Монголын бизнес зөвлөлийн уулзалт боллоо

2022-07-01

УУХҮ-ийн сайд Г.Ёндон бизнесийн салбарын томоохон аж ахуйн нэгжүүдээс бүрдсэн Монголын Бизнесийн Зөвлөлийн ээлжит уулзалтад оролцож, Канад Улсын Торонто хотноо зохион байгуулагдсан Олон улсын уул уурхайн чуулга уулзалт (PDAC-2022)-д монголын төлөөлөгчид 25 дахь удаагаа зургадугаар сард оролцсон тухай, уул уурхайн салбарт цаашид хэрэгжүүлэх арга хэмжээ, төслүүдийн талаар мэдээлэл өгч, санал солилцлоо.

Цахилгаан автомашин, сэргээгдэх эрчим хүчний үйлдвэрлэл, хотжилт, ханган нийлүүлэлтийн эх үүсвэрийг төрөлжүүлэх улс орнуудын сонирхлын улмаас метал ашигт малтмалын эрэлт, хэрэгцээ улам бүр нэмэгдэх хандлагатай байгаа үед геологи, уул уурхайн салбарт улс орнууд хамтран ажиллах сонирхол их байна. Дэлхийн эдийн засгийн хөгжилд критикал ашигт малтмалын найдвартай ханган нийлүүлэгч улс орнуудын үүрэг цаашдаа улам бүр нэмэгдэж, онцгой байр суурь, ач холбогдолтой байх нь Канад Улсад хийсэн уулзалт, арга хэмжээний үеэр харагдаж байсныг сайд Г.Ёндон онцолсон.

Удахгүй ашиглалтад орох төмөр зам уул уурхайн бүтээгдэхүүний экспортод эерэг нөлөө үзүүлнэ, цаашлаад ус, эрчим хүчний хангамжийн төслүүд хэрэгжсэнээр нэмүү өртөг шингэсэн үйлдвэрлэл хөгжүүлэхээр төлөвлөн ажиллаж байгаа талаар "Эрдэнэс Тавантолгой" ХК-ийн Гүйцэтгэх захирал Б.Ганхуяг дурдсан. Томоохон ашигт малтмалын ордыг нээн илрүүлснээс хойш тогтвортой үйлдвэрлэл эхлэх хүртэл хугацаа шаарддаг тул эдийн засгийн өсөлтийн дараагийн үе шатыг дэмжих үүднээс геологи хайгуулын ажлыг эрчимжүүлэх нь чухал болохыг "Энержи Ресурс" ХХК-ийн Гүйцэтгэх захирал Г.Батцэнгэл онцлов.

Уулзалтаар ашигт малтмалын нөөцтэй гэгддэг улс орнууд хөрөнгө оруулалт татахаар хүчтэй өрсөлдөж байгаа өнөө үед бид хөрөнгө оруулалтын таатай орчин бүрдүүлж, хөрөнгө оруулагчидтай харилцан ашигтай хамтран ажиллах нь чухал болохыг оролцогчид дурдаж байлаа.

УУХҮ-ийн сайд Г.Ёндон тэргүүтэй төлөөлөгчид 2022 оны зургадугаар сард Канад Улсад ажиллах үеэр Mongolia@PDAC-2022 бизнес форум зохион байгуулж, Канад Улсын Байгалийн баялгийн сайд, Ресурс Кэбэк, Торонтогийн Хөрөнгийн бирж, Канадын ойжуулалтын групп, Канадын Экспортыг дэмжих байгууллага, Канадын Байгалийн баялгийн сайдын Парламентын нарийн бичгийн дарга зэрэг төлөөлөгчидтэй уулзаж, цаашид хамтран ажиллах талаар санал солилцсон юм.

 

Эх сурвалж: УУХҮЯ

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 8 цаг 4 мин
    Үндэсний судалгаа зөвлөгөөний  “Эн Ар Си Си” компани, Японы Зүүн Хойд Азийн эдийн засгийн хүрээлэн болон Монгол-Японы хүний нөөцийн хөгжлийн төв хамтран 2022 оны наймдугаар сарын 24-нд “Монголын эдийн засаг: Боломж ба сорилт“ сэдэвт хэлэлцүүлэг зохион байгуулна.
  • 11 цаг 31 мин
    Засгийн газрын 2020-2024 оны үйл ажиллагааны  хөтөлбөрт багтсан говийн бүсийг гадаргын усаар хангах “Хэрлэн-тооно” төслийг “Эрдэнэс Тавантолгой” ХК ус хангамжийн цогц төслүүдтэй уялдуулахаар ажиллаж байна. 
  • Уржигдар 13 цаг 45 мин
    Монгол Улс 2022 оны эхний 7 сард нийт 149 улстай худалдаа хийж, гадаад худалдааны нийт бараа эргэлт 11.2 тэрбум америк доллар, үүнээс экспорт 6.5 тэрбум америк доллар, импорт 4.8 тэрбум америк доллар байна. Нийт бараа эргэлтийн хэмжээ өмнөх оны мөн үеэс 2.7 (31.3%) тэрбум америк доллароор, экспорт 1.8 (37.2%) тэрбум америк доллароор, импорт 924.5 (24.1%) сая америк доллароор тус тус өсчээ.
  • Уржигдар 11 цаг 00 мин
    Японы хүнд даацын тоног төхөөрөмжийн дэлхийд тэргүүлэх “Комацу” брэндийн Монгол дахь албан ёсны дистрибьютер “Трансвест Монголиа” ХХК  орчин үеийн дэвшилтэт технологи бүхий агуулах, засварын “Комацу” төвийн өргөтгөлийн “Grand Opеning Day” нээлтээ (08.16) хийлээ. “Комацу” төвийн өргөтгөлийн нээлтийн үйл ажиллагаанд Уул уурхай, хүнд үйлдвэрийн сайд Г.Ёндон, “Трансвест Монголиа” ХХК-ийн Ерөнхий захирал Дэвид Төрнбулл болон Монгол дахь Элчин сайдууд, тус компанийн харилцагчид, гадаад, дотоодын бизнесийн байгууллагын төлөөлөгчид, хөрөнгө оруулагчид  оролцлоо.
  • 2022-08-16
    Монголын болон олон улсын судлаач, бодлого тодорхойлогчид, иргэний нийгмийн төлөөллүүдийн оролцоотой Монгол Улсын уул уурхайн салбарын нийгэм, эдийн засгийн нөлөөллийн үнэлгээ сэдэвт хэлэлцүүлэг өнөөдөр /2022.08.16/ боллоо. Уул уурхай, хүнд үйлдвэрийн яам, Ашигт малтмал газрын тосны газар, Үндэсний геологийн алба нь Герман-Монголын техникийн хамтын ажиллагааны “Эрдэс баялгийн тогтвортой удирдлагын зөвлөх үйлчилгээ” төслийг ХБНГУ-ын Гео-Шинжлэх ухаан, байгалийн нөөцийн холбооны хүрээлэн (BGR)-тэй хамтран хэрэгжүүлж байна. Уул уурхай, хүнд үйлдвэрийн яам, Ашигт малтмал газрын тосны газар, Үндэсний геологийн алба нь Герман-Монголын техникийн хамтын ажиллагааны “Эрдэс баялгийн тогтвортой удирдлагын зөвлөх үйлчилгээ” төслийг ХБНГУ-ын Гео-Шинжлэх ухаан, байгалийн нөөцийн холбооны хүрээлэн (BGR)-тэй хамтран хэрэгжүүлж байна.