Оросын "Норникель" Хятадад хамтарсан компани байгуулах талаар ярилцаж байгаа

Ч. Сансар

Цэвэршүүлсэн никель, палладийн томоохон үйлдвэрлэгч Норникель компани Хятадад хамтарсан үйлдвэр байгуулах талаар идэвхтэй яриа хэлэлцээ хийж байгаа бөгөөд 2025-2026 онд хөрөнгө оруулалт хийх төлөвлөгөөтэй байгаа гэж мягмар гарагт мэдэгдэв. 2025-2026 онд хөрөнгө оруулалт хийхээр төлөвлөсөн гэжээ. Энэ тухай хоёр эх сурвалж 12-р сард Ройтерс агентлагт мэдээлсэн аж.

“Бид одоогоор Хятадын түншүүдтэйгээ хэлэлцээр хийж байна. Тиймээс бид нарийвчилсан мэдээлэл хараахан өгөх боломжгүй. Харин бид 2025-2026 оны санхүүгийн төлөвлөгөөндөө шаардлагатай хөрөнгө оруулалтыг тусгасан" гэж Норникелийн стратеги төлөвлөлт хариуцсан дэд ерөнхийлөгч Сергей Дубовицкий бага хурлын үеэр мэдэгдлээ. Тэрээр хэлэхдээ, 2025 онд 2.1 тэрбум долларын хөрөнгө оруулах төслүүдийн жагсаалтад Хятадын төслүүд ороогүй гэжээ.

Норникель нь Оросоос гадуур үйлдвэрүүдээ байгуулж, үйлдвэрлэлийн баазаа төрөлжүүлэхийг эрмэлзэж байгаа. Барууны орнуудын хориг арга хэмжээний улмаас Норникель бизнесийнхээ ихэнх хэсгийг Азийн зах зээл рүү шилжүүлсэн.

Норникель барууны хоригт ороогүй ч барууны зарим үйлдвэрлэгчид Оросоос металл худалдаж авахаас татгалзах болсон. Энэ нөхцөл байдал нь төлбөр тооцоог хийхэд хүндрэлтэй болгож, барууны тоног төхөөрөмж худалдан авах боломжийг хязгаарласан.

Барууны хориг арга хэмжээ болон дэлхийн металлын үнэ буурсантай холбоотой Норникелийн цэвэр ашиг энэ долоо хоногт 2024 оныхоос 37%-иар буурч, 1.8 тэрбум доллар болжээ.

Хөрөнгө оруулалтын төлөвлөгөө нь ТУЗ-ын дэмжлэгийг авсан эсэх талаар Дубовицкий тайлбарласангүй. Тус компани 2026-2027 онд хөрөнгө оруулалтаа нэмэгдүүлэхээр төлөвлөж байгаа ч 2.5-3.0 тэрбум ам.доллараас хэтрүүлэхгүй гэж мэдэгдсэн.

Норникель барууны хориг арга хэмжээний улмаас борлуулж чадахгүй байсан металлынхаа нөөцийг багасгахыг зорьж байна. Тус компани 2025 онд үйлдвэрлэсэн бүх бүтээгдэхүүнээ борлуулах төлөвлөгөөтэй гэж мягмар гарагт дахин мэдэгдэв.

2025 онд дэлхийн никелийн нийлүүлэлт нь эрэлтээс 150 мянган тонноор давна, мөн энэ онд дэлхийн палладийн зах зээл тэнцвэртэй байна гэсэн таамгийг Норникель дэвшүүлсэн билээ. Тус компани энэ жил 204,000-211,000 тонн никель үйлдвэрлэхээр зорьж байна. 

Эх сурвалж: reuters.com