Нүүрсний экспорт тэрбум долларт дөхөв

2017-01-19 15:48

Үндэсний статистикийн хорооноос 2016 оны тайланг гаргажээ. Уг тайлангаар Монгол улсын гадаад худалдаа 8 тэрбум 275 сая ам.доллар болж, өнгөрсөн онтой харьцуулахад 2.3 хувиар буурчээ. Экспорт 5.3 хувиар өсч, 4 тэрбум 917 сая доллар болсон ч импорт 11.6 хувиар буурч, 3 тэрбум 358 сая доллар болсон байна. Харин гадаад худалдааны тэнцэл 1 тэрбум 559 сая долларын ашигтай гарсан нь өнгөрсөн жилээс 1.8 дахин, 2014 оноос 3 дахин өссөн үзүүлэлт юм.

Монгол улсын экспортын 70 хувийг эрдэс бүтээгдэхүүн бүрдүүлж байгаа бөгөөд өнгөрсөн жил 79 орчим хувийг бүрдүүлж байв. Экспортын голлох бүтээгдэхүүнийг өнгөрсөн жилтэй харьцуулж үзвэл,


-Зэсийн баяжмалын экспортын биет хэмжээ 84 мянган тонноор нэмэгдэж, 1 сая 562 мянган тонн болжээ. Харин экспортын орлого 672.5 сая доллараар буюу бараг 30 орчим хувиар буурч, 1 тэрбум 562 сая доллар болжээ. Үнийн дүн огцом буурсан нь Оюутолгой ордын зэс, алтны агуулга буурсантай шууд холбоотой юм.

-Нүүрсний экспорт огцом нэмэгдэж, 25.8 сая тоннд хүрсэн нь өнгөрсөн жилтэй харьцуулахад 11 сая тонноор буюу 78 хувиар өссөн үзүүлэлт юм. Монгол улсын түүхэнд хамгийн их нүүрс экспортолсон жил болж байна. Экспортын орлого 75 хувиар өсч, 973 сая доллар болжээ. Энэ нь сүүлийн 3 жилийн хамгийн өндөр дүн болж байна. Нүүрсний экспорт нийт экспортын 20 хувийг бүрдүүлж байна. 2015 онд ердөө 12%-ийг бүрдүүлж байв.

-Алтны экспорт мөн л огцом нэмэгдэв. 19.2 тонн алт экспортолсон нь 70 хувиар буюу 7.9 тонноор өссөн дүн юм. Алтны экспортын хэмжээ 2008 оноос хойш хамгийн дээд түвшиндөө хүрээд байгаа нь энэ бөгөөд сүүлийн 5 жил дараалан өсч байна. Экспортын орлого 758.4 сая долларт хүрч, 337 сая доллар буюу 80 хувиар өсчээ. Нийт экспортын 15.4 хувийг алт бүрдүүлж байгаа бөгөөд 2015 онд дөнгөж 9 хувийг бүрдүүлж байсан юм.


Эх сурвалж: Үндэсний статистикийн хороо

-Төмрийн хүдрийн экспортын хэмжээ 1 сая тонноор нэмэгдэж 6 сая тонн болов. Экспортын орлого 22  сая доллараар нэмэгдэж, 249.9 сая доллар болжээ.

-Газрын тосны экспортын хэмжээ 100 мянган баррелиар буурч 8 сая баррель болжээ. Экспортын орлого ч 50 сая доллараар буурч 337.2 сая доллар болсон байна.



С.Болд-Эрдэнэ

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 19 цаг 10 минутад
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.   
  • Уржигдар 18 цаг 32 минутад
    Уул уурхайн ажилчдын ээлж солих зохион байгуулалттай арга хэмжээний хүрээнд ажилчдаас PCR шинжилгээ авах ажиллагааг Нийслэлийн эрүүл мэндийн газартай хамтран 01 дүгээр сарын 16-ны өдөр эхлүүлэх боллоо. Гамшгаас хамгаалах уул уурхай, хүнд үйлдвэрийн улсын албаны Шуурхай штабаас Нийслэлийн эрүүл мэндийн газрын шинжилгээ авах цэгүүдэд аж ахуйн нэгжүүдийг хуваарилж байна. Шинжилгээ өгөх хуваарийг Уул уурхай, хүнд үйлдвэрийн яамны вэб сайтын “Мэдээ мэдээлэл” цонхны “Шуурхай штаб мэдээлэл”  хэсэгт өнөөдөр, 01 дүгээр сарын 14-ний өдөр байршуулах тул аж ахуйн нэгжүүд орон нутгаас ирж шинжилгээнд хамрагдан ээлжинд гарах ажилчдаа Улаанбаатарт ирүүлэх талаар холбогдох арга хэмжээг авч ажиллана уу. Үүний тулд аймгуудын Онцгой комиссын цахим хаягаар тухайн орон нутгаас ирэх ажилчдынхаа мэдээлэл бүхий аж ахуйн нэгжийн албан хүсэлтийг хүргүүлж өөрийн ажилчныг тодорхойлж өгөх шаардлагатай байна.  
  • Уржигдар 18 цаг 17 минутад
    ОХУ-ын гадаад валютын нөөцийн бүтцэд анх удаа алтны хувь хэмжээ ам.долларыг давжээ. Тодруулбал, тус улсын Төв банкны тайлангаар, нийт нөөцийн 23%-ийг алт (128.5 тэрбум ам.доллартай тэнцэнэ) бүрдүүлж еврогийн дараа оржээ. Харин 124.6 тэрбум америк доллар нь нийт нөөцийн 22% болж буурсан байна. 2018 онд нийт нөөцийн 44%-ийг америк доллар бүрдүүлж байжээ. Энэхүү өөрчлөлт нь Оросын эдийн засгийг америк доллараас үл хамаарах, хоёр улсын харилцаа муудаж буй нөхцөлд АНУ-ын хориг арга хэмжээнд өртөмтгий байдлыг бууруулах гэсэн ОХУ-ын Ерөнхийлөгч В.В.Путины бодлогын нэг хэсэг хэмээн шинжээчид тайлбарлаж байгаа юм. 2020 оны арванхоёрдугаар 25-ны байдлаар, тус улсын гадаад валютын нийт нөөц 592.4 тэрбум ам.доллартай тэнцэж байв.   
  • Уржигдар 15 цаг 39 минутад
    Үнэт металын бүлэгт багтах родийн (Rh) ханш өссөөр байна. Өнгөрсөн арванхоёрдугаар сард, дэлхийн зах зээл дээр унц родий 16.9 мянган ам.доллар хүрч түүхэн дээд үзүүлэлтэд тооцогдсон юм. Тэгвэл 2021 он гарснаас хойш тухайн металын ханш 19%-иар өсчээ. Лхагва гаригийн (2021.01.13) байдлаар, унц родий 20.19 мянган ам.долларын үнэтэй худалдаалагдаж байна.  Ердөө 615 ам.долларын үнэтэй байсан родийн үнэ сүүлийн таван жилийн хугацаанд 3000% өсчээ. Энэхүү метал нь автомашины үйлдвэрлэлийн ойролцоогоор 85%-д хамаардаг гол түүхий эд юм. Улс орнууд агаарын бохирдлыг бууруулах хүчин чармайлтаас үүдэн аж үйлдвэрийн салбарт родийгийн хэрэгцээ нэмэгдсээр байна.
  • Уржигдар 13 цаг 37 минутад
    2021 онд Хятад улс нь зам тээврийн дэд бүтцэд 2.4 их наяд юанийн хөрөнгө оруулахаар төлөвлөөд байна. Энэ тухай тус улсын Зам, тээврийн сайд Ли Сяопин мэдэгджээ. Ингэхдээ 3700 км төмөр зам шинээр барьж байгуулах төсөөлөлтэй байна. Гэхдээ дэд зам тээврийн салбарын хөрөнгө оруулалтын талаарх тодорхой төлөвлөгөө, хөрөнгө оруулалтын хэмжээг албан ёсоор мэдээлээгүй байгаа юм. Өнгөрсөн оны хөрөнгө оруулалтын хэмжээтэй харьцуулахад 2021 онд мэдэгдэхүйц буурахаар байна. Тодруулбал, 2020 онд зам тээврийн дэд бүтцэд 3.42 их наяд юань (523.47 тэрбум ам.доллар) хөрөнгө оруулсан тухай Хятадын Үндэсний зам тээврийн хурлаар танилцуулжээ.