П.Цагаан: Улс төр, эрхзүй, нийгмийн тууштай орчин бий болгох хэрэгтэй байна

2013-11-18 12:07

Арваннэгдүгээр сарын 15-нд Төрийн ордонд болсон “Эрдэс баялгийн салбарын шинэ үеийн 20 жил” хэлэлцүүлэг хурлыг нээж, Монгол улсын Ерөнхийлөгчийн Тамгын газрын дарга П.Цагааны хэлсэн үгийг бүрэн эхээр нь хүргэж байна.

“Эрдэс баялгийн салбарын шинэ үеийн 20 жил” хэлэлцүүлэг хурлыг санаачилсан Mongolian Mining Journal сэтгүүлийн хамт олон, түүнийг дэмжсэн Уул уурхайн яам, бусад байгууллагуудад талархлаа илэрхийлье.     

Одоогоос жилийн өмнө Иргэний танхимд явагдсан хэлэлцүүлэг дээр Монголын эрдэс баялгийн салбарын нэг эрдэмтэн Монгол улсад эрдэс баялгийн салбарын бодлого байхгүй байна. Бодлогогүй явж ирснээс бид алдаа их гаргасан гэж шүүмжилж байсныг санаж байна. Өнгөрсөн 10 сарын хугацаанд УИХ, Засгийн газар, холбогдох мэргэжлийн хүмүүсийг оролцуулаад Эрдэс баялгийн салбарын бодлогыг боловсруулан УИХ-аар хэлэлцэж байгаа цаг үед өнөөдрийн уулзалт болж байгаа нь хамгийн сүүлчийн боломж мэт санагдаж байна. Миний хувьд өнгөрсөн 20-иод жил эрдэс баялгийн салбарын ололт амжилт, алдаа оноог ямар нэг хэлбэрээр харж, ажиглаж ирсэн хүний хувьд хоёр гурван зүйл хэлье. Та бүхэн мэдэж байгаа. Өнгөрсөн хориод жилд ашигт малтмалын салбарын үнийн хоёр ч удаагийн супер цикл болсон. Алтны үнэ хэд байгаад хэд болсныг манайхан сайн мэдэж байгаа. Энэ хооронд Монголын төрийн бодлого, төрийн бодлогод шингэсэн эрхзүйн орчин, хууль тогтоомжид түүнээс ч дутуугүй их савлагаа үүссэн. Энэ бүгдтэй уялдаад алдаа оноотой, олз гарцтай олон мөчлөгүүдийг мэдэрсэн, туулсан хувийн салбарынхан, бас тийм байдалд хүргэсэн эрх баригчдын төлөөлөл энд хуран цугларсан нь сайшаалтай хэрэг. Төр хувийн хэвшил түншүүд байх ёстой. Танихгүй хүмүүс биш, дайснууд биш. Хамтарч ажиллах ёстой. Харамсалтай нь зах зээлийн өнөө үед хувийн секторын санал хүсэлт, бусад зүйлийг харгалзан үзээгүйгээс, дэлхийн зах зээлийн чиг хандлагыг сайн анхаарахгүйгээр гаргасан бодлогын алдаа явж явж эцсийн дүндээ биднээс өөрсдөөс л болсон. Тиймээс өмнө гаргасан алдаа оноогоо ярилцаж, алдаан дээрээ суурилаад, тууштай явах улс төрийн орчин, эрхзүйн орчин, нийгмийн орчин бий болгох хэрэгтэй байгаа юм. Тиймээс өнөөдрийн хэлэлцүүлэг чухал ач холбогдолтой юм.

Монгол Улсын Ерөнхийлөгчийн хувьд эрдэс баялгийн салбарын зөв зүйтэй бодлогыг дэмжиж, буруу зөрүүг нь засч залруулахын төлөө ажиллаж ирсэн. Энэ ялдамд маргааш Монгол Улсын  Ерөнхийлөгчийн санаачилгаар “Том төрөөс ухаалаг төр рүү” үндэсний зөвлөлдөх уулзалт болох гэж байна. Энэ зөвлөлдөх уулзалтад шийдвэр гаргагчид, эрдэмтэн судлаачид, хувийн сектор, хэвлэл мэдээллийн байгууллага, орон нутгийн төлөөлөгчид оролцоно. Монгол Улсын өнгөрсөн хориод жил туулсан алдаа оноо, ирэх жилүүдийн замын зургийг тодорхойлох үндсийг тавих зорилготой зөвлөлдөх уулзалт болно. Миний бодож төсөөлж байгаагаар ийм үндэсний хэмжээний зөвлөлдөх уулзалт өмнө болж байгаагүй. Тиймээс өнөөдрийн хэлэлцүүлэг эрдэс баялгийн салбарын бодлогыг тодорхойлох төгсгөлийн шатны хэлэлцүүлэг УИХ-аар явж байгаа үед, маргааш Монгол улсын ирээдүйн олон арван жилийн замын зургийг хэлэлцэх торогон агшин дээр болж байгаагаа их ач холбогдолтой юм.

Эрдэс баялгийн салбарын зовлон жаргалыг хамгийн сайн мэдэрдэг, Монголын урдаа барьдаг, эрдэмтэн судлаачид, бизнесийн салбарын төлөөлөгчид эндээ хуран цуглараад байгаа учраас үгээ өндөрлөе.

Хэлэлцүүлэг хурал үр ашигтай болж, түүнээс гаргасан санал зөвлөмж төрийн шийдвэрт тусч, амьдралд тууштай хэрэгжихийн ерөөл өргөе. Баярлалаа.

 

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 1 цаг 30 минутын өмнө
    “Европын Холбооны хар жагсаалт” гэж нэрлэгддэг мөнгө угаах, терроризмыг санхүүжүүлэхтэй тэмцэх стратегийн дутагдалтай, өндөр эрсдэлтэй гуравдагч улс орнуудын жагсаалтаас Монгол Улсыг хассан тогтоолыг Европын Холбооны “Official Journal of the European Union” сэтгүүлд (2021.01.18) нийтэлжээ.  Энэхүү тогтоол нь тус сэтгүүлд нийтлэгдсэнээс хойш 20 дахь хоногоос эхлэн хүчин төгөлдөр мөрдөгдөх аж.  Монгол Улсыг 2019 онд Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай улс орнуудын жагсаалт буюу саарал жагсаалтад орсонтой холбогдуулан (2020.10.01) Европын Холбооны өндөр эрсдэлтэй гуравдагч улс орнуудын жагсаалтад оруулсан юм.
  • 1 цаг 34 минутын өмнө
    Монгол Улсын Засгийн газрын гишүүн, Шадар сайд Я.Содбаатар Газрын тос боловсруулах үйлдвэрийг дэмжих тухай хуулийн төслийг (2021.01.20) УИХ-ын дарга Г.Занданшатарт өргөн мэдүүлэв. Газрын тос боловсруулах үйлдвэрийн бүтээн байгуулалтын ажилд тулгамдаж буй асуудлуудыг ҮАБЗ-ийн (2020.07.17) хуралдаанаар хэлэлцэж, газрын тос боловсруулах үйлдвэрийн бүтээн байгуулалтын ажлыг эрчимжүүлэх зорилгоор Газрын тос боловсруулах үйлдвэрийг дэмжих бие даасан хуулийн төслийг боловсруулж батлуулахыг Засгийн газарт даалгасан юм. Энэ дагуу 7 зүйл бүхий хуулийн төслийг боловсруулсан байна. Хуульд заасан харилцааг “Газрын тос боловсруулах үйлдвэрийг дэмжих, төрөөс үзүүлэх үйлчилгээг хялбаршуулах горим”-ын тухай журмаар нарийвчлан зохицуулахаар тусгажээ.
  • Өчигдөр 14 цаг 27 минутад
    Монгол Улсад газрын тосны салбар үүсч хөгжсөний 80 жил, газрын тосны инженер бэлтгэж эхэлсний 25 жилийн ой энэ жил тохиож байна. Уг ойг угтан  салбарын яам Ажлын хэсэг байгуулан ажиллаж эхлээд байгаа бөгөөд тодорхой ажлуудыг хийхээр төлөвлөжээ. Хэдхэн хоногийн өмнө   салбарын яамны зүгээс газрын тосны ашиглалт, олборлолт, экспортын үйл ажиллагаа эрхэлдэг шилдэг компаниудыг тодруулан өргөмжилсөн. Тэгвэл энэ сарын 21-нд ШУТИС-ийн Геологи, уул уурхайн сургуулиас “Газрын тос 2020” эрдэм шинжилгээ, онол практикийн XXVI хурлыг зохион байгуулахаар болжээ.
  • Уржигдар 11 цаг 38 минутад
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.
  • 2021-01-15 19:10
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.