Канад улс Хятадын компаниудтай байгуулсан газрын ховор элементийн гэрээнд хориг тавив

Канад улс газрын ховор элементийг Vital Metals Ltd компаниас худалдаж авахаар тохиролцлоо. Ингэснээр тус компани бүтээгдэхүүнээ Хятадын компаниудад худалдахаа зогсоож байгаа юм.

Vital Metals Ltd нь Канадын баруун хойд хэсэгт ховор элементийг олборлодог Австралийн жижиг компани юм. Энэхүү компани нөөцөлсөн газрын ховор элементээ Саскачеваны судалгааны зөвлөл (Saskatchewan Research Council)-д 3 сая канад доллараар (2.2 сая ам. доллар) худалдах шийдвэр гаргажээ. Ингэснээр Vital Metals компани  газрын ховор элементээ Хятадын Shenghe Resources Holding Co.-д 2.4 сая канад доллараар (1.7 сая доллар) худалдахаа больж байгаа юм байна.

Канад улс газрын ховор элементийн ордыг "улс орны болон критикал минералсын салбарын хөгжилд үнэтэй хувь нэмэр оруулах стратегийн хөрөнгө" гэж үздэг гэж Vital Metals даваа гарагт мэдэгдэв.

Энэхүү арга хэмжээ нь Хятадын компаниудыг Канадын чухал ашигт малтмалын салбарт цаашид нэвтрэхийг зогсоох өргөн хүрээний бодлогын нэг хэсэг юм. Ерөнхий сайд Жастин Трюдогийн засгийн газар дотоодын уул уурхайн компаниуд болон Хятадын засгийн газартай холбоотой компаниудын хоорондын гүйлгээг сайтар хянана гэдгээ анхаарууллаа. 2022 онд Канадын засгийн газар Хятадын гурван хөрөнгө оруулагчийг Канадын лити үйлдвэрлэдэг гурвалсан компани дахь эзэмшдэг хувьцаагаа зарах шаардлага тавьжээ.

5-р сард Канадын зэс олборлогч Solaris Resources Inc. болон Хятадын компани хооронд байгуулсан санхүүжилтийн гэрээг Канадын засгийн газар үндэсний аюулгүй байдлын хүрээнд сайтар шалгаж эхэлсэний дараа тус компани гэрээгээ цуцалжээ.

Vital Metals-ын нөөцөлсөн материалыг Саскачеваны Судалгааны Зөвлөлийн барьж буй газрын ховор элемент боловсруулах байгууламж дээр боловсруулна. Канадын Засгийн газрын дэргэдэх тус Зөвлөл өмнө нь Вьетнамын уул уурхайн Hung Thinh группээс газрын ховор элементийн карбонат импортлох гэрээ байгуулсан аж.

Эх сурвалж: mining.com