Цагаан мөнгөний ханш өснө

2022-01-11

Стратегийн чухал ашигт малтмалд тооцогддог цагаан мөнгөний ханш 2022 онд өснө гэж “Metals Focus”-ийн шинжээчид таамаглаж байна. Тэдний таамгаар нэг унц мөнгөний дундаж ханш 28.75 ам.доллар болох төлөвтэй байгаа ажээ. Хөрөнгө оруулалт, үнэт цаасны эрэлтээс шалтгаалж цагаан мөнгөний ханш 2020 онд 43%-иар өссөн боловч 2021 онд буурч унц нь 26.37  ам.доллар болж байв. 2021 оны хоёрдугаар сард 28.55 ам.долларт хүрч сүүлийн найман жилийн дээд амжилтаа тогтоож байсан удаатай. Биржээр арилжсан мөнгөн бүтээгдэхүүний эрэлт эхний улиралд дээд амжилт тогтоож 1.2 тэрбум унц болсон. Тэр үед үнэ өссөн нь АНУ-ын Засгийн газрын санхүүгийн урамшууллын арга хэмжээ, дэлхийн аж үйлдвэрлэл сэргэсэн зэргээс шалтгаалж байжээ.

“Focus Economics”-ийн эдийн засагч Стивен Берк ”Ногоон эрчим хүчний салбар мөнгөний үнийн өсөлтөд маш чухал нөлөөтэй. Гэвч цар тахлын улмаас сүүлийн хоёр жилийн хугацаанд ногоон технологи  эрчимтэй хөгжиж чадсангүй. Харин энэ жил нөхцөл байдал өөр болно гэж найдаж байна. Хэдийн цар тахлын нөлөө арилаагүй байгаа ч ногоон технологид хөрөнгө оруулах нь нэмэгдэх байх. Томоохон уурхайнууд ч олборлолтоо нэмэгдүүлэх төлөвтэй байна. Дагаад цагаан мөнгөний ханш тогтворжих төдийгүй өсөх магадлал их” гэж ярьжээ. 

Мөнгө нь өвөрмөц шинж чанартай тул үйлдвэрлэлийн олон салбарт ашигладаг. Энэ үнэт металл маш зөөлөн, давтагдах чанараар зөвхөн алтны дараа л орно. Цахилгаан дулааныг бүх металлаас илүү сайн дамжуулдаг, тиймээс эрчим хүч, гар утас, цөмийн реактор, цахилгаан машин, анагаах ухаан зэрэг олон салбарт ашигладаг. Энэхүү үнэт металлаар үнэт эдлэл, бэлэг дурсгал хийдэг иргэд, аж ахуйн нэгжид олон улсын стандарт шаардлагыг хангасан, 999 сорьцтой үрлэн болон гулдмай хэлбэртэй цагаан мөнгийг Монголбанкны Эрдэнэсийн сан худалддаг юм.

Р.Ренчин

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 46 мин
    ОҮИТБС-ын хүрээнд манай улсын эцсийн өмчлөгчийн мэдээлэл нэг үеэ бодвол ил гарч, бага багаар ахиж байгаа гэдэг нь ОҮТБИС-ын тайлан мэдээнээс харагдаж байна. 2013 онд 215 компани тайлан мэдээллээ ирүүлж байсан бол 2020 онд 687 компани мэдээллээ ирүүлжээ. Ялангуяа уул уурхай болон стратегийн салбарын эцсийн өмчлөгчийг ил тод болгон тайлагнах нь авлигыг багасган, олон нийт өгөөжийг тэгш хүртэх боломж бүрдүүлэх сайн талтай
  • 18 цаг 6 мин
    “Туркойз Хилл Ресурс” болон “Рио Тинто” компани Оюутолгой төслийн санхүүжилтийн төлөвлөгөөний гэрээний нөхцөлийг өөрчилсөн талаар (2022.05.18) мэдээллээ. Тус гэрээг талууд өнгөрсөн нэгдүгээр сарын 24-нд байгуулж байсан юм. Харин одоо санхүүжилтийн гэрээний нөхцөлийг өөрчилснөөр хувьцааны арилжаагаар хөрөнгө босгох хугацааны товыг хойшлуулахаар болжээ. Тодруулбал энэ оны наймдугаар сарын 31-н гэхэд “Туркойз Хилл” хамгийн багадаа 650 сая ам.доллар хүртэлх санхүүжилтийг хувьцааны арилжаагаар босгох байсныг энэ оны төгсгөл хүртэл сунгаж өгчээ.
  • Уржигдар 15 цаг 50 мин
    Засгийн газрын ээлжит хуралдаанаар газрын тосны бүтээгдэхүүн хуваах гэрээ, газрын тос олборлолт, газрын тос боловсруулах үйлдвэрийг түүхий эдээр хангах тухай салбарын сайд Г. Ёндон танилцуулсан байна. Цаашид Засгийн газрын зүгээс газрын тосны хайгуул, олборлолтыг эрчимжүүлэх чиглэлд Шадар сайдаар ахлуулсан Ажлын хэсэг гарч ажиллах юм байна. Энэ дагуу газрын тосны нөөц тогтоогдох боломж бүхий аймгуудын Засаг дарга нарт Ерөнхий сайдын захирамж, албан даалгаврыг хүргүүлэх ажээ.
  • Уржигдар 13 цаг 52 мин
    Салбарын яамны захиалгаар Европын Сэргээн Босголт, Хөгжлийн Банкны санхүүжилтээр Адам Смит Интернэйшнл байгууллага “Монгол Улсын Уул уурхайн салбарын хөрөнгө оруулалтын орчны жишиг судалгаа”-г боловсруулан гаргасан байна. Энэхүү судалгааны үр дүнг танилцуулах хэлэлцүүлэг, семинарыг (2022.05.17) зохион байгууллаа. Тус судалгаа нь Монгол Улсын уул уурхайн салбарын хөрөнгө оруулалтын өнөөгийн нөхцөл байдал, цаашид хэрэгжүүлэх арга хэмжээний талаарх саналуудыг тодорхойлох зорилготой юм.
  • 2022-05-17
    Монгол Улсын эдийн засгийн үзүүлэлт оны эхний улиралд буурсан дүнтэй гарсныг Үндэсний статистикийн хороо мэдээллээ. Тодруулбал дотоодын нийт бүтээгдэхүүн 2022 оны эхний улиралд (2015 оны үнээр) 5.2 их наяд төгрөг болж, өмнөх оны мөн үеэс 208.1 тэрбум төгрөг буюу 3.8%-иар буурчээ.