“Өрмийн ахмадууд, алдартнууд-2019” уулзалт боллоо

2019-01-30 16:18
Монголын Өрөмдлөгийн Холбооноос сар шинийн баярын өмнө уламжлал болгон зохион байгуулдаг “Өрмийн ахмадууд, алдартнууд” уулзалт нэгдүгээр сарын 29-нд “Эрдэнэ Дриллинг” компанийн байранд боллоо. Уулзалт, хүндэтгэлийн арга хэмжээнд Монгол Улсын Хөдөлмөрийн баатар, Геологи, уул уурхайн яамны сайд асан Ч.Хурц, Монгол Улсын Аж үйлдвэрийн гавъяат ажилтан Л.Лхагвасүрэн зэрэг ахмадууд болон дунд, залуу үеийн төлөөллүүд хүрэлцэн ирлээ. Монголын Өрөмдлөгийн Холбооны Гүйцэтгэх захирал, доктор, профессор, өрмийн зөвлөх инженер Ж.Цэвээнжав 2018 онд холбооны зүгээс хийж хэрэгжүүлсэн ажлуудаа уулзалтын үеэр танилцуулсан юм. 

“Түүхийн хуудас эргэсээр түрүүчийн уулзалтаас хойш нэг жил өндөрлөж, бид хоёр дахь мянганы арван есөн оныг угтаж байна. Нохой жилийг үдэж гахай жилтэй золгож байна. Улиран одсон 2018 онд манай өрмийнхний дотроос шинээр нэгэн Хөдөлмөрийн баатар төрж бидний магнайг тэнийлгэн баярлууллаа. Энэ бол “Эрдэнэт” УБҮ-ийн тэсэлгээний өрмийн мастер Б.Батбаяр” хэмээн  Гүйцэтгэх захирал Ж.Цэвээнжав уулзалтын эхэнд онцлов. 

Өрмийнхөн дотроос мөн гидрогеологич, “Ус Оюу” компанийн Ерөнхий захирал Ч. Ганболд Байгаль орчны гавъяат ажилтан болсон бол “Монзол” ХХК-ийн захирал Ч.Чинбат Хөдөлмөрийн гавъяаны улаан тугийн одон, техникийн ухааны доктор (Ph.D), профессор, өрмийн зөвлөх инженер Л.Төвхөө “Алтан гадас” одонгоор энгэрээ мялаасан гээд олон сайхан үйл явдал тохиожээ. ШУТИС-ийн ГУУС-ийн өрмийн инженерийн салбарын залуухан багш Б.Гантулга нь ОХУ-ын Уул уурхайн их сургуульд эрдмийн зэрэг хамгаалаад ирснийг  басхүү тодотгох  учиртай хэмээн өрмийн зөвлөх инженер Ж.Цэвээнжав ярилаа.  

Эдгээр баяртай үйл явдлаас гадна шинэ он гарснаас хойш өрмийн туршлагатай инженер Б.Эрдэнэчулуун, БХБ-ын сайд, УУХҮ-ийн сайд асан Ц.Дашдорж нарын гавъяатнууд тэнгэрт одож  нөхөж баршгүй гарз тохиосонд  ахмадууд эмгэнэл илэрхийлэн  хүндэтгэл үзүүлсэн юм. “Өрмийн ахмадууд, алдартнууд-2019” уулзалтыг анх 2011 онд анх  санаачилжээ. 2018 оны хувьд тус холбооны зүгээс 15 жилийн ойгоо тэмдэглэж, “Өрөмдлөг-2018” олон улсын эрдэм шинжилгээ, онол практикийн 20-р бага хурлаа зохион байгуулсан билээ. Энэ удаагийн уулзалтаар уламжлал ёсоор “Өрмийнхний хишиг”-ийг шагналыг  ахмадууддаа мөн олгосон юм. 

Г.Идэр
       





Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 1 цаг 38 минутын өмнө
    “Хөгжлийн төлөө сэтгүүл зүй“ ТББ,   “Оюутолгой” ХХК,  Канадын Бритиш Колумбын их сургуулийн сэтгүүл зүйн сургууль болон Global Reporting Centre, МУИС-ийн Сэтгүүл зүйн тэнхимийн дэмжлэгтэй   хамтран хэрэгжүүлж буй “ОРОН НУТГИЙН СЭТГҮҮЛЧДИЙН СҮЛЖЭЭ-2019” төслийн “Уул уурхайн салбарын эдийн засагт  үзүүлж буй нөлөөлөл” сэдэвт мэргэжлийн сэтгүүл зүйн сургалтад “Зам дагасан тарчлаан”  нэвтрүүлгээр  амжилттай оролцон ТУСГАЙ  БАЙР хүртэв.  
  • 20 цаг 37 минутын өмнө
    Монголбанкны Ерөнхийлөгчийг үүрэгт ажлаас нь чөлөөлөх асуудал дан ганц Монгол Улс “Саарал жагсаалтад” орсонтой холбоотой бус бөгөөд арилжааны банк татан буугдсан, банк, санхүүгийн салбарт сахилга бат алдагдсан, Төв банкны үйл ажиллагааны тайлан хангалттай үнэлэгдээгүй зэрэг олон шалтгаантай гэлээ. Монголбанкны ерөнхийлөгчийн мэдээлэл, саналыг ҮАБЗ-ийн хуралдаанаар хэлэлцсэн гээд, цаашид эдийн засагт донсолгоо үүсэхээс сэргийлэхийн тулд УИХ-ын удирдлага, холбогдох байнгын хороод анхаарч ажиллах ёстой гэдгийг ч тэмдэглэлээ.
  • 22 цаг 8 минутын өмнө
    УИХ-ын чуулганы нэгдсэн хуралдаанаар Оюутолгой төслийн хөрөнгө оруулалтын гэрээ болон бусад гэрээг Монгол улсын хууль тогтоомжид нийцүүлэн сайжруулах тухай тогтоолын төслийг хэлэлцэн баталлаа. УИХ-ын Ажлын хэсгийн боловсруулсан “Оюутолгойн ордын ашиглалтад Монгол Улсын эрх ашгийг хангуулах тухай” уг тогтоолын төсөл батлагдсанаар "Рио Тинто"-той ширээний ард сууж хэлэлцээр хийх ажилд томоохон алхам боллоо. Уг батлагдсан тогтоолд найман чиглэлийг тусгасан бөгөөд төсөл дэх Засгийн газрын эзэмшлийг нэмэлт роялти руу шилжүүлэх хувилбарыг судлах асуудал орсон нь анхаарал татаж байна. Учир нь Засгийн газар төсөл дэх 34%-ийн эзэмшлээ зээлийн хөрөнгөөр санхүүжүүлж буй. Уг зээл нь 6.5% дээр нэмэх нь LIBOR нөхцөлтэй буюу бараг 10%-ийн хүүтэй учир 2041 он хүртэл Монголын тал эзэмшлийн хувиасаа ямар ч ногдол ашиг хүртэхгүй гэсэн судалгааг УИХ-ын Ажлын хэсэг танилцуулаад байгаа юм.
  • Өчигдөр 10 цаг 49 минутад
    Ховд аймгийн www.khovdtimes.mn cайтын эрхлэгч Ж.САРУУЛ  “Хөгжлийн төлөө сэтгүүл зүй“ ТББ,   “Оюутолгой” ХХК,  Канадын Бритиш Колумбын их сургуулийн Сэтгүүл зүйн сургууль болон Global Reporting Centre, МУИС-ийн Сэтгүүл зүйн тэнхимийн дэмжлэгтэй   хамтран хэрэгжүүлж буй “ОРОН НУТГИЙН СЭТГҮҮЛЧДИЙН СҮЛЖЭЭ-2019” төслийн “Уул уурхайн салбарын эдийн засагт  үзүүлж буй нөлөөлөл” сэдэвт мэргэжлийн сэтгүүл зүйн сургалтад “ХӨШӨӨТИЙН УУРХАЙН ИЛ БА ДАЛД АСУУДЛЫГ ХӨНДӨХҮЙ” нийтлэлээр  амжилттай оролцон ГУРАВДУГААР  БАЙР хүртлээ.  
  • Уржигдар 10 цаг 43 минутад
    “Хөгжлийн төлөө сэтгүүл зүй“ ТББ,   “Оюутолгой” ХХК,  Канадын Бритиш Колумбын их сургуулийн Сэтгүүл зүйн сургууль болон Global Reporting Centre, МУИС-ийн Сэтгүүл зүйн тэнхимийн дэмжлэгтэй   хамтран хэрэгжүүлж буй “ОРОН НУТГИЙН СЭТГҮҮЛЧДИЙН СҮЛЖЭЭ-2019” төслийн  “Уул уурхайн салбарын эдийн засагт  үзүүлж буй нөлөөлөл” сэдэвт мэргэжлийн сэтгүүл зүйн сургалтад “БИЧИЛ УУРХАЙ БИДЭНД ХЭРЭГТЭЙ БАЙНА”  нэвтрүүлгээр  амжилттай оролцон ХОЁРДУГААР  БАЙР хүртлээ.