Газрын тосны салбарын “нэвтэрхий толь” 

2022-05-12

Газрын тосны салбарт Монгол Улсын гавьяат  багш, ШУТИС-ийн ГУУС-ийн Газрын тос, өрөмдлөгийн салбарын зөвлөх профессор, Монголын Газрын тосны инженерүүдийн нийгэмлэгийн Гүйцэтгэх захирал, Олон улсын Газрын тосны инженерүүдийн нийгэмлэгийн болон Инженерийн ухааны  Академийн гишүүн, Газрын тосны сургалт-судалгаа-мэдээллийн төвийн захирал, техникийн ухааны доктор, профессор Ж.Цэвээнжавын  “Миний салбар, бидний мэргэжил” уулзалт ШУТИС –д боллоо. Ж.Цэвээнжав багш  боловсролын салбарт 1975 оноос одоог хүртэл  МУИС, ПДС, ТИС, ШУТИС-д орлогч декан, декан үүрэг гүйцэтгэгч, тэнхимийн эрхлэгч, профессорын багийн ахлагч, тэргүүлэх профессор, профессор, зөвлөх профессороор тасралтгүй 46 дахь жилдээ  үр бүтээлтэй ажиллаж байна.  

Энэ хугацаандаа геологи-хайгуул, өрөмдлөг, уул уурхай, усны аж ахуй, газрын тос, хийн түлш зэрэг олон чиглэлээр сургалт-судалгааны ажлыг өргөн хүрээтэйгээр явуулж, 2000 гаруй инженерийг  бэлтгэхэд хувь нэмрээ оруулжээ. Монгол Улсын гавьяат багш  Ж. Цэвээнжав 200 шахам баклаврын, 50 гаруй магистрын, 6 докторын ажлыг удирдаж, хамгаалсан, онол-арга зүйн сурах бичиг, гарын авлага, эрдэм шинжилгээ-судалгааны бүтээл зэрэг нийтдээ 660 гаруй ном туурвисан бүтээлч нэгэн аж. Түүний залгамж халаа болсон ШУТИС-ийн багш нар, үе үеийн шавь нар нь энэхүү уулзалтад ирж, ажил хөдөлмөрөө танилцуулан, хоорондоо туршлага солилцсон уулзалт боллоо. Тэрбээр шавь нартаа хандан “Өнөөдөр хуулиа ягштал биелүүлж, авилгаас ангид байж гэмээ нь өөрийн ажил мэргэжилдээ эзэн байж чадна.  Багш хүн гэдэг  ёс зүй өндөртэй, шавиа гэсэн сэтгэлтэй байх нь чухал” хэмээн сургамжилж байсан юм. Түүний шавь нар  багшийнхаа тухай “Овог нэр, хэдэн оны төгсөгч, тохиолдож  байсан дурсамж түүхийг он сар өдөртэй нь бүгдийг хэлдэг. Багш маань курсын ажлыг улаан эрээн болтол засаад  өгдөг. Далайлт ихтэй ч буулт зөөлөнтэй хүн” гэж тодорхойлсон юм. Өнөөдөр түүний шавь нар уул уурхайн салбарын бодлогыг тодорхойлж байгаа бол нэг хэсэг нь гадаадад уул уурхайн салбарт ажиллаж ажил мэргэжлийнхээ түүчээ нь болон өнгөлж явна. 

Цаст өндөр Алтай таван богдоос 
Цэнхэрлэн долгилох Буйрын хөвөө хүртэл
Хөвсгөл далай, Хорьдол сарьдгийн нуруунаас
Зэрэглээтэн цэнхэртэх өмнийн уудам говь ортол
Уужим тэнүүн нутаг, улс эх орон түмэн олныхоо дунд
Ухаарч хөдөлмөрлөж, амьдарч ажиллаж, бүтээн туурвиж,сургаж судлаж өдийг хүрлээ. 
Хийсэн бүтээсэн маань бүү мартагдаг, бас өвлөгдөн өсөж, үргэлжлэн нэмэгдэх болтугай.
Хийморь золбоо маань бүү саараг, ямагт өөдөө хэвээр байж, уламжлагдан үлдэж, үргэлжлэх болтугай.

Сайн сайхан, чин шулуун үйлс улам дэлгэрч, шударга үнэн ямагт бадраг гэсэн сайхан ерөөлөөр Монгол Улсын гавьяат багш, техникийн ухааны доктор, профессор Ж.Цэвээнжав уулзалтаа өндөрлөсөн  юм. 

 

 

Ж. Мөнх

Сэтгэгдэл (1)

  • И.Батжаргал (59.153.114.153)
    Багшдаа эрүүл энх сайн сайхныг хүсэн ерөөе
    2022 оны 05 сарын 13 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 18 цаг 35 мин
    ОҮИТБС-ын хүрээнд манай улсын эцсийн өмчлөгчийн мэдээлэл нэг үеэ бодвол ил гарч, бага багаар ахиж байгаа гэдэг нь ОҮТБИС-ын тайлан мэдээнээс харагдаж байна. 2013 онд 215 компани тайлан мэдээллээ ирүүлж байсан бол 2020 онд 687 компани мэдээллээ ирүүлжээ. Ялангуяа уул уурхай болон стратегийн салбарын эцсийн өмчлөгчийг ил тод болгон тайлагнах нь авлигыг багасган, олон нийт өгөөжийг тэгш хүртэх боломж бүрдүүлэх сайн талтай
  • 19 цаг 55 мин
    “Туркойз Хилл Ресурс” болон “Рио Тинто” компани Оюутолгой төслийн санхүүжилтийн төлөвлөгөөний гэрээний нөхцөлийг өөрчилсөн талаар (2022.05.18) мэдээллээ. Тус гэрээг талууд өнгөрсөн нэгдүгээр сарын 24-нд байгуулж байсан юм. Харин одоо санхүүжилтийн гэрээний нөхцөлийг өөрчилснөөр хувьцааны арилжаагаар хөрөнгө босгох хугацааны товыг хойшлуулахаар болжээ. Тодруулбал энэ оны наймдугаар сарын 31-н гэхэд “Туркойз Хилл” хамгийн багадаа 650 сая ам.доллар хүртэлх санхүүжилтийг хувьцааны арилжаагаар босгох байсныг энэ оны төгсгөл хүртэл сунгаж өгчээ.
  • Уржигдар 15 цаг 50 мин
    Засгийн газрын ээлжит хуралдаанаар газрын тосны бүтээгдэхүүн хуваах гэрээ, газрын тос олборлолт, газрын тос боловсруулах үйлдвэрийг түүхий эдээр хангах тухай салбарын сайд Г. Ёндон танилцуулсан байна. Цаашид Засгийн газрын зүгээс газрын тосны хайгуул, олборлолтыг эрчимжүүлэх чиглэлд Шадар сайдаар ахлуулсан Ажлын хэсэг гарч ажиллах юм байна. Энэ дагуу газрын тосны нөөц тогтоогдох боломж бүхий аймгуудын Засаг дарга нарт Ерөнхий сайдын захирамж, албан даалгаврыг хүргүүлэх ажээ.
  • Уржигдар 13 цаг 52 мин
    Салбарын яамны захиалгаар Европын Сэргээн Босголт, Хөгжлийн Банкны санхүүжилтээр Адам Смит Интернэйшнл байгууллага “Монгол Улсын Уул уурхайн салбарын хөрөнгө оруулалтын орчны жишиг судалгаа”-г боловсруулан гаргасан байна. Энэхүү судалгааны үр дүнг танилцуулах хэлэлцүүлэг, семинарыг (2022.05.17) зохион байгууллаа. Тус судалгаа нь Монгол Улсын уул уурхайн салбарын хөрөнгө оруулалтын өнөөгийн нөхцөл байдал, цаашид хэрэгжүүлэх арга хэмжээний талаарх саналуудыг тодорхойлох зорилготой юм.
  • 2022-05-17
    Монгол Улсын эдийн засгийн үзүүлэлт оны эхний улиралд буурсан дүнтэй гарсныг Үндэсний статистикийн хороо мэдээллээ. Тодруулбал дотоодын нийт бүтээгдэхүүн 2022 оны эхний улиралд (2015 оны үнээр) 5.2 их наяд төгрөг болж, өмнөх оны мөн үеэс 208.1 тэрбум төгрөг буюу 3.8%-иар буурчээ.