Эрдэнэт ТӨҮГ, баяжуулах үйлдвэрийнхээ хүдэр боловсруулах хүчин чадлыг 6 сая тонноор нэмэгдүүлжээ

2022-08-29

Эрдэнэт ТӨҮГ, баяжуулах үйлдвэрийнхээ өөрөө нунтаглах хэсэгт жилд 6 сая тонн хүдэр боловсруулах хүчин чадалтай өргөтгөлийн 4-р шугамыг ашиглалтад хүлээн авчээ. Энэ сарын 26- нд уг өргөтгөлийн шугамыг хүлээн авах Улсын комисс Эрдэнэт үйлдвэрт ажилласан байна.   44 дэх жилдээ хүдэр олборлож буй Эрдэнэтийн Овоо ордын ил уурхай гүнзгийрэхийн хэрээр геологийн нөхцөл хүндэрч, хүдэр дэх зэсийн агуулга буурч, хүдрийн хатуулаг өсөж байгаа. Энэ нь  Эрдэнэт үйлдвэрийн эцсийн бүтээгдэхүүний гарц, борлуулалтын орлого буурах эрсдэлтэй нөхцөл байдлыг үүсэж байгаа  нь нууц биш.  Үүний эсрэг, үйлдвэрлэлийн хүчин чадлыг нэмэгдүүлж, бүтээгдэхүүний өсөлтийг бий болгох нь Эрдэнэтчүүдийн гол зорилго юм. Энэ ажлын хүрээнд Эрдэнэт үйлдвэр техник, технологийн шинэчлэл, өргөтгөлийн ажлыг үе шаттай амжилттай хэрэгжүүлж байгаагийн нэг жишээ нь хүдэр боловсруулах хүчин чадлыг 6 сая тонноор нэмэгдүүлэх энэхүү өргөтгөл юм.  Баяжуулах үйлдвэрийн өөрөө нунтаглах хэсгийн энэхүү өргөтгөлийн ажлыг хоёр жил гаруй хугацаанд хийж гүйцэтгэжээ. Өргөтгөлийн энэ шугам ашиглалтад орсноор  Эрдэнэт үйлдвэрийн тэр дундаа Баяжуулах үйлдвэрийн хүдэр боловсруулах хүчин чадал жилд 6 сая тонноор, баяжмалын гарц 100 мянган тонноор нэмэгдэх юм. Мөн  борлуулалтын орлого жилд 200 орчим сая доллароор өсөх боломжтой.

                                                                                                  Ж.Мөнхцэцэг

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ