолсноос хурдан буюу ирэх гуравдугаар сард өсгөж болзошгүй тухай мэдээлэл гарсны дараа зэсийн ханш буурах шинжтэй болж ирлээ. 

Зэсийн ханш Лондоны металын бирж дээр нэгдүгээр сарын 5-ны байдлаар 9778 ам.доллар/тонн-ын ханштайгаар хаагдсан бол өчигдрийн байдлаар 9565 ам.доллар/тонн болсон нь 2.2%-иар буурсан гэсэн үг. 

Холбооны нөөцийн банк өнгөрсөн арванхоёрдугаар сарын уулзалтаар бонд худалдан авалтын хэмжээгээ бууруулах явцыг түргэтгэх, 2022 онд бодлогын хүүгээ гурван удаа өсгөх тухай мэдээлсэн. Тэгвэл өнгөрсөн лхагва гаригт (2022.01.05) уг хурлын нарийвчилсан тэмдэглэлийг (протокол) дэлгэсэн байна. Үүний зэрэгцээ АНУ-ын төв банк бондын эзэмшлээ бууруулж магадгүй байгаа ажээ. Уг алхмыг тус банк бодлогын хүүгээ өсгөж эхэлмэгцээ залгуулаад авч хэрэгжүүлэх магадлалтай байгаа ажээ. Ингэснээр инфляцтай үр дүнтэй тэмцэнэ гэж үзэж байна.

Гэхдээ цар тахлын шинэ хувилбарын тархалт удаан хугацаанд үргэлжилбэл бодлогын хүүгээ өсгөх алхам хойшилж мэднэ. Ирэх саруудад Холбооны нөөцийн банкны хийх үйлдлүүд илүү тодорхой болж ирнэ гэж шинжээчид тайлбарлалаа.
 
Ажлын байрны эрэлт болон инфляцын эрчимтэй өсөлт нь Холбооны нөөцийн банкыг дээрх алхмыг хийж хэрэгжүүлэхэд хүргэж байна. Бодлогын хүү нэмэгдсэнээр зах зээл дэх бэлэн мөнгөний хэмжээ буурч, нэгдүгээр улсын өсөлт саарах эрсдэлтэй. Нөгөө талд Монгол шиг жижиг эдийн засагт зээлээ дахин санхүүжүүлэхэд чиглэсэн бонд босгох зардал өсч мэднэ.

Гэхдээ зах зээлд бодлогын хүү өсөх тухай мэдээлэл гарсан ч алтны ханш 2%-иар буурч унц тутамдаа 1789 ам.доллартай тэнцжээ. 

Харин газрын тосны ханш өсөх шинжтэй болж ирлээ. Одоогийн байдлаар Брэнт маркийн газрын тосны ханш баррель тутамдаа 82.56 ам.долларт хүрч өсөөд байна. Энэ нь өнгөрсөн арваннэгдүгээр сарын дунд үеэс хойших хамгийн өндөр дүн боллоо. Ийнхүү ханш өссөн нь Казахстанд нийгмийн бослого хөдөлгөөн өрнөсөнтэй холбоотойгоор нийлүүлэлт тасалдаж болзошгүй гэсэн болгоомжлол болон Ливийн олборлолт буурснаас үүдэлтэй ажээ. 

 

Б. Төгс
 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 50 мин
    ОҮИТБС-ын хүрээнд манай улсын эцсийн өмчлөгчийн мэдээлэл нэг үеэ бодвол ил гарч, бага багаар ахиж байгаа гэдэг нь ОҮТБИС-ын тайлан мэдээнээс харагдаж байна. 2013 онд 215 компани тайлан мэдээллээ ирүүлж байсан бол 2020 онд 687 компани мэдээллээ ирүүлжээ. Ялангуяа уул уурхай болон стратегийн салбарын эцсийн өмчлөгчийг ил тод болгон тайлагнах нь авлигыг багасган, олон нийт өгөөжийг тэгш хүртэх боломж бүрдүүлэх сайн талтай
  • 18 цаг 9 мин
    “Туркойз Хилл Ресурс” болон “Рио Тинто” компани Оюутолгой төслийн санхүүжилтийн төлөвлөгөөний гэрээний нөхцөлийг өөрчилсөн талаар (2022.05.18) мэдээллээ. Тус гэрээг талууд өнгөрсөн нэгдүгээр сарын 24-нд байгуулж байсан юм. Харин одоо санхүүжилтийн гэрээний нөхцөлийг өөрчилснөөр хувьцааны арилжаагаар хөрөнгө босгох хугацааны товыг хойшлуулахаар болжээ. Тодруулбал энэ оны наймдугаар сарын 31-н гэхэд “Туркойз Хилл” хамгийн багадаа 650 сая ам.доллар хүртэлх санхүүжилтийг хувьцааны арилжаагаар босгох байсныг энэ оны төгсгөл хүртэл сунгаж өгчээ.
  • Уржигдар 15 цаг 50 мин
    Засгийн газрын ээлжит хуралдаанаар газрын тосны бүтээгдэхүүн хуваах гэрээ, газрын тос олборлолт, газрын тос боловсруулах үйлдвэрийг түүхий эдээр хангах тухай салбарын сайд Г. Ёндон танилцуулсан байна. Цаашид Засгийн газрын зүгээс газрын тосны хайгуул, олборлолтыг эрчимжүүлэх чиглэлд Шадар сайдаар ахлуулсан Ажлын хэсэг гарч ажиллах юм байна. Энэ дагуу газрын тосны нөөц тогтоогдох боломж бүхий аймгуудын Засаг дарга нарт Ерөнхий сайдын захирамж, албан даалгаврыг хүргүүлэх ажээ.
  • Уржигдар 13 цаг 52 мин
    Салбарын яамны захиалгаар Европын Сэргээн Босголт, Хөгжлийн Банкны санхүүжилтээр Адам Смит Интернэйшнл байгууллага “Монгол Улсын Уул уурхайн салбарын хөрөнгө оруулалтын орчны жишиг судалгаа”-г боловсруулан гаргасан байна. Энэхүү судалгааны үр дүнг танилцуулах хэлэлцүүлэг, семинарыг (2022.05.17) зохион байгууллаа. Тус судалгаа нь Монгол Улсын уул уурхайн салбарын хөрөнгө оруулалтын өнөөгийн нөхцөл байдал, цаашид хэрэгжүүлэх арга хэмжээний талаарх саналуудыг тодорхойлох зорилготой юм.
  • 2022-05-17
    Монгол Улсын эдийн засгийн үзүүлэлт оны эхний улиралд буурсан дүнтэй гарсныг Үндэсний статистикийн хороо мэдээллээ. Тодруулбал дотоодын нийт бүтээгдэхүүн 2022 оны эхний улиралд (2015 оны үнээр) 5.2 их наяд төгрөг болж, өмнөх оны мөн үеэс 208.1 тэрбум төгрөг буюу 3.8%-иар буурчээ.