Mining Journal Awards 2011

2011-09-02 13:55

“Уул уурхайн салбарын аливаа хурал зохион байгуулах ажлыг бизнес гэж хардаг хүн олон боллоо. Тиймээс маш олон хурал болж байна. Зургаан сарын дотор нүүрсний гурван хурал болж өнгөрлөө” хэмээн Уул уурхайн ассоциацийн Гүйцэтгэх захирал Н. Алгаа хэлсэн юм. Үнэхээр уул уурхайгаас  “мөнгө босгох” сонирхол хавтгайрч, энэхүү туйлшралаас үүдээд салбарын талаарх ойлголт иргэдийн дунд ч сөрөг хандлагатай болсоор байна.

Олон улсын хөрөнгө оруулагчдад хамгийн танил болсон уламжлалт “Discover Mongolia” Улаанбаатарт нээгдэж буй энэ өдрүүдэд The Mongolian Mining Journal сэтгүүлийн редакци нь Mining Journal Awards арга хэмжээнийхээ зарыг түгээж байна. Уул уурхайн шилдэг үйл ажиллагааг мэргэжлийн шүүгчдийн үнэлгээгээр тодруулдаг Mining Journal Awards нь бусад шалгаруулалтаас ялгаатай. Хараат бус шүүгчдийн Зөвлөлийн өгсөн онооны нийлбэр  ба олон нийтийн санал асуулга зэргэцэн явагддаг тул манай шалгаруулалтын дүн бодитой, хараат бус гардаг.

Оролцогчдоосоо “мөнгө татдаг”, шалгарагсдаас бүр ахиу санхүүжилт авдаг шалгаруулалт нэртэй олон олон бизнесээс Mining Journal Awards эрс ялгардгийг энд онцолъё.

 

 -Оны шилдэг олборлогч
-Уул уурхайн шидэг үйл ажиллагаа
-Шилдэг эко уурхай
-Дэвшилтэт технологи

номинацуудаар мэргэжлийн Шүүгчдийн зөвлөл оноо өгч дүгнэдэг. Харин “Уул уурхайн салбарыг дэмжигч” номинацийг нь олон нийтийн асуулга хэлбэрээр нэг сарын турш санал авч, нийлбэр дүнг нь гаргадаг билээ. Уул уурхайн салбарын “Оны шилдгийг тодруулах” арга хэмжээнд уригдагсдаас элдэв “такс” авдаггүй, хэн шилдгээр өргөмжлөгдөх нь онооны нийлбэр гарах эцсийн мөч хүртэл нууцлалтай явагддаг шударга шалгаруулалт гэдгийг нь өнгөрсөн жилийн манай арга хэмжээний үеэр салбарынхан маань онцолж байсан юм.
Энэ удаа тус редакци Mining Journal Awards 2011-ийг албан ёсоор зарлаж байна. Уралдааныг дүгнэх нарийвчилсан шалгуур үзүүлэлт, болзол зэргийг уул уурхайн салбарт үйл ажиллагаа явуулж буй бүх компанид нэгэн зэрэг илгээх ба www.mongolianminingjournal.comwww.news.mnwww.gogo.mn сайтуудаар давхар зарлана. Түүнчлэн Ням гариг бүрт C1 телевизээр цацагдаж буй уул уурхай, эдийн засгийн мэдээллийн “Хөгжил” хөтөлбөрөөрөө бид дэлгэрэнгүй цацах юм. Өнгөрсөн жилийн Mining Journal Awards 2010-ийн талаарх  мэдээллийг Та бүхэн манай www.mongolianminingjournal.com сайтаас үзэх боломжтой.

Салбарын шилдэг үйл ажиллагааг бид зөвхөн тодруулаад зогсохгүй олон нийтэд түгээн таниулах ажлыг дараагийн шалгаруулалт хүртэл бүтэн жилийн турш хийдэг уламжлалтай. Хариуцлагатай уул уурхай төлөвших үйлсэд Mining Journal Awards хувь нэмрээ оруулдаг гэдэгт эргэлзэхгүй байна. Манай арга хэмжээтэй адил эрүүл агуулгатай,   чухал үйл явдал бол Discover Mongolia.
Монголд хөрөнгө оруулагчид хамгийн олноороо хуран чуулдаг, мэргэжлийн түвшинд санал бодлоо хуваалцдаг, үр дүнг нь үгээр хэмжих боломжгүй Discover Mongolia арга хэмжээнд амжилт хүсье. Салбараа дэмжих зорилго өвөрлөдөг Discover Mongolia нь уул уурхайн бусад арга хэмжээнээс далайцаараа үлэмж давуу билээ.

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 1 цаг 58 минутын өмнө
    “Европын Холбооны хар жагсаалт” гэж нэрлэгддэг мөнгө угаах, терроризмыг санхүүжүүлэхтэй тэмцэх стратегийн дутагдалтай, өндөр эрсдэлтэй гуравдагч улс орнуудын жагсаалтаас Монгол Улсыг хассан тогтоолыг Европын Холбооны “Official Journal of the European Union” сэтгүүлд (2021.01.18) нийтэлжээ.  Энэхүү тогтоол нь тус сэтгүүлд нийтлэгдсэнээс хойш 20 дахь хоногоос эхлэн хүчин төгөлдөр мөрдөгдөх аж.  Монгол Улсыг 2019 онд Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай улс орнуудын жагсаалт буюу саарал жагсаалтад орсонтой холбогдуулан (2020.10.01) Европын Холбооны өндөр эрсдэлтэй гуравдагч улс орнуудын жагсаалтад оруулсан юм.
  • 2 цаг 3 минутын өмнө
    Монгол Улсын Засгийн газрын гишүүн, Шадар сайд Я.Содбаатар Газрын тос боловсруулах үйлдвэрийг дэмжих тухай хуулийн төслийг (2021.01.20) УИХ-ын дарга Г.Занданшатарт өргөн мэдүүлэв. Газрын тос боловсруулах үйлдвэрийн бүтээн байгуулалтын ажилд тулгамдаж буй асуудлуудыг ҮАБЗ-ийн (2020.07.17) хуралдаанаар хэлэлцэж, газрын тос боловсруулах үйлдвэрийн бүтээн байгуулалтын ажлыг эрчимжүүлэх зорилгоор Газрын тос боловсруулах үйлдвэрийг дэмжих бие даасан хуулийн төслийг боловсруулж батлуулахыг Засгийн газарт даалгасан юм. Энэ дагуу 7 зүйл бүхий хуулийн төслийг боловсруулсан байна. Хуульд заасан харилцааг “Газрын тос боловсруулах үйлдвэрийг дэмжих, төрөөс үзүүлэх үйлчилгээг хялбаршуулах горим”-ын тухай журмаар нарийвчлан зохицуулахаар тусгажээ.
  • Өчигдөр 14 цаг 27 минутад
    Монгол Улсад газрын тосны салбар үүсч хөгжсөний 80 жил, газрын тосны инженер бэлтгэж эхэлсний 25 жилийн ой энэ жил тохиож байна. Уг ойг угтан  салбарын яам Ажлын хэсэг байгуулан ажиллаж эхлээд байгаа бөгөөд тодорхой ажлуудыг хийхээр төлөвлөжээ. Хэдхэн хоногийн өмнө   салбарын яамны зүгээс газрын тосны ашиглалт, олборлолт, экспортын үйл ажиллагаа эрхэлдэг шилдэг компаниудыг тодруулан өргөмжилсөн. Тэгвэл энэ сарын 21-нд ШУТИС-ийн Геологи, уул уурхайн сургуулиас “Газрын тос 2020” эрдэм шинжилгээ, онол практикийн XXVI хурлыг зохион байгуулахаар болжээ.
  • Уржигдар 11 цаг 38 минутад
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.
  • 2021-01-15 19:10
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.