MICC Онцлох мэдээ: Эрдэнэс Тавантолгой

2018-05-07 15:02


Оршил


Төрийн өмчит компани болох Эрдэнэс-Тавантолгой ХК , (ЭТТ) нь Тавантолгой (ТТ)-н нүүрсний ордод ашиглалтын үйл ажиллагаа явуулдаг. Өмнөгөвь аймагт байрлах Тавантолгойн нүүрсний орд газар нь Хятад улсын хилээс 250 км-ийн зайд оршино. Тавантолгойн орд нь 7.4 тэрбум тонн коксжих болон эрчим хүчний нүүрсний нөөцтэй.
            
ЭТТ нь их хэмжээний чанартай коксжих нүүрсний нөөцөөрөө ойрын жилүүдэд зах зээлд байр сууриа бататгах төлөвтэй байна. Коксжих нүүрс нь төмөр болон гангийн үйлдвэрлэлд ашиглагддаг үнэ цэн  бүхий түүхий эд юм. Сүүлийн хэдэн саруудад нүүрсний эрэлт эрчимтэй нэмэгдсэн нь Хятад улс Хойд Солонгостой хийх худалдаанд хориг тогтоосон, түүнчлэн олон тооны дотоодын жижиг, дунд хэмжээний уурхайнуудын үйл ажиллагаа зогссонтой холбоотой. Мөн дэлхийн 2 дахь том нүүрс импортлогч Энэтхэг улсын нүүрсний эрэлт ирэх 10 жилийн дотор оргилдоо хүрэх төлөвтэй байна.
            
2009 онд Монгол улсын Засгийн газар байгалийн баялгийг иргэдэд хуваарилах зорилгоор Монгол улсын иргэн бүрт ЭТТ-ийн 1072 ширхэг хувьцааг эзэмшүүлэхээр зарласан. Засгийн газар хоёрдогч зах зээлийн арилжаа эхэлтэл энэхүү 1072 ширхэг хувьцааг худалдаалах, бэлэглэх, шилжүүлэхийг хоригложээ. Монголын Үнэт цаасны төвлөрсөн хадгаламжийн төвийн мэдээллээр, Монгол улсын иргэд энэхүү хувьцааг Хөрөнгийн биржид бүртгүүлэхэд нийт 15 тэрбум ширхэг хувьцааны ойролцоогоор 14.75%-ийн өмчлөх эрхийг баталгаажуулах боломжтой гэжээ.               

2009 оноос хойш Засгийн газар сонгуулийн үеэр нийтдээ 2 удаа иргэдэд 1072 ширхэг хувьцаагаа буцаан зарж, төлбөрөө эргүүлэн авах боломжийг олгосон. 2012 оны болон 2016 оны буцаан олголтод Засгийн газар 1072 ширхэг хувьцааг 1 сая төгрөг буюу (933 төгрөг/хувьцаа) гэж үнэлжээ. Гэвч энэхүү үнэлгээ нь ЭТТ-ийн үйлдвэрлэл ба хүчин чадал, Засгийн газрын бодлого, ханшийн хэлбэлзэл, мөн хувьцааны үнэлгээнд нөлөөлдөг бусад чухал хүчин зүйлсийг тусгаагүй үнэлгээ болно. 

Дэлгэрэнгүйг энд дарж сонирхоно уу.     


Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 16 цаг 32 минутын өмнө
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.
  • 2021-01-15 19:10
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.   
  • 2021-01-14 18:32
    Уул уурхайн ажилчдын ээлж солих зохион байгуулалттай арга хэмжээний хүрээнд ажилчдаас PCR шинжилгээ авах ажиллагааг Нийслэлийн эрүүл мэндийн газартай хамтран 01 дүгээр сарын 16-ны өдөр эхлүүлэх боллоо. Гамшгаас хамгаалах уул уурхай, хүнд үйлдвэрийн улсын албаны Шуурхай штабаас Нийслэлийн эрүүл мэндийн газрын шинжилгээ авах цэгүүдэд аж ахуйн нэгжүүдийг хуваарилж байна. Шинжилгээ өгөх хуваарийг Уул уурхай, хүнд үйлдвэрийн яамны вэб сайтын “Мэдээ мэдээлэл” цонхны “Шуурхай штаб мэдээлэл”  хэсэгт өнөөдөр, 01 дүгээр сарын 14-ний өдөр байршуулах тул аж ахуйн нэгжүүд орон нутгаас ирж шинжилгээнд хамрагдан ээлжинд гарах ажилчдаа Улаанбаатарт ирүүлэх талаар холбогдох арга хэмжээг авч ажиллана уу. Үүний тулд аймгуудын Онцгой комиссын цахим хаягаар тухайн орон нутгаас ирэх ажилчдынхаа мэдээлэл бүхий аж ахуйн нэгжийн албан хүсэлтийг хүргүүлж өөрийн ажилчныг тодорхойлж өгөх шаардлагатай байна.  
  • 2021-01-14 18:17
    ОХУ-ын гадаад валютын нөөцийн бүтцэд анх удаа алтны хувь хэмжээ ам.долларыг давжээ. Тодруулбал, тус улсын Төв банкны тайлангаар, нийт нөөцийн 23%-ийг алт (128.5 тэрбум ам.доллартай тэнцэнэ) бүрдүүлж еврогийн дараа оржээ. Харин 124.6 тэрбум америк доллар нь нийт нөөцийн 22% болж буурсан байна. 2018 онд нийт нөөцийн 44%-ийг америк доллар бүрдүүлж байжээ. Энэхүү өөрчлөлт нь Оросын эдийн засгийг америк доллараас үл хамаарах, хоёр улсын харилцаа муудаж буй нөхцөлд АНУ-ын хориг арга хэмжээнд өртөмтгий байдлыг бууруулах гэсэн ОХУ-ын Ерөнхийлөгч В.В.Путины бодлогын нэг хэсэг хэмээн шинжээчид тайлбарлаж байгаа юм. 2020 оны арванхоёрдугаар 25-ны байдлаар, тус улсын гадаад валютын нийт нөөц 592.4 тэрбум ам.доллартай тэнцэж байв.   
  • 2021-01-14 15:39
    Үнэт металын бүлэгт багтах родийн (Rh) ханш өссөөр байна. Өнгөрсөн арванхоёрдугаар сард, дэлхийн зах зээл дээр унц родий 16.9 мянган ам.доллар хүрч түүхэн дээд үзүүлэлтэд тооцогдсон юм. Тэгвэл 2021 он гарснаас хойш тухайн металын ханш 19%-иар өсчээ. Лхагва гаригийн (2021.01.13) байдлаар, унц родий 20.19 мянган ам.долларын үнэтэй худалдаалагдаж байна.  Ердөө 615 ам.долларын үнэтэй байсан родийн үнэ сүүлийн таван жилийн хугацаанд 3000% өсчээ. Энэхүү метал нь автомашины үйлдвэрлэлийн ойролцоогоор 85%-д хамаардаг гол түүхий эд юм. Улс орнууд агаарын бохирдлыг бууруулах хүчин чармайлтаас үүдэн аж үйлдвэрийн салбарт родийгийн хэрэгцээ нэмэгдсээр байна.