2023 онд болох Дэлхийн уул уурхайн конгрессын хурлын бэлтгэл ажлыг хэлэлцлээ

2022-07-18

Австралийн Брисбэн хотноо 2023 оны зургаадугаар сарын 26-29-нд  Дэлхийн уул уурхайн конгрессын (ДУУК)  26 дахь удаагийн хурал болно. Тус  хурал нь“Ирээдүйг нөөцөөр хангаж нийгэмд үнэ цэнийг бүтээх нь” урианд гол анхаарлаа хандуулна гэдгийг Улаанбаатар хотноо хүрэлцэн ирсэн  ДУУК-ын дарга, профессор Марек Цала онцлов. Улсын баяр наадмын хоёр дахь өдөр буюу долдугаар сарын 12-ны өдөр “Туушин” зочид буудалд эхэлсэн ДУУК-ын Олон улсын зохион байгуулах хорооны (ОУЗБХ) 103 дугаар хуралдаанд Уул уурхай, хүнд үйлдвэрийн сайд Г.Ёндон, “Эрдэнэт үйлдвэр”-ийн Ерөнхий захирал, Монгол Улсын Хөдөлмөрийн баатар Х.Бадамсүрэн, ОУЗБХ-ны Үндэсний хорооны Нарийн бичгийн дарга, доктор Б.Бат-Очир, Монголын Экспортлогчдын холбооны тэргүүн, доктор Д.Галсандорж, ШУТИС-ийн профессор Я.Гомбосүрэн, профессор С.Жаргалан, УУХҮЯ-ны Уул уурхайн техник, технологийн хэлтсийн дарга Ч.Цогтбаатар, “Монгол нүүрс” ассоциацийн Гүйцэтгэх захирал Ж.Золжаргал, Тэсэлгээний инженерүүдийн холбооны тэргүүн Д.Дамба нарын төлөөллүүд оролцлоо. ДУУК-ийн ОУЗБХ-ны энэ удаагийн хуралдаанд  Энэтхэг, Хятад, Австрали, Польш, Канад, Австри зэрэг 15 орны төлөөллүүд цахимаар мөн оролцсон.

Хятадын Үндэсний нүүрсний ассоциацийн Ерөнхий захирал  Су Чуанронг, “Coal India Ltd”-ийн ТУЗ-ын дарга Прамод Агравал, Уул уурхайн конгрессын 26 дугаар хурлыг Зохион байгуулах хорооны дарга Хуа Гуа нар Хятад, Энэтхэгийн уул уурхайн салбарын өнөөгийн байдал, тэр дундаа нүүрсний салбарын хөгжлийн талаар илтгэж, хэлэлцүүллээ. Мөн  Дэлхийн уул уурхайн мэдээллийн тайланг хурлын илтгэгч  Кристиан Рейл (Австри), шинэ гишүүдийг элсүүлэх дэд хорооны тайланг профессор Леопольд Веббер, Ерөнхий нарийн бичгийн даргын илтгэлийг Язек Скиба нар танилцууллаа. 

Хурлын бэлтгэл ажлыг хангахад ДУУК-ийн Монголын Үндэсний  зохион байгуулах хороо болон УУХҮЯ хамтран ажилласан бөгөөд мөн Уул уурхайн шинжлэх ухааны академи,  Уул уурхайн мэргэжлийн холбоодын зөвлөл дэмжиж оролцов.

Манай улсаас Конгрессын гишүүнээр 4 хүн сонгогдон ажиллаж байна. Үүнд ДУУК-ийн хүндэт гишүүнээр Геологи, уул уурхайн яамны Орлогч сайд асан Дугарын Рэнчинханд (1987 оноос хойш гишүүнээр ажиллаж байна), доктор Б.Бат-Очир (2005 оноос), доктор Х.Бадамсүрэн (2018 оноос), зөвлөх инженер Д.Дамба (2018 оноос) сонгогдон ажиллаж буй. Энэ жилийн хувьд тус Конгресст Индонезоос 1, Энэтхэгээс 2, Монголоос 1 гишүүн шинээр элсэж буйг хурлын үеэр хэлэлцэж баталлаа.

ДУУК-ийн Олон улсын Зохион байгуулах хорооны  103  дугаар хуралдаан   Монгол Улсад  анх удаа  амжилттай зохион байгуулагдсан нь 100 жилийнхээ ойг тэмдэглэж буй уул уурхайн салбараа олон улсын тавцанд   дэлгэрэнгүй   сурталчилсан   томоохон   арга   хэмжээ   боллоо   гэж   уг   хуралдаанд оролцогчид тэмдэглэж байна. "Mongolian Mining Journal" тус хурлын мэдээллийн түншээр ажиллаж байна.

 

Г.Идэрээ

  

 

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 13 цаг 0 мин
    "Mongolia Mining 2022" үзэсгэлэнд оролцогч Сэндвик Монголиа ХХК-ийн Гүйцэтгэх захирал Брадлей Кларк
  • 14 цаг 51 мин
    “Олон улсын шинэ эрчим хүчний чуулган-2022”  өнөөдөр Корпрэйт зочид буудлын Конвэйшн төвд болж байна. Хоёр өдөр үргэлжлэх  уг чуулга уулзалтыг Сэргээгдэх эрчим хүч үйлдвэрлэгчдийн холбоо санаачлан зохион байгуулж, Монгол Улс дахь Нэгдсэн Үндэстний Байгууллага, Даян дэлхийн ногоон хөгжлийн байгууллага хамтран зохион байгуулж, нийтдээ дөрвөн зуу гаруй төлөөлөгчид оролцохоор бүртгүүлжээ.
  • Уржигдар 12 цаг 53 мин
    Есдүгээр сарын 16-аас 22-ны өдрүүдэд өдөрт дунджаар 1316 автомашин, 402 чингэлэг тээвэр хийгдсэн байна. Тайлант хоногийн хугацаанд 1,028.9 мян.тн нүүрс экспортод гарсан нь өмнөх оны мөн үеэс 403.2 хувь буюу 4 дахин өсжээ. Оны эхнээс 17,793.0 мян.тн нүүрс гарснаар нүүрс экспорт өмнөх оны мөн үеийн хэмжээнээс 5,756.8 мян.тн-оор буюу 48 хувийн өсөлттэй байна.
  • Уржигдар 10 цаг 37 мин
    Канад Улсын Засгийн газрын санхүүжилттэй MERIT /Монгол Улс: Институцийн өөрчлөлт хийх замаар эрдэс баялгийн менежментийг сайжруулах нь/ төслийн дэмжлэгтэйгээр “Эрдэнэс Монгол” группийн харьяа “Эрдэнэс Силвер Ресурс” компани Салхитын мөнгөний ордын Хаалтын менежментийн төлөвлөгөөг загвар байдлаар боловсруулах төслийг төрийн захиргааны төв болон нутгийн захиргааны байгууллагын дэмжлэг, хамтын ажиллагаанд тулгуурлан хэрэгжүүлж байгаа билээ. 
  • 2022-09-26
    "Mongolia Mining 2022" үзэсгэлэнгийн ерөнхий ивээн тэтгэгч "TRANSWEST MONGOLIA"