БНХАУ АНУ-ыг Дэлхийн худалдааны байгууллагын шүүхэд өгнө

П.Жаргалсүрэн

2000 оноос хойш Хятадын экспорт огцом өсөж, дэлхийн худалдааны хүчирхэг улс болон хувирсан.

Олон жилийн турш АНУ нь Хятадын хамгийн том экспортын зах зээл байсан бөгөөд бусад улсаас илүү их хэмжээний бараа бүтээгдэхүүн импортолж ирсэн. Гэсэн хэдий ч Хятад "Нэг бүс, нэг зам" санаачилгын хүрээнд Өмнөд Ази, Ойрхи Дорнод, Африк руу хийх экспортоо стратегийн хувьд нэмэгдүүлсэн.

Түүнчлэн Латин Америк болон Карибын тэнгисийн орнуудтай хийх худалдаагаа хоёр дахин нэмэгдүүлсэн байна.

Үүний зэрэгцээ, 2000 онд Хятадын нийт экспортын 21%-ийг эзэлж байсан АНУ-ын эзлэх хувь 2022 онд 16% болж буурсан. 2023 он гэхэд энэ хувь 14.8% болж буурсан байна. Хятад улсын  дэлхийн хэмжээнд хийсэн экспорт 3.4 их наяд ам.долларт хүрсэн бол АНУ руу хийсэн экспорт 502 тэрбум ам.доллар болсон.

2025 оны 2-р сарын 1-нд Ерөнхийлөгч Трамп АНУ-д импортлох Хятад бараанд 10%-ийн тарифтай болох тухай зарлаж, уг татвар 2-р сарын 4-нөөс хэрэгжиж эхэлсэн.

Үүний хариуд Хятад улс АНУ-ын бараанд тодорхой тарифаар хариу арга хэмжээ авах, стратегийн чухал ашигт малтмалын экспортод хяналт тавих, АНУ-ын эсрэг Дэлхийн худалдааны байгууллагын шүүхэд нэхэмжлэл гаргах, Google компанид шалгалт явуулах зэрэг хариу арга хэмжээ авснаа зарласан.

Эх сурвалж: www.visualcapitalist.com