PDAC 2025: Олон улсын ашигт малтмалын хайгуул, олборлолтын чуулга уулзалтад оролцох компани, байгууллагуудын бүртгэл эхэллээ

Торонто, Онтарио (2024 оны 12-р сарын 5) – Канадын хайгуулч, олборлогчдын холбоо (Prospectors and Developers Association of Canada -PDAC) 2025 оны 3-р сарын 2-5-нд Торонто хотын Метро Торонто Конвеншн Төвд PDAC 2025 чуулга уулзалтын бүртгэл явагдаж байгааг та бүхэнд мэдэгдэхэд таатай байна.

93 дахь удаагийн PDAC-2025 чуулга уулзалтыг шинэлэг, сонирхолтой хөтөлбөрийн дагуу зохион байгуулна. Тус чуулга уулзалтын хүрээнд олон улсын үзэсгэлэн худалдаа зохион байгуулагдаж, нийт 1100 гаруй компани, байгууллага оролцохоор төлөвлөгдөж байгаа.

2024 онд дэлхийн 138 орны 27 мянга  орчим хүн PDAC 2024 чуулга уулзалтад оролцсон билээ. Энэхүү амжилт дээр  тулгуурлан энэ удаагийн арга хэмжээнд уул уурхайн салбарт хамтран ажиллах, туршлага солилцох, инноваци нэвтрүүлэх боломжуудыг оролцогчдод санал болгож байна.

“PDAC 2025-ын хүрээнд 55,000 кв метр талбай бүхий үзэсгэлэн худалдаа, танилцах, мэргэжил бизнесийн холбоо тогтоох арга хэмжээ болон сонирхолтой бусад олон арга хэмжээ зохион байгуулагдаж, дэлхийн уул уурхайн салбарын нөлөө бүхий удирдагчид цугларна. Энэ жилийн чуулга уулзалт нь ашигт малтмалын хайгуул, олборлолтын дэвшилтэт техник технологи, уул уурхайн тогтвортой байдал, оюутнууд болон уугуул иргэдтэй хамтран ажиллахад гол анхаарлаа хандуулна" гэж PDAC-ийн ерөнхийлөгч Рэймонд Голди хэллээ.

PDAC 2025-ийн онцлох үйл явдлууд

• 1100 гаруй уул уурхайн тэргүүлэгч компани, байгууллагууд бүтээгдэхүүн, үйлчилгээ, орчин үеийн технологи, хөрөнгө оруулалтын боломжуудаа Үзэсгэлэн худалдаа, Хөрөнгө оруулагчдын бирж дээр танилцуулна.
• Оролцогчид ашигт малтмал, газарзүйн шинжлэх ухаан, санхүүгийн зах зээл, хайгуул, олборлолтын шинэ техник, технологи зэрэг сэдвээр семинар,  сургалтад хамрагдаж, илтгэл, хэлэлцүүлэгт оролцоно.
• Орон нутгаа хөгжүүлэхэд чиглэсэн хөтөлбөрүүдийг хэрэгжүүлэхэд уугуул иргэдийн дэмжлэг, хамтын ажиллагаа чухал үүрэгтэй гэдгийг PDAC-2025 чуулга уулзалтаар харуулна.
• Оюутнууд болон залуу мэргэжилтнүүдэд зориулж сургалт зохион байгуулж, мэргэжлийн болон бизнесийн холбоо тогтоох орчин бүрдүүлж, зөвлөн туслах үйлчилгээ үзүүлэх хөтөлбөрүүдийг хэрэгжүүлнэ.
• Чуулганы үеэр 2025 оны PDAC шагналын эздийг хүндэтгэх Award Gala & Nite Cap арга хэмжээ зохион байгуулагдана. Долоо хоногийн турш “Happy Hour” арга хэмжээ, кофены уулзалт, Canada Night Finale зэрэг олон төрлийн нийгмийн арга хэмжээнүүд болно.

Бүртгүүлэх: Олон улсын ашигт малтмалын хайгуул, олборлолтын чуулга уулзалтад оролцохын тулд та www.pdac.ca/convention линкээр орж бүртгүүлнэ үү

PDAC-ийн тухай

Канадын хайгуулч, олборлогчдын холбоо (PDAC) нь 2021 онд Канадын ДНБ-д 125 тэрбум долларын орлого оруулсан, 665,000 гаруй ажилтантай уул уурхайн салбарын дуу хоолой юм. 8,000 гаруй гишүүнтэй PDAC нь ашигт малтмалын салбарын өрсөлдөх чадварыг бэхжүүлэх, хариуцлага, тогтвортой байдлыг сайжруулахыг зорьдог.

Холбоо барих:

Скотт Барбер

Харилцаа холбоо хариуцсан ахлах менежер

Канадын хайгуулч, олборлогчдын холбоо

416.362.1969 Ext. 244

sbarber@pdac.ca