10 жилийн дараа дэлхийн эдийн засаг хоёр төвд хуваагдаж магадгүй

2022-01-10


Дэлхийн эдийн засаг 10 жилийн дараа хоёр төвд хуваагдаж магадгүй гэж Оросын санхүүгийн нөлөө бүхий шинжээч, эдийн засгийн ухааны доктор Михаил Беляев “Lenta”-д ярилцлага өгөхдөө онцолжээ. Түүний тодорхойлсноор энэ нь баруунд АНУ, дорно дахинд Хятад эдийн засгийн хүчин чадлаараа ноёрхох ажээ.

Онолын хувьд ОХУ энэ өрсөлдөөнд оролцох боломжтой, үүнд эдийн засгийн ухаалаг менежмент шаардлагатай бөгөөд харамсалтай нь одоогоор ийм боломж байхгүй гэжээ. Тэрбээр “Урт хугацааны эдийн засгийн таамаглал гаргах амаргүй байдаг. Гэсэн хэдий ч АНУ, Хятад хоёр дэлхийд давамгайлах нь гарцаагүй. Хятад улс эдийн засгийн салбар дахь амжилтаа сурталчлахыг эрмэлздэггүй ч энэ нь  тус улс эдийн засгийн оновчтой бодлогоор хурдацтай хөгжиж байгааг нь мэдэхэд саад болохгүй. Тэдний гол ололт амжилт бол дотоодын нийт бүтээгдэхүүний огцом өсөлт, техникийн дэвшлийг зээлж, ашиглах, өөрийн эдийн засагт суулгах явдал гэдгийг судлаачид санал нэгтэй хэлж байгаа. Шинжлэх ухаан, технологийн бүхий л дэвшлийг “хураан авах” нь тэдний зорилго байх болно” гэж ярьжээ.

Үүнээс гадна Хятад улсыг дэлхийд тэргүүлэхэд нөлөөлөх чухал хүчин зүйл бол гадаад эдийн засгийн нөлөөлөл, хөрөнгийн тархалтыг оновчтой зохицуулах, хөрөнгө оруулалтыг ашиг өгөх боломжтой салбарт оруулах явдал юм. Санхүүгийн шинжээчийн үзэж байгаагаар энэ нь юуны түрүүнд Африк тив байх бөгөөд тэндэхийн ашигт малтмалын арвин нөөц нь Хятадын бүтээн байгуулалтад шаардагдах материал, техникийн бааз суурийг бүрдүүлэх ажээ.

Михаил Беляев “Хятад улс хүчний төв шинэ болж улс орнууд нэгдэж байна. Мэдээжийн хэрэг, би Европын тухай яриагүй, тэд одоогийн байр сууриа хадгалах гэж л зүтгэхээс өөр гарцгүй. АНУ ч гэсэн өрсөлдөөнд тэсч үлдэхийг хичээж байна. Вашингтон одоо байгаа цэрэг зэвсгийн хүчин чадал, улс төрийн нөлөө, долларын ханш дэлхийн эдийн засагт томоохон үүрэг гүйцэтгэсээр байгаадаа л найдаж байна. Гэвч удахгүй дэлхий эдийн засаг хоёр төвд хуваагдах болно. АНУ-ын хяналтад байдаг баруун хэсэг, Хятадын хяналтад байдаг зүүн хэсэг” гэж нэмж хэлэв.

Онолын хувьд ОХУ улс энэ өрсөлдөөнд оролцох боломжтой гэж Михаил Беляев үзэж байна. “Бидэнд шаардлагатай бүх нөөц, нутаг дэвсгэрийн ашигтай байрлал бий. Гэвч хүссэн үр дүнд хүргэх эдийн засгийн оновчтой бодлого алга. Жилд ДНБ-ий 2-3%-ийн өсөлтийг бид барьж байна. Маргаашнаас эдийн засгийн бодлогоо оновчтой болгосон ч гарааны байр суурь бага учраас 10 жилийн дараа ч АНУ, Хятадыг гүйцэхгүй. Үүнээс гадна Индонез, Вьетнам, БНСУ, Энэтхэг, Зүүн өмнөд Азийн бусад орнуудтай өрсөлдөх хэрэгтэй болно” гэжээ.

Р.Ренчин

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 6 цаг 49 мин
    Швейцарын Давос хотноо болж буй Дэлхийн эдийн засгийн чуулга уулзалтад оролцож буй Гадаад харилцааны сайд Б.Батцэцэг цахимжилт, ногоон технологи дээр үндэслэсэн инновацийг нэвтрүүлж, шинэ төрлийн эдийн засгийг бий болгоход тулгарч буй сорилтуудыг даван туулах тухай “Хөрөнгө оруулалтын ирээдүйг бүрдүүлэх нь”, цар тахлын улмаас дэлхий даяар хямралд ороод буй “нийгмийн толь” гэгддэг соёлын салбарыг хурдан сэргээх арга замуудыг хэлэлцсэн“Соёлын хямрал” сэдэвт хуралдаануудад тавдугаар сарын 24-ний өдөр тус тус оролцов.
  • 7 цаг 2 мин
    Хятадын талын төв Засгийн газар болон орон нутгийн удирдлагатай хийсэн олон удаагийн уулзалт, хэлэлцээний дүнд Эрээн хотын цар тахлаас хамгаалах, урьдчилан сэргийлэх шуурхай удирдлагын төвөөс 2022 оны тавдугаар сарын 20-ны өдрийн №104, №105 тоот шийдвэр гаргаж, мөн өдрөөс Замын-Үүд-Эрээн төмөр замын боомтоор задгай вагоноор эрчим хүчний нүүрс, тонны савалгаатай үр тарианы импорт-экспортын тээвэрлэлтийг сэргээх болсон талаар дипломат шугамаар мэдэгдээд байна.
  • 7 цаг 10 мин
    БНХАУ-ын ӨМӨЗО-ны Алшаа аймгийн Эзнээ хошуунд коронавирусын анхны тохиолдол бүртгэгдсэний улмаас хятадын талын саналаар 2021 оны аравдугаар сарын 16-ны өдрөөс тус боомтын үйл ажиллагааг бүрэн зогсоосон. Шивээхүрэн-Сэхээ боомтын улсын хилийн дундын бүсэд чингэлэг солилцох талбай байгуулж, уул уурхайн бүтээгдэхүүн, ялангуяа нүүрсийг чингэлэг тээврийн горимоор улс хооронд тээвэрлэхээр дипломат шугамаар тохиролцсоны үндсэн дээр тус боомтын үйл ажиллагааг 25-ны өдрөөс эхлүүлээд байна.
  • 7 цаг 57 мин
    Өнөөдрөөс нүүрсний уртын тээвэр эхэлж, эхний ээлжид 100 машин өглөөний таван цагт ажилдаа гарчээ. "Цагаан хад" дахь халдвар хамгааллын дэглэм сайжруулах ажлыг шат дараалалтайгаар хийсэн нь өнөөгийн үр дүнг авчирсан гэхэд болно. Нөгөө талаас Ганц мод боомт дахь шинжилгээгээр богино тээврийн жолооч нараас сүүлийн хоёр долоо хоног ковидын эерэг тохиолдол илрээгүй байна. Иймд өнөөдрөөс нүүрсний уртын тээвэр эхлүүлж, тавдугаар сарын 31-нээс задгай нүүрсний тээврийг эхлүүлэхээр болжээ. Манай улс энэ жил 36.7 сая тонн нүүрс экспортлоно гэж төсөвтөө суулгасан.
  • Өчигдөр 13 цаг 53 мин
    Эдийн засгийн идэвхжил сулрав. 2022 оны эхний улирлын эдийн засгийн үзүүлэлтүүдээс харахад “V” хэлбэрийн сэргэлт мөрөөдөл болон хувирч, дор хаяж нэг жилээр хойшилжээ. Эдийн засгийн өсөлтийг энэ онд 2.6% байна гэсэн төсөөллийг Төв банк дэвшүүлсэн. Өнгөрсөн онд манай улсын эдийн засгийн өсөлт ердөө 1.4%-иар хэмжигдсэн бөгөөд энэ онд өсөлт 6-8% руу эрчимжинэ гэсэн найдвар өндөр байв. Гэвч сэргэлтийн үндэс суурийг цаг алдалгүй тавих үүрэг Засгийн газарт ногдсон хэвээр.  УИХ-ын дарга хэмнэлтийн горимд шилжихийг нэгэнтээ уриалав. Залгуулаад Ерөнхий сайд амаргүй цаг айсуйг илэрхийлж эхлэлээ. Засгийн газрын бодлого нүүрсний экспортыг нэмэгдүүлэхэд чиглэж байгаа ч бодит байдал дээр Хятадын импорт буурч байна. Яг одоо болж буй өрнөл нь ирээдүйд коксжих нүүрсний хэрэглээ буурах үед Монголын эдийн засагт хэрхэн нөлөөлөхийг бодитоор мэдрүүлж  байна.